రాజా విక్రమార్క
| రాజా విక్రమార్క (1990 తెలుగు సినిమా) | |
 | |
|---|---|
| దర్శకత్వం | రవిరాజా పినిశెట్టి |
| నిర్మాణం | పి.అమరనాథరెడ్డి పి.రామచంద్రారెడ్డి టి.ప్రభాస్ కుమార్ రెడ్డి |
| కథ | రవిరాజా పినిశెట్టి సత్యానంద్ |
| తారాగణం | చిరంజీవి అమల రాధిక రావు గోపాలరావు |
| సంగీతం | రాజ్ - కోటి |
| సంభాషణలు | సత్యానంద్ |
| నిర్మాణ సంస్థ | స్కంద ఆర్ట్స్ |
| భాష | తెలుగు |
రాజా విక్రమార్క 1990లో రవిరాజా పినిశెట్టి దర్శకత్వంలో వచ్చిన సినిమా. దీనికి రవిరాజా పినిశెట్టి దర్శకత్వం వహించారు. ఇందులో చిరంజీవి, అమల, రాధిక ప్రధాన పాత్రలు పోషించారు.[1][2] ఈ చిత్రాన్ని హిందీ లోకి దౌలత్ కి దునియా పేరుతోను తమిళం లోకి సత్యమా నాన్ కావైకారన్ గానూ అనువదించారు.[3] ఈ సినిమాను 1988 లో విడుదలైన కమింగ్ టు అమెరికా ఆధారంగా రూపొందించారు.
కథ
[మార్చు]రాజా విక్రమార్క ( చిరంజీవి ) ఒక చిన్న రాజ్యమైన స్కంద ద్వీపపు యువరాజు. అతను యువరాజు కాబట్టి, తన జీవితాన్ని స్వేచ్ఛగా గడపడానికి అతనికి వీలుండేది కాదు. అతని తండ్రి రాజా భూపతి ( సత్యనారాయణ ) మరొక రాజ్య యువరాణితో పెళ్ళి సంబంధం మాట్లాడుతాడు. ఆమె తనదైన మెదడూ వెన్నెముకా లేని మనిషి. విక్రమార్క తన నమ్మకమైన స్నేహితుడు జాకీ ( బ్రహ్మానందం ) తో కలిసి తన జీవితాన్ని తాను స్వేచ్ఛగా జీవించడానికి రాజ్యాన్ని విడిచిపెట్టాడు.[4] పెద్ద ఆధునిక నగరంలో, అతను ఒక స్నేహితుడిని కలిసి మెకానిక్‌గా పనిచేస్తాడు. ఈ సమయంలో అతను రేఖ ( అమలా ) పై జరిగిన రెండు హత్యా ప్రయత్నాల నుండి ఆమెను రక్షిస్తాడు. ఆమె మామ విశ్వనాథం ( రాగోపాల్ రావు ) అతన్ని ఆమెకు బాడీగార్డ్ గా నియమిస్తాడు. వాస్తవానికి తానే డబ్బు కోసం ఆమెను చంపడానికి ప్రయత్నిస్తున్నానని విశ్వనాథం అతడికి వెల్లడిస్తాడు. అతడి కోసం ఈ హత్య చేసేందుకు విక్రమార్క అంగీకరిస్తాడు. అదే సమయంలో ఆమెను రక్షించడానికి ప్రయత్నిస్తాడు. ఇంటి నుండి గెంటివేసిన తరువాత విశ్వనాథం, కనకారావు (గొల్లపుడి మారుతి రావు ), రాజా కోటప్ప ( కోట శ్రీనివాసరావు ) తో కలిసి విక్రమార్కనూ అతని తల్లిదండ్రులనూ చంపడానికి ప్రయత్నిస్తారు. విక్రమార్క వాళ్ళను అడ్డుకుని తన రాజ్యానికి రాజుగా పాలిస్తాడు.
తారాగణం
[మార్చు]- చిరంజీవి
- అమల
- రాధిక
- రావు గోపలరావు
- కైకాల సత్యనారాయణ
- అల్లు రామలింగయ్య
- గొల్లపూడి మారుతీరావు
- బ్రహ్మానందం
- సుధాకర్
- కె.అర్. విజయ
- శ్రీలక్ష్మి
- ప్రసాద్ బాబు
- అన్నపూర్ణ
- కింగ్ కాంగ్
- శ్రీలత
- సంధ్య
- నారాయణ రావు
- హరిప్రసాద్
- మాణిక్ ఇరాని
- నళినీ కాంత్
- అరుణ్ కుమార్
- విజయ్ కుమార్
- జగ్గారావు
- అశోక్ కుమార్
- ఆంజనేయులు
- శేషగిరిరావు
- మాధవరావు.
సాంకేతిక సిబ్బంది
[మార్చు]- దర్శకత్వం: రవిరాజా పినిశెట్టి
- చిత్రానువాదం: రవిరాజా పినిశెట్టి
- సంగీతం: రాజ్-కోటి
- కథ: రవిరాజా పినిశెట్టి, సత్యానంద్
- నృత్యం: ప్రభుదేవా
- నేపథ్య గానం గాయకులు: ఎస్పీ బాలసుబ్రహ్మణ్యం, పి. సుశీలా, ఎస్. జానకి, కెఎస్ చిత్రా, రాధిక
- కూర్పు: వెల్లై స్వామి
- సంభాషణ: సత్యానంద్
- సాహిత్యం: వేటూరి సుందరరామమూర్తి
- కళ: చంతి
- ఫోటోగ్రఫి: లోక్ సింగ్
- నిర్మాత: డాక్టర్ పి. అమర్‌నాథ్ రెడ్డి
- బ్యానర్: స్కంధ ఆర్ట్స్
పాటలు
[మార్చు]| క్రమసంఖ్య | పేరు | గాయనీ గాయకులు | నిడివి | ||||||
|---|---|---|---|---|---|---|---|---|---|
| 1. | "ఏర్ రోయ్" | ఎస్.పి.బాలసుబ్రహ్మణ్యం | 4:48 | ||||||
| 2. | "ఎల్లే లో" | ఎస్.పి.బాలసుబ్రహ్మణ్యం, ఎస్.జానకి | 5:05 | ||||||
| 3. | "గగన కిరణ" | ఎస్.పి.బాలసుబ్రహ్మణ్యం, కె.ఎస్.చిత్ర, ఎస్. జానకి | 6:04 | ||||||
| 4. | "ఆనతి నుండి" | ఎస్.పి.బాలసుబ్రహ్మణ్యం, పి.సుశీల | 4:52 | ||||||
| 5. | "నాగినివో" | ఎస్.పి.బాలసుబ్రహ్మణ్యం, చిత్ర | 5:27 | ||||||
| 6. | "భళా చాంగు భళా" | ఎస్.పి.బాలసుబ్రహ్మణ్యం, చిత్ర | 6:35 | ||||||
| 31:35 | |||||||||
మూలాలు
[మార్చు]- ↑ Venkateswaran, Anand (2013-02-10). "Rahman versus Ilaiyaraja". The Hindu (in Indian English). ISSN 0971-751X. Retrieved 2019-10-07.
- ↑ "Chiranjeevi Zindabad! Happy 63rd Birthday To The Superstar".
- ↑ https://www.youtube.com/watch?v=xhbxmrs-T_E
- ↑ "Birthday Special! Brahmanandam: Tracing the journey of the popular comedian in Tollywood so far" (in ఇంగ్లీష్). 2019-02-01.