రాఖీ (2006 సినిమా)
| రాఖీ Rakhi (2006 తెలుగు సినిమా) | |
 | |
|---|---|
| దర్శకత్వం | కృష్ణవంశీ |
| నిర్మాణం | డా,కె.ఎల్.నారాయణ |
| కథ | రాధాకృష్ణ |
| చిత్రానువాదం | కృష్ణవంశీ |
| తారాగణం | ఎన్.టి.ఆర్,ఇలియానా, ఛార్మీ కౌర్, చంద్రమోహన్, బ్రహ్మాజీ, సాయాజీ షిండే, తనికెళ్ళ భరణి, సుహాసిని, కోట శ్రీనివాసరావు, బ్రహ్మానందం,కృష్ణ భగవాన్ |
| సంగీతం | దేవీశ్రీ ప్రసాద్ |
| నృత్యాలు | రాజు సుందరం |
| గీతరచన | సిరివెన్నెల, సుద్దాల అశోక్ తేజ, చంద్రబోస్ (రచయిత) |
| ఛాయాగ్రహణం | ఎస్.గోపాలరెడ్డి |
| కూర్పు | శంకర్, నవీన్ |
| నిర్మాణ సంస్థ | దుర్గా ఆర్ట్స్ |
| విడుదల తేదీ | 22-12- 2006 |
| భాష | తెలుగు |
రాఖీ 2006 లో కృష్ణవంశీ దర్శకత్వంలో విడుదలైన సినిమా. ఇందులో జూనియర్ ఎన్టీఆర్, ఇలియానా ప్రధాన పాత్రలు పోషించారు. తన చెల్లెలికి జరిగినటువంటి అన్యాయం మాత్రమే కాక మరేవిధమైనటువంటి అన్యాయమూ మరే ఆడపిల్లకూ జరగకూడదని రామకృష్ణ అనే యువకుడు సమాజం మీద జరిపిన పోరాటమే చిత్రకథ.
కథాగమనం
[మార్చు]ఒక స్టేషను మాస్టారికి ఇద్దరు కొడుకులు ఒక కూతురు ఉంటారు. పెద్దకొడుకు బ్రహ్మాజీ ఉద్యోగస్తుడు. చిన్నకొడుకు రామకృష్ణకు తన చెల్లెలు అంటే ఎంతో ప్రేమ. రామకృష్ణను అందరూ రాఖీ అని పిలుస్తుంటారు. రాఖీ, ఒక టీ.వీ చానల్లో పని చేసే రిపోర్టర్ ప్రేమించుకొంటారు. కూతురు పెళ్ళి కోసం చంద్రమోహన్ తన ప్రావిడెంట్ ఫండ్ పెన్షన్ డబ్బులను దాస్తాడు. చెల్లెలికి అమెరికా సంబంధం వస్తే ఆ డబ్బును బ్రహ్మాజీ తన స్వార్థానికి వాడేసుకొంటాడు. దాంతో చంద్రమోహన్ చెల్లెలు తన కూతురు పెళ్ళి కోసం దాచిన డబ్బు సర్దుతాననీ అందుకు ప్రతిగా రాఖీ తన కూతురు గౌరిని పెళ్ళి చేసుకోవాలనీ కోరుకుంటుంది. అందుకు సరేనని ఒప్పుకొని చెల్లెలు పెళ్ళి జరుపుతాడు రాఖీ. తరువాత బావ విదేశ ప్రయాణం కోసం తన ఉద్యోగాన్ని ఐదు లక్షలకు అమ్మేసి ఆ డబ్బు తెచ్చి బావకిస్తాడు రాఖీ. తన కొడుక్కి కోటి రూపాయల కట్నం వస్తుందని తెలుసుకొని గాయత్రి అత్తింటివారు మూడునెలల గర్భవతి అయిన గాయత్రిని కిరోసిన్ పోసి చంపేస్తారు. పోలీస్ స్టేషను వద్దా, కోర్టులోనూ రామకృష్ణ కుటుంబానికి న్యాయం దొరకదు. గర్భవతి అయిన తన చెల్లెను డబ్బుపిచ్చితో కాల్చి చంపినా కోర్టులో కేసుకొట్టేయడం చూసిన రాఖీ తన చెల్లి అత్తింటి వారందరినీ కారుతో సహా పెట్రోల్ పోసి తగులబెడతాడు. తన చెల్లెలు కేసుకు వ్యతిరేకంగా వాదించిన ప్లీడరునూ, దొంగ సాక్ష్యం ఇచ్చిన డాక్టరునూ, పోలీసాఫీసరులనూ కూడా పెట్రోల్ పోసి తగులబెడతాడు. అక్కడనుండి మాయమయిపోయిన రాఖీ ఎక్కడ ఏ ఆడపిల్లను ఎవరు వేధించినా వాళ్ళని పెట్రోల్ పోసి తగులబెడుతుంటాడు. ఆ క్రమంలో రాష్ట్రమంత్రి షాయాజీ షిండే కొడుకునుకూడా తగులబెట్టేస్తాడు. రాఖీని పట్టుకోడానికి స్పెషల్ ఆఫీసరుగా వస్తుంది మీనాక్షీ అయ్యర్. ఈ హత్యలు అన్నిటినీ ఏ తీవ్రవాదో చేస్తున్నాడని స్టేట్‌మెంట్ ఇవ్వడం చూసిన రాఖీ తనే ఈ హత్యలన్నీ చేస్తున్నానని టీ.