తూర్పు పరిధీయ ఎక్స్‌ప్రెస్‌వే
| తూర్పు పరిధీయ ఎక్స్‌ప్రెస్‌వే | |
|---|---|
| కుండ్లి–ఘజియాబాద్–పల్వేల్ ఎక్స్‌ప్రెస్‌వే | |
 ఎరుపు రంగులోతూర్పు పరిధీయ ఎక్స్‌ప్రెస్‌వే | |
| మార్గ సమాచారం | |
| నిర్వహిస్తున్న సంస్థ భారత జాతీయ రహదారుల అధికార సంస్థ (NHAI) | |
| పొడవు | 135 కి.మీ. (84 మై.) |
| Existed | 2018 మే 27–present |
| ముఖ్యమైన కూడళ్ళు | |
| ఉత్తర చివర | కుండ్లి,, సోనీపత్, హర్యానా |
| దక్షిణ చివర | ధోలాగఢ్, పల్వాల్, హర్యానా |
| ప్రదేశము | |
| దేశం | భారతదేశం |
| రాష్ట్రాలు | హర్యానా, ఉత్తర ప్రదేశ్ |
| Major cities | సోనీపత్, బాగ్‌పత్, ఘజియాబాద్, గ్రేటర్ నోయిడా, ఫరీదాబాద్, పల్వాల్ |
| రహదారి వ్యవస్థ | |
తూర్పు పరిధీయ ఎక్స్‌ప్రెస్‌వే (EPE) హర్యానా, ఉత్తరప్రదేశ్ రాష్ట్రాల గుండా వెళ్ళే 135 కి.మీ. (84 మై.) ల[1][2] 6- వరుసల ఎక్స్‌ప్రెస్‌వే.[3][4] ఇద్ కుండ్లీ, సోనిపట్ వద్ద పశ్చిమ పరిధీయ ఎక్స్‌ప్రెస్‌వేతో కూడలి వద్ద మొదలై,[5] ఉత్తర ప్రదేశ్ లోని బాగ్‌పట్, ఘజియాబాద్, నోయిడా జిల్లాల గుండా వెళ్ళి, హర్యానాలోని ఫరీదాబాద్ జిల్లా ధోలాఘర్, పల్వాల్ సమీపంలో తిరిగి పశ్చిమ పరిధీయ ఎక్స్‌ప్రెస్‌వేతో కలుస్తుంది.[6] [7] దీన్ని కుండ్లి-ఘజియాబాద్-పల్వాల్ ఎక్స్‌ప్రెస్‌వే (KGP ఎక్స్‌ప్రెస్‌వే) అని కూడా అంటారు. తూర్పు, పశ్చిమ పరిధీయ ఎక్స్‌ప్రెస్‌వేలు రెండూ కలిసి, ఢిల్లీ చుట్టూ అతిపెద్ద రింగ్ రోడ్‌ను ఏర్పరచాయి.[8][9] 2006 మార్చిలో తూర్పు పరిధీయ ఎక్స్‌ప్రెస్‌వేను నేషనల్ ఎక్స్‌ప్రెస్‌వే 2 (NE-2) గా ప్రకటించారు.[10]
ఫరీదాబాద్-ఘజియాబాద్ భాగంలో ట్రాఫిక్ రద్దీని తగ్గించడానికీ, కాలుష్యానికి కారణమయ్యే వాణిజ్య వాహనాలను ఢిల్లీలోకి ప్రవేశించకుండా నిరోధించడానికీ, ఈ ఎక్స్‌ప్రెస్‌వేను రూ 11 వేల కోట్ల వ్యయంతో నిర్మించారు.[11][12] NHDP ఆరవ దశ కింద బిల్డ్-ఆపరేట్-ట్రాన్స్‌ఫర్ పద్ధతిలో ఎక్స్‌ప్రెస్‌వేను నిర్మించడం కోసం 2015 ఆగస్టులో భారత ప్రభుత్వం నిధులందించేందుకు ఆమోదించింది.[13]
ఈ ఎక్స్‌ప్రెస్‌వే మీరట్‌ను అనుసంధించే క్రమంలో, భారతదేశంలోకెల్లా అత్యంత విశాలమైన 14-వరుసల ఢిల్లీ మీరట్ ఎక్స్‌ప్రెస్‌వేని దాటుతుంది.
