అరకు

అరకు
అరకు
రెవెన్యూ గ్రామం
	అరకు
	అక్షాంశ రేఖాంశాలు: 18°18′48.3480″N 82°49′14.2320″E / 18.313430000°N 82.820620000°E
దేశం	భారతదేశం
రాష్ట్రం	ఆంధ్రప్రదేశ్
జిల్లా	అల్లూరి సీతారామరాజు
మండలం	డుంబ్రిగుడ
విస్తీర్ణం	22.6 కి.మీ2 (8.7 చ. మై)
జనాభా (2011)	2,279
• జనసాంద్రత	100/కి.మీ2 (260/చ. మై.)
అదనపు జనాభాగణాంకాలు
• పురుషులు	1,086
• స్త్రీలు	1,193
• లింగ నిష్పత్తి	1,099
• నివాసాలు	574
ప్రాంతపు కోడ్	+91 ( )
పిన్‌కోడ్	531151
2011 జనగణన కోడ్	583876

అరకు ఆంధ్రప్రదేశ్, అల్లూరి సీతారామరాజు జిల్లా, డుంబ్రిగుడ మండలం లోని గ్రామం, పర్యాటక ప్రదేశం. ఇది తూర్పు కనుమలులో ఉంది. ఇక్కడ ప్రధానంగా గిరిజనులు నివసిస్తారు. ఈ ప్రాంతంలోని లోయ, బొర్రా గుహలు చూడదగినవి.

భౌగోళిక అంశాలు

OSM పటము

ఇది మండల కేంద్రమైన డుంబ్రిగూడకి 13 కి. మీ., సమీప పట్టణమైన విజయనగరంకి 89 కి. మీ., విశాఖపట్నానికి 115 కి.మీ.ల దూరంలో ఉంది. సముద్రమట్టానికి సుమారు 600 మీటర్ల నుండి 900 మీటర్ల ఎత్తులో ఉంది.

అరకులోయ

అరకులోయ ప్రకృతి సౌందర్యానికి పేరుగాంచింది. శీతాకాలంలో వలిసపూలు పూసి కొండలన్నీ పసుపు వర్ణంతో మరింత అందంగా తయారవుతాయి. అరకు చేరే మార్గంలో ఇరువైపులా దట్టమైన ఆడవులు ఉండే ఘాట్ రోడ్, ఆసక్తికరముగా ఆహ్లాదకరముగా ఉంటుంది.

విశాఖపట్నం నుండి రోడ్డు, రైలు మార్గాలు రెండూ ఉన్నాయి. ఈశాన్య రైల్వే లైను కొత్తవలస - కిరండూల్లో అరకు, అరకు లోయ రెండు స్టేషన్లు ఉన్నాయి. రైలు ప్రయాణంలో "సిమిలిగుడ" అనే స్టేషను భారతదేశంలో అతి ఎత్తులో వున్న బ్రాడ్గేజ్ స్టేషను. బొర్రా గుహలు చూడటానికి ఇక్కడ దిగాలి. అరకులో వుండటానికి అన్ని తరగతుల వారికి సరిపడ వసతి గృహాలు ఉన్నాయి.

దారిలో అనంతగిరి కొండలలో కాఫీ తోటలు ఉన్నాయి. అరకు నుండి 29 కి.మీ. దూరములో ఉన్న బొర్రా గుహలు ఒక పర్యాటక ఆకర్షణ. ట్రైబల్ మ్యూజియమ్ ఇంకొక ఆకర్షణ.

గణాంకాలు

2011 భారత జనగణన గణాంకాల ప్రకారం ఈ గ్రామం 574 ఇళ్లతో, 2279 జనాభాతో 2260 హెక్టార్లలో విస్తరించి ఉంది. గ్రామంలో మగవారి సంఖ్య 1086, ఆడవారి సంఖ్య 1193. షెడ్యూల్డ్ కులాల సంఖ్య 6 కాగా షెడ్యూల్డ్ తెగల సంఖ్య 1682.^[3]

2001 వ.సంవత్సరం జనాభా లెక్కల ప్రకారం గ్రామ జనాభా 2115.^[4] ఇందులో పురుషుల సంఖ్య 1016, మహిళల సంఖ్య 1099, గ్రామంలో నివాసగృహాలు 479 ఉన్నాయి.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి అరకులోయలో ఉంది.సమీప జూనియర్ కళాశాల అరకులోయలోను, ప్రభుత్వ ఆర్ట్స్ / సైన్స్ డిగ్రీ కళాశాల పాడేరులోనూ ఉన్నాయి. సమీప వైద్య కళాశాల, మేనేజిమెంటు కళాశాల విశాఖపట్నంలోను, పాలీటెక్నిక్ పాడేరులోనూ ఉన్నాయి. సమీప వృత్తి విద్యా శిక్షణ పాఠశాల అరకులోయలోను, అనియత విద్యా కేంద్రం, దివ్యాంగుల ప్రత్యేక పాఠశాల‌లు విశాఖపట్నంలోనూ ఉన్నాయి.