సామెతల జాబితా

భాషలకు యాసలు అందం తీసుకు వస్తాయి; సామెతలు భాషలు మాట్లాడే ప్రజల సంస్కృతిని, సాంప్రదాయాలను ప్రతిబింబిస్తాయి.సామెతలు ప్రజల అనుభవ సారాలు.

భాషా సింగారం
సామెతలు
జాతీయములు
పొడుపు కథలు
ఆశ్చర్యార్థకాలు
నీతివాక్యాలు

విషయాలు:- అ ఆ ఇ ఈ ఉ ఊ ఋ ఎ ఏ ఒ ఓ అం అః క ఖ గ ఘ చ ఛ జ ఝ ట ఠ డ ఢ ణ త థ ద ధ న ప ఫ బ భ మ య ర ల వ శ ష స హ ళ క్ష ఱ

అ

• అంగట్లో అన్నీ ఉన్నా అల్లుడి నోట్లో శని అట
• అంత్య నిష్టూరం కన్నా, ఆది నిష్టూరం మేలు
• అందని పండ్లకు అర్రులు చాచినట్లు
• అందరిది ఒకదారి ఉలిపి కట్టెదొక దారి
• అందితే సిగ అందకపోతే కాళ్హు
• అంబలి తాగేవాడికి మీసాలు ఎత్తేవాడు
• అందరూ శ్రీ వైష్ణవులే బుట్టలో చేపలన్నీ మాయం
• అంధుడికి అద్దం చూపించినట్లు
• అక్కర ఉన్నంతవరకు ఆదినారాయణ, అక్కర తీరేక గూదనారాయణ.
• అగడ్తలో పడ్డ పిల్లికి అదే వైకుంఠం
• అగ్నికి వాయువు తోడైనట్లు
• అటునుండి నరుక్కు రా
• అడకత్తెరలో పోకచెక్క
• అడగందే అమ్మ అయినా పెట్టదు
• అడగందే అమ్మైనా (అన్నం) పెట్టదు
• అడిగేవాడికి చేప్పేవాడు లోకువ
• అడుక్కునేవాడికి అరవైఆరు కూరలు
• అడుక్కునేవాడిదగ్గర గీక్కునేవాడు
• అడుసు తొక్కనేల కాలు కడగనేల
• అడ్డాల నాడు బిడ్డలు కానీ గడ్డాల నాడు కాదు
• అతని కంటె ఘనుడు ఆచంట మల్లన్న
• అతి వినయం ధూర్త లక్షణం
• అతిరహస్యం బట్టబయలు
• అత్త సొమ్ము అల్లుడు దానం
• అత్తమీద కోపం దుత్తమీద తీర్చుకున్నట్లు.
• అత్తరు పన్నీరు గురుగురులు దాని దగ్గరకు పోతే లబలబలు
• అత్తలేని కోడలు ఉత్తమురాలు కోడలు లేని అత్త గుణవంతురాలు
• అత్తసొమ్ము అల్లుడు దానం చేసినట్లు
• అదిగో తెల్లకాకి అంటే ఇదిగో పిల్ల కాకి అన్నట్లు
• అదిగో పులి అంటే ఇదిగో తోక అన్నట్టు
• అద్దం అబద్దం ఆడుతుందా !
• అనగా అనగా రాగం తినగా తినగా రోగం
• అనుమానం పెనుభూతం
• అన్నవస్త్రాల కోసం పోతే ఉన్న వస్త్రాలు ఊడిపోయాయట
• అన్నవారు బాగున్నారు, పడినవారు బాగున్నారు మధ్యనున్న వారే నలిగిపోయారన్నట్లు
• అన్నం పెట్టేవాడు దగ్గరుండాలి దణ్ణం పెట్టేవాడు దూరంగా ఉన్నా పర్వాలేదు
• అన్నం చొరవే గానీ అక్షరం చొరవ లేదు
• అన్నీ ఉన్న ఆకు అణగి మణగి ఉంటుంది. ఏమీ లేని ఆకు ఎగిరెగిరి పడుతుంది
• అన్నీ సాగితే రోగంమంత భోగము లేదు
• అప్పిచ్చువాడు వైద్యుడు
• అప్పు నిప్పులాంటిది...
• అప్పుచేసి పప్పు కూడు
• అప్పులేని వాడే అథిక సంపన్నుడు
• అప్పులున్నాడితోను చెప్పులున్నాడితోను నడవొద్దు
• అబద్ధము ఆడితే అతికినట్లుండాలి
• అభ్యాసము కూసువిద్య
• అమ్మ పుట్టిల్లు మేనమామకు తెలియదా?
• అమ్మ పెట్టా పెట్టదు,అడుక్కు తినా తిననివ్వదు
• అమ్మకి కూడు పెట్టనివాడు, పెద్దమ్మకి కోక పెడతానన్నాడు
• అమ్మబోతే అడవి కొనబోతే కొరివి
• అయితే అంగలూరు కాకపోతే సింగలూరు
• అయిదుగురు పట్టంగ ముఫ్పై ఇద్దరు రుబ్బంగ ఒకడు తొయ్యంగ గుండువెళ్ళి గుండావతిలో పడింది
• అయిదోతనం లేని అందం అడుక్కుతిననా?
• అయినోళ్లకి ఆకుల్లో, కానోళ్ళకి కంచంలో
• అయిపోయిన పెళ్ళికి మేళాలెందుకు
• అయ్యవారు ఏం చేస్తున్నారంటే చేసిన తప్పులు దిద్దుకుంటున్నారన్నట్టు
• అరఘడియ భోగం ఆర్నెల్ల రోగం
• అరచేతిలో వైకుంఠం చూపినట్లు
• అవ్వాకావలెను బువ్వా కావలెను
• అరచేతిలో వెన్నపెట్టుకొని నెయ్యికోసం వూరంతా తిరిగినట్లు...
• అరిచే కుక్క కరవదు
• అరటిపండు ఒలచి చేతిలొ పెట్టినట్ట్లు
• అర్దరాత్రి మద్దెల దరువు
• అలకాపురికి రాజైతే మాత్రం అమితంగా ఖర్చు చేస్తాడా...
• అలిగే బిడ్డతో చెలిగే గొడ్డుతో వేగడం కష్టం
• అల్లం అంటే నాకు తెలీదా బెల్లంలా పుల్లగా ఉంటదన్నాడట
• అసలు లేవురా మగడా అంటే పెసరపప్పు వండవే పెళ్ళామా అన్నాడట
• అసలే కోతి,ఆపై కల్లు తాగినట్టు
• అసలే లేదంటే పెసరపప్పు వండవే పెళ్ళామా అన్నాడట

