ఇంగువ

? ఇంగువ
ఇంగువ చెట్టు
శాస్త్రీయ వర్గీకరణ
సామ్రాజ్యము: ప్లాంటే విభాగము: మాగ్నోలియోఫైటా తరగతి: Magnoliopsida వర్గము: Apiales కుటుంబము: అంబెల్లిఫెరె ప్రజాతి: ఫెరులా జాతి: ఫె. అసఫొటిడా
ద్వినామము
ఫెరులా అసఫొటిడా లిన్నేయస్

ఇంగువ (Asafoetida) వంటలలో వాడే మంచి సుగంధ ద్రవ్యం మరియు చాలా ఔషధ గుణాలున్న మొక్క. 'అస' అంటే పర్షియన్ లో జిగురు. 'ఫాటిడా' అంటే లాటిన్ లో ఘాటైన గంధక వాసన అని అర్ధం. దీనిని ఇండో-ఆర్యన్ భాషల్లో హింగ్, హీంగ్ అని పిలుస్తారు. పర్షియాకు స్థానికమైన ఇంగువ పచ్చిగా ఉన్నప్పుడు ఘాటైన గంధకపు వాసన కలిగి ఉంటుంది. వంటలలో వేసి ఉడికినప్పుడు ఒక విధమైన మసాలాదినుసుల వాసననిస్తుంది.

ఇంగువ మొక్క

ఇంగువ మొక్క శాస్త్రీయ నామం 'ఫెరులా అసఫోటిడా'. ఇది ఇరాన్, ఆఫ్గనిస్థాన్ దేశాలలో విరివిగా పెరుగుతుంది. ప్రస్తుతం భారతదేశంలో పంజాబ్, కాష్మీర్ రాష్ట్రాలలో వీటిని పెంచుతున్నారు.

• ఇంగువ మొక్కలు గుబురుగా పొదలాగా ఉంటాయి. వీని కాండం సన్నగా బోలుగా ఉంటుంది.
• ఇంగువ మొక్క కాండం లేదా వేరు నుండి తయారవుతుంది. ఇది జిగురులాగా ఉండే ద్రవం. ఒక మూడునెలలో తయారైన ద్రవం రాయిలాగా తయరవుతుంది.

ఉపయోగాలు

ఔషధ గుణాలు

• ఇతర సంప్రదాయ వైద్యాలకన్నా యునానీ వైద్యం ఇంగువకి అధిక ప్రాధాన్యాన్ని ఇస్తుంది.
• మనం తిన్న ఆహారాన్ని జీర్ణం చేసుకోవడానికి ఇంగువ బాగా పనిచేస్తుంది. అందుకే భారతీయ వంటలలో ఇంగువ పోపు తప్పనిసరి అని భావిస్తారు.
• ఇంగువకి రోగనిరోధకశక్తి ఎక్కువ. గర్భనిరోధకం గా ఇది వాడుక లో ఉండేది. రుతుసమస్యల్ని తగ్గిస్తుంది. ఇందువల్లనే బాలింతలకు ఇచ్చే ఆహారం లో ఇంగువ ముఖ్యమైన పదార్ధం .
• జామ చెట్టు బాగా కాయలు కాయటానికి ఇంగువ పొడుము చేసి పాదు లో వేస్తారు

మూలాలు

• ఈనాడు ఆదివారం వ్యాసం 'గుబాళించే జిగురు' ఆధారంగా.

వెలుపలి లింకులు

ఇంగువ గురించి
విక్షనరీ, స్వేచ్చా నిఘంటువులో వెదకండి.