దేవరంపాడు

దేవరంపాడు పాదాక్షర పాఠ్యం
—  రెవిన్యూ గ్రామం  —
దేవరంపాడు పాదాక్షర పాఠ్యం
అక్షాంశరేఖాంశాలు: 15.552817°N 80.182624°E / 15.552817; 80.182624
రాష్ట్రం	ఆంధ్ర ప్రదేశ్
జిల్లా	ప్రకాశం
మండలం	ఒంగోలు
ప్రభుత్వము
- సర్పంచి	శ్రీ చుంచు దశరథరామయ్య
జనాభా (2011)
- మొత్తం	6,366
- పురుషుల సంఖ్య	3,209
- స్త్రీల సంఖ్య	3,157
- గృహాల సంఖ్య	1,745
పిన్ కోడ్	523182
ఎస్.టి.డి కోడ్	08592

దేవరంపాడు, ప్రకాశం జిల్లా, ఒంగోలు మండలానికి చెందిన గ్రామము. పిన్ కోడ్: 523182., ఎస్.ట్.డి.కోడ్ = 08592

గ్రామ వివరణ

మండలం పేరు	ఒంగోలు
జిల్లా	ప్రకాశం
రాష్ట్రం	ఆంధ్రపదేశ్
భాష	తెలుగు
ఎత్తు: సముద్రమట్టానికి	12 మీటర్లు
పిన్‌కోడ్
తపాలా కార్యాలయం

గ్రామ చరిత్ర

స్వాతంత్ర్యోద్యమ సమయంలో, ఉప్పుసత్యాగ్రం సందర్భంగా, మహాత్మా గాంధీజీ పిలుపు మేరకు, 1930లో, ఈ గ్రామంలో కీ.శే.టంగుటూరి ప్రకాశం పంతులుగారు, ఉప్పు పండిచి తమ నిరసన తెలిపినారు. తరువాత 1935లో ఇక్కడకు డా.రాజేంద్రప్రసాదుగారు వచ్చి, విజయోత్సవ స్థూపం ప్రారంభించారు. ఈ విజయస్థూపం ప్రకాశం పంతులుగారు స్వయంగా నిర్మించిన కట్టడం. ఆయన జీవితచరితను విశదపరచేటందుకు మిగిలిన ఏకైక నిర్మాణం.[2]

స్వాతంత్ర్యసమరయోధులు శ్రీ సాగి విజయరామరాజు గారు ఈ గ్రామస్థులే. వీరు ఆరు నెలలు చెరసాలలో చిత్రహింసలు భరించుచూ చేసిన వందే మాతరం నినాదం, ఇప్పటికీ ఈ నేల అణువణువునా మారుమ్రోగుతూనే ఉంది. 1930లో, జాతిపిత పిలుపుతో శ్రీ టంగుటూరి ప్రకాశం పంతులుగారి సారథ్యంలో ఊరంతా ఉప్పెనై కడలి తీరానికి ఎగసి ఉప్పు సత్యాగ్రహానికి వేదిక అయినది. 1935లో, నాటి భారత జాతీయ కాంగ్రెసు అధ్యక్షులు శ్రీ బాబూరాజేంద్రప్రసాదుగారు ఈ గ్రామానికి వచ్చినప్పుడు, ఈ పుణ్యభూమికి మోకరిల్లినారు. నాటి ధీరోదాత్తులకు ప్రణమిల్లినారు. అప్పుడు వారు, ప్రకాశంగారు వేయించిన విజయస్తంభాన్ని ఆవిష్కరించి అనిర్వచనీయ అనుభూతినీ, స్ఫూర్తినీ వెంట తీసుకొని వెళ్ళినారు. [3]

సమీపంలోని గ్రామాలు

వినోదరాయునిపాలెము 1.2 కి.మీ, చేజర్ల 2.6 కి.మీ, తిమ్మసముద్రం 3.6 కి.మీ, అమ్మనబ్రోలు 3.6 కి.మీ, ఉలిచి 3.9 కి.మీ.

సమీప పట్టణాలు

నాగులుప్పలపాడు 10.8 కి.మీ, ఒంగోలు 14.8 కి.మీ, కొత్తపట్నం 14.8 కి.మీ, చినగంజాం 15.4 కి.మీ.

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో శ్రీ చుంచు దశరథరామయ్య, సర్పంచిగా ఎన్నికైనారు. [4]

గ్రామ విశేషాలు

దేవరంపాడు దళితవాడ పంచాయతీని ఆకర్షణీయ గ్రామం (స్మార్ట్ విలేజ్) గా అభివృద్ధిచేయడానికై, గ్రామాన్ని, ఒంగోలు కలెక్టర్ శ్రీమతి సుజాతశర్మ, దత్తత తీసుకున్నారు. ఇక్కడ శుద్ధజల కేంద్రం ఏర్పాటు చేయడానికి ఆర్థికంగా చేయూతనీయడానికి కరవది సిండికేటు బ్యాంక్ ముందుకువచ్చింది. 2015, ఆగస్టు-23వ తెదీనాడు, ఆంధ్రకేసరి టంగుటూరి ప్రకాశం పంతులుగారి జన్మదినోత్సవం సందర్భంగా, ఈ కేంద్రాన్ని ప్రారంభించెదరు. [5]&[6]ఈ గ్రామములో స్వాతంత్ర సమరయోధులు కీ.శే.సాగి విజయరామరాజుగారి విగ్రహం ఎర్పాటుచేసినారు. [7]

గణాంకాలు

జనాభా (2011) - మొత్తం 6,366 - పురుషుల సంఖ్య 3,209 - స్త్రీల సంఖ్య 3,157 - గృహాల సంఖ్య 1,745;

2001 వ.సంవత్సరం జనాభా లెక్కల ప్రకారం గ్రామ జనాభా 6,158. ఇందులో పురుషుల సంఖ్య 3,088, మహిళల సంఖ్య 3,070, గ్రామంలో నివాస గృహాలు 1,511 ఉన్నాయి.

వెలుపలి లంకెలు

[2] ది హిందు దినపత్రిక, 2011,సెప్టెంబరు-27. [3] ఈనాడు ప్రకాశం; 2013,జూలై-10; 9వపేజీ. [4] ఈనాడు ప్రకాశం; 2013,ఆగస్టు-3; 2వపేజీ. [5] ఈనాడు ప్రకాశం; 2015,జూన్-24; 7వపేజీ. [6] ఈనాడు ప్రకాశం/ఒంగోలు; 2015,ఆగస్టు-21; 1వపేజీ. [7] ఈనాడు ప్రకాశం; 2017,ఆగస్టు-23; 11వపేజీ.

గ్రామసంబంధిత వివరాలకు ఇక్కడ చూడండి [1]