ఆ

• ఆ తాను ముక్కే
• ఆ మొద్దు లోదే ఈ పేడు
• ఆంబోతులా పడి మేస్తున్నావు
• ఆకలని రెండు చేతులతో తింటామా అన్నట్లు
• ఆకలి రుచెరగదు, నిద్ర సుఖమెరుగదు
• ఆకలివేస్తే రోకలి మింగమన్నాడంట
• ఆకారం చూసి ఆశపడ్డానే కానీ... అయ్యకు అందులో పసలేదని నాకేం తెల్సు అన్నాట్ట...
• ఆకారపుష్టి నైవేద్యనష్టి
• ఆకు వెళ్ళి ముల్లు మీద పడ్డా, ముల్లు వెళ్ళి ఆకు మీద పడ్డా ఆకుకే నష్టం
• ఆకులు నాకేవాడిటికి మూతులు నాకేవాడు వాచ్చాడట
• ఆకులేని పంట అరవైఆరు పుట్లు...
• ఆడది తిరిగి చెడుతుంది,మగవాడు తిరక్క చెడతాడు
• ఆడపిల్ల పెళ్ళి, అడుగు దొరకని బావి అంతం చూస్తాయన్నట్లు...
• ఆడబోయిన తీర్థమెదురైనట్లు
• ఆడలేక మద్దెల ఓడు అన్నట్లు
• ఆత్రగాడికి బుద్ది మట్టం
• ఆత్రపు పెళ్ళికొడుకు అత్త మెళ్ళో తాళి కట్టినట్లు
• ఆరాటపు పెళ్ళికొడుకు పెరంటాళ్ళ వెంట పడ్డ్డాడట
• ఆదిలోనే హంసపాదు
• ఆపదలో మొక్కులు... సంపదలో మరపులు
• ఆమడదూరం నుంచి అల్లుడు వస్తే మంచం కింద ఇద్దరు, గోడమూల ఒకరు దాగుంటారు
• ఆమరకా ఈమరకా అడ్డగోడకి, ఆ మాటా ఈ మాటా పెద్దకోడలకి
• ఆయనే ఉంటే మంగలి ఎందుకు
• ఆరిపోయే దీపానికి వెలుగెక్కువ
• ఆరు నెలలు సావాసం చేస్తే వారు వీరవుతారు
• ఆరోగ్యమే మహాభాగ్యం
• ఆలస్యం అమృతం విషం
• ఆలి బెల్లమాయె తల్లి అల్లమాయె
• ఆలికి అన్నంపెట్టి, ఊరికి ఉపకారంచేసినట్లు చెప్పాట్ట
• ఆలు బిడ్డలు అన్నానికి ఏడుస్తుంటే... చుట్టానికి బిడ్డలు లేరని రామేశ్వరం పోయాడట.
• ఆలూలేదు చూలులేదు కొడుకుపేరు సోమలింగం
• ఆవు చేలో మేస్తే, దూడ దుగాన/గట్టున మేస్తుందా?
• ఆవుకు, దూడకు లేని బాధ గుంజకెందుకో?
• ఆవులింతకు అన్నలు ఉన్నారు కాని, తుమ్ముకు తమ్ముడు లేడు
• ఆవులిస్తే ప్రేగులు లెక్క పెట్టే రకం
• ఆశగలమ్మ దోషమెరుగదు... పూటకూళ్లమ్మ పుణ్యమెరుగదు
• ఆయనే ఉంటే మంగలి ఎందుకు?

