రొడ్డం మండలం

రొడ్డం మండలం
ఆంధ్రప్రదేశ్ మండలం
రొడ్డం మండలం
Coordinates: 14.1°N 77.43°E / 14.1; 77.43
దేశం	భారతదేశం
రాష్ట్రం	ఆంధ్రప్రదేశ్
జిల్లా	శ్రీ సత్యసాయి జిల్లా
మండల కేంద్రం	రొడ్డం
విస్తీర్ణం
• మొత్తం	359 కి.మీ2 (139 చ. మై)
జనాభా  (2011)
• మొత్తం	51,168
• జనసాంద్రత	140/కి.మీ2 (370/చ. మై.)
జనగణాంకాలు
• లింగ నిష్పత్తి	976

రొద్దం మండలం, ఆంధ్రప్రదేశ్ రాష్ట్రం లోనిశ్రీ సత్యసాయి జిల్లాకు చెందిన మండలం.

మండల కేంద్రం

ఈ మండలానికి కేంద్రం రొడ్డం గ్రామం. ఇది సమీప పట్టణమైన హిందూపురం నుండి 35 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 2311 ఇళ్లతో, 10164 జనాభాతో 5505 హెక్టార్లలో విస్తరించి ఉంది. గ్రామంలో మగవారి సంఖ్య 5073, ఆడవారి సంఖ్య 5091. షెడ్యూల్డ్ కులాల సంఖ్య 1418 కాగా షెడ్యూల్డ్ తెగల సంఖ్య 64. గ్రామ జనగణన లొకేషన్ కోడ్ 595339.పిన్ కోడ్: 515 123.

చరిత్ర

పెనుగొండ నుండి పది మైళ్ళ దూరంలో ఉన్న రొడ్డం గ్రామం జిల్లాలోనే అత్యంత ప్రాచీన గ్రామాలలో ఒకటి. ఇది సా.శ. 4వ శతాబ్దము నుండి 7వ శతాబ్దము మధ్యకాలంలో స్థాపించబడినదని అంచనా. ఇక్కడ పెన్నానది ఒడ్డున స్థానికులు రుద్ర పాదం అని పిలిచే ఒక శిలపైన కట్టిన గుడి ఉంది. పశ్చిమ చాళుక్యుల కాలంలో రొద్ద (రొద్దం) నొళంబవాడికి ప్రాంతీయ రాజధానిగా ఉంది. సా.శ.992లో రెండవ తైలాపుడు చోళ రాజరాజును ఓడించిన తర్వాత రొద్దంలో స్థావరమేర్పరచినట్టు బళ్ళారి జిల్లాలోని కొగలి శాసనాలు తెలుపుతున్నవి. ఆహవమల్ల మొదటి సోమేశ్వరుడు రొద్దం ప్రాంతీయ రాజధానిగా నొళంబవాడిని పాలించినట్టు శాసనాలలో తెలుస్తున్నది.రొద్దం గ్రామానికి పూర్వ నామం రౌద్రపురము అని పేరున్నట్లుగా తెలుస్తుంది.

మండలం లోని గ్రామాలు

రెవెన్యూ గ్రామాలు

1. ములకలచెరువు
2. నరనాగెపల్లె
3. జక్కలచెరువు
4. కోగిర
5. బొక్కసంపల్లె
6. తురకలపట్నం
7. ఆర్.లోచర్ల
8. బూచర్ల
9. రొడ్డకంపల్లె
10. రొడ్డం
11. పెద్దిపల్లె
12. సానిపల్లె
13. చోలెమర్రి
14. నల్లూరు
15. రెడ్డిపల్లె
16. దొడగట్ట
17. చిన్నమంతూరు
18. పెద్దమంతూరు
19. చెరుకూరు
20. కలిపి