లంకపల్లి (ఘంటసాల)

లంకపల్లి (ఘంటసాల)
—  రెవిన్యూ గ్రామం  —
రాష్ట్రం	ఆంధ్రప్రదేశ్
జిల్లా	కృష్ణా
మండలం	ఘంటసాల
ప్రభుత్వము
- సర్పంచి
జనాభా (2011)
- మొత్తం	2,448
- పురుషులు	1,232
- స్త్రీలు	1,216
- గృహాల సంఖ్య	709
పిన్ కోడ్	521131
ఎస్.టి.డి కోడ్	08671

లంకపల్లి, కృష్ణా జిల్లా, ఘంటసాల మండలానికి చెందిన గ్రామము. పిన్ కోడ్ నం. 521 131., ఎస్.టి.డి.కోడ్ = 08671.

గ్రామం పేరు వెనుక చరిత్ర

ఈ గ్రామాన్ని తూర్పు లంకపల్లి (East Lankapalli) అని గూడా అంటారు.

గ్రామ భౌగోళికం

సముద్రమట్టానికి 11 మీ.ఎత్తు

లంకపల్లి గ్రామం, కృష్ణా జిల్లా కేంద్రమైన మచిలీపట్నంనకు 18 కి.మీ. దూరంలో, 214ఏ జాతీయ రహదారిపై ఉంది.

లంకపల్లి గ్రామానికి సరిహద్దుగా వున్న గ్రామాలు

మంగళాపురం 2 కి.మీ, లక్ష్మిపురం 2 కి.మీ, పుషాడం 3 కి.మీ, బోగిరెడ్డిపల్లి 4 కి.మీ, దేవరకోట 4 కి.మీ

సమీప మండలాలు

చల్లపల్లి, మొవ్వ, మోపిదేవి, గూడూరు

గ్రామానికి రవాణా సౌకర్యాలు

కొత్తమాజేరు, చల్లపల్లి నుండి రోడ్దురవాణా సౌకర్యం ఉంది. రైల్వేస్టేషన్: విజయవాడ 62 కి.మీ

గ్రామంలో విద్యా సౌకర్యాలు

1. లంకపల్లి గ్రామ శివార్లలో 2005వ సంవత్సరంలో ఒక ఇంజనీరింగ్ కళాశాల ఏర్పాటు అయ్యింది.
2. మండల పరిషత్తు ప్రాథమిక పాఠశాల.

గ్రామములో మౌలిక వసతులు

1. ఈ గ్రామంలో జిల్లా సహకార కేంద్ర బ్యాంకు, ప్రభుత్వ పాల సేకరణ కేంద్రం, తపాలా కార్యాలయం మరియు దూరవాణి కేంద్రం ఉన్నాయి.
2. గ్రామంలో ప్రస్తుతం పాక్షికంగానే శాశ్వత రహదారుల నిర్మాణం జరిగింది.
3. తాగునీటి కోసం ఈ గ్రామ ప్రజలు ప్రధానంగా చేతి పంపుల ద్వారా మరియు "నాంది నీటి శుద్ధి కేంద్రం" ద్వారా పొందుతున్నారు.
4. శుద్ధినీటి సౌకర్యం:- గ్రామంలోని పంచాయతీ కార్యాలయం సమీపంలో, సన్ ఫ్లవర్ విద్యాసంస్థల అధినేత శ్రీ ఎం.డి.వి.ఎస్,ఆర్.పున్నంరాజు ఆధ్వర్యంలో రు. 2.28 లక్షల ఆర్థికసహకారంతో నిర్మించిన ఎన్.టి.ఆర్.సుజలస్రవంతి పథకాన్ని, 2014,అక్టోబరు-31న ప్రారంభించారు. [1]

గ్రామ పంచాయతీ

ఈ గ్రామ పంచాయతీకి జూలై 2013 లో జరిగిన ఎన్నికలలో శ్రీ మాడెం నాగరాజు, సర్పంచిగా గెలుపొందారు. [1]

గ్రామంలోని దర్శనీయ ప్రదేశములు/దేవాలయాలు

1. శ్రీ నాగేంద్రస్వామివారి ఆలయం:- లంకపల్లి, పాతమాజేరు గ్రామ సరిహద్దులో ప్రసిద్ధి చెందిన నాగేంద్ర స్వామి దేవాలయము ఉంది. నాగుల చవితి నాడు జరిగే ప్రత్యేక పూజలు ఈ పరిసర ప్రాంతంలో బాగా ప్రసిద్ధి చెందాయి.
2. శ్రీ ఆంజనేయస్వామివారి ఆలయం:- దాతలు, గ్రామస్థుల సహకారంతో, రు. 5 లక్షలవ్యయంతో పునర్నిర్మించిన ఆ ఆలయంలో, స్వామివారి విగ్రహ ప్రతిష్ఠా కార్యక్రమాలు, 2015,మే నెల, 4వ తేదీ సోమవారం నుండి ప్రారంభించారు. 6వ తేదీ బుధవారం ఉదయం 9-55 గంటలకు, వేదపండితుల ఆధ్వర్యంలో, భక్తిశ్రద్ధలతో, విగ్రహ ప్రతిష్ఠ నిర్వహించారు. ఈ సందర్భాన్ని పురస్కరించుకొని, మూడువేల మందికి పైగా భక్తులకు అన్నదానం నిర్వహించారు. [2]

గ్రామంలో ప్రధాన పంటలు

ఈ గ్రామంలో పండించే ప్రధాన పంటలు చెరకు, వరి. ఇంకా రబీ సీజన్ లో మినుములు, పెసలు పండిస్తారు. మాగాణి పంటలు పండించడానికి ప్రధానంగా గ్రామస్థులు భీంనదీ ఛానల్ ద్వారా వచ్చే నీటి మీద ఆధారపడతారు.

గ్రామంలో ప్రధాన వృత్తులు

దాదాపు 90శాతం మంది ప్రజలు వ్యవసాయం మీద ఆధారపడి ఉన్నారు.

గ్రామ విశేషాలు

1. లంకపల్లి గ్రామం ప్రస్తుతం అవనిగడ్డ శాసనసభ నియోజకవర్గం పరిధిలో మరియు మచిలీపట్నం లోక్‌సభ నియోజకవర్గం పరిధిలో ఉంది.
2. లంకపల్లి గ్రామానికి మూడు కిలోమీటర్ల దూరంలోని లక్ష్మీపురం గ్రామంలో, కె.సి.పి. చక్కెర కర్మాగారం ఉంది. దీనిపై దాదాపు 400 మంది ప్రత్యక్షంగా ఆధారపడి ఉన్నారు.

జనాభా

జనాభా (2011) - మొత్తం 2,448 - పురుషుల సంఖ్య 1,232 - గృహాల సంఖ్య 709

జనాభా (2001) * మొత్తం కుటుంబాలు 

726* మొత్తం జనాభా : 2454* పురుషుల సంఖ్య : 1244* స్త్రీల సంఖ్య : 1210

http://censusindia.gov.in/PopulationFinder/View_Village_Population.aspx?pcaid=535083&category=VILLAGE

మూలాలు

[1] ఈనాడు కృష్ణా/అవనిగడ్డ; 2014,అక్టోబరు-31; 3వపేజీ. [2] ఈనాడు కృష్ణా/అవనిగడ్డ; 2015,మే నెల-7వతేదీ; 2వపేజీ.