ఇ

• ఇంట గెలిచి రచ్చ గెలవమన్నట్లు
• ఇంటి దొంగను ఈశ్వరుడు కూడా పట్టలేడు
• ఇంటికన్నా గుడి పదిలం
• ఇంటికి ఇత్తడి పురుగుకు పుత్తడి
• ఇంటి పక్కన కమ్మ, చేను పక్కన తుమ్మ ఉండకూడదట
• ఇంట్లో ఈగల మోత, వీధిలో పల్లకీల మోత
• ఇంట్లో పిల్లి, వీధిలో పులి
• ఇంట్లో రామయ్య, వీధిలో కృష్ణయ్య
• ఇంత బతుకు బతికి ఇంటెనకాల చచ్చినట్టు
• ఇద్దరు ముద్దు, ఆపై వద్దు
• ఇద్దరే సత్పురుషులు, ఒకడు పుట్టనివాడు, ఇంకొకడు గిట్టినవాడు
• ఇరుపోటీలతోటి ఇల్లు చెడె, పాత నొప్పులతోటి ఒళ్ళు చెడె
• ఇల్లలకగానే పండగకాదు
• ఇల్లలుకుతూ పేరు మర్చిపోయినట్లు
• ఇల్లు ఇచ్చినవాడికి, మజ్జిగ పోసినవాడికి మంచిలేదు
• ఇల్లు కాలి ఒకడు ఏడుస్తుంటే,వల్ల కాలేదని ఒకడు ఏడ్చాడంట
• ఇల్లు కాలి ఒకరు ఏడుస్తుంటే ఏదో కావాలని ఎవడో ఏడ్చాడట
• ఇల్లుకాలి ఒకడేడుస్తుంటే, చుట్టకి నిప్పు అడిగాడంటొకడు
• ఇల్లు ఇరకాటం, ఆలి మర్కటం

ఉ

• ఉట్టి గొడ్డుకి అరుపులెక్కువన్నట్లు
• ఉట్టి గొడ్డుకి ఆకలెక్కువన్నట్లు
• ఉట్టికెగరలేనమ్మ స్వర్గానికి ఎగురుతానన్నట్లు
• ఉన్న మాటంటే ఉలుకెక్కువ
• ఉయ్యాల్లొ పిల్ల పెట్టుకుని ఊరంతా వెతికినట్టు
• ఉరుము ఉరిమి మంగలం మీద పడినట్లు
• ఉల్లి చేసే మేలు తల్లికూడా చెయ్యదు

ఊ

• ఉట్టికెక్కలేనమ్మ స్వర్గానికి ఎగిరినట్లు
• ఊపిరి ఉంటే ఉప్పుకల్లు అమ్ముకొని బ్రతకచ్చు
• ఊపిరి పోతూంటే ముక్కులు మూసినట్లు
• ఊరంతా ఉల్లి నీవెందుకే తల్లీ
• ఊరంతా ఒకదారైతే ఉలిపికట్టెదొక దారంట
• ఊరు పొమ్మంటుంది కాడు రమ్మంటుంది
• ఊరుకున్నంత ఉత్తమం లేదు బోడిగుండంత సుఖం లేదు
• ఊర్లో పెళ్ళికి ఇంట్లో సందడి
• ఊర్లో పెళ్ళికి కుక్కల హడావుడి
• ఊరుకున్న శంఖాన్ని ఊది చెడగొట్టినట్లు

