దేవకన్య
| దేవకన్య (1968 తెలుగు సినిమా) | |
.jpg) సినిమా పోస్టర్ | |
|---|---|
| దర్శకత్వం | కె. హేమాంబరధరరావు |
| కథ | వీటూరి |
| తారాగణం | కాంతారావు, కాంచన, రాజనాల, బాలకృష్ణ, అల్లు రామలింగయ్య నాగయ్య, మిక్కిలినేని, పి.హేమలత, రమాప్రభ, నిర్మలమ్మ, లక్ష్మీకాంతమ్మ, అన్నపూర్ణ, ఝాన్సీ, ప్రభాకరరెడ్డి, త్యాగరాజు |
| సంగీతం | టి.వి. రాజు |
| నేపథ్య గానం | ఘంటసాల వెంకటేశ్వరరావు, పి.సుశీల , ఎల్.ఆర్.ఈశ్వరి, పి.లీల, వసంత, బెంగుళూరు లత |
| నిర్మాణ సంస్థ | శ్రీ ఛాయాచిత్ర |
| భాష | తెలుగు |
| ఐ.ఎమ్.డీ.బి పేజీ | |
ఛాయాచిత్ర పిక్చర్స్ బేనర్‌పై సుబ్బరాజు సోదరుడు శ్రీరామరాజు, ప్రత్యగాత్మ సోదరుడైన కె. హేమాంబరధరరావు దర్శకత్వంలో రూపొందించిన దేవకన్య 1968, మార్చి 23న విడుదల అయ్యింది.
సాంకేతిక వర్గం
[మార్చు]- కథ, మాటలు: వీటూరి
- కూర్పు: అంకిరెడ్డి
- నృత్యం: చిన్ని- సంపత్
- నృత్యతారలు: సరస్వతి (సచ్చు), రాజీ, రేణు
- ఫొటోగ్రఫీ: యం.జి.సింగ్, యం.సి.శేఖర్
- పోరాటాలు: సాంబశివరావు పార్టీ
- సంగీతం: టి.వి.రాజు
- నిర్మాత: బి.హెచ్.శ్రీరామరాజు
- దర్శకత్వం: కె. హేమాంబరధరరావు
నటీనటులు
[మార్చు]- కాంతారావు - విద్యాధరుడు, శ్రీధర్
- కాంచన - కిన్నెర, లాలస
- ప్రభాకర్‌రెడ్డి - కుబేరుడు
- మిక్కిలినేని - ఇంద్రసేన మహారాజు
- పి.హేమలత - మహారాణి
- చిత్తూరు నాగయ్య - రాజగురువు
- రాజనాల - కామపాలుడు
- త్యాగరాజు - యోగి
- భీమరాజు - మణికంధరుడు
- నిర్మల - పేరమ్మ
- బాలకృష్ణ - శ్రీధర్ స్నేహితుడు
- రమాప్రభ - బాలకృష్ణ భార్య
- పువ్వుల లక్ష్మీకాంతం - రమాప్రభ తల్లి
- అల్లు రామలింగయ్య - కలికాలం, కామపాలుని అనుచరుడు
చిత్రకథ
[మార్చు]అలకాపురి ప్రభువు కుబేరుడు (ప్రభాకర్‌రెడ్డి) అతని శివ పూజకు ఆటంకం కలిగించిన విద్యాధరుడు (కాంతారావు), కిన్నెర (కాంచన)లను భూలోకంలో జన్మించమని, ఒక్క ఝాములో 11 శివక్షేత్రాలు దర్శిస్తే విద్యాధరునికి, ఆమె అందమే ఆమెకు శత్రువు అయిన కినె్నర దైవబలంతో కష్టాలు అధిగమిస్తారని తెలియచేస్తాడు. ఆ ప్రకారం భూలోకంలో ఇంద్రసేన మహారాజు (మిక్కిలినేని) మహరాణి (హేమలత)లకు జన్మించిన శ్రీధర్, అడవిలో రాజగురువు(నాగయ్య)వద్ద పెరుగుతాడు. యుక్తవయస్కుడై తండ్రి (బోయి)ని కలియబోయి