కుసినార

కుసినగరం कुशीनगर కాసియా
పట్టణం
కుసినగరం
దేశము	భారతదేశము
రాష్ట్రం	ఉత్తర ప్రదేశ్
జిల్లా	గోరఖ్‌పూర్
Government
• జిల్లా మెజిస్ట్రేట్	రిగ్జియన్ సంఫెల్
జనాభా  (2011)
• Total	17,983
భాషలు
• అధికార భాష	హిందీ
Time zone	UTC+5:30 (భా.ప్రా.కా)

కుసినగరం (హిందీ: कुशीनगर, Urdu: کُشی نگر), కుసినగరం లేదా కుసినార భారతదేశం లోని ఉత్తర ప్రదేశ్ రాష్ట్రంలోని గోరఖ్‌పూర్ జిల్లాలోని ఒక నగర పంచాయతీ. ఇది 28వ జాతీయ రహదారి ప్రక్కన, గోరఖ్‌పూర్ కు 52 కి.మీ తూర్పున ఉంది.ఇది భౌద్ధమత ప్రసిద్ధ పర్యాటక ప్రాంతం. ఈ ప్రాంతంలో గౌతమ బుద్ధుడు నిర్యాణం చెందాడు. దీని పరిసర నగరాలు హత, పద్రౌన, డియోరియా, ఫాజిల్ నగర్.

విశిష్టత

బుద్ధుడు నిర్వాణం పొందిన చోటు. ఆయన తన అంతిమ దినాలను ఎక్కడెక్కడ గడిపాడో, ఎక్కడ నిర్వాణం పొందాడో ‘మహా పరినిబ్బాణ సుత్త’ తెలియజేస్తున్నది. వైశాలిలో ఉండగా తీవ్రమైన అనారోగ్యం కలిగింది. కాని, శిష్యులను కలుసుకొని మాట్లాడిన తరువాతనే దేహత్యాగం చేయాలనుకోవడం వల్ల సంకల్ప బలంతో తిరిగి ఆరోగ్యం పొందాడు. పరిసరాలలోని భిక్షువులను కలుసుకోవాలని అనుకొన్నాడు. భండగామ, బెలువ, పావ, జంబుగామ మొదలైన ప్రదేశాలకు వెళ్లాడు. తుదకు చేరిన ప్రదేశం కుసినార. అక్కడ సాల వృక్షాల వనం చేరాడు. మంచి నీరు దొరక్క ఇబ్బంది పడ్డాడు. శిష్యుడు ఆనంద్‌తో రెండు సాల వృక్షాల నడుమ తనకు శయ్య ఏర్పాటు చేయమని కోరాడు. అతడు అలాగే చేశాడు. ఆ శయ్యపై బుద్ధుడు నిర్వాణం పొందాడు. అది మహా పరినిర్వాణం. సంస్కృత భాషలో ఇది కుశి నగరం. ఒకప్పుడు మల్ల జనపదానికి ముఖ్య పట్టణం. బుద్ధుడి కాలంలో ఉత్తర భారతంలో మొత్తం పదహారు జనపదాలు ఉండేవి. (జనపదం రాజ్యం కంటే తక్కువ స్థాయిది.) అందులో మల్ల జనపదం ఒకటి. బుద్ధుడు నిర్వాణం పొందిన సాల వనం గోగ్రి ఉపనదీ తీరంలో, కుశి నగరానికి ఉత్తర దిక్కున ఉంది. బుద్ధుడి భౌతిక కాయానికి దహన క్రియలు కూడా ఇక్కడే ఊరి వెలుపల జరిగాయి.

ఇతర లింకులు

• Official Photo Gallery of Kushinagar
• Entry on Kusinara (Kushinagar) in the Dictionary of Pali Proper Names
• Photos of Kushinagar ruins and stupas
• Photos of Kushinagar
• Kushinagar Travel Guide Kushinagar Photo Gallery, Temples At Kushinagar