ఎ

• ఎంకి పెళ్ళి సుబ్బి చావుకొచ్చిందట
• ఎంగిలిచేత్తో కాకిని తోలని వాడు
• ఎక్కడైనా బావేగానీ వంగతోటకాడ కాదు
• ఎక్కరానిచెట్టు మీద కొక్కిరాయి గుడ్డు పెట్టింది
• ఎడ్డె తిక్కలామె తిరణాల పోతే, ఎక్కా దిగా సరిపోయింది
• ఎడ్డెమంటే తెడ్డెం అన్నట్లు
• ఎత్తిపోయే కాపురానికి ఏ కాలు పెడితేనేమి?
• ఎద్దు ఈనిందని ఒకడంటే, దూడను గాట కట్టెయ్యమని మరోడన్నాడంట
• ఎద్దు కేమి తెలుసు అటుకుల రుచి?
• ఎద్దు పుండు కాకికి ముద్దు
• ఎద్దుగా ఏడాది బతకడం కంటే ఆంబోతుగా ఆర్నెల్లు బతకడం మేలు
• ఎద్దుగా ఏడాది బతికే కంటే ఆబోతుగా ఆరునెలలు బతికినా చాలు
• ఎలుక తోక తెచ్చి ఎన్నినాళ్ళు ఉతికినా నలుపు నలుపే కానీ తెలుపు కాదు
• ఎలుకలున్నాయని ఇల్లు తగలబెట్టినట్లు

ఏ

• ఏకులా వచ్చి మేకులా తగులుకున్నట్టు
• ఏ మొగుడు దొరక్కుంటే అక్క మొగుడే దిక్కన్నట్లు
• ఏ ఎండకి ఆ గొడుగు పట్టాలన్నట్లు
• ఏ చెట్టూ లేని చోట, ఆముదం చెట్టే మహా వృక్షము
• ఏటి ఇసుక ఎంచలేం తాటి మాను తన్నలేం, ఈత మాను విరచలేం
• ఏడ్చే మగాడిని నవ్వే ఆడదాన్ని నమ్మరాదు
• ఏడ్చే వాడికి ఎడమ పక్కన, కుట్టే వాడికి కుడి పక్కన కూర్చున్నట్లు
• ఏదుం తిన్నా ఏకాసే, పందుం తిన్నా పరగడుపే
• ఏనుగుల్ని తినే స్వాములోరికి పచ్చ గడ్డి పలహారం అన్నట్లు
• ఏనుగులు మింగేవాడికి పీనుగల పిండాకూడు
• ఏనుగు చచ్చినా బ్రతికినా వెయ్యే
• ఏనుగు నెత్తి మీద ఏనుగే మన్ను పోసుకున్నట్లు
• ఏమండీ కరణంగారూ...? గోతిలో పడ్డారే అంటే, కాదు కసరత్తు చేస్తున్నాను అన్నాడట
• ఏమీ లేని విస్తరాకు ఎగిరెగిరి పడుతుంది,అన్నీ ఉన్న ఆకు అణిగిమణిగి ఉంటుందని
• ఏరు దాటిన తరువాత తెప్ప తగలేసినట్లు
• ఏరు దాటే దాకా ఓడ మల్లయ్య, ఏరు దాటాక బోడి మల్లయ్య

ఒ

• ఒడ్డునుండి ఎన్నయినా చెప్తారు
• ఒక దెబ్బకు రెండు పిట్టలు

ఓ

• ఓపనివారు కోరని వస్తువులు, ఓర్చనివారు అనని మాటలు ఉండవు
• ఓర్చినమ్మకు తేట నీరు
• ఓడ దాటే దాక ఓడమల్లయ్య, ఓడ దాటిన తరువాత బోడి మల్లయ్య
• ఓడలు బళ్ళు అవుతాయి బళ్ళు ఓడలవుతాయి

