రోహిణీ హట్టంగడి

వికీపీడియా నుండి
Jump to navigation Jump to search
రోహిణీ హట్టంగడి
Rohini Hattangadi.jpg
బిగ్ ఎఫ్.ఎమ్ మరాఠీ అవార్డుల సందర్భంగా రోహిణీ హట్టంగడి
జననంరోహిణీ ఓక్
(1951-04-11) 1951 ఏప్రిల్ 11 (వయస్సు: 68  సంవత్సరాలు)
పూణే
క్రియాశీలక సంవత్సరాలు1975–ప్రస్తుతం
జీవిత భాగస్వామిజయదేవ్ హట్టంగడి (1977–2008; ఆయన మరణం); 1 కుమారుడు

రోహిణీ హట్టంగడి ప్రముఖ భారతీయ నటి. ఈమె పలు భారతీయ భాషల చిత్రాలలో మరియు టెలివిజన్ కార్యక్రమాలలో ప్రాధాన్యాతా పాత్రలను పోషించి మంచి నటిగా గుర్తింపు పొందినది. గాంధీ సినిమాలో పోషించిన కస్తూర్బా పాత్ర ఆమెకు మంచి గుర్తింపు తెచ్చిపెట్టింది.

జీవిత విశేషాలు[మార్చు]

ఈమె ఏప్రిల్ 11 1951లో పూణేలో జన్మించింది. ఆమె అసలు పేరు రోహిణీ ఓక్. 1966లో పూణేలోని రేణుకా స్వరూప్ స్మారక బాలికోన్నత పాఠశాల నుండి విద్యాభ్యాసం పూర్తిచేసుకొంది.[1] ఈమె ఒక సాంప్రదాయ నర్తకి కూడా. కథాకళి, భరతనాట్యాలలో ఎనిమిదేళ్లు శిక్షణ పొందింది.

ఆ తరువాత 1971లో కొత్త డిల్లీలోని నేషనల్ స్కూల్ ఆఫ్ డ్రామాలో చేరింది. రంగస్థలంపై ఆసక్తి ఉండటం మరియు సినిమాలోకి వెళ్ళాలన్న ప్రణాళికలేవి లోకపోవటంతో, ఆమె స్వస్థలమైన పూణేలో ఫిల్మ్ అండ్ టెలివిజన్ ఇన్సిస్టిట్యూట్ ఉన్నా, దానిలో చేరలేదు. ఈ నిర్ణయాన్ని వివరిస్తూ రోహిణి "నాకు కేవలం నటి కావలన్న ఆసక్తి ఉండేది... నా మనసంతా రంగస్థలంలోనే ఉన్నది, ఎందుకంటే మానాన్న (అనంత్ ఓక్) నిజమైన నటన రంగస్థలంపైనే నేర్చుకోవచ్చని చెప్పేవారు. అందుకే ఎన్.ఎస్.డీ.లో చేరటానికి అంత దూరంలోని దిల్లీకి వచ్చాను." అని చెప్పింది[2] ఎన్.ఎస్.డీ.లో, తన భావి భర్త జయదేవ్ హట్టంగడిని కలిసింది. వీరిద్దరూ ఒకే బృందంలో చదువుకున్నారు. వీరిద్దరూ అదేసమయంలో ఇబ్రహీం అల్కాజీ వద్ద శిక్షణ పొందారు. నేషనల్ స్కూల్ ఆఫ్ డ్రామాలో 1974లో ఆమె డిగ్రీ పూర్తి అయ్యేనాటికి ఆమె ఉత్తమ నటిగా, ఉత్తమ ఆల్ రౌండర్‌గా, జయదేవ్ హట్టంగడి ఉత్తమ దర్శకుడిగా ఎన్నుకోబడ్డారు. ఈమెకు అసీమ్‌ హట్టంగడి అనే ఒక కుమారుడు ఉన్నాడు. ఈమె భర్త 2008లో కేన్సర్‌తో బాధపడుతూ మరణించాడు.

నాటకరంగం[మార్చు]

ఈమె తన నాటక ప్రస్థానాన్ని మరాఠీనాటకాలతో ప్రారంభంచింది. ఢిల్లీలో నేషనల్ డ్రామా స్కూలులో చదువుకునే సమయంలోనే తన భర్త జయదేవ్‌తో కలిసి ముంబాయిలో ఆవిష్కార్ అనే నాటక సంస్థను ప్రారంభించి దాని ద్వారా 150 నాటకాలలో నటించి ప్రదర్శించింది. ఈమె కన్నడ యక్షగానాలలోను, జపనీస్ కబుకి నాటకాలలోను నటించిన మొదటి మహిళ. అపరాజిత అనే 120 నిమిషాల ఏకాంకికలో ఈమె నటనకు పలువురి ప్రశంసలు లభించాయి. బెంగాలీ కథ ఆధారంగా రూపొందించబడిన ఈ ఏకాంకిక హిందీ, మరాఠీ భాషలలో అనేక ప్రదర్శనలు పొందింది. ఈమె తన భర్తతో కలిసి ముంబాయిలో కళాశ్రయ్ అనే, మరో సంస్థను కూడా స్థాపించి నాటక కళకు పాటుపడింది.

