దాసరి మారుతి
దాసరి మారుతి | |
|---|---|
 | |
| జననం | 1981 అక్టోబరు 8[1] |
| వృత్తి | దర్శకుడు |
| క్రియాశీల సంవత్సరాలు | 2005 - ప్రస్తుతము |
| జీవిత భాగస్వామి | వీణారాగ స్పందన (2003 -ఇప్పటి వరకు) |
| పిల్లలు | 1 |
దాసరి మారుతీ ఒక తెలుగు సినిమా దర్శకుడు, నిర్మాత, రచయిత.[2]
నేపథ్యము[మార్చు]
ఇతడిది మచిలీపట్నం.[3] పేదరికంలో పెరిగాడు. వీళ్ళ నాన్న బండ్ల మీద అరటిపళ్లు అమ్మేవాడు. అమ్మ టైలరింగ్ చేసేది. ఇతను మొదట్లో వాహనాలకు నంబర్ స్టిక్కర్లు వేసేవాడు. కష్టాల మధ్యే డిగ్రీ పూర్తి చేశాడు. టూడీ యానిమేషన్ నేర్చుకోవాలన్న సంకల్పంతో 1998లో హైదరాబాదు వచ్చేశాడు. నిజాంపేటలోని వీళ్ళ అక్క వాళ్లింటో మొదటి నివాసము.
ఆ రోజుల్లో నిజాంపేటకు బస్సులు తక్కువ. ఆటోలు కూడా వచ్చేవి కావు. జేఎన్‌టీయూ నుంచి నిజాంపేట వరకూ నడిచేవాడు. జూబ్లీహిల్స్‌ లోని హార్ట్ ఇనిస్టిట్యూట్ అకాడమీలో టూడీ యానిమేషన్ కోర్స్‌లో చేరాడు. ఉదయం పదింటికే నిజాంపేట నుంచి సైకిల్ మీద జేఎన్‌టీయూ బస్టాప్ చేరుకునేవాడు. తెలిసిన వాళ్ల షాప్ దగ్గర సైకిల్ పార్క్ చేసి బస్సులు మారి రెండింటికి ఇన్‌స్టిట్యూట్‌కు వెళ్లేవాడు. ఐదింటికి క్లాస్ అయిపోయాక బయల్దేరితే.. ఇంటికి చేరుకునే సరికి రాత్రి తొమ్మిది దాటేది. ఇలా చదువు కన్నా జర్నీకే ఎక్కువ టైం పట్టేది.
ఇతడికి బొమ్మలేయడం అంటే సరదా. సిటీ రోడ్లపై బాగా చక్కర్లు కొట్టేవాడు. ఆ టైంలోనే బస్టాప్‌ల దగ్గర వేచి ఉండే ప్రయాణికుల బొమ్మలు గీసేవాడు. గోల్కొండ, చార్మినార్, నెహ్రూ జంతుప్రదర్శనశాలలోని జంతువులు, పక్షులు ఇలా ఎన్నో బొమ్మలు వేశాడు. సమయం దొరికితే చాలు హైదరాబాద్ అందాలను స్కెచింగ్‌లో చూపించే ప్రయత్నం చే సేవాడు.
సినీ జీవితము[మార్చు]
2008లో ఇతనికి పెళ్లయింది. తర్వాత యానిమేషన్ ట్రైనింగ్ క్లాసెస్ నిర్వహిస్తూ జీవనం కొనసాగించాడు. ఈ టైంలోనే బన్నీ వాసుతో పరిచయం ఇతని జీవితాన్ని కొత్త మలుపు తిప్పింది. ఆర్య సినిమాకు డిస్ట్రిబ్యూటర్‌గా అవకాశం వచ్చింది. తర్వాత ఏ ఫిల్మ్ బై అరవింద్, ప్రేమిస్తే సినిమాలకు కో ప్రొడ్యూసర్‌గా చేశాడు. కొన్ని ప్రకటనలు కూడా తీశాడు. తర్వాత దర్శకత్వం తన వృత్తిగా స్వీకరించాడు.
దర్శకత్వం వహించిన సినిమాలు[మార్చు]
- ఈ రోజుల్లో (2012)
- బస్టాప్ (2012)
- ప్రేమకథా చిత్రమ్ (2013)
- కొత్తజంట (2014)
- భలే భలే మగాడివోయ్ (2015)
- బాబు బంగారం (2016)[4]
- మహానుభావుడు (2017)
- ప్రతిరోజూ పండగే (2019)
సహా నిర్మాత[మార్చు]
- గ్రీన్ సిగ్నల్ (2014)[5]
- లవ్ యు బంగారమ్ (2014)
మూలాలు[మార్చు]
- ↑ "Maruthi Dasari Profile". tvlap.com. Archived from the original on 14 October 2017. Retrieved 5 December 2017.
- ↑ వై, సునీతా చౌదరి. "Dasari Maruti breaks the mould with his next film". thehindu.com. ది హిందు. Retrieved 5 December 2017.
- ↑ "Interview with Maruthi". idlebrain.com. Idlebrain. Retrieved 5 December 2017.
- ↑ "Babu Bangaram Review". 123telugu. 12 August 2016.
- ↑ The Times of India, Entertainment (30 May 2014). "Green Signal to release on May 30" (in ఇంగ్లీష్). Archived from the original on 30 మే 2020. Retrieved 31 May 2020.