అం

• అంగట్లో అన్నీ ఉన్నా అల్లుడి నోట్లో శని
• అంగడి వీధిలో అబ్బా! అంటే, ఎవడికి పుట్టేవురా కొడుకా? అన్నట్లు
• అంగడినుంచి తెచ్చే ముందర పెట్టుక ఏడ్చే
• అంచు డాబే కాని, పంచె డాబు లేదు
• అంటుకోను ఆముదం లేదుకాని,మీసాలకు సంపెంగ నూనె.
• అంత పెద్ద పుస్తకం చంకలోవుంటే, పంచాంగం చెప్పలేవా అన్నట్లు.
• అంతంత కోడికి అర్థశేరు మసాలా.
• అంతనాడు లేదు, ఇంతనాడు లేదు, సంతనాడు కట్టింది ముంతాత కొప్పు
• అంత ఉరుము ఉరుమి ఇంతేనా కురిసింది అన్నట్లు
• అంతా మనమంచికే.
• అంత్య నిష్ఠూరం కన్నా, ఆది నిష్ఠూరం మేలు.
• అందం కోసం పెట్టిన సొమ్ము ఆపదలో అక్కరకు వచ్చిందన్నట్లు
• అందని ద్రాక్ష పుల్లన
• అందరి కాళ్ళకు మొక్కినా అత్తారింటికి పోక తప్పదు.
• అందరికీ శకునం చెప్పే బల్లి తాను పోయి కుడితిలో పడ్డట్టు
• అందరూ శ్రీవైష్ణవులే- బుట్టెడు రొయ్యలు మాయ మయాయి.
• అందితే జుట్టు అందకపోతే కాళ్లు
• అందితే తల, అందకపోతే కాళ్లు
• అంధుడికి అద్దం చూపించినట్లు
• అంబలి తాగేవాడికి మీసాలొత్తేవాడొకడు

క

• కంగారులో హడావుడి అన్నట్లు
• కంచం, చెంబూ బయట పారేసి రాయి రప్ప లోపల వేసు కున్నట్లు
• కంచలమా కూడబెడితే మంచాలమ్మ మాయం చేసిందని
• కంచానికి ఒక్కడు - మంచానికి ఇద్దరు
• కంచు మ్రోగునట్లు కనకంబు మ్రోగునా?
• కంచె లేని చేను, తల్లి లేని బిడ్డ ఒక్కటే
• కంచేచేను మేసినట్లు
• కంటికి ఇంపైతే నోటికీ ఇంపే
• కంటికి రెప్ప కాలికి చెప్పు
• కంటికి రెప్ప దూరమా
• కండలేని వానికే గండం
• కందకి లేని దురద కత్తిపీటకెందుకు?
• కందకు లేదు చేమకు లేదు తోటకూరకెందుకు దురద
• కందెన వేయని బండికి కావలసినంత సంగీతం
• కంపలో పడ్డ గొడ్డు వలె
• కక్కిన కుక్క వద్దకూ కన్న కుక్క వద్దకూ కానివాణ్ణయినా పంపరాదు
• కక్కుర్తి మొగుడు పెళ్ళాం కడుపు నొప్పిబాధ ఎరుగడు
• కక్కొచ్చినా కళ్యాణ మొచ్చినా ఆగవు
• కట్టని నోరు కట్ట లేని నది ప్రమాద కరము
• కట్టుకున్నదానికి కట్టు బట్టల్లేవు కానీ, ఉంచుకున్నదానికి ఉన్ని బట్టలు కొంటానన్నాడట
• కట్టేవి కాషాయాలు - చేసేవి దొమ్మరి పనులు
• కడివెడు గుమ్మడికాయైనా కత్తిపీటకి లోకువే
• కడుపుతో ఉన్నామె కనక మానుతుందా
• కడుపులో లేనిది కౌగలించుకుంటే వస్తుందా?
• కడుపు చించుకుంటే కాళ్ళ మీద పడుతుంది
• కణత తలగడ కాదు. కల నిజం కాదు
• కనులు మూడు గలవు కాడు త్రినేత్రుండు పక్షిగాదు చెట్టుపైన నుండు జలము దాల్చి యుండు నీల మేఘుండు గాడు దీని భావమేమి తిరుమలేశ
• కన్ను పోయేంత కాటుక పెట్టదన్నట్లు...
• కన్నెర్రపడ్డా మిన్నెర్రపడ్డా కురవక తప్పదు
• కరవమంటే కప్పకి కోపం, విడవమంటే పాముకి కోపం
• కర్రలేని వాడిని గొర్రె కూడా కరుస్తుంది
• కలసి ఉంటే కలదు సుఖం
• కలిసొచ్చే కాలం వస్తే నడిచొచ్చే కొడుకు పుడతాడు
• కల్లు త్రాగిన కోతిలా
• కళ్ళు కావాలంటాయి కడుపు వద్దంటుంది
• కాకి పిల్ల కాకికి ముద్దు
• కాగల కార్యం గంధర్వులే తీర్చారు