తూర్పు పరిధీయ ఎక్స్‌ప్రెస్‌వే ఢిల్లీ నుండి 50,000 కంటే ఎక్కువ ట్రక్కులను మళ్లిస్తూ, ఢిల్లీలో వాయు కాలుష్యాన్ని 27% తగ్గిస్తుంది.[14][15] 2018 మే 27 న ప్రధాన మంత్రి నరేంద్ర మోదీ దీన్ని బాగ్‌పత్‌లో ప్రారంభించాడు. [16] గౌతమ్ బుద్ధ నగర్ జిల్లాలోని నోయిడా ఇంటర్నేషనల్ యూనివర్శిటీ సమీపంలోని జగన్‌పూర్ అఫ్జల్‌పూర్ గ్రామంలో తూర్పు పరిధీయ ఎక్స్‌ప్రెస్‌వే, ఇంటర్‌చేంజ్ ద్వారా యమునా ఎక్స్‌ప్రెస్‌వేతో కలుస్తుంది.[17]
విశేషాలు
[మార్చు]భారతదేశంలో మొదటిసారిగా ప్రవేశపెట్టిన అనేక విశేషాలు ఈ ఎక్స్‌ప్రెస్‌వేలో ఉన్నాయి. [18]
- 135 కి.మీ పొడవున్న ఎక్స్‌ప్రెస్‌వేలో ఉన్న సుంకం వ్యవస్థలో మొత్తం పొడవుపై కాకుండా, ప్రయాణించిన దూరంపై మాత్రమే సుంకం వసూలు చేస్తారు.
- ట్రాఫిక్‌కు అంతరాయం కలగకుండా ఉండేలా ఎలక్ట్రానిక్ టోల్ వసూలు చేసే వీలు ఉంది.
- పరిమితికి మించిన బరువున్న వాహనాలు ఎక్స్‌ప్రెస్‌వేలోకి రాకుండా ప్రవేశాల వద్ద కదులుతూండగానే బరువు చూసే ఏర్పాట్లు ఉన్నాయి. సెన్సార్‌లు అన్ని ప్రవేశ స్థలాల వద్ద రెండు గేట్‌లతో ఈ సెన్సార్లను ఏర్పాటు చేసారు. ఒకటి ఎక్స్‌ప్రెస్‌వేకి దారి తీస్తుంది, రెండవది అధిక బరువున్న వాహనాలను దారి మళ్లిస్తుంది.
- అధిక బరువున్న వాహనాలు బరువు ప్రమాణాలకు అనుగుణంగా కొంత సరుకును దించేసి, మళ్ళీ ఎక్స్‌ప్రెస్‌వే ఎక్కడానికి వీలుగా ట్రక్కుల పార్కింగ్ సదుపాయం ఉంది.
- వేగాన్ని తనిఖీ చేయడానికి, ప్రతి 2 కిలోమీటర్లకు కెమెరాలను అమర్చారు. ఓవర్-స్పీడ్ వాహనాలకు సుంకం కేంద్రాల వద్ద చలాన్ జారీ చేస్తారు. సుంకం మొత్తానికి చలాన్ మొత్తాన్ని కలుపుతారు.
- ప్రతి 500 మీటర్లకు వర్షపు నీటిని సేకరించే సౌకర్యం కల్పించారు.
- హైవే వెంబడి 2.5 లక్షల చెట్లను నాటారు, వాటికి బిందు సరఫరా వ్యవస్థ ద్వారా నీరందించనున్నారు
- ఎక్స్‌ప్రెస్‌వేకు ఇరువైపులా 2.5 మీటర్ల సైకిల్‌ ట్రాక్‌ను అభివృద్ధి చేశారు
- ఎక్స్‌ప్రెస్‌వే లైటింగు కోసం విద్యుత్తును అందించేందుకు వివిధ ప్రదేశాలలో సోలార్ ప్యానెల్‌లను ఏర్పాటు చేశారు. ఎక్స్‌ప్రెస్‌వే పక్కన మొత్తం 4,000 కిలోవాట్ల (4 మెగావాట్ల ) సామర్థ్యంతో 8 సోలార్ పవర్ ప్లాంట్లు ఏర్పాటు చేసారు.
