పేర్నమిట్ట

వికీపీడియా నుండి
Jump to navigation Jump to search


పేర్నమిట్ట
రెవిన్యూ గ్రామం
పేర్నమిట్ట is located in Andhra Pradesh
పేర్నమిట్ట
పేర్నమిట్ట
అక్షాంశ రేఖాంశాలు: 15°32′00″N 80°00′00″E / 15.533333°N 80°E / 15.533333; 80Coordinates: 15°32′00″N 80°00′00″E / 15.533333°N 80°E / 15.533333; 80 Edit this at Wikidata
దేశంభారతదేశం
రాష్ట్రంఆంధ్రప్రదేశ్
జిల్లాప్రకాశం జిల్లా
మండలంసంతనూతలపాడు మండలం Edit this on Wikidata
విస్తీర్ణం
 • మొత్తం2,760 హె. (6,820 ఎ.)
జనాభా
(2011)
 • మొత్తం17,041
 • సాంద్రత620/కి.మీ2 (1,600/చ. మై.)
ప్రాంతీయ ఫోన్ కోడ్+91 (08592 Edit this at Wikidata)
పిన్(PIN)523225 Edit this at Wikidata

పేర్నమిట్ట, ప్రకాశం జిల్లా, సంతనూతలపాడు మండలానికి చెందిన గ్రామము.[1] పిన్ కోడ్ నం. 523 225., ఎస్.టి.డి.కోడ్ = 08592.

గ్రామ భౌగోళికం[మార్చు]

సమీప గ్రామాలు[మార్చు]

లింగంగుంట 3.7 కి.మీ, ఎండ్లూరు 4.6 కి.మీ, ముక్తినూతలపాడు 5.1 కి.మీ, ఒంగోలు 5.5 కి.మీ, మైనంపాడు 5.5 కి.మీ.

సమీప పట్టణాలు[మార్చు]

ఒంగోలు 7.9 కి.మీ, సంతనూతలపాడు 8.5 కి.మీ, మద్దిపాడు 10.7 కి.మీ, చీమకుర్తి 13.5 కి.మీ.

గ్రామములోని విద్యాసౌకర్యాలు[మార్చు]

  1. పేర్నమిట్ట కొండపై, రు. 90 లక్షల వ్యయంతో, 110 ఎకరాల విస్తీర్ణంలో, నాగార్జున విశ్వవిదాలయం కార్యాలయాల నిర్మాణం, తరగతిగదుల కొరకు భవననిర్మాణం పనులు వేగవంతముగా జరుగుచున్నవి. ఈ క్రమంలో వీధిదీపాలను ఏర్పాటుచేసారు. [5]
  2. శ్రీ బి.వి.సుబ్బయ్య ఉన్నత పాఠశాల:- ఈ పాఠశాల 53వ వార్షికోత్సవాన్ని, 2015, మార్చి-18వ తేదీ నాడు నిర్వహించారు. [7]

బ్యాంకులు[మార్చు]

ఆంధ్రా బ్యాంక్ పేర్నమిట్ట శాఖను, ఒంగోలు డైరీ ఆవరణలో 2015, మార్చి-30వ తేదీ నాడు ప్రారంభించెదరు. [8]

విఙాన కేంద్రం[మార్చు]

ఈ గ్రామ పశువైద్యశాల వద్ద, 2016, జనవరి-10వ తేదీనాడు, పావని వెంకటసుబ్బయ్య విఙాన కేంద్రం ప్రారంభించారు. [10]

గ్రామానికి వ్యవసాయం మరియు సాగునీటి సౌకర్యం[మార్చు]

ఊర చెరువు.

గ్రామంలోని దర్శనీయ ప్రదేశములు/దేవాలయములు[మార్చు]

శ్రీ రామలింగేశ్వరస్వామివారి ఆలయం[మార్చు]

చారిత్రిక వైభవం[మార్చు]

రావణ సంహారం అనంతరం శ్రీరాముడు ఇక్కడ శివలింగాన్ని ప్రతిష్ఠించినాడని ప్రతీతి. కాలక్రమంలో ఆలయం భూమిలో కలిసిపోయి, ఎర్రమట్టిదిబ్బగా మారిపోయింది. ఎండ్లూరు రాజులు ఈ ప్రాంతాన్ని పరిపాలించుచున్న రోజులలో, గ్రామస్థులు మంచినీటి కోసం త్రవ్వుచుండగా, శివలింగం బయటపడి కొద్దిగా దెబ్బతిన్నది. దీనిని దోషంగా భావించి, ఆలయాన్ని నిర్మించారు. ఈ క్రమంలోనే నైఋతిదిక్కున ఉన్న ఏనుగుల బావి, వాయవ్యాన దేవతల బావి, ఆగ్నేయాన తూర్పు బావి ఏర్పాటుచేసారు. ఈ మేరకు ఆలయంలో కొన్ని శాసనాలను గూడా వేయించారు. వీటిలో కొన్ని శాసనాలు ప్రస్తుతం కనిపించకుండా పోయినవి. ప్రస్తుతం, ఓరుగల్లు శాసనం, వీరగల్లు విగ్రహాలు, బౌద్ధానికి సంబంధించిన అవశేషాలు, పంచపడగల నాగేంద్రుని విగ్రహాలు, ఆలయంలో, ఒక ప్రక్కన మూలగా పడవేసినట్లున్నవి. ఈ ఆలయానికి 100 ఎకరాల మాన్యం భూములున్నవి. వీటిలో 50 ఎకరాలను భజంత్రీలు, రజకులు, నాయీ బ్రాహ్మణులకు, వారి సేవలనిమిత్తం ఇచ్చారు. [12]

