రామాయపట్నం
రామాయపట్నం | |
|---|---|
 | |
.svg)  రామాయపట్నం | |
| అక్షాంశ రేఖాంశాలు: 15°2′N 80°3′E / 15.033°N 80.050°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | శ్రీ పొట్టి శ్రీరాములు నెల్లూరు |
| మండలం | ఉలవపాడు |
| విస్తీర్ణం | 7.22 కి.మీ2 (2.79 చ. మై) |
| జనాభా (2011)[1] | 2,236 |
| • జనసాంద్రత | 310/కి.మీ2 (800/చ. మై.) |
| అదనపు జనాభాగణాంకాలు | |
| • పురుషులు | 1,150 |
| • స్త్రీలు | 1,086 |
| • లింగ నిష్పత్తి | 944 |
| • నివాసాలు | 591 |
| ప్రాంతపు కోడ్ | +91 ( ) |
| పిన్‌కోడ్ | 523291 |
| 2011 జనగణన కోడ్ | 591603 |
రామయపట్నం, శ్రీ పొట్టి శ్రీరాములు నెల్లూరు జిల్లా, ఉలవపాడు మండలానికి చెందిన గ్రామం.ఇది మండల కేంద్రమైన ఉలవపాడు నుండి 19 కి. మీ. దూరం లోను, సమీప పట్టణమైన కావలి నుండి 20 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 591 ఇళ్లతో, 2236 జనాభాతో 722 హెక్టార్లలో విస్తరించి ఉంది. గ్రామంలో మగవారి సంఖ్య 1150, ఆడవారి సంఖ్య 1086. షెడ్యూల్డ్ కులాల సంఖ్య 317 కాగా షెడ్యూల్డ్ తెగల సంఖ్య 169. గ్రామం యొక్క జనగణన లొకేషన్ కోడ్ 591603.[2] పిన్ కోడ్: 523291.
ఈ ఊరు మొదట్లో రామపట్నం, తర్వాతి కాలంలో మయపట్నంగా పిలువబడి, ప్రస్తుతం రామయపట్నంగా పిలువబడుతోంది.ఇది సముద్రతీర ప్రాంతానికి దగ్గరగా ఉంటుంది.
సమీప గ్రామాలు
[మార్చు]రావూరు 3 కి.మీ; చాకిచెర్ల 5.7 కి.మీ; మోచెర్ల 6 కి.మీ; చేవూరు 6.6 కి.మీ; వీరేపల్లి 7.3 కి.మీ.
నౌకాశ్రయం
[మార్చు]సుమారు 1800వ సంవత్సరం నుంచి రామాయపట్నం రేవు ప్రాంతంగా పలు వ్యాపారాలకు నిలయమైంది. ఈ రేవు నుంచే ఆంగ్లేయుల కాలంలో బర్మా నుంచి టేకు మొద్దులు దిగుమతి అవుతుండేవి.[3]
- ఆంధ్రప్రదేశ్ రాష్ట్రంలో రెండో భారీ ఓడరేవుని నిర్మించ తలపెట్టినపుడు, రాష్ట్రప్రభుత్వం కేంద్రానికి పంపిన మూడు ప్రతిపాదిత స్థలాలలో ఒకటి రామాయపట్నం కాగా, తక్కినవి విశాఖపట్నం జిల్లాలోని నక్కపల్లి, నెల్లూరు జిల్లాలోని దుగ్గరాజపట్నం.
- తొలుత, రామాయపట్నంలోనే భారీ ఓడరేవు ఏర్పాటవుతుందని అందరూ ఊహించారు. ఇందుకోసం ఒక స్పెషల్ పర్పస్ వెహికల్ ను కూడా ఏర్పరచారు. ఈ ప్రాజెక్టులో, ఆంధ్రప్రదేశ్ రాష్ట్ర ప్రభుత్వానికి 11% ఈక్విటీ వాటా ఉండబోతోంది.[4][5] జాతీయ ఖనిజాభివృద్ధి సంస్థ (NMDC) ప్రధాన వాటాదారుగా, విశాఖపట్నం పోర్ట్ ట్రస్ట్, IFFCO లు ఇతర ముఖ్య వాటాదారులుగా ఈ పోర్టు ఏర్పడాల్సింది.[6][7]
- ప్రాజెక్టు ప్రారంభ పెట్టుబడి 8000 కోట్ల రూపాయలు. భారీ ఓడరేవుతో పాటు, భారీ నౌకా నిర్మాణ కేంద్రం, చేపల రేవు, తత్సంబంధిత ఇతర పరిశ్రమలు ఏర్పాటు చేయాలని తలపెట్టారు.[8]
- ఈ ప్రాజెక్టుకై నెల్లూరు జిల్లా దుగ్గరాజపట్నంని ఎంపిక చేసారు. ఈ ఎంపికపై తీవ్రమైన అభ్యంతరాలు వ్యక్తమౌతున్నాయి. రామయపట్నం పోర్టు సాధన సమితి నేతృత్వంలో దుగ్గరాజపట్నం ఎంపికకు వ్యతిరేకంగా ఆందోళనలకు సిద్ధమౌతున్నారు.[9]
- అయితే, కొందరు నాయకులు దుగ్గరాజపట్నంతో పాటు, రామయపట్నం వద్ద కూడా ఓడరేవు నిర్మించాలని డిమాండు చేస్తున్నారు.
