లయ (నటి)
| లయ | |
 సినీ నటి లయ చిత్రము | |
| జన్మ నామం | లయ |
| జననం | 1981 ఆగస్ట్ 15 విజయవాడ, కృష్ణా జిల్లా |
| ప్రముఖ పాత్రలు | భద్రం కొడుకో స్వయంవరం ప్రేమించు |
లయ తెలుగు సినిమా నటీమణి. కుటుంబ చిత్రాల కథానాయకిగా పేరుతెచ్చుకున్న ఈమె జాతీయ స్థాయి చదరంగం క్రీడాకారిణి కూడా.[1]
బాల్యము - విద్యాభ్యాసము
[మార్చు]చిన్నతనంలో ఈవిడ తండ్రి వృత్తి (ప్రస్తుతం నెఫాలజిస్ట్) రీత్యా మద్రాసులో వున్నప్పుడు ప్రి-నర్సరీ, నర్సరీ చదువుకుంది. తరువాత విజయవాడకి మారి ఎల్.కె.జి నుంచీ సినిమారంగానికి వచ్చేవరకూ (ఇంటర్మీడియట్) నిర్మలా కాన్మెంటు ఉన్నత పాఠశాలలో చదువుకుంది.
చదరంగం
[మార్చు]రెండో తరగతిలో వున్నప్పుడే చదరంగంలో మంచి ప్రావీణ్యం సంపాదించింది. రాష్ట్రస్థాయిలో ఏడుసార్లు, జాతీయస్థాయిలో ఒకసారి పతకాలు కూడా గెలుచుకుంది. పదవ తరగతి వరకు చదరంగం పోటీలలో పాల్గొంది.
సంగీతం - నృత్యం
[మార్చు]5వ తరగతి నుంచే సంగీతం, కూచిపూడి నృత్యం నేర్చుకుంది. విజయవాడలో జోస్యుల రామచంద్రమూర్తి వద్ద, హైదరాబాదు వచ్చాక పసుమర్తి రామలింగశాస్త్రి వద్ద. . హైదరాబాదు విహారయాత్రకు వెళ్ళినప్పుడు అక్కినేని కుటుంబరావు ఆయన తీయబోయే బాలల చిత్రం భద్రం కొడకో సినిమాలో నటించడం కోసం పిల్లల్ని వెదుకుతూ వీరి బృందాన్ని చూడడం, అందులో చలాకీగా వున్న లయను చూసి సినిమాల్లో వేషానికి గానూ ఎంపిక చేసుకోవడం జరిగింది.[1]
మొదటి సినిమా అవకాశం
[మార్చు]లయకు నాలుగవ తరగతిలోనే మొదటి సినిమాలో నటించే అవకాశం వచ్చినది. అయితే, ఆ సినిమా మామూలు సినిమాగా విడుదల అవ్వకపోవడం వల్ల ఎక్కువమందిని చేరలేకపోయింది. అటుతరువాత లయ విజయవాడ వచ్చేసి తన చదువును కొనసాగించింది. 10వ తరగతిలో వున్నప్పుడు 1996లో జెమిని టి.వి.లో కె. రాఘవేంద్రరావు కొత్త సినిమాకి నటీనటులకోసం స్టార్ 2000 పోటీల గురించి ప్రకటన వచ్చింది. దానికి లయ ఫోటోలు పంపించారు. ఆ పోటీలో వివిధ దశలు దాటి లయ రెండో స్థానంలో గెలుపొందింది. ఐతే మొదటి స్థానం వచ్చిన వాళ్ళకే సినిమాలో వేషం ఇస్తానన్నారు కాబట్టి ఈమెకు పరదేశి సినిమాలో నటించే అవకాశం రాలేదు. తరువాత ఇంటర్మీడియట్ మొదటి సంవత్సరం చివరలో ఉండగా స్వయంవరం సినిమాలో కథానాయికగా ఎంపికైంది. ఆ సినిమా పూర్తై 1999 ఏప్రిల్లో విడుదలైంది. కొత్త నిర్మాత , కొత్త దర్శకుడు, కొత్త హీరో, కొత్త హీరోయిన్, కొత్త రచయిత ఇలాంటి కాంబినేషన్లో రూపుదిద్దికున్న స్వయంవరం సినిమా విజయవంతమైనది.[1]
లయ నటించిన తెలుగు చిత్రాలు
[మార్చు]- భద్రం కొడుకో
- స్వయంవరం
- ప్రేమించు
- మనోహరం
- మనసున్న మారాజు
- నీ ప్రేమకై
- హనుమాన్ జంక్షన్
- మిస్సమ్మ (2003 సినిమా)
- దొంగరాముడు అండ్ పార్టీ
- పెళ్లాంతో పనేంటి
- దేవుళ్లు
- ఎంత బావుందో!
- గెలుపు
- కోదండరాముడు
- నేను పెళ్ళికి రెడీ (2013)
- కొండవీటి సింహాసనం
- మా ఆవిడమీదొట్టు మీ ఆవిడ చాలా మంచిది
- మా బాలాజీ
- మనసున్న మారాజు
- నాలో ఉన్న ప్రేమ
- నువ్వు లేక నేను లేను
- రామచిలక
- రామ్మా చిలకమ్మా
- రామ సక్కనోడు
- శివరామరాజు
- మహాచండి
- అదిరిందయ్యా చంద్రం
- విజయేంద్ర వర్మ
- స్వరాభిషేకం
- టాటా బిర్లా మధ్యలో లైలా
- బ్రహ్మలోకం టు యమలోకం వయా భూలోకం (2010)
- అమర్ అక్బర్ ఆంటోని (2018)
- తమ్ముడు (2025)[2]
మూలాలు
[మార్చు]- ↑ 1.0 1.1 1.2 "మొదటి సినిమా-లయ" (PDF). కౌముది.నెట్. కౌముది.నెట్. Retrieved సెప్టెంబరు 1, 2015.
- ↑ "నితిన్ జోడీగా 'కాంతార' కథానాయిక సప్తమి, కీలక పాత్రలో లయ కూడా - ఏ సినిమాలోనో తెలుసా?". A. B. P. Desam. 30 August 2023. Archived from the original on 24 June 2025. Retrieved 24 June 2025.