పి.జి. వింద

పి.జి.వింద
సినివారంలో పి.జి. విందా
జననం	(1976-05-10) 1976 మే 10 బిజినపల్లి,మహబూబ్ నగర్ జిల్లా, తెలంగాణ, భారతదేశం
వృత్తి	ఛాయాగ్రాహకుడు, దర్శకుడు & నిర్మాత
శీర్షిక	భారతీయ ఛాయాగ్రాహకుడు

పి.జి.వింద తెలుగు చలనచిత్ర పరిశ్రమలో ప్రముఖ ఛాయాగ్రాహకుడు మరియు దర్శకుడు. 2004లో తెలుగు చలనచిత్ర పరిశ్రమలోకి అడుగు పెట్టారు. ఇతను అనుమానస్పదం, అష్టా-చెమ్మా మరియు వినాయకుడు మొదలగు సినిమాలకు ఛాయగ్రాహకుడిగా పనిచేసాడు. ఇతను ఛాయగ్రాహకుడిగా పనిచేసిన గ్రహణం సినిమాకి జాతీయ అవార్డు కూడా వచ్చింది.

స్వస్థలం

పి.జి. వింద స్వస్థలం మహబూబ్ నగర్ జిల్లా లోని బిజినపల్లి మండలం.

విద్యాభ్యాసం

ఏడో తరగతి వరకు స్వగ్రామంలోనే చదివాడు. ఎనిమిది నుండి పదవ తరగతి వరకు మహబూబ్ నగర్ జిల్లాలోని ఇటిక్యాల మండలంలోని బీచుపల్లిలోని ఆంధ్రప్రదేశ్ గురుకుల పాఠశాలలో చదివాడు. జీవశాస్త్రాలు ప్రధాన విషయాలుగా ఇంటర్మీడియట్ బిజినపల్లి మండలంలోని పాలెంలో చేశాడు. వైద్య విద్య అభ్యసించడానికి ప్రవేశ పరీక్షరాశాడు. కానీ, సీటు రాకపోవడం చేత కర్నూలు లోని సిల్వర్ జుబ్లి కళాశాలలో డిగ్రీ పూర్తి చేశాడు. అనంతరం హైదరాబాద్‌లోని జవహర్ లాల్ నెహ్రూ టెక్నలాజికల్ యూనివర్సిటీలో ఫిలిం ఆటోగ్రఫీ పూర్తి చేశాడు.

చిత్రరంగంలో తొలి అడుగులు

జె.ఎన్.‌టి.యూ.లో ఫిలిం ఆటోగ్రఫీ చివరి సంవత్సరం చదువుతున్నప్పుడే ప్రముఖ ఛాయాగ్రాహకుడు మధు అంబటి వద్ద అసిస్టెంట్ ఫోటోగ్రాఫర్‌గా అవకాశం వచ్చింది. అతనితో లజ్జ హిందీ సినిమాకు పనిచేశాడు. తన మిత్రుడు అల్తాఫ్ ద్వారా ఇంద్రగంటి మోహన కృష్ణ పరిచయం కావడం వలన తొలిసారి ఛాయాగ్రాహకుడిగా గ్రహణం సినిమాకు పని చేసే అవకాశం వచ్చింది.

దర్శకుడిగా

ప్రముఖ దర్శకుడు పూరి జగన్నాథ్ కుమారుడు ఆకాశ్ ప్రధాన పాత్రలో లోటస్ పాండ్ చిత్రాన్ని రూపొందించాడు.

ఛాయాగ్రహణం

Year	Movie	Notes
2004	గ్రహణం (2004 సినిమా)	International Film Festival of India
2005	నందనవనం 120కిమీ
2006	అనుమానాస్పదం
2008	అష్టా చమ్మా
2008	వినాయకుడు (సినిమా)
2009	స్నేహ గీతం (2010 సినిమా)
2010	అది నువ్వే (2010)
2010	కీ (సినిమా)
2011	ఇట్స్ మై లవ్ స్టోరీ
2010	ది లోటస్ పాండ్ (2010)	14th International Children's Film Festival India (ICFFI)
2013	D/O వర్మ
2013	అంతకు ముందు ఆ తరువాత
2013	ఆ అయిదుగురు (2013)
2014	రోమియో
2014	నిన్నదల	కన్నడ చలనచిత్రం
2014	నాలా దమయంతి (2013)
2014	బందిపోటు
2015	జ్యోతి లక్ష్మి
2015	లోఫర్