తీర్పు (1994 సినిమా)

తీర్పు (1994 తెలుగు సినిమా)
దర్శకత్వం	ఉప్పలపాటి నరసింహరావు
తారాగణం	అక్కినేని నాగేశ్వరరావు, రాజేంద్ర ప్రసాద్, ఆమని
సంగీతం	కీరవాణి
నిర్మాణ సంస్థ	ఎ.ఎన్.ఆర్. ఆర్ట్స్
భాష	తెలుగు

తీర్పు 1994 లో విడుదలైన కోర్టు వ్తవహారాలపై వచ్చిన సినిమా. అన్నపూర్ణ స్టూడియోస్ పతాకంపై అక్కినేని వెంకట్ నిర్మించిన ఈ సినిమాకు ఉప్పలపాటి నారాయణరావు దర్శకుడు. ఇందులో అక్కినేని నాగేశ్వరరావు, జగపతి బాబు, ఆమని, రోహిణి హట్టంగడి ప్రధాన పాత్రల్లో నటించారు. ఎంఎం కీరవాణి సంగీతం అందించాడు.

కథ

జస్టిస్ రామమోహనరావు (అక్కినేని నాగేశ్వరరావు) పై ఈ చిత్రం ప్రారంభమవుతుంది. నక్సలైటైన అతని రెండవ కుమారుడు వేణు (బ్రహ్మజీ) ను పోలీసులు పట్టుకునే క్రమంలో అతను పోలీసు ఎన్కౌంటర్లో మరణిస్తాడు. అందువల్ల అతని భార్య పార్వతి (రోహిణి హట్టంగాడి) దిగ్భ్రాంతికి గురై మాటపడిపోతుంది. ఈ దంపతులకు మరో ఇద్దరు కుమారులు, ఒక కుమార్తె ఉన్నారు., పెద్ద కుమారుడు ఎసిపి మధు (శరత్ బాబు) మంచివాడిలా నటిస్తాడు గాని, నిజానికి అతడొక లంచగొండి, దుర్మార్గుడు. మూడవ వాడు రవి (జగపతి బాబు) ఒక సోమరిపోతు. న్యాయం కోసం నిలబడతాడు. రాణి (ఆమని) అనే కార్మికురాలి పిచ్చిలో పడిపోతాడు . ఒకసారి రవి మధు అసలు సంగతి తెలుసుకోగా, మధు తెలివిగా రవినే ఇరికిస్తాడు. రామమోహన రావు రవిని బయటకు నెట్టేస్తాడు. అయితే, తండ్రికి తన సోదరుడిపై ఉన్న నమ్మకాన్ని నిలబెట్టడం కోసం రవి మారు మాట్లాడకుండా బయటికి పోతాడు.

బుచ్చిబాబు (కోట శ్రీనివాసరావు) సమాజంలో అనేక దుర్మార్గాలు చేస్తూంటాడు. ప్రస్తుతం, రామమోహన రావు కుమార్తె గౌతమి అతడి కుమారుడు రఘును ప్రేమిస్తుంది. రామమోహనరావు తన గురువు గోపాల కృష్ణ (గుమ్మడి) కుటుంబంతో సంబంధం కలుపుకోవా లనుకుంటాడు. ఆ సమయంలో, బుచ్చిబాబు, తన కుమార్తె స్వాతిని ఆకర్షించినందుకు గోపాల కృష్ణ మనవడు సాయిరాంను చంపడానికి చేసిన ప్రయత్నాన్ని వారు చూస్తారు. ఆ గందరగోళంలో, గోపాల కృష్ణ మరణిస్తాడు రామమోహనరావు కేసు నమోదు చేస్తాడు. దాంతో, బుచ్చి బాబు పార్వతిని ఒత్తిడి చేసి, రామమోహనరావుతో మాట్లాడటానికి ఆమెను ఒప్పిస్తాడు. పార్వతి, బుచ్చిబాబు పిల్ల పెళ్ళికి అంగీకరించాడని, అందుకు ప్రతిఫలంగా అతన్ని కేసునుండి బయట పడెయ్యాలని కోరుకున్నాడనీ చెబుతుంది. రామమోహనరావు కోర్టును మోసం చేసి బుచ్చి బాబును విడిపిస్తాడు. రామమోహనరావు మధు అసలు స్వరూపాన్ని తెలుసుకుని, అతన్ని కూడా బయటికి పంపేస్తాడు. రవిని అర్థం చేసుకుని ఆలింగనం చేసుకుంటాడు.

