దేవరకొండ రెవెన్యూ డివిజను

దేవరకొండ రెవెన్యూ డివిజను
దేవరకొండ కోట నుండి గ్రామ దృశ్యం
దేశం	భారతదేశం
రాష్ట్రం	తెలంగాణ
జిల్లా	నల్గొండ

దేవరకొండ రెవెన్యూ డివిజను, తెలంగాణ రాష్ట్రం, నల్గొండ జిల్లాలోని ఒక పరిపాలనా విభాగం. నల్గొండ జిల్లాలోవున్న మూడు రెవెన్యూ డివిజన్లలో ఇది ఒకటి. ఈ డివిజను పరిపాలనలో 10 మండలాలు ఉన్నాయి. ఈ డివిజను ప్రధాన కార్యాలయం దేవరకొండ పట్టణంలో ఉంది. 2016, అక్టోబరు 11న రాష్ట్రంలోని జిల్లాల పునర్వ్యవస్థీకరణ ఆధారంగా రెవెన్యూ డివిజను పరిధి సవరించబడింది. ఈ రెవెన్యూ డివిజను నల్గొండ లోక్‌సభ నియోజకవర్గంలోని దేవరకొండ శాసనసభ నియోజకవర్గం పరిధిలో భాగంగా ఉంది.

వివరాలు

ఐఏఎస్ క్యాడర్‌లో సబ్ కలెక్టర్ లేదా డిప్యూటి కలెక్టర్ హోదాలో ఉన్న రెవెన్యూ డివిజనల్ అధికారి ఈ రెవెన్యూ విభాగానికి ఆఫీసర్ గా ఉంటాడు. తహశీల్దార్ కేడర్‌లోని అడ్మినిస్ట్రేటివ్ ఆఫీసర్ పరిపాలనలో సహాయం చేస్తాడు. కలెక్టరేట్‌, మండల రెవెన్యూ విభాగాల మధ్య అనుసంధానంగా ఈ డివిజను పరిపాలనా వ్యవహారాలలో పనిచేస్తుంటుంది.

పరిపాలన

దేవరకొండ డివిజనులోని మండలాలు:

క్ర.సం	దేవరకొండ రెవెన్యూ డివిజను	మండలంలోని రెవెన్యూ గ్రామాల సంఖ్య
1	చందంపేట మండలం	15 రెవెన్యూ గ్రామాలు
2	చింతపల్లి మండలం	22 రెవెన్యూ గ్రామాలు
3	దేవరకొండ మండలం	15 రెవెన్యూ గ్రామాలు (1 నిర్జన గ్రామం)
4	గుండ్లపల్లి మండలం	22 రెవెన్యూ గ్రామాలు (3 నిర్జన గ్రామాలు)
5	గుర్రంపోడ్ మండలం	27 రెవెన్యూ గ్రామాలు
6	కొండమల్లేపల్లి మండలం	14 రెవెన్యూ గ్రామాలు
7	పెద్ద అడిశర్ల పల్లి మండలం	22 రెవెన్యూ గ్రామాలు (1 నిర్జన గ్రామం)
8	నేరడుగొమ్ము మండలం	9 రెవెన్యూ గ్రామాలు

గమనిక:గతంలో ఈ రెవెన్యూ డివిజనులో 10 మండలాలు ఉండేవి. వాటిలోని మర్రిగూడ మండలం, నాంపల్లి మండలం ఇదే జిల్లాలో కొత్తగా ఏర్పడిన చండూరు రెవెన్యూ డివిజనులో విలీనమయ్యాయి.