వికీపీడియా:రచ్చబండ (పాలసీలు)
| రచ్చబండ | వార్తలు | పాలసీలు | సాంకేతికము | ప్రతిపాదనలు | ఆలోచనలు | పత్రికా సంబంధాలు | ఇతరత్రా.. |
 రూపకల్పనలో ఉన్న విధానాల స్థితి () |
| పాత చర్చలు |
| 1, 2, 3 |
కొత్త విధానం/మార్గదర్శకత్వం కోసం గానీ, పాత విధానం/మార్గదర్శకత్వంలో మార్పుచేర్పుల కోసం గానీ చర్చ కోసం ప్రతిపాదనను ప్రవేశపెట్టేందుకు ఈ పేజీ ఒక ద్వారం లాంటిది. అయితే ప్రతిపాదనను నేరుగా ఈ పేజీలో రాయకూడదు. విధానాన్ని ప్రతిపాదించేందుకు, ఈ పేజీకి ఒక ఉపపేజీని సృష్టించి అక్కడ ప్రతిపాదించాలి. చర్చ జరిగిన తరువాత నిర్ణయం వెలువడ్డాక, ఆ నిర్ణయాన్ననుసరించి విధానం పేజీని తయారుచేసుకోవచ్చు, లేదా ఉన్న విధానాన్ని సవరించుకోవచ్చు. విధానాలు మార్గదర్శకాల కోసమే కాక, తెవికీలో పద్ధతులు, అంశాలు, విశేషాలలో మార్పుచేర్పుల కోసం కూడా ఈ ప్రతిపాదల పేజీని సృష్టించవచ్చు.
- కొత్త విధాన ప్రతిపాదనను/పాత విధానంలో మార్పు ప్రతిపాదనను నేరుగా ఈ పేజీలో రాయకూడదు. ఇక్కడ నేరుగా రాసే ప్రతిపాదనలను వికీపీడియా:రచ్చబండ (ప్రతిపాదనలు) పేజీ లోకి తరలిస్తారు.
- కొత్త విధానాన్ని/మార్గదర్శకాన్ని "వికీపీడియా:రచ్చబండ (పాలసీలు)/కొత్త విధానం" అనే పద్ధతిలో కొత్త పేజీని సృష్టించి ప్రతిపాదించాలి.
- నేరుగా కొత్త విధానాన్ని ప్రతిపాదించకుండా దాని గురించి ముందు వికీపీడియా:రచ్చబండ (ప్రతిపాదనలు) పేజీలో చర్చకు పెట్టి, వాడుకరుల నాడిని గ్రహించాక, ఇక్కడ ప్రతిపాదించవచ్చు. దీనివలన విధానాన్ని మరింత మెరుగైన రీతిలో ప్రతిపాదించే అవకాశం ఉంటుంది. ఈ రెండు పద్ధతుల్లో దేనినైనా అనుసరించవచ్చు.
- కొత్త ప్రతిపాదన పేజీని వికీపీడియా విధానాలు, మార్గదర్శకాలు - చర్చలో ఉన్న ప్రతిపాదనలు అనే వర్గంలో చేర్చాలి.
- ఆ పేజీ లింకును ఇక్కడ, "ప్రస్తుతం చర్చలో ఉన్న ప్రతిపాదనలు" అనే విభాగంలో చేర్చాలి.
- ప్రధాన రచ్చబండలో కూడా ఆ కొత్త పేజీ లింకును ఇవ్వవచ్చు
కొత్త విధానాన్ని ప్రతిపాదించే ముందు
[మార్చు]- విధానం పట్ల మీ ఆలోచనపై స్పష్టత తెచ్చుకోండి. అది అవసరమేనని, దానికి ప్రత్యామ్నాయాలేమీ లేవనీ తోస్తే ముందుకు నడవండి
- ఈపాటికే దానికి సంబంధించిన ఇతర విధానాలు ఏమైనా ఉన్నాయేమో పరిశీలించండి. వాటిని అధ్యయనం చెయ్యండి.
