ఆర్.సి.యం. రాజు

వికీపీడియా నుండి
Jump to navigation Jump to search
ఆర్.సి.యం. రాజు
RCM Raju.png
జననంఫిబ్రవరి 29, 1972
వనపర్తి, వనపర్తి జిల్లా,తెలంగాణ
నివాస ప్రాంతంహైదరాబాద్, తెలంగాణ
ప్రసిద్ధిరంగస్థల నటులు, దర్శకులు, డబ్బింగ్ కళాకారులు
తండ్రిఆర్. సుబ్బరాజు (రిటైర్డ్ ఎస్సై)
తల్లిజయమ్మ

ఆర్.సి.యం. రాజు (ఆర్. చంద్రమోహన్ రాజు) ప్రముఖ రంగస్థల నటులు, డబ్బింగ్ కళాకారులు.

జననం[మార్చు]

1972,ఫిబ్రవరి 29న ఆర్. సుబ్బరాజు (రిటైర్డ్ ఎస్సై), జయమ్మ దంపతులకు వనపర్తి జిల్లా, వనపర్తి లో జన్మించారు.

నంది అవార్డు అందుకుంటున్న ఆర్.సి.యం. రాజు
అవార్డు అందుకుంటున్న ఆర్.సి.యం. రాజు
అవార్డు అందుకుంటున్న ఆర్.సి.యం. రాజు

విద్యాభ్యాసం - గురువులు[మార్చు]

ఆర్.సి.యం. రాజు డిగ్రీ వరకు వనసర్తిలో చదివారు. అనంతరం హైదరాబాద్ కి వచ్చి ఉస్మానియా విశ్వవిద్యాలయం లోని రంగస్థల కళలశాఖలో పి.జి. డిప్లొమా... తెలుగు విశ్వవిద్యాలయం లోని రంగస్థల కళలశాఖలో మరియు మిమిక్రీలో పి.జి. డిప్లొమా చేశారు.

కళారంగంలో ఆర్.సి.యం. రాజుకు తొలి గురువు వనసర్తికి చెందిన జి. పుల్లయ్య. అనంతరం డా. ప్రదీప్ కుమార్, డా. ప్రసాద్, వినోద్ బాల, తల్లావజ్ఝుల సుందరం, మల్లాది గోపాలకృష్ణ వంటి నాకరంగ ప్రముఖుల దగ్గర శిక్షణ పొందారు. డా. నేరెళ్ళ వేణుమాధవ్ దగ్గర మిమిక్రీలో మెళకువలు నేర్చుకున్నారు.

వివాహం - పిల్లలు[మార్చు]

ఆర్.సి.యం. రాజు కు ఉమారాణితో వివాహం జరిగింది. వీరికి ఒక కుమారుడు (తనీష్), ఒక కుమార్తె (శ్రీ తనీష). వీరుకూడా డబ్బింగ్ లు చెబుతున్నారు.

రంగస్థల ప్రస్థానం[మార్చు]

స్కూల్ వయసులోనే సినీనటులను అనుకరించేవారు. ఆర్.సి.యం. రాజు గురువు జి. పుల్లయ్య, రాజులోని కళాకారుణ్ణి ప్రోత్సహించాడు. వనపర్తిలో 10వ తరగతి చదువుతున్న సమయంలో మణిపురిలోని ఇంఫాల్ లో జరిగిన ఎన్.సి.సి. క్యాంప్ లో దుర్యోధన ఏకపాత్రాభినయాన్ని అభినయించి, ప్రథమ బహుమతి అందుకున్నారు.

1997లో బెంగళూరులో జరిగిన యూత్ ఫెస్టివల్ లో ప్రదర్శించిన సారీ గాంధి నాటికకు దర్శకత్వం వహించి, ఉత్తమ దర్శకుడి అవార్డు పొందారు. 1998లో కేరళలోని కొట్టాయంలో జరిగిన యూత్ ఫెస్టివల్ లో ఆర్.సి.యం. రాజు దర్శకత్వంలో ప్రదర్శించబడిన కాలుష్యభూతం నాటిక జాతీయస్థాయిలో ఐదవ స్థానాన్ని దక్కించుకుంది.

డబ్బింగ్ కళాకారుడిగా[మార్చు]

టి.వి. సీరియల్స్[మార్చు]

1999లో ఋతురాగాలు సీరియల్ తో డబ్బింగ్ కళాకారుడిగా జీవితాన్ని ప్రారంభించి, దాదాపు 200 సీరియల్స్ లో 10000 పైగా ఎపిసోడ్స్ కి డబ్బింగ్ చెప్పారు.

సినిమాలు[మార్చు]

ఆటోడ్రైవర్ సినిమాతో డబ్బింగ్ కళాకారుడిగా సినిమారంగంలోకి ప్రవేశించి, దాదాపుగా 800 సినిమాల్లో హీరోలు, విలన్లకు డబ్బింగ్ చెప్పారు.

అవార్డులు[మార్చు]

నంది అవార్డులు[మార్చు]

సీరియల్స్[మార్చు]

  1. మొదటి టి.వి. నంది అవార్డు - (2008) పురాణగాధలు (రచన. నాగబాల సురేష్ కుమార్)
  2. రెండవ టి.వి. నంది అవార్డు - (2010) మొగలిరేకులు (దర్శకత్వం. మంజులా నాయుడు)

సినిమాలు[మార్చు]

  1. మెదటి సినిమా నంది అవార్డు - (2010) డార్లింగ్ సినిమాలో ముఖేష్ రిషి పాత్రకు
  2. రెండవ సినిమా నంది అవార్డు - (2011) పోరు తెలంగాణ సినిమాలో జమ పాత్రకు

ఇతర అవార్డులు[మార్చు]

  • సినీగోయర్స్ అవార్డు - 2004, 2005
  • అరుణోదయ ఆర్ట్ క్రియేషన్ అవార్డు - 2004, 2005
  • ఉగాది పురస్కారం - 2006 (వంశీ ఇంటర్నేషనల్)
  • కోహినూర్ అవార్డు - 2014[1]

పదవులు[మార్చు]

  1. ప్రధాన కార్యదర్శి (2004-2006, ఎ.పి. మూవీ డబ్బింగ్ ఆర్టిస్ట్స్ యూనియన్
  2. అధ్యక్షులు (డబ్బింగ్ ఆర్టిస్ట్స్ అసోసియేషన్ ఆఫ్ తెలుగు టెలివిజన్)

బిరుదులు[మార్చు]

  1. స్వరసామ్రాట్ (భారత్ కల్చరల్ అకాడమీ)

మూలాలు[మార్చు]

  1. టి మసాల. "బాబుమోహన్ కు హస్యనట బిరుదు". tmasala.com. Retrieved 9 January 2017.
  • స్వరసామ్రాట్ ఆర్.సి.యం. రాజు, బంగారు తంగేడు, మే-జూలై 2016 (త్రైమాసిక పత్రిక), పుట. 37-40