రోహిణీ హట్టంగడి
రోహిణీ హట్టంగడి | |
|---|---|
 బిగ్ ఎఫ్.ఎమ్ మరాఠీ అవార్డుల సందర్భంగా రోహిణీ హట్టంగడి | |
| జననం | రోహిణీ ఓక్ 1951 ఏప్రిల్ 11 |
| క్రియాశీల సంవత్సరాలు | 1975–ప్రస్తుతం |
| జీవిత భాగస్వామి | జయదేవ్ హట్టంగడి (1977–2008; ఆయన మరణం); 1 కుమారుడు |
రోహిణీ హట్టంగడి ప్రముఖ భారతీయ నటి. ఈమె పలు భారతీయ భాషల చిత్రాలలో, టెలివిజన్ కార్యక్రమాలలో ప్రాధాన్యాతా పాత్రలను పోషించి మంచి నటిగా గుర్తింపు పొందినది. గాంధీ సినిమాలో పోషించిన కస్తూర్బా పాత్ర ఆమెకు మంచి గుర్తింపు తెచ్చిపెట్టింది.
జీవిత విశేషాలు
[మార్చు]ఈమె ఏప్రిల్ 11 1951లో పూణేలో జన్మించింది. ఆమె అసలు పేరు రోహిణీ ఓక్. 1966లో పూణేలోని రేణుకా స్వరూప్ స్మారక బాలికోన్నత పాఠశాల నుండి విద్యాభ్యాసం పూర్తిచేసుకొంది.[1] ఈమె ఒక సాంప్రదాయ నర్తకి కూడా. కథాకళి, భరతనాట్యాలలో ఎనిమిదేళ్లు శిక్షణ పొందింది.
ఆ తరువాత 1971లో కొత్త డిల్లీలోని నేషనల్ స్కూల్ ఆఫ్ డ్రామాలో చేరింది. రంగస్థలంపై ఆసక్తి ఉండటం, సినిమాలోకి వెళ్ళాలన్న ప్రణాళికలేవి లోకపోవటంతో, ఆమె స్వస్థలమైన పూణేలో ఫిల్మ్ అండ్ టెలివిజన్ ఇన్సిస్టిట్యూట్ ఉన్నా, దానిలో చేరలేదు. ఈ నిర్ణయాన్ని వివరిస్తూ రోహిణి "నాకు కేవలం నటి కావలన్న ఆసక్తి ఉండేది... నా మనసంతా రంగస్థలంలోనే ఉన్నది, ఎందుకంటే మానాన్న (అనంత్ ఓక్) నిజమైన నటన రంగస్థలంపైనే నేర్చుకోవచ్చని చెప్పేవారు. అందుకే ఎన్.ఎస్.డీ.లో చేరటానికి అంత దూరంలోని దిల్లీకి వచ్చాను." అని చెప్పింది[2] ఎన్.ఎస్.డీ.లో, తన భావి భర్త జయదేవ్ హట్టంగడిని కలిసింది. వీరిద్దరూ ఒకే బృందంలో చదువుకున్నారు. వీరిద్దరూ అదేసమయంలో ఇబ్రహీం అల్కాజీ వద్ద శిక్షణ పొందారు.[3] నేషనల్ స్కూల్ ఆఫ్ డ్రామాలో 1974లో ఆమె డిగ్రీ పూర్తి అయ్యేనాటికి ఆమె ఉత్తమ నటిగా, ఉత్తమ ఆల్ రౌండర్‌గా, జయదేవ్ హట్టంగడి ఉత్తమ దర్శకుడిగా ఎన్నుకోబడ్డారు. ఈమెకు అసీమ్‌ హట్టంగడి అనే ఒక కుమారుడు ఉన్నాడు. ఈమె భర్త 2008లో కేన్సర్‌తో బాధపడుతూ మరణించాడు.
నాటకరంగం
[మార్చు]ఈమె తన నాటక ప్రస్థానాన్ని మరాఠీనాటకాలతో ప్రారంభంచింది. ఢిల్లీలో నేషనల్ డ్రామా స్కూలులో చదువుకునే సమయంలోనే తన భర్త జయదేవ్‌తో కలిసి ముంబాయిలో ఆవిష్కార్ అనే నాటక సంస్థను ప్రారంభించి దాని ద్వారా 150 నాటకాలలో నటించి ప్రదర్శించింది. ఈమె కన్నడ యక్షగానాలలోను, జపనీస్ కబుకి నాటకాలలోను నటించిన మొదటి మహిళ. అపరాజిత అనే 120 నిమిషాల ఏకాంకికలో ఈమె నటనకు పలువురి ప్రశంసలు లభించాయి. బెంగాలీ కథ ఆధారంగా రూపొందించబడిన ఈ ఏకాంకిక హిందీ, మరాఠీ భాషలలో అనేక ప్రదర్శనలు పొందింది. ఈమె తన భర్తతో కలిసి ముంబాయిలో కళాశ్రయ్ అనే, మరో సంస్థను కూడా స్థాపించి నాటక కళకు పాటుపడింది.