నిందకు గురవుతాడు. దారిలో కలిసిన లాలాస (కాంచన)తో కామరూపం దేశంలోని కామపాలుని (రాజనాల)వద్ద కొలువులో చేరతాడు. లాలాసపై ఆశపడ్డ కామపాలుడు, శ్రీధర్‌ను తలపగలకొట్టి ఓ యక్షుడు మణికంధరుడు (భీమరాజు)వుండే చెట్టువద్ద వదలి వెళతాడు. ఆ రాత్రి ఆ చెట్టు కదిలి శివక్షేత్రాలు తిరగటం, దానితో శ్రీధర్ శాపం తీరటం జరుగుతుంది. కామపాలుని నుంచి తప్పించుకునేందుకు నదిలో దూకిన లాలాసను ఒక యోగి (త్యాగరాజు) కాపాడి, ఆపైన ఆమెను వాంఛిస్తాడు. తన కోరిక తీర్చనందుకు, ఆమెను తాకితే ఆమె భర్త వికృత రూపుడౌతాడని, ఆమెకు పుట్టిన కుమారునిచే పాపనాశనం వద్ద, పాతాళ జలంతో అతడు శాప విముక్తుడౌతాడని తెలియచేసి, తన తపస్సు భంగం అయినందుకు ప్రాణత్యాగం చేసుకుంటాడు. ఇంతలో శ్రీధర్ కామపాలుడి నుంచి తండ్రిని రక్షించి, లాలాసకోసం వెదకి ఆమెవలన వికృతరూపం పొంది, ఒకరోజు ఆమెతో గడిపి వెళ్ళిపోతాడు. గర్భవతియైన లాలాస కుమారుని కని, ఆ బాలునికి 5 సం.లు వచ్చాక అతనితో పాతాళ గంగకోసం, పాపనాశనం బయలుదేరుతుంది. ఆమెకోసం వేచివున్న కామపాలుడు ఆమెను బలవంతం చేయబోగా, వికృత రూపంలోవున్న శ్రీధర్ వచ్చి ఆమెను రక్షించటం, దైవబలంచే, విసిరిపడిన చెంబు పైకెగసి, గంగాజలంతో శ్రీధర్ శాప విముక్తి పొందటం. అక్కడకు వచ్చిన రాజదంపతులు, కుమారుడు, కోడలు, మనవడితో రాజ్యం చేరటంతో చిత్రం ముగుస్తుంది[1].
పాటలు
[మార్చు]- ఈశా! గిరీశా! మహేశా జయ కామేశా కైలాసవాసా - ఘంటసాల - రచన: వీటూరి
- ఏదో పిలిచినదీ ఏమో పలికినది విరిసే వయసే రమ్మన్నది - పి.సుశీల, ఘంటసాల - రచన: వీటూరి
- కన్నులన్ని పులకించు వేళ చెలి తొలితొలి వలపులు - ఘంటసాల, లత - రచన: డా॥ సినారె
- అయ్యా పూలు కొంటారా , పి.సుశీల, రచన: కొసరాజు
- ఓ దారినబోయే ఓబావ , పి సుశీల,రచన:కొసరాజు
- శ్రీరమణ వెంకట రమణ, బి వసంత
- టింగ్ టింగ్ టింగ్ టకా, పి లీల, రచన: వీటూరి వెంకట సత్య సూర్యనారాయణ మూర్తి
- నా కనులే నిను చూసి సరే అన్నాయి, ఎల్ ఆర్ ఈశ్వరి, పి సుశీల,రచన: వీటూరి
- శ్రీరమణ వెంకటరమణ, పి.సుశీల, రచన: వీటూరి .
మూలాలు
[మార్చు]- సి.హెచ్.రామారావు: ఘంటసాల 'పాట'శాల అనే పాటల సంకలనం నుండి.
- ఘంటసాల గళామృతము బ్లాగు - కొల్లూరి భాస్కరరావు, ఘంటసాల సంగీత కళాశాల, హైదరాబాద్ - (చల్లా సుబ్బారాయుడు సంకలనం ఆధారంగా)