గ్రామంలోని ఈ శివాలయం, అత్యంత పురాతనమైనది. సుమారు 400 సంవత్సరాలనాడు, మందపాటిరాజులకాలంలో, తమకు సంతానం లేదని, ఎండ్లూరు, సంతనూతలపాడు, రుద్రవరం, మైనంపాడు, మంగమూరు గ్రామాలలో శివాలయాలను పునహ్ ప్రతిష్ఠించారు. అదే క్రమంలో, ఈ గ్రామంలో ఏర్పాటు చేసిన శ్రీ రామలింగేశ్వర స్వామి దేవాలయంగూడా ఆ రాజులు నిర్మించారు. కానీ నిర్మించిన కొద్దికాలంలోనే దేవాలయం భూస్థాపితం కాగా, అనంతరం వీరన్న పంతులు ట్రస్టీల క్రింద ఉండేది. వీరికి ముందల దేవస్థానానికి సంబంధించి పూడికతీత తీసి, మళ్ళీ దేవాలయాన్ని ఏర్పాటు చేశారు. అప్పటినుండి దేవాలయాలలో పూజాకార్యక్రమాలు నిర్వహించుచున్నారు. ఈ దేవాలయంక్రింద 19.78 ఎకరాల భూములున్నవి. అర్చకుల పేరిట 29.68 ఎకరాల భూములు ఉన్నాయి. ఈ ఏడాది రు. 1,20,600-00 కౌలు బహిరంగవేలం ద్వారా వచ్చింది. కానీ పండుగలకు తప్పితే, గుడిని గురించి పట్టించుకున్న సందర్భాలు కరువైనది.

శ్రీ రామలింగేశ్వరస్వామి ఆలయంలో పునఃప్రతిష్ఠా కార్యక్రమాలను 2014, మార్చి-12న, గ్రామ పెద్దలు, ఆలయ అర్చకులు, వివిధ ప్రాంతాల నుండి వేలాదిగా తరలివచ్చిన భక్త జన సందోహం మధ్య, ఘనంగా నిర్వహించారు. తొలుత, ఉదయం, దేవాలయశాఖ, దాతలు, గ్రామ పెద్దల సమక్షంలో ధ్వజస్తంభం, బలిపీఠం, నందీశ్వరుడు, అభయాంజనేయస్వామివార్ల విగ్రహాలను ప్రతిష్ఠించారు. ఆలయానికి 13.5 ఎకరాల మాన్యంభూమి ఉంది. [3]

శ్రీ చెన్నకేశవ, రంగనాథస్వామివారి ఆలయం[మార్చు]

శ్రీ మద్విరాట్ పోతులూరి వీరబ్రహ్మేంద్రస్వామివారి ఆలయం[మార్చు]

పేర్నమిట్ట గ్రామంలోని ఈ ఆలయంలో ఆలయ అష్టమ వార్షికోత్సవాలను పురస్కరించుకొని, 2014, జూన్=19, గురువారం నాడు, స్వామివారి కళ్యాణమహోత్సవాన్ని, కన్నులపండువగా నిర్వహించారు. [4]

ఈ ఆలయంలో స్వామివారి ఆరాధనోత్సవాలు, 2016, మే-16వ తేదీ సోమవారం (వైశాఖ శుద్ధ దశమి) నాడు వైభవంగా నిర్వహించారు. [13]

శ్రీ మారెమ్మ తల్లి ఆలయం[మార్చు]

గ్రామంలో రజక సంఘం ఆధ్వర్యంలో నూతనంగా నిర్మించిన ఈ ఆలయంలో, 2015, ఫిబ్రవరి-9, సోమవారం నాడు విగ్రహ ప్రతిష్ఠా కార్యక్రమాలు ప్రారంభించారు. 10వ తేదీ, మంగళవారం ఉదయం, విగ్రహానికి ప్రత్యేకపూజలు, హోమాలు నిర్వహించారు. మహిళలతో విగ్రహానికి ప్రత్యేక కుంకుమ పూజలు, లలిత సహస్రనామ పారాయణం నిర్వహించారు. సాయంత్రం డప్పుల వాయిద్యాలతో అమ్మవారిని గ్రామంలో ఊరేగించారు. 11వ తేదీ, బుధవారం నాడు, ఉదయం 11-00 గంటలకు అమ్మవారి విగ్రహ ప్రతిష్ఠ నిర్వహించెదరు. అనంతరం భక్తులకు అన్న సంతర్పణ నిర్వహించెదరు. [6]

