అల్లం

? అల్లం భద్రంగా ఉన్నది
శాస్త్రీయ వర్గీకరణ
సామ్రాజ్యము: ప్లాంటే విభాగము: పుష్పించే మొక్కలు(Magnoliophyta) తరగతి: ఏకదళబీజాలు(Liliopsida) వర్గము: జింజిబరేలిస్ కుటుంబము: జింజిబరేసి ప్రజాతి: జింజిబర్ జాతి: Z. officinale
ద్వినామము
Zingiber officinale Roscoe

అల్లం ఒక చిన్న మొక్క.ఇది మంచి ఔషధంగా కూడా పని చేస్తుంది. ఇది భారతదేశం మరియు చైనా దేశాలలో చాలా ప్రాముఖ్యమైనది. కొన్ని శతాబ్దాల నుంచీ చైనీయుల వైద్యంలో ఇది ప్రధాన పాత్ర పోషిస్తూ వస్తోంది. కన్ఫ్యూషియస్ తన రచనల్లో దీనిగురించి ప్రస్థావించాడు. ఆసియా దేశాల్లో చేసే చాలా వంటకాల్లో ఇది విడదీయలేని భాగం. పచ్చళ్ళలోనూ, కూరల్లో వేసే మసాలా లోనూ దీన్ని విస్తృతంగా వాడుతారు. ఎండాకాలంలో వడకొట్టకుండా, అల్లంను కరివేపాకు, మజ్జిగలతో కలిపి తీసుకుంటారు.

లక్షణాలు

• కొమ్మువంటి భూగర్భ కాండంతో పెరిగే గుల్మము.
• దీర్ఘవృత్తాకార-భల్లాకార సరళ పత్రాలు.
• కంకి పుష్పవిన్యాసంలో అమరిన పసుపు రంగు పుష్పాలు.

శొంఠి

ఏండ పెట్టిన అల్లంను శొంఠి అంటారు. పచ్చి శొంఠిని పొడి చేసి కొన్ని వంటలలో వాడుతారు. నేతిలో వేయించి పొడి చేసిన శొంఠిని ఒక మందుగా ఉపయోగిస్తారు.

• మొదటి ముద్దగా అన్నంలో శొంఠిని పలుచగా కలిపి నేతితో తింటే, అజీర్తి పోతుందని నమ్మకం
• బాలింతరాలుకు శరీరము గట్టి పడేందుకు, వేడి కలిగేందుకు శొంఠిని విస్తృతంగా వాడుతారు
• పసి పిల్లలకు అజీర్ణం తగ్గేందుకు చాలా తక్కువ మోతాదులో దీనిని వాడుతారు.
• ఆయుర్వేద మందులలో ఇది ఎక్కువ కనిపిస్తుంది.

ఔషధముగా

ఇది ఆకలిని పెంచుతుంది.జీర్ణ రసాలు ఊరడాన్ని ప్రేరేపిస్తుంది.ఆకలి తక్కువగా ఉన్నవారు చిన్న అల్లం ముక్కకు ఉప్పు అద్ది దాన్ని నమిలితే ఆకలి పుట్టును.

కొన్ని విశేషాలు

• మహాత్మా గాంధీ ప్రతి రోజూ ఉదయం ఒక గ్లాసు అల్లం రసం సేవించే వాడు.

వెలుపలి లింకులు

అల్లం గురించి
విక్షనరీ, స్వేచ్చా నిఘంటువులో వెదకండి.