బుచ్చిబాబు మధును పక్కనుంచుకుని సాయిరామును చంపబోతాడు. బుచ్చిబాబు రామమోహనరావును కాల్చబోగా మధు అడ్డుపడి తండ్రిని రక్షిస్తాడు. తన తప్పులకు పశ్చాత్తాపపడి, తుది శ్వాస విడుస్తాడు. రామమోహనరావు బుచ్చి బాబును చంపేస్తాడు. చివరగా, రామమోహనరావును నిర్దోషిగా తీర్పు ఇవ్వడంతో సినిమా ముగుస్తుంది.

నటీనటులు

• రామ్మోహనరవుగా అక్కినేని నాగేశ్వరరావు
• రవిగా జగపతి బాబు
• రాణిగా ఆమని
• పార్వతిగా రోహిణి హట్టంగడి
• బుచ్చిబాబుగా కోట శ్రీనివాసరావు
• మంత్రిగా మాగంటి మురళీమోహన్
• మధుగా శరత్ బాబు
• గోపాలకృష్ణగా గుమ్మడి వెంకటేశ్వరరావు
• జోగిరాజుగా బ్రహ్మానందం
• ఆలీ
• ఆహుతి ప్రసాద్
• వేణుగా బ్రహ్మాజీ
• బెనర్జీ
• కాదంబరి కిరణ్ కుమార్

సాంకేతిక సిబ్బంది

• కళ: జాన్ బాబు
• నృత్యాలు: తారా, శివ సుబ్రమణ్యం, సుచిత్రా
• పోరాటాలు: గుర్రపు బాబు
• సంభాషణలు: గణేష్ పాట్రో
• సాహిత్యం: సిరివెన్నెల సీతారామ శాస్త్రి, వెన్నెలకంటి రాజేశ్వర ప్రసాద్
• నేపథ్య గానం: ఎస్పీ బాలూ, చిత్ర
• సంగీతం: ఎంఎం కీరవణి
• కథ: భూపతి రాజా
• కూర్పు: శంకర్
• ఛాయాగ్రహణం: తేజ
• నిర్మాత: అక్కినేని వెంకట్
• చిత్రానువాదం - దర్శకుడు: ఉప్పలపతి నారాయణరావు
• బ్యానర్: అన్నపూర్ణ స్టూడియోస్
• విడుదల తేదీ: 1994 జూన్ 22

పాటలు

సంఖ్య.	పాట	గాయనీ గాయకులు	నిడివి
1.	"ముద్దుకు ముద్దే"	ఎస్.పి.బాలసుబ్రహ్మణ్యం, కె. ఎస్. చిత్ర	4:33
2.	"కళ్ళెర్రబడ్డ చూపుల"	ఎస్.పి.బాలసుబ్రహ్మణ్యం, చిత్ర	4:53
3.	"సక్కనోడు సక్కనోడు"	ఎస్.పి.బాలసుబ్రహ్మణ్యం, చిత్ర	4:59
4.	"బోసినవ్వు బుజ్జినాన్న"	ఎస్.పి.బాలసుబ్రహ్మణ్యం	4:30
5.	"అలక చిలకా"	ఎస్.పి.బాలసుబ్రహ్మణ్యం	4:12
6.	"మనసైన మమతాలయం"	ఎస్.పి.బాలసుబ్రహ్మణ్యం	1:39
మొత్తం నిడివి:			24:46