- కానీ దుగరాజపట్నంలో నౌకాశ్రయం ఏర్పాటు చేయడానికి, పలు సాంకేతిక సమస్యలు, అడ్డంకులు ఎదురవుచున్న నేపథ్యంలో, మళ్ళీ తిరిగి రామాయపట్నంలోనే ఏర్పాటుచేయడానికై, ఇక్కడ ఏర్పాటు చేయడానికిగల అవకాశాలను పరిశీలించడానికై, కేంద్ర ప్రభుత్వం, 2015, ఆగష్టు-19,20 తేదీలలో, ఒక బృందాన్ని పంపించుచున్నది.
- రామాయపట్నంలో నొకాశ్రయం ఏర్పాటుచేయడానికి ప్రభుత్వం పచ్చజండా ఊపిందని రాష్ట్ర రవాణా, రహదారులు భవనా శాఖ మంత్రి శ్రీ శిద్ధా రాఘవరావు, ఒంగోలులో, 2015, ఆగష్టు-21వ తేదీన ఒంగోలులో వెల్లడించారు. [11]
పరిశ్రమలు
[మార్చు]ఆంధ్రప్రదేశ్ రాష్ట్ర ప్రభుత్వం చిత్తూరు, మెదక్ జిల్లాలోని ప్రాంతాలతో పాటు రామయపట్నాన్ని కూడా "జాతీయ మానుఫాక్చరింగ్ పెట్టుబడుల సీమ" ( National Manfacturing and Investment Zone - NMIZ) గా ప్రతిపాదించింది. ఈ NMIZ మొత్తం 5000 ఎకరాలలో విస్తరించి ఉంది.[10]
గణాంకాలు
[మార్చు]2001 వ.సంవత్సరం జనాభా లెక్కల ప్రకారం గ్రామ జనాభా 2,517. ఇందులో పురుషుల సంఖ్య 1,294, మహిళల సంఖ్య 1,223, గ్రామంలో నివాస గృహాలు 561 ఉన్నాయి. గ్రామ విస్తీర్ణం 722 హెక్టారులు.
విద్యా సౌకర్యాలు
[మార్చు]గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు మూడు, ప్రభుత్వ ప్రాథమికోన్నత పాఠశాల ఒకటి , ప్రభుత్వ మాధ్యమిక పాఠశాల ఒకటి ఉన్నాయి.
సమీప జూనియర్ కళాశాల చీమకుర్తిలోను, ప్రభుత్వ ఆర్ట్స్ / సైన్స్ డిగ్రీ కళాశాల ఉలవపాడులోనూ ఉన్నాయి. సమీప వైద్య కళాశాల నెల్లూరులోను, పాలీటెక్నిక్‌ కందుకూరులోను, మేనేజిమెంటు కళాశాల కావలిలోనూ ఉన్నాయి. సమీప వృత్తి విద్యా శిక్షణ పాఠశాల కావలిలోను, అనియత విద్యా కేంద్రం కందుకూరులోను, దివ్యాంగుల ప్రత్యేక పాఠశాల ఒంగోలు లోనూ ఉన్నాయి.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]రామాయపట్నంలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు.
సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, పశు వైద్యశాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలోఒక ప్రైవేటు వైద్య సౌకర్యం ఉంది. ఎమ్బీబీయెస్ కాకుండా ఇతర డిగ్రీలు చదివిన డాక్టరు ఒకరు ఉన్నారు. ఒక మందుల దుకాణం ఉంది.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
పారిశుధ్యం
[మార్చు]మురుగునీరు బహిరంగ కాలువల ద్వారా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]రామాయపట్నంలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి.
గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. ప్రైవేటు బస్సు సౌకర్యం, ట్రాక్టరు సౌకర్యం మొదలైనవి గ్రామానికి 5 నుండి 10 కి.మీ. దూరంలో ఉన్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.
ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు ఉన్నాయి.
మార్కెటింగు, బ్యాంకింగు
[మార్చు]గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు గ్రామం నుండి 5 కి.మీ. లోపు దూరంలో ఉంది. రోజువారీ మార్కెట్, వారం వారం సంత గ్రామం నుండి 5 నుండి 10 కి.మీ. దూరంలో ఉన్నాయి. ఏటీఎమ్, సహకార బ్యాంకు, వ్యవసాయ పరపతి సంఘం గ్రామం నుండి 10 కి.మీ.కి పైబడిన దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.
ఆరోగ్యం, పోషణ, వినోద సౌకర్యాలు
[మార్చు]గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 7 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]రామాయపట్నంలో భూ వినియోగం కింది విధంగా ఉంది:
- అడవి: 176 హెక్టార్లు
- వ్యవసాయేతర వినియోగంలో ఉన్న భూమి: 227 హెక్టార్లు
- వ్యవసాయం సాగని, బంజరు భూమి: 8 హెక్టార్లు
- శాశ్వత పచ్చిక ప్రాంతాలు, ఇతర మేత భూమి: 4 హెక్టార్లు
- తోటలు మొదలైనవి సాగవుతున్న భూమి: 16 హెక్టార్లు
- వ్యవసాయం చేయదగ్గ బంజరు భూమి: 2 హెక్టార్లు
- సాగులో లేని భూముల్లో బీడు భూములు కానివి: 146 హెక్టార్లు
- బంజరు భూమి: 68 హెక్టార్లు
- నికరంగా విత్తిన భూమి: 71 హెక్టార్లు
- నీటి సౌకర్యం లేని భూమి: 244 హెక్టార్లు
- వివిధ వనరుల నుండి సాగునీరు లభిస్తున్న భూమి: 41 హెక్టార్లు
నీటిపారుదల సౌకర్యాలు
[మార్చు]రామాయపట్నంలో వ్యవసాయానికి నీటి సరఫరా కింది వనరుల ద్వారా జరుగుతోంది.
- బావులు/బోరు బావులు: 1 హెక్టార్లు
- చెరువులు: 38 హెక్టార్లు
- ఇతర వనరుల ద్వారా: 2 హెక్టార్లు
ఉత్పత్తి
[మార్చు]రామాయపట్నంలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]పారిశ్రామిక ఉత్పత్తులు
[మార్చు]బియ్యం
చేతివృత్తులవారి ఉత్పత్తులు
[మార్చు]చేపల వలలు అల్లకం
మూలాలు
[మార్చు]- ↑ 1.0 1.1 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "Office of the Registrar General & Census Commissioner, India - Village amenities of 2011".
- ↑ "రామాయపట్నం తీరప్రాంత విశేషాలు". Eenadu. Sep 15, 2012. Archived from the original on 31 జనవరి 2014. Retrieved 9 May 2014.
- ↑ "Ramayapatnam picked for new major port". HT MInt. Sep 15, 2012. Retrieved 22 November 2012.
- ↑ "Second major port at Ramayapatnam". The Hindu. October 12, 2012. Archived from the original on 15 నవంబరు 2012. Retrieved 22 November 2012.
- ↑ "Ramayapatnam port to come up with 11 p.c. equity". The Hindu. September 22, 2012. Retrieved 22 November 2012.
- ↑ "NMDC to pick up majority stake in Andhra Pradesh's new port". The Economic Times. November 2, 2012. Archived from the original on 2016-03-14. Retrieved 22 November 2012.
- ↑ "Ramayapatnam likely to be 2nd big port in state". CNN IBN. September 5, 2012. Archived from the original on 7 సెప్టెంబరు 2012. Retrieved 22 November 2012.
- ↑ "Green tribunal to be moved against port at Dugarajapatnam". The Hindu. December 4, 2014. Retrieved 9 May 2014.
- ↑ "Three manufacturing zones proposed in Andhra Pradesh". November 30, 2012. Retrieved 17 December 2012.
వెలుపలి లంకెలు
[మార్చు]- గ్రామగణాంకాల కొరకు ఇక్కడ చూడండి.[1]