హంఫ్రీ డేవీ
 హెన్రీ హోవార్డ్ గీసిన చిత్రం, 1803 |
|
| జననం | డిసెంబరు 17 1778 Penzance, Cornwall, గ్రేట్ బ్రిటన్ |
|---|---|
| మరణం | 1829 (వయసు 50) జెనీవా, స్విట్జర్లాండ్ |
| జాతీయత | బ్రిటిష్ |
| రంగము | రసాయన శాస్త్రం |
| ప్రాముఖ్యత | విద్యుద్విశ్లేషణ, సోడియం, పొటాషియం, కాల్షియం, మెగ్నీషియం, బేరియం, బోరాన్, డేవీ దీపం |
సర్ హంఫ్రీ డేవీ (జ: 17 డిసెంబర్, 1778 - మ: 29 మే, 1829) బ్రిటన్ కు చెందిన ప్రసిద్ధ రసాయన శాస్త్రవేత్త మరియు నూతన ఆవిష్కర్త. ఆయన ప్రధాన ఆవిష్కరణలు: క్షార మరియు క్షార మృత్తిక లోహాలు మరియు క్లోరిన్ మరియు అయోడిన్. ఇతడు డేవీ దీపం ను కనుగొని గనులలో విషవాయువులను గుర్తించి కార్మికులు సురక్షితంగా పనిచేసుకొనే వీలు కల్పించాడు. విద్యుద్విశ్లేషణ తో బ్యాటరీ విద్యుత్ ని ఉపయోగించి సాధారణ పదార్ధాలను విడగొట్టి కొత్త మూలకాలు తయారుచేయడంలో డేవీ మొదటివాడు.
భాస్వరం, మరియు సోడియం మూలకాలను 1807 వసంవత్సరంలో కనుగొన్నాడు. 1808 లో బేరియం మరియు కాల్షియం మూలకాల్ని కనుగొన్నాడు. మెగ్నీషియం మరియు స్ట్రోనియం మూలకాలని మొట్టమొదటి సారిగా వేరు చేసింది కూడా ఆయనే. [1]
డేవీ ఇంగ్లండు కు చెందిన కార్న్వాల్ అనే కౌంటీ లో జన్మించాడు. ఒక మందులమ్మే ఆయన, ఒక వైద్యుడి దగ్గర అప్రెంటీస్ గా పని చేస్తూ రసాయన శాస్త్రం పై మక్కువ పెంచుకున్నాడు. 1799 లో బ్రిస్టన్ లోని న్యూమాటిక్ ఇన్స్టిట్యూట్ లో సహాయకుడుగా పని చేస్తూనే నైట్రస్ ఆక్సైడ్ యొక్క లక్షణాలను గురించి కొన్ని ముఖ్యమైన విషయాలు కనుగొన్నాడు. దీంతో ఆయన్ను 23 సంవత్సరాల వయసులోనే గ్రేట్ బ్రిటన్ లోని రాయల్ ఇన్స్టిట్యూషన్ వారు రసాయన శాస్త్ర ఆచార్యులుగా నియమించుకున్నారు.
డేవీ కున్న అధ్బుతమైన బోధనా నైపుణ్యం, శాస్త్ర పరిశోధనలో ఆయనకున్న ట్రాక్ రికార్డులు వెరసి ఆయన్ను తన సమకాలికుల్లో అగ్రస్థానాన్ని కట్టబెట్టాయి. ఆ రోజుల్లో బ్రిటన్, ఫ్రాన్స్ దేశాలు రెండూ శత్రువులైనప్పటికీ 1808 లో ఫ్రెంచి ఇన్స్టిట్యూట్ వారి ఆయనకు నెపోలియన్ ప్రైజును బహూకరించారు. 1812 లో బ్రిటిష్ ప్రభుత్వం ఆయన్ను సర్ బిరుదుతో సత్కరించింది. 1818 లో ఇంకా ఉన్నతమైన బారోనెట్ తో సత్కరించింది. 1820 లో ఆయన రాయల్ సొసైటీకి అధ్యక్షుడయ్యాడు.
మూలాలు [మార్చు]
- ↑ Sir Humphry Davy." 01 July 2009. HowStuffWorks.com. <http://science.howstuffworks.com/sir-humphry-davy-info.htm> 01 April 2010.
బయటి లింకులు [మార్చు]
- The Collected Works of Humphry Davy
- Obituary (1830)
- Dictionary of National Biography (1888)
- Humphry Davy, Poet and Philosopher by Thomas Edward Thorpe, New York: Macmillan, 1896
- Young Humphry Davy: The Making of an Experimental Chemist by June Z. Fullmer, Philadelphia: American Philosophical Society, 2000
- BBC - Napoleon's medal 'cast into sea'
