మొదటి పేజీ

• వికీపీడియాలో మీ ఊరు ఉందా?
• తెలుగులో వ్రాయడమెలానో తెలుసుకోండి.
• వికీని త్వరగా అర్థం చేసుకునేందుకు 5 నిమిషాల్లో వికీ పేజీని చూడండి.
• ఇంకా లోతుగా వెళ్లేముందు వికీపీడియా యొక్క ఐదు మూలస్తంభాల గురించి చదవండి.
• వికీపీడియా గురించి తెలుసుకునేందుకు తరచు అడిగే ప్రశ్నలు చూడండి.
• సహాయము లేదా శైలి మాన్యువల్ చూడండి.
• ప్రయోగశాలలో ప్రయోగాలు చెయ్యండి.
• వికీపీడియాకు సంబంధించిన సందేహాలుంటే సహాయ కేంద్రంలో అడగండి. మిగిలిన ప్రశ్నలకు రచ్చబండ చూడండి.
• చేయవలసిన పనుల గురించి సముదాయ పందిరిలో చూడండి.
• వికీపీడియాలో జరుగుతూ ఉన్న మార్పుచేర్పులను చూడాలంటే ఇటీవలి మార్పులు చూడండి.

బోనాలు మహాకాళిని పూజించే హిందువుల పండుగ. ఈ పండుగ ప్రధానంగా హైదరాబాదు, సికింద్రాబాదు మరియు తెలంగాణ, రాయలసీమలోని కొన్ని ప్రాంతాలలో జరుపుకోబడుతుంది. సాధారణంగా జూలై లేక ఆగస్టులో వచ్చు ఆషాఢ మాసంలో ఈ పండుగ జరుపుకుంటారు. పండుగ మొదటి మరియు చివరి రోజులలో ఎల్లమ్మ దేవికి ప్రత్యేక పూజలు చేస్తారు. భోజనం అని అర్థం కలిగిన బోనం దేవికి సమర్పించే నైవేద్యం. మహిళలు వండిన అన్నంతో పాటు పాలు, బెల్లం, కొన్నిసార్లు ఉల్లిపాయలతో కూడిన బోనాన్ని మట్టి లేక రాగి కుండలలో తమ తల పై పెట్టుకుని, డప్పుగాళ్ళు, ఆటగాళ్ళు తోడ్కొని రాగా దేవి గుడికి వెళ్తారు. మహిళలు తీసుకెళ్ళే ఈ బోనాల కుండలను చిన్న వేప రెమ్మలతో, పసుపు, కుంకుమ లేక కడి (తెల్ల ముగ్గు)తో అలంకరించి, దానిపై ఒక దీపం ఉంచడం కద్దు. మైసమ్మ, పోచమ్మ, ఎల్లమ్మ, పెద్దమ్మ, డొక్కాలమ్మ, అంకాలమ్మ, పోలేరమ్మ, మారెమ్మ మున్నగు పేర్లు కల ఈ దేవి గుళ్ళను దేదీప్యమానంగా అలంకరిస్తారు. ఆషాఢ మాసంలో దేవి తన పుట్టింటికి వెళుతుందని నమ్మకం; అందుకే భక్తులు ఈ పండుగ సమయంలో దేవిని దర్శించుకుని తమ స్వంత కూతురు తమ ఇంటికి వచ్చిన భావనతో, భక్తి శ్రద్ధలతోనేగాక, ప్రేమానురాగాలతో బోనాలను ఆహార నైవేద్యంగా సమర్పిస్తారు.

బోనాలను మోసుకెళ్తున్న మహిళలను దేవీ అమ్మవారు ఆవహిస్తారని విశ్వాసము; మహంకాళి అంశ రౌద్రాన్ని ప్రతిబింబిస్తుంది కావున ఆమెను శాంతపరచడానికై ఈ మహిళలు ఆలయమును సమీపించు సమయములో వారి పాదాలపై మిగిలిన భక్తులు నీళ్ళు కుమ్మరిస్తారు. తమ భక్తికి చిహ్నంగా ప్రతి భక్తబృందమూ ఒక తొట్టెలను (కాగితమూ, కర్రలతో కూర్చబడిన చిన్న రంగుల పరికరము) సమర్పించడం ఆచారంగా ఉంది. అమ్మవారి సోదరుడైన పోతురాజును ప్రతిబింబించే ఒక మనిషి చేత పండుగ సమూహాన్ని నడిపించడం ఇంకొక ఆనవాయితీ. అతను భక్త సమూహము ముందు ఫలహారం బండి వద్ద నర్తిస్తాడు. అతను పుజాకార్యక్రమాల ఆరంభకుడిగా, భక్త సమూహానికి రక్షకుడిగా భావించబడాతాడు. కొరడాతో బాదుకొంటూ, వేపాకులను నడుముకు చుట్టుకుని, అమ్మవారి పూనకములో ఉన్న భక్తురాండ్రను ఆలయములోని అమ్మవారి సమక్షానికి తీసుకెళతాడు. ఇంకా....పూర్తివ్యాసం: పాతవి

వికీపీడియా లోని కొత్త వ్యాసాలనుండి

• ... ప్రాచీన భారతీయ రాజు పురుషోత్తముడు ప్రపంచ విజేతయైన అలెగ్జాండర్ నే మెప్పించాడనీ! (అలెగ్జాండర్ వ్యాసం(కుడివైపున బొమ్మ చూపబడినది))
• ... విజయవాడ పట్టణములో గల ఇంద్రకీలాద్రి పర్వతముపై అర్జునుడు తపస్సు చేసి పాశుపతాస్త్రాన్ని సంపాదించాడనీ! (ఇంద్రకీలాద్రి పర్వతం వ్యాసం)
• ... అటకామా ఎడారి ప్రాంతంలో వర్షపాతం దాదాపు శూన్యమనీ! (అటకామా ఎడారి వ్యాసం)
• ... చీమలు కందిరీగల నుంచి పుట్టుకొచ్చాయనీ! (చీమ వ్యాసం)
• ... సబితా ఇంద్రారెడ్డి భారతదేశంలోనే హోంశాఖా మంత్రియైన తొలి మహిళ అనీ! (సబితా ఇంద్రారెడ్డి వ్యాసం)

నవంబర్ 10

• అటవీ అమరవీరుల సంస్మరణ దినం
• 1483: క్రైస్తవ మత సంస్కరణోద్యమ నిర్మాత, బైబిల్ గ్రంధాన్ని తొలిసారిగా ప్రజాభాషలోనికి అనువదించిన వేదాంతి ఆచార్య మార్టిన్ లూథర్ జన్మించాడు
• 1798: ఛార్లెస్ ఫిలిప్ బ్రౌన్ కలకత్తాలో జన్మించాడు.
• 1979: ప్రముఖ స్వాతంత్ర్య సమర యోధుడు, విశాఖ ఉక్కు ఉద్యమ నేత, తెన్నేటి విశ్వనాధం మరణించాడు.