- అవసరమని భావిస్తే మీ విధాన ప్రతిపాదనను వికీపీడియా:రచ్చబండ (ప్రతిపాదనలు) పేజీలో రాసి వాడుకరుల అభిప్రాయాలను పరిశీలించండి. అయితే, ఇది ఆవశ్యకమేమీ కాదు. అక్కడ వాడుకరుల అభిప్రాయాలు ఎలా ఉన్నప్పటికీ మీరు విధానాన్ని ప్రతిపాదించవచ్చు.
విధాన ప్రతిపాదన పేజీ మార్గదర్శకాలు
[మార్చు]- పేజీలో పైన {{Proposal}} అనే మూసను ఉంచండి.
- ప్రవేశిక: ఇందులో ప్రతిపాదిస్తున్న విధానాన్ని సూటిగా క్లుప్తంగా వివరించండి
- నేపథ్యం (విభాగం): విధానం ఎందుకు అవసరమైంది? అది ఉంటే ఎటువంటి మెరుగుదల వస్తుంది? అనేది వివరించాలి.
- ప్రతిపాదన వివరాలు (విభాగం): సంపూర్ణంగా, అవసరమైన చోట్ల ఒక్కో పాయింటు రూపంలో వీలైనంత వివరంగా సందిగ్ధత లేకుండా రాయాలి. ఒకవేళ ప్రతిపాదనలో ఎంచుకోవాల్సిన వికల్పాలుంటే ఆ వికల్పాలకు 1,2,3 అనో క,గ,చ అనో పేర్లు ఇవ్వండి. తద్వారా చర్చలో వాటిని ఉదహరించడం వీలుగా ఉంటుంది. బులెట్ లిస్టుగానో, నంబర్ల లిస్టుగానీ ఇవ్వరాదు.
ప్రస్తుతం చర్చలో ఉన్న ప్రతిపాదనలు
[మార్చు]ఫలవంతమైన ప్రతిపాదనలు
[మార్చు]- /తేదీ ఆకృతి ఎలా ఉండాలి
- /కి.మీ -కిమీ
- /నెలల పేర్లు
- /అతడు-అతను
- నిరోధ నిర్ణయాల సమీక్షా విధానం
- వికీపీడియా:రచ్చబండ (పాలసీలు)/ఘఢ్ , ఘడ్, గఢ్, గడ్ , గర్, వాడుక ఎలా ఉండాలి
- తెవికీలో అంబేద్కర్ , అంబేడ్కర్ నామవాచకం వాడుక విషయం
- నిర్వాహకత్వ హక్కులు పొందటానికి మార్గదర్శకాలు
ఫలించని లేక విరమించిన ప్రతిపాదనలు
[మార్చు]చర్చ జరగని ప్రతిపాదనలు
[మార్చు]సముదాయంలో కొద్దిమంది మైనారిటీ తప్పించి ఇతరులు చర్చించనందునో, ఆమోదం కాని విఫలం కానీ చేయడానికి తగినంత స్పందనలు లభించనందునో నిర్ణయించడానికి వీలులేక పక్కనపెట్టిన ప్రతిపాదనలు:
- తెలుగేతర పేర్లను రాయడం ఎలా?
- జిల్లా, నగర వ్యాసాలకు ప్రామాణిక సమాచారపెట్టెలు
- మాండలికాలు - ప్రామాణికత
- కులాలకు సంబంధించిన అంశాలలో ప్రత్యేక జాగ్రత్త
- ఎర్రలింకుల నిర్వహణ
- అనువాద మార్గదర్శకాలు
వ్యాసం పేరు మారుతుంది. విలీనం లేదా ప్రత్యేక వ్యాసం.
[మార్చు]గమనిక: తెలుగు వికీ నియమాలు నాకు పూర్తిగా తెలియవు. నేను రచ్చబండ (పాలసీలు) అన్నింటిని తనిఖీ చేశాను.
- ఎందుకు: ఒకే రాజకీయ పార్టీ గురించి 2 వేర్వేరు వ్యాసాలు ఉన్నాయి. తెలంగాణ రాష్ట్ర సమితి, భారత రాష్ట్ర సమితి. పాఠకులకు గందరగోళం సృష్టించవచ్చు. సమాచారం ఒకే చోట ఉండదు.
- ఎవరు: ఈ పాలసీ వ్యక్తులు, కంపెనీలు, సాఫ్ట్వేర్ లేదా పేరు మార్చే దేనికైనా వర్తించాలి.