వీలో చెప్తాడు. ఆమె చెప్పిన దానికి ఒప్పుకొని చట్టానికి లొంగిపోతాడు రాఖీ. కాని రాఖీని తనకప్పగించమని అధికారులందరి ముందు ఆమెను కొడతాడు మంత్రి షిండే. మరొక వైపు ఆడవాళ్ళంతా రాఖీని విడుదల చేయాలని పెద్ద ఎత్తున ఆందోళనలు చేస్తుంటారు. జైల్లో ఉన్న రాఖీని అందరితో మాట్లాడేందుకు బయటకు తీసుకొస్తారు. బావను కలుసుకోవాలని గాయత్రి కూడా స్వీట్స్ తీసుకొని వస్తుంది. రాఖీని చంపేందుకు ఆమె టిఫిన్ క్యారియర్ లో బాంబ్ పెడతారు షిండే మనుషులు. బాంబ్ పేలినపుడు రాఖీకి ఏమీకాదు కాని గాయత్రితో సహా అక్కడికొచ్చిన అనేకమంది విద్యార్థినులు మరణిస్తారు. దాంతో మీనాక్షి అయ్యర్ షిండేను చంపేందుకు రాఖీని వదిలేస్తుంది. తరువాత అతడే పెట్రోల్ పోసి అందరినీ చంపాడని నిరూపించలేని కారణంగా రాఖీని వదిలేస్తారు.
నటవర్గం
[మార్చు]- ఇలియానా_ త్రిపుర సుందరి
- ఎన్.టి.ఆర్_ రామకృష్ణ " రాఖీ"
- ఛార్మీ కౌర్ _ గౌరి
- చంద్రమోహన్ _ చంద్రం, రాఖీ తండ్రి
- బ్రహ్మాజీ_ రంగ, రాఖీ సోదరుడు
- సాయాజీ షిండే _ రాష్ట్ర మంత్రి
- తనికెళ్ళ భరణి_ క్రిమినల్ లాయర్ సచ్చిదానందం
- సుహాసిని_ మీనాక్షి అయ్యర్
- శరణ్య పొంవన్నన్ _ సావిత్రమ్మ,గౌరి తల్లి
- కోట శ్రీనివాసరావు _ లక్ష్మీనారాయణ రాఖీ తాత
- బ్రహ్మానందం_ శ్రీదేవి ఛానల్ ఓనర్
- కృష్ణ భగవాన్_ మంత్రి సహాయకుడు
- మధుమణి
- భరత్ రెడ్డి_ భరత్, రైల్వే మంత్రి కుమారుడు
- సునీల్_ మోహన్ రెడ్డి
- జానకి సబేష్ _ రాజ్యలక్ష్మి, త్రిపుర తల్లి
- శరత్ బాబు_ పోలీస్ కమిషనర్
- మంజూష_ గాయత్రి, రాఖీ చెల్లెలు
- రవివర్మ_ సుధాకర్ రెడ్డి, గాయత్రి భర్త
- దువ్వాసి మోహన్_ మంత్రి సెక్రటరీ
- మాస్టర్ అజయ్_ మీనాక్షి అయ్యర్ కుమారుడు
- రాణి పాండే_ ప్రాస్టిట్యూషన్ రాకెట్ హెడ్
- మైలవరపు సూర్యనారాయణ_ నారాయణ
- అమిత్ తివారి_ మధుకర్
- ధర్మవరపు సుబ్రహ్మణ్యం_ స్టేషన్ మాస్టర్
- హర్షవర్ధన్_ ఆటోడ్రైవర్
- సమీర్_ పోలీస్ ఇన్ స్పెక్టర్
- సత్యం రాజేష్_ పోలీస్ ఆఫీసర్
- కొండవలస లక్ష్మణరావు_ లక్ష్మణ
- ఉత్తేజ్_ శ్రీదేవి ఛానల్ సభ్యుడు
- శ్రీలత _ శ్రీలత, గాయత్రి స్నేహితురాలు
- ప్రకాష్ రాజ్_ జడ్జి
- రఘు కారుమంచి_ అతిథిపాత్ర
- ప్రభాస్ శ్రీను_ అతిథి పాత్ర .