- హైవే నిర్మాణంలో నేల చదును చేసేందుకు అవసరమైన మట్టిలో 33%, బొగ్గు విద్యుత్ ప్లాంట్‌ల నుండి వచ్చే ఫ్లై యాష్‌ని ఉపయోగించారు. కాలుష్యాన్ని తగ్గించడంలో అది దోహదపడింది.
- ఎక్స్‌ప్రెస్‌వేలో 4 ప్రధాన వంతెనలు, 46 చిన్న వంతెనలు, 3 ఫ్లైఓవర్‌లు, 7 ఇంటర్‌ఛేంజ్‌లు, 221 అండర్‌పాస్‌లు, 8 రైల్వే ఓవర్ బ్రిడ్జ్‌లు (ROB) - క్మొత్తం 406 నిర్మాణాలు ఉన్నాయి.
ఇవి కూడా చూడండి
[మార్చు]- పశ్చిమ పరిధీయ ఎక్స్‌ప్రెస్‌వే
- ఢిల్లీ-మీరట్ ఎక్స్‌ప్రెస్‌వే
- ఢిల్లీ-అమృతసర్-కత్రా ఎక్స్‌ప్రెస్‌వే
- యమునా ఎక్స్‌ప్రెస్‌వే
- ఢిల్లీలో పర్యావరణ సమస్యలు
- హర్యానాలోని హైవేల జాబితా
- భారతదేశపు ఎక్స్‌ప్రెస్‌వేలు
- పరిధీయ రింగ్ రోడ్
- శాటిలైట్ టౌన్ రింగ్ రోడ్
- పొడవైన రింగ్ రోడ్ల జాబితా
మూలాలు
[మార్చు]- ↑ "3 projects in Haryana to be completed soon". The Hindu.
- ↑ Barman, Sourav Roy (28 May 2018). "First 'Smart' highway holds out hope for a congested, choking capital". Indian Express. Retrieved 5 June 2018.
- ↑ "Eastern Peripheral Expressway - Invitation of Proposals" (PDF). Retrieved 9 January 2016.
- ↑ "Reliance Infrastructure is sole bidder for Eastern Peripheral Expressway". The Economic Times. 26 December 2008. Retrieved 9 January 2016.
- ↑ "After 9-yr delay, KMP eway to be completed by August". Archived from the original on 2018-07-30. Retrieved 2024-08-17.
- ↑ "Chaos, theft, accident: All is not well with Delhi's 'smart' eastern expressway".
- ↑ "Eastern Peripheral Expressway: Some way to go for the brand new expressway". The Hindu.
- ↑ "PM Modi to inaugurate Western Peripheral Expressway: All you need to know". The Times of India.
- ↑ "Ring around Delhi: Final piece to fall in place as Western Peripheral Expressway opens today". The Times of India.
- ↑ Notification dated March 30, 2006
- ↑ "Eastern Peripheral Expressway, Built At Rs 11,000 Crore, To Be Inaugurated Tomorrow". NDTV. Retrieved 26 May 2018.
- ↑ Keelor, Vandana (3 June 2014). "New expressway to link Noida with Faridabad". Times of India. Retrieved 5 June 2018.
- ↑ "Government approves 17,000-crore highways upgradation projects". The Economic Times. Retrieved 9 January 2016.
- ↑ Bhattacharya, Somreet (29 May 2018). "Day 1 of Eastern Peripheral Expressway: 50,000 fewer trucks in Delhi". Times of India. Retrieved 5 June 2018.
- ↑ "Eastern Peripheral Expressway inaugurated by PM Modi is likely to decrease Delhi pollution by 27 per cent". India Today. 28 May 2018. Retrieved 5 June 2018.
- ↑ "Prime Minister Narendra Modi to Inaugurate Eastern Peripheral Expressway on May 27". News18. Retrieved 2018-05-25.
- ↑ "Interchange at Yamuna Expressway to connect Eastern Peripheral Expressway". The Times of India.
- ↑ "India's Eastern Peripheral Expressway boasts of many firsts, to be ready within 500 days". The Economic Times. 23 April 2018. Archived from the original on 23 June 2018. Retrieved 5 June 2018.