జోగు రామన్న

వికీపీడియా నుండి
Jump to navigation Jump to search
జోగురామన్న

శాసనసభ్యుడు
పదవీ కాలము
2009 - ప్రస్తుతం
నియోజకవర్గము ఆదిలాబాదు

వ్యక్తిగత వివరాలు

జననం (1961-07-04) 1961 జులై 4
రాజకీయ పార్టీ తెలంగాణ రాష్ట్ర సమితి
తల్లిదండ్రులు ఆశన్న
జీవిత భాగస్వామి జోగు రమ
సంతానము ప్రేమేందర్, మహేందర్
మతం హిందూ

జోగు రామన్న తెలంగాణ రాష్ట్రంకు చెందిన రాజకీయ నాయకుడు, ఆదిలాబాదు శాసనసభ నియోజకవర్గం శాసనసభ్యుడు. తెలంగాణ ముఖ్యమంత్రి కెసీఆర్ తొలి మంత్రివర్గంలో అడవులు, పర్యావరణ, బీసీ సంక్షేమ శాఖ మంత్రిత్వశాఖల మంత్రిగా బాధ్యతలు నిర్వర్తించాడు.

జననం - విద్యాభ్యాసం[మార్చు]

రామన్న 1961, జూలై 4వ తేదీన ఆదిలాబాద్ జిల్లా, జైనథ్ మండలం, దీపాయిగూడ గ్రామంలో జన్మించాడు. తండ్రి పేరు ఆశన్న. రామన్న బి.ఏ. వరకు చదువుకున్నాడు.

వివాహం - పిల్లలు[మార్చు]

రామన్నకు రమతో వివాహం జరిగింది. వీరికి ఇద్దరు కుమారులు (ప్రేమేందర్, మహేందర్).

రాజకీయరంగం[మార్చు]

1984లో తెలుగుదేశం పార్టీ ద్వారా రాజకీయ అరంగేట్రం చేసిన రామన్న, దీపాయిగుడ గ్రామానికి సర్పంచ్‌గా జైనాథ్ మండల ఎంపిటిసి, జెడ్‌పిటిసిగా పనిచేశాడు. 2009లో ఉమ్మడి ఆంధ్ర ప్రదేశ్ లో జరిగిన అసెంబ్లీ ఎన్నికల్లో టిడిపి తరపున పోటీచేసి కాంగ్రెస్ పార్టీ అభ్యర్థి సి. రామచంద్రారెడ్డి పై 25,580 ఓట్ల మెజారిటీతో ఆంధ్ర ప్రదేశ్ శాసనసభ్యుడుగా గెలుపోందాడు.[1] ప్రత్యేక తెలంగాణ రాష్ట్ర ఏర్పాటు విషయంలో మాజీ ముఖ్యమంత్రి నారా చంద్రబాబునాయుడు తీరుపై నాగం జనార్ధన్ రెడ్డితో కలిసి పోరాడి[2][3] 2011, అక్టోబరు 10న టిడిపి పార్టీకి, శాసనసభ సభ్యత్వానికి రాజీనామా చేసి, తెలంగాణ రాష్ట్ర సమితిలో చేరాడు. అనంతరం 2012లో జరిగిన ఉపఎన్నికల్లో టిఆర్ఎస్ తరుపున పోటిచేసి మరలా అదే అభ్యర్థిపై గెలుపొందాడు.[4][5]

తెలంగాణ రాష్ట్రం ఏర్పడిన తరువాత 2014లో జరిగిన తెలంగాణ సార్వత్రిక ఎన్నికల్లో భాగంగా తెలంగాణ రాష్ట్ర సమితి టికెట్ పై పోటీ చేసి భారతీయ జనతా పార్టీ అభ్యర్థి పాయల్ శంకర్ పై 14711 ఓట్ల మెజారిటీతో గెలుపొందాడు. 2014, జూన్ 2వ తేదీన కెసీఆర్ తొలి మంత్రివర్గంలో అడవులు, పర్యావరణ, బీసీ సంక్షేమ శాఖ మంత్రిత్వశాఖల మంత్రిగా బాధ్యతలు నిర్వర్తించి, తెలంగాణకు హరితహారం కార్యక్రమంలో తనవంతు కృషిచేశాడు.[6]2018లో జరిగిన తెలంగాణ ముందస్తు ఎన్నికలలో తెలంగాణ రాష్ట్ర సమితి పార్టీ టికెట్ పై పోటీ చేసి సమీప భారతీయ జనతా పార్టీ అభ్యర్థి పాయల్ శంకర్ పై 25,279 ఓట్ల మెజారిటీతో గెలుపొందాడు.

మూలాలు[మార్చు]

  1. "Andhra Pradesh News : Adilabad MLA joins fast". The Hindu. 3 January 2010. Retrieved 10 December 2019.
  2. "All-party meet on Telangana at the earliest: PC". Ibnlive.in.com. 24 May 2011. Retrieved 10 December 2019.
  3. "Cities". Deccan Chronicle. 30 June 2013. Archived from the original on 11 October 2012. Retrieved 10 December 2019.
  4. May. "Another MLA joins Nagam's bandwagon - Times Of India". Articles.timesofindia.indiatimes.com. Retrieved 10 December 2019.
  5. "AP: TRS Workers Try to Disrupt TDP Public Rally". news.outlookindia.com. Retrieved 10 December 2019.[permanent dead link]
  6. నమస్తే తెలంగాణ, తెలంగాణ (25 June 2018). "జూలై రెండో వారం నుంచి హరితహారం". www.ntnews.com. Archived from the original on 10 December 2019. Retrieved 10 December 2019.