శ్రీ రాఘవేంద్రస్వామివారి ఆలయం[మార్చు]

ఈ ఆలయ చతుర్ధ వార్షికోత్సవాన్ని, 2015.జూన్-11వ తేదీ గురువారంనాడు, వైభవంగా నిర్వహించారు. ఈ సందర్భంగా ఆలయంలో, ప్రత్యేకంగా హోమాలు, అభిషేకాలు నిర్వహించారు. [9]

శ్రీ కొండపాటి పోలేరమ్మ తల్లి అలయం[మార్చు]

శ్రీ షిర్డీ సుందర సాయి మందిరం[మార్చు]

గ్రామ విశేషాలు[మార్చు]

పేర్నమిట్ట గ్రామానికి చెందిన మిడసల సుప్రజ, ఇటీవల కడప జిల్లాలో నిర్వహించిన రాష్ట్రస్థాయి కబడ్డీ పోటీలలో మంచి ప్రతిభ చూపి, జాతీయస్థాయి కబడ్డీ పోటీలకు ఎంపికైనది. [11]

శ్రీ అనుమాటి బాలగురవయ్య:- వీరి స్వస్థలం కొనకణమిట్ల మండలంలోని పెదారికట్ల. బ్రతుకుదెరువు కోసం సంతనూతలపాడు మండలంలోని పేర్నమిట్ట గ్రామం వలస వచ్చి, సోడాబండి, టీకొట్టు నడిపినారు. అవి అంతగా కలిసిరాకపోవదంతో సైకిల్‌పై తిరుగుతూ దుస్తుల విక్రయం చేయసాగినారు. అలా ఆ వ్యాపారం కోసం, ఎంతదూరమైనా సైకిల్‌పై తిరిగేవారు. అప్పట్లో కొంతమంది భక్తులు కాలినడకనే తీర్థయాత్రలు చేయడం చూసినారు. వీరికి దైవమంటే నమ్మకం. ఆ నమ్మకమే తోడుగా, తనుగూడా సైకిల్‌పై తీర్ధయాత్రలు చేయాలని సంకల్పించారు. ఆ విధంగా 1998 లో ప్రారంభమైన ఈయన సైకిల్ ప్రయాణం, ఇప్పటి వరకు 35వేల కిలోమీటర్లు ప్రయాణించి, దక్షిణభారతదేశంలోని ప్రముఖ పుణ్యక్షేత్రాలన్నిటినీ చుట్టివచ్చారు. ఈ విధంగా ఈయన సైకిల్ స్వామి గా సుప్రసిద్ధులు. ఇటీవలే ఈయన తన కాశీయాత్రను ముగించుకొని వచ్చారు. [14]

గణాంకాలు[మార్చు]

జనాభా (2011) - మొత్తం 17,041 - పురుషుల సంఖ్య 9,240 - స్త్రీల సంఖ్య 7,801 - గృహాల సంఖ్య 3,856

2001 వ .సంవత్సరం జనాభా లెక్కల ప్రకారం గ్రామ జనాభా 14,051.[2] ఇందులో పురుషుల సంఖ్య 8,126, మహిళల సంఖ్య 5,925, గ్రామంలో నివాస గృహాలు 2,768 ఉన్నాయి.

  • గ్రామసంభందిత వివరాలకు ఇక్కడ చూడండి [1]

మూలాలు[మార్చు]

వెలుపలి లింకులు[మార్చు]

[2] ఈనాడు ప్రకాశం/సంతనూతలపాడు; 2013,నవంబరు-22; 1వపేజీ. [3] ఈనాడు ప్రకాశం/సంతనూతలపాడు; 2014,మార్చి-13; 2వపేజీ. [4] ఈనాడు ప్రకాశం/సంతనూతలపాడు; 2014,జూన్-20;1వపేజీ. [5] ఈనాడు ప్రకాశం/సంతనూతలపాడు; 2014,డిసెంబరు-15; 1వపేజీ. [6] ఈనాడు ప్రకాశం/సంతనూతలపాడు; 2015,ఫిబ్రవరి-11; 3వపేజీ. [7] ఈనాడు ప్రకాశం/సంతనూతలపాడు; 2015,మార్చి-19; 1వపేజీ. [8] ఈనాడు ప్రకాశం/సంతనూతలపాడు; 2015,మార్చి-27; 1వపేజీ. [9] ఈనాడు ప్రకాశం/సంతనూతలపాడు; 2015,జూన్-12;1వపేజీ. [10] ఈనాడు ప్రకాశం/సంతనూతలపాడు; 2016,జనవరి-11; 2వపేజీ. [11] ఈనాడు ప్రకాశం/సంతనూతలపాడు; 2016,జనవరి-15; 2వపేజీ. [12] ఈనాడు ప్రకాశం/సంతనూతలపాడు; 2016,జనవరి-28; 1వపేజీ. [13] ఈనాడు ప్రకాశం/సంతనూతలపాడు; 2016,మే-17; 2వపేజీ. [14] ఈనాడు ప్రకాశం; 2017,మార్చి-25; 8వపేజీ.