సినిమారంగం
[మార్చు]అరవింద్ దేశాయ్‌కీ అజీబ్ దస్తా అనే చిత్రంతో ఈమె సినీరంగ ప్రవేశం జరిగింది. రిచర్డ్ అటెన్‌బరో తీసిన గాంధీ చిత్రంలో ఈమె బెన్‌కింగ్స్‌లే సరసన కస్తూరీబా పాత్రలో నటించింది. ఈ చిత్రం ఈమెకు మంచి పేరు, పురస్కారాలను తెచ్చిపెట్టింది. ఈమె ఇంగ్లీషు, హిందీ, కన్నడ, మరాఠీ, తెలుగు, మలయాళ, తమిళ భాషాచిత్రాలలో మంచి పాత్రలను పోషించింది. ఈమె నాటకాలు, సినిమాలలోనే కాకుండా టెలివిజన్ సీరియళ్లలో కూడా నటించి ప్రేక్షకుల మెప్పు సంపాదించింది.
సినిమాలు
[మార్చు]| సంవత్సరం | పేరు | పాత్ర | భాష | గమనికలు |
|---|---|---|---|---|
| 1978 | అరవింద్ దేశాయ్ కి అజీబ్ దాస్తాన్ | శిల్పా | హిందీ | |
| 1980 | ఆల్బర్ట్ పింటో కో గుస్సా క్యోం అతా హై | వివేక్ భార్య | ||
| 1981 | చక్ర | లక్ష్మి | ||
| 1982 | గాంధీ | కస్తూర్బా గాంధీ | ఆంగ్ల | గెలుపొందింది – సహాయ పాత్రలో ఉత్తమ నటిగా BAFTA అవార్డు |
| అర్థ్ | పూజా పని మనిషి | హిందీ | గెలుచుకుంది - ఉత్తమ సహాయ నటిగా ఫిల్మ్‌ఫేర్ అవార్డు | |
| 1984 | సారాంశ్ | పార్వతి ప్రధాన్ | నామినేట్ చేయబడింది – ఉత్తమ నటిగా ఫిల్మ్‌ఫేర్ అవార్డు | |
| భావన | శోభ | నామినేట్ చేయబడింది – ఉత్తమ సహాయ నటిగా ఫిల్మ్‌ఫేర్ అవార్డు | ||
| పార్టీ | మోహిని బార్వే | గెలుచుకుంది - ఉత్తమ సహాయ నటిగా జాతీయ చలనచిత్ర అవార్డు | ||
| మోహన్ జోషి హజీర్ హో! | డిఫెన్స్ లాయర్ | |||
| 1985 | అఘాత్ | శ్రీమతి అలీ | ||
| 1986 | సూర్య | కన్నడ | ||
| 1987 | అచ్చువెట్టంటే వీడు | రుక్మిణి కుంజమ్మ | మలయాళం | |
| ప్రతిఘాట్ | దుర్గ | హిందీ | ||
| జల్వా | శ్రీ బేబీ | |||
| 1988 | షాహెన్‌షా | శాంతి (విజయ్ తల్లి) | ||
| హీరో హీరాలాల్ | రూప సవతి తల్లి | |||
| ఆకర్షణ్ | దీదీ | |||
| 1989 | బిల్లూ బాద్షా | బిల్లు తల్లి | ||
| లడాయి | శ్రీమతి శాంతి శర్మ | |||
| చాల్‌బాజ్ | అంబా | |||
| 1990 | అగ్నిపథ్ | సుహాసిని చౌహాన్ | గెలుచుకుంది - ఉత్తమ సహాయ నటిగా ఫిల్మ్‌ఫేర్ అవార్డు | |
| శివ | ప్రకాష్ తల్లి | |||
| 1991 | ఏక్ ఘర్ | |||
| మేన్ | కన్నడ | |||
| సీతారామయ్యగారి మనవరాలు | సీతారామ్మయ్య భార్య జానకమ్మ | తెలుగు | ||
| 1992 | రాత్రి | మనీషా శర్మ తల్లి | ||
| రాత్ | హిందీ | |||
| 1993 | దామిని | శ్రీమతి సుమిత్రా గుప్తా | ||
| 1994 | తీర్పు | పార్వతి | తెలుగు | |
| భలే పెళ్ళాం | ||||
| 1995 | టాప్ హీరో | అమ్మా | ||
| అగ్నిదేవన్ | అనియంకుట్టన్ అమ్మమ్మ | మలయాళం | ||
| 1996 | లిటిల్ సోల్జర్స్ | రాజేశ్వరి దేవి | తెలుగు | |
| ఘటక్ | సావిత్రి | హిందీ | ||
| 1997 | టున్ను కి టీనా | తున్నుని తల్లి | ||
| 2000 | పుకార్ | శ్రీమతి మల్లప (పూజ తల్లి) | ||
| 2001 | లజ్జ | శ్రీమతి హజారీలాల్ | ||
| అవగత్ | రమ్య తల్లి | |||
| 2002 | బధాయై హో బధాయై | రోజీ డిసౌజా | ||
| 2003 | మున్నా భాయ్ MBBS | పార్వతి శర్మ | ||
| 2004 | వసూల్ రాజా MBBS | కస్తూరి వెంకటరామన్ | తమిళం | |
| 2008 | కర్జ్జ్జ్ | శాంత ప్రసాద్ వర్మ | హిందీ | |
| 2009 | గణేష్ | దివ్య అత్త | తెలుగు | |
| 2012 | శిరిడి సాయి | గంగా బాయి | ||
| 2013 | సీతమ్మ వాకిట్లో సిరిమల్లె చెట్టు | బోండం/బామ్మా | ||
| రామయ్యా వస్తావయ్యా | బేబీ | |||
| డేవిడ్ | మాలతీ తాయ్ | హిందీ/తమిళం | ||
| ప్రేమచి గోష్ట | రాముని తల్లి | మరాఠీ | ||
| 2014 | వీరం | కొప్పెన్రుందేవి | తమిళం | |
| 2015 | మామిడి డ్రీమ్స్ | పద్మ | ఆంగ్ల | |
| 2016 | బ్రహ్మోత్సవం | మహాలక్ష్మి సవతి తల్లి | తెలుగు | |
| 2018 | చల్ మోహన్ రంగ | |||
| ఆక్సిజన్ | గుజరాతీ | |||
| 2019 | చిత్రలహరి | న్యాయమూర్తి | తెలుగు | |
| కొలైయుతిర్ కాలం | తమిళం | |||
| 2019 | ఇంకొక సారి | మరాఠీ | ||
| 2022 | జల్సా | రుక్మిమి | హిందీ | |
| 2023 | కిసీ కా భాయ్ కిసీ కి జాన్ | గుండమనేని పుష్పాంజలి | హిందీ | |
| బైపన్ భారీ దేవా | జయ | మరాఠీ | ||
| 2024 | ఆట వేల్ జాలీ | రంజన లేలే | మరాఠీ | |
| ఫ్యామిలీ స్టార్ | గోవర్ధన్ అమ్మమ్మ | తెలుగు |
టెలివిజన్
[మార్చు]| సంవత్సరం | పేరు | పాత్ర | భాష |
|---|---|---|---|
| 1997-1999 | తోడా హై థోడే కీ జరూరత్ హై | హిందీ | |
| 1998 | మహాయజ్ఞం | విమల | |
| 1999 | ముస్కాన్ | రాహుల్ తల్లి | |
| 2001–2013 | చార్ దివాస్ ససుచే | ఆశాలతా దేశ్‌ముఖ్ | మరాఠీ |
| 2007-2009 | వాహినీసాహెబ్ | షాలినీ భోసలే | |
| ఘర్ కి లక్ష్మి బేతియన్ | గాయత్రి | హిందీ | |
| 2011 | మాయ్కే సే బంధి దోర్ | లత | |
| 2012 | ఛల్ - షెహ్ ఔర్ మాత్ | జ్యోతిష్యుడు | |
| 2013-2016 | హోనర్ సూన్ మి హ్య ఘర్చీ | భాగీరథి గోఖలే (ఆయ్ ఆజీ) | మరాఠీ |
| 2017-2018 | తుజా మజా బ్రేకప్ | ఆజీ | |
| 2020-2021 | డాక్టర్ డాన్ | స్నేహలత | |
| 2020-2021 | సుఖీ మాంసాచ సాదర | హంస | |
| 2021 | మోతీ బా నీ నాని వహూ | కాకీ బా | గుజరాతీ |
| 2023 | యశోదా -- గోష్టా శ్యామచ్య ఆయిచీ | రుక్మిణి పర్చూరు | మరాఠీ |
అవార్డులు, రివార్డులూ
[మార్చు]- 1975లో మహారాష్ట్ర రాష్ట్రస్థాయి నాటకోత్సవాలలో ఉత్తమ నటి అవార్డు.
- 1982లో "గాంధీ" చిత్రంలో కస్తూరీబా గాంధీ వేషానికి ఉత్తమ సహాయక నటిగా బ్రిటిష్ అకాడమీ ఫిలిం (BAFTA) అవార్డు.
- 1984లో "అర్థ్" చిత్రానికి ఉత్తమ సహాయ నటి అవార్డు.
- 1985లో "పార్టీ" చిత్రంలో మోహిని పాత్రకు ఉత్తమ సహాయనటిగా నేషనల్ ఫిలిమ్‌ అవార్డు.
- 1990లో "అగ్నిపథ్" చిత్రంలో సుహాసినీ చౌహాన్ పాత్రకు ఉత్తమ సహాయనటిగా ఫిలిం ఫేర్ అవార్డు.
- 2004లో సంగీత నాటక అకాడెమీ అవార్డు.
మూలాలు
[మార్చు]- ↑ "Alumni put up class act for alma mater" Archived 2008-06-21 at the Wayback Machine, Indian Express, 20 December 2002.
- ↑ Kumar, Anuj (2010-06-04). "Cast in a different mould". The Hindu. Archived from the original on 2011-06-29. Retrieved 2011-02-24.
- ↑ "Profile: "I Was Recognised For My Genius"". The Outlook. 18 December 1996.