సినిమారంగం[మార్చు]

అరవింద్ దేశాయ్‌కీ అజీబ్ దస్తా అనే చిత్రంతో ఈమె సినీరంగ ప్రవేశం జరిగింది. రిచర్డ్ అటెన్‌బరో తీసిన గాంధీ చిత్రంలో ఈమె బెన్‌కింగ్స్‌లే సరసన కస్తూరీబా పాత్రలో నటించింది. ఈ చిత్రం ఈమెకు మంచి పేరు, పురస్కారాలను తెచ్చిపెట్టింది. ఈమె ఇంగ్లీషు, హిందీ, కన్నడ, మరాఠీ, తెలుగు, మలయాళ, తమిళ భాషాచిత్రాలలో మంచి పాత్రలను పోషించింది. ఈమె నాటకాలు, సినిమాలలోనే కాకుండా టెలివిజన్ సీరియళ్లలో కూడా నటించి ప్రేక్షకుల మెప్పు సంపాదించింది.

రోహిణీ హట్టంగడి నటించిన తెలుగు చిత్రాలు[మార్చు]

అవార్డులు, రివార్డులూ[మార్చు]

  • 1975లో మహారాష్ట్ర రాష్ట్రస్థాయి నాటకోత్సవాలలో ఉత్తమ నటి అవార్డు.
  • 1982లో "గాంధీ" చిత్రంలో కస్తూరీబా గాంధీ వేషానికి ఉత్తమ సహాయక నటిగా బ్రిటిష్ అకాడమీ ఫిలిం (BAFTA) అవార్డు.
  • 1984లో "అర్థ్" చిత్రానికి ఉత్తమ సహాయ నటి అవార్డు.
  • 1985లో "పార్టీ" చిత్రంలో మోహిని పాత్రకు ఉత్తమ సహాయనటిగా నేషనల్ ఫిలిమ్‌ అవార్డు.
  • 1990లో "అగ్నిపథ్" చిత్రంలో సుహాసినీ చౌహాన్ పాత్రకు ఉత్తమ సహాయనటిగా ఫిలిం ఫేర్ అవార్డు.
  • 2004లో సంగీత నాటక అకాడెమీ అవార్డు.

మూలాలు[మార్చు]

  1. "Alumni put up class act for alma mater", Indian Express, 20 December 2002.
  2. Kumar, Anuj (2010-06-04). "Cast in a different mould". The Hindu. Retrieved 2011-02-24.
భారత జాతీయ చలనచిత్ర పురస్కారాలు
భారత జాతీయ చలనచిత్ర పురస్కారం : ఫీచర్ ఫిల్మ్స్
ఉత్తమ సినిమా | ఉత్తమ నటుడు | ఉత్తమ నటి | ఉత్తమ సహాయ నటుడు | ఉత్తమ సహాయ నటి
ఉత్తమ కళా దర్శకుడు | ఉత్తమ బాల నటుడు | ఉత్తమ ఛాయా గ్రహకుడు | ఉత్తమ కాస్ట్యూమ్ డిజైనర్ | ఉత్తమ దర్శకుడు | ఉత్తమ స్క్రీన్ ప్లే
ఉత్తమ నృత్య దర్శకుడు | ఉత్తమ గీత రచయిత | ఉత్తమ సంగీత దర్శకుడు | ఉత్తమ నేపథ్య గాయకుడు | ఉత్తమ నేపథ్య గాయని
ఉత్తమ శబ్దగ్రహణం | ఉత్తమ కూర్పు | ఉత్తమ స్పెషల్ అఫెక్ట్స్ | ఉత్తమ బాలల సినిమా | ఉత్తమ కుటుంబ కధా చిత్రం
ప్రత్యేక జ్యూరీ పురస్కారం | ఉత్తమ ఏనిమేషన్ సినిమా
ఉత్తమ అస్సామీ సినిమా | ఉత్తమ బెంగాలీ సినిమా | ఉత్తమ ఆంగ్ల సినిమా | ఉత్తమ హిందీ సినిమా
ఉత్తమ కన్నడ సినిమా | ఉత్తమ మళయాల సినిమా | ఉత్తమ మరాఠీ సినిమా
ఉత్తమ ఒరియా సినిమా | ఉత్తమ పంజాబీ సినిమా | ఉత్తమ కొంకణి సినిమా | ఉత్తమ మణిపురి సినిమా
ఉత్తమ తమిళ సినిమా | ఉత్తమ తెలుగు సినిమా
జాతీయ సినిమా పురస్కారం : విరమించిన పురస్కారాలు
ఉత్తమ ద్వితీయ సినిమా
ఇందిరా గాంధీ జాతీయ ఉత్తమ నూతన దర్శకుడు పురస్కారం
ఇందిరా గాంధీ పురస్కారం
నర్గీస్ దత్ జాతీయ ఉత్తమ సమైక్యత సినిమా పురస్కారం
నర్గీస్ దత్ పురస్కారం
జీవితకాల గుర్తింపు పురస్కారం
దాదాసాహెబ్ ఫాల్కే పురస్కారము
ఉత్తమ సినిమా పుస్తకం
ఉత్తమ సినిమా పుస్తకం