సాంకేతిక వర్గం
[మార్చు]- దర్శకుడు: కృష్ణవంశీ
- చిత్రానువాదం: కృష్ణవంశీ
- కథ: రాధాకృష్ణ
- సంగీతం: దేవిశ్రీ ప్రసాద్
- పాటల రచయిత: సుద్దాల అశోక్ తేజ, చంద్రబోస్, సిరివెన్నెల సీతారామశాస్త్రి
- సంభాషణలు: సాయినాథ్ తోటపల్లి
- నేపథ్య గాయకులు: ఎం.ఎం.శ్రీలేఖ, దేవిశ్రీ ప్రసాద్, మమతా మోహన్ దాస్, శంకర్ మహదేవన్, జెస్సీగిఫ్ట్, ఆండ్రియా జెర్మియా , గోపికా పూర్ణిమా, అమల్ రాజ్, ప్రియ హిమేష్, ఎస్.పి.బాలసుబ్రహ్మణ్యం
- ఛాయ గ్రహణం: ఎస్.గోపాల్ రెడ్డి
- ఎడిటింగ్: శంకర్, నవీన్
- నృత్యాలు: రాజు, సుందరం
- సమర్పణ: ఎస్.గోపాల్ రెడ్డి
- నిర్మాత: డా.కె.ఎల్.నారాయణ
- నిర్మాణ సంస్థ: శ్రీ దుర్గాఆర్ట్స్
- విడుదల: 22:12:2006.
| పాట | సంగీత దర్శకుడు | రచయిత | గాయకులు |
|---|---|---|---|
| "నిన్ను చూస్తే గుండె జారే నిన్ను చూస్తే కన్ను జారే నిన్ను చూస్తే చేయి జారే నిన్ను చూస్తే" | దేవిశ్రీ ప్రసాద్ | చంద్రబోస్ | శంకర్ మహదేవన్ |
| "ఓయ్ వస్తావా వస్తావా రమ్మన్నా చోటకి వస్తావా హే ఇస్తావా ఇస్తావా ఇమన్న వన్నీ ఇస్తావా" | జెస్సీ గిఫ్ట్, శ్రీలేఖ | ||
| "రాఖీ రాఖి నా కవాసాకి నీకే గురి పెడుతుందే ఈ కన్నె తుపాకీ" | సిరివెన్నెల | దేవిశ్రీ ప్రసాద్, మమతా మోహన్‌దాస్ | |
| "జర జర జర జర జర జర జర జర లుక్ ఇన్ టూ మై అయిస్" | ఆండ్రియా జర్మియా |
- రంగు రబ్బా రబ్బా, రచన: సుద్దాల అశోక్ తేజ, గానం. అమల్ రాజ్, ప్రియ హిమేష్
- కళ్ళల్లో కలగని, రచన: సుద్దాల అశోక్ తేజ, గానం.శ్రీపతి పండితారాధ్యుల బాలసుబ్రహ్మణ్యం.
మూలాలు
[మార్చు]- 2006 తెలుగు సినిమాలు
- తెలుగు ప్రేమకథా సినిమాలు
- తెలుగు కుటుంబకథా సినిమాలు
- జూనియర్ ఎన్.టి.ఆర్ సినిమాలు
- ఇలియానా నటించిన సినిమాలు
- చంద్రమోహన్ నటించిన సినిమాలు
- సాయాజీ షిండే నటించిన సినిమాలు
- తనికెళ్ళ భరణి సినిమాలు
- సుహాసిని నటించిన సినిమాలు
- కోట శ్రీనివాసరావు నటించిన సినిమాలు
- బ్రహ్మానందం నటించిన సినిమాలు
- కృష్ణ భగవాన్ నటించిన సినిమాలు