శ్రీనివాస్ ప్రసాద్
| శ్రీనివాస్ ప్రసాద్ | |||
కర్ణాటక రెవెన్యూ శాఖ మంత్రి
| |||
| పదవీ కాలం 2013 మే 30 – 2016 జూన్ 20 | |||
| ముందు | కేఎస్. ఈశ్వరప్ప | ||
|---|---|---|---|
| తరువాత | కే తిమ్మప్ప | ||
భారత పౌరసరఫరాల ఆహార శాఖ మంత్రి
| |||
| పదవీ కాలం 1991 అక్టోబర్ 13 – 2004 మార్చి 6 | |||
| ముందు | రఘువంశ్ ప్రసాద్ సింగ్ | ||
వ్యక్తిగత వివరాలు
|
|||
| జననం | 1947 జూలై 6 మైసూరు కర్ణాటక భారతదేశం | ||
| మరణం | 2024 ఏప్రిల్ 29 (వయసు 76) బెంగళూరు, కర్ణాటక, భారతదేశం | ||
| జాతీయత | భారతీయుడు | ||
| రాజకీయ పార్టీ | భారతీయ జనతా పార్టీ | ||
| ఇతర రాజకీయ పార్టీలు | భారత జాతీయ కాంగ్రెస్ | ||
| జీవిత భాగస్వామి | భాగ్యలక్ష్మి | ||
| సంతానం | 3 | ||
| పూర్వ విద్యార్థి | మైసూర్ విశ్వవిద్యాలయం | ||
| వృత్తి | రాజకీయ నాయకుడు | ||
వెంకటయ్య శ్రీనివాస్ ప్రసాద్ ( 1947 జూలై 6 - 2024 ఏప్రిల్ 29) కర్ణాటక రాష్ట్రానికి చెందిన భారతీయ రాజకీయ నాయకుడు, పాత మైసూర్ ప్రాంతంలో ముఖ్యమైన దళిత నాయకుడిగా గుర్తింపు పొందారు.[1] శ్రీనివాస్ ప్రసాద్ వాజ్‌పేయి మంత్రివర్గంలో భాగంగా 1999 నుంచి 2004 వరకు కేంద్ర మంత్రిగా పనిచేశాడు తరువాత 2013 నుంచి 2016 వరకు కర్ణాటక ప్రభుత్వంలో రెవెన్యూ మంత్రిగా పనిచేశాడు. శ్రీనివాస్ ప్రసాద్ 1980 నుంచి చామరాజనగర్ లోక్‌సభ నియోజకవర్గం నుంచి ఆరుసార్లు ఎంపీగా ఎన్నికయ్యారు. లోక్‌సభకు ఎన్నికయ్యారు. 2021లో శ్రీనివాస్ ప్రసాద్ రాజకీయాల నుంచి తప్పుకున్నాడు. శ్రీనివాస్ ప్రసాద్ 2019 లో చామరాజనగర్ లోక్‌సభ నియోజకవర్గం నుంచి పోటీ చేసి చివరిసారిగా గెలిచాడు.[2]
బాల్యం విద్యాభ్యాసం
[మార్చు]శ్రీనివాస్ ప్రసాద్ మైసూరులోని అశోకపురంలో ఎం. వెంకటయ్య డి.వి.పుట్టమ్మ దంపతులకు 1947 జూలై 6న జన్మించాడు. శ్రీనివాస్ ప్రసాద్ బాల్యం నుండి 1972 వరకు రాష్ట్రీయ స్వయంసేవక్ సంఘ్ భారతీయ జనసంఘ్ అఖిల భారతీయ విద్యార్థి పరిషత్తు లలో పనిచేశాడు.[3] శ్రీనివాస్ ప్రసాద్ మైసూర్‌లో పెరిగాడు, అక్కడ అతను తన విద్యను కూడా పూర్తి చేశాడు. శ్రీనివాస్ ప్రసాద్ శారదా విలాస్ కళాశాల నుండి బ్యాచిలర్ ఆఫ్ సైన్స్ డిగ్రీ పట్టా అందుకున్నాడు. మైసూర్ విశ్వవిద్యాలయం నుండి రాజకీయ శాస్త్రంలో మాస్టర్స్ డిగ్రీని పొందాడు.[4]
రాజకీయ జీవితం
[మార్చు]శ్రీనివాస్ ప్రసాద్ 1974లో ఎన్నికల రాజకీయాల్లోకి ప్రవేశించారు, కృష్ణంరాజ శాసనసభ నియోజకవర్గం నుంచి స్వతంత్ర అభ్యర్థిగా పోటీ చేసి, కర్ణాటక శాసనసభకు ఎన్నికయ్యాడు.[3] శ్రీనివాస్ ప్రసాద్ 1976లో జనతా పార్టీలో చేరాడు. 1979లో భారత జాతీయ కాంగ్రెస్ పార్టీలో చేరాడు [5] శ్రీనివాస్ ప్రసాద్ ఆ తర్వాత జనతాదళ్ (యునైటెడ్) సమతా పార్టీతో కలిసి పనిచేశారు.[5] 1996 సాధారణ ఎన్నికల్లో జెడియు పార్టీ శ్రీనివాస్ ప్రసాద్ కు ఎంపీ టికెట్ ఇవ్వడానికి నిరాకరించడంతో తిరిగి కాంగ్రెస్ పార్టీలో చేరాడు.[6] 1999 2004 మధ్య అటల్ బిహారీ వాజ్‌పేయి నేతృత్వంలోని కూటమి ప్రభుత్వంలో శ్రీనివాస్ ప్రసాద్ పౌర సరఫరాలు ఆహార వినియోగదారుల శాఖ సహాయ మంత్రిగా పనిచేశాడు. కేంద్ర మంత్రిగా ఉన్న సమయంలో, అతను జాతీయ ప్రజాస్వామ్య కూటమిలో భాగమైన సమతా పార్టీ సభ్యుడు.[7]
2004లో, శ్రీనివాస్ ప్రసాద్ భారత రాజకీయాలలో నుంచి కర్ణాటక రాష్ట్ర రాజకీయాలకు తిరిగి వచ్చారు. అతను మొదట జనతాదళ్ (సెక్యులర్) పార్టీలో కొద్దికాలం పాటు కొనసాగాడు, కేంద్ర మంత్రిగా ఉన్న శ్రీనివాస్ ప్రసాద్ కేంద్ర మంత్రి పదవికి సమతా పార్టీకి రాజీనామా చేసి జనతా దళ్ పార్టీలో చేరాడు. శ్రీనివాస్ ప్రసాద్ 2013లో జరిగిన కర్ణాటక శాసనసభ ఎన్నికల్లో నంజన్‌గూడు నుండి కర్ణాటక శాసనసభ సభ్యునిగా ఎన్నికయ్యాడు. 2013 నుంచి 2016 వరకు, శ్రీనివాస్ ప్రసాద్ సిద్ధరామయ్య ప్రభుత్వంలో కర్ణాటక రెవెన్యూ శాఖ మంత్రిగా పనిచేశాడు.[8][9][10][11] శ్రీనివాస్ ప్రసాద్ 2017లో భారతీయ జనతా పార్టీలో చేరాడు.[12][13]
శ్రీనివాస ప్రసాద్ చామరాజు నగర్ నుంచి తొమ్మిది సార్లు పోటీ చేసి ఆరుసార్లు గెలిచారు. కర్ణాటక శాసనసభ ఎన్నికల్లో శ్రీనివాస్ ప్రసాద్ నంజన్‌గూడు నుంచి రెండుసార్లు గెలిచారు.[14]
వ్యక్తిగత జీవితం
[మార్చు]శ్రీనివాస్ ప్రసాద్ భాగ్యలక్ష్మిని వివాహం చేసుకున్నాడు ఈ దంపతులకు ముగ్గురు కుమార్తెలు ఉన్నారు: ప్రతిమ, పూర్ణిమ పూనమ్.
మరణం
[మార్చు]అనారోగ్యం కారణంగా, శ్రీనివాస్ ప్రసాద్ 2024 మార్చిలో రాజకీయాల నుంచి తప్పుకుంటున్నట్లు ప్రకటించాడు.[15] శ్రీనివాస్ ప్రసాద్ దాదాపు 50 ఏళ్లపాటు రాజకీయాలలో కొనసాగాడు. శ్రీనివాస్ ప్రసాద్ 2024 భారత సార్వత్రిక ఎన్నికలకు ముందు ఏప్రిల్‌లో కాంగ్రెస్ పార్టీలో చేరారు.[1][16] 2024 ఏప్రిల్ 29న, శ్రీనివాస్ ప్రసాద్ 76 సంవత్సరాల వయస్సులో బెంగళూరులోని ఒక ఆసుపత్రిలో మరణించాడు.[3][17] కర్ణాటక ముఖ్యమంత్రి సిద్ధరామయ్య శ్రీనివాస్ ప్రసాద్ మృతికి సంతాపం తెలుపుతూ ఇలా అన్నారు: "అన్యాయం అసమానతలకు వ్యతిరేకంగా పోరాటంలో జీవించిన నాయకుడు శ్రీనివాస్ ప్రసాద్ మరణం కాంగ్రెస్ పార్టీకి తీరని లోటు అని సిద్ధరామయ్య సంతాపం తెలిపాడు." ప్రధానమంత్రి నరేంద్ర మోదీ కూడా శ్రీనివాస్ ప్రసాద్ మరణానికి సంతాపం తెలిపాడు "శ్రీనివాస్ ప్రసాద్ సామాజిక న్యాయం కోసం పోరాడారు, పేదలు, అణగారిన అట్టడుగు వర్గాల సంక్షేమం కోసం తన జీవితాన్ని అంకితం చేశారు. అని నరేంద్ర మోడీ అన్నారు." [18]
మూలాలు
[మార్చు]- ↑ 1.0 1.1 1.2 "BJP leader and former Union minister V Srinivas Prasad passes away". The Indian Express (in ఇంగ్లీష్). 29 April 2024. Retrieved 29 April 2024.
- ↑ Kumar, T. R. Sathish (6 August 2021). "Chamarajanagar MP V Srinivas Prasad announces retirement from politics". Deccan Herald (in ఇంగ్లీష్). Archived from the original on 29 April 2024. Retrieved 29 April 2024.
- ↑ 3.0 3.1 3.2 Kumar, T. R. Sathish (29 April 2024). "Chamarajanagar MP Srinivas Prasad no more". Deccan Herald (in ఇంగ్లీష్). Retrieved 29 April 2024.
- ↑ "V Srinivas Prasad". Electwise (in ఇంగ్లీష్). Retrieved 29 April 2024.
- ↑ 5.0 5.1 Bureau, The Hindu (29 April 2024). "BJP MP, ex-Union Minister Sreenivasa Prasad passes away". The Hindu (in Indian English). Retrieved 29 April 2024.
- ↑ "Srinivasa Prasad joins Congress". Hindustan Times (in ఇంగ్లీష్). 21 December 2006. Retrieved 29 April 2024.
- ↑ "SC stays proceedings in defamation case against tehelka". Zee News. 17 September 2001. Retrieved 29 April 2024.
- ↑ Khajane, Muralidhara (2 March 2016). "Srinivas Prasad hits out at CM". The Hindu. Retrieved 14 June 2019.
- ↑ "Casteism hinders India's growth: Minister Prasad". timesofindia.indiatimes.com. 13 April 2016. Retrieved 21 May 2016.
- ↑ "Revenue minister rues discrimination of people". timesofindia.indiatimes.com. 15 April 2016. Retrieved 21 May 2016.
- ↑ "Revenue minister hits back at detractors". timesofindia.indiatimes.com. 11 April 2016. Retrieved 21 May 2016.
- ↑ "Srinivas Prasad, who quit Congress after 2016 ouster from K'taka cabinet, joins BJP". The News Minute (in ఇంగ్లీష్). 2 January 2017. Retrieved 29 April 2024.
- ↑ "Former Karnataka minister Srinivasa Prasad joins BJP". The New Indian Express (in ఇంగ్లీష్). 2 January 2017. Retrieved 29 April 2024.
- ↑ Bureau, The Hindu (29 April 2024). "Obit: V. Srinivas Prasad charted distinguished career path in Karnataka politics". The Hindu (in Indian English). Retrieved 29 April 2024.
- ↑ "Supporters to celebrate Prasad's 50 yrs in politics". The Times of India. 1 March 2024. Retrieved 29 April 2024.
- ↑ Manikanta (2024-04-29). "BJP : బీజేపీలో విషాదం.. ఎంపీ శ్రీనివాస ప్రసాద్ కన్నుమూత". www.tv5news.in. Retrieved 2024-04-29.
- ↑ EENADU (30 April 2024). "సీనియర్‌ నేత శ్రీనివాసప్రసాద్‌ కన్నుమూత". Archived from the original on 30 April 2024. Retrieved 30 April 2024.
- ↑ "BJP Karnataka MP And Ex-Union Minister Srinivasa Prasad Passes Away". Outlook India (in ఇంగ్లీష్). 29 April 2024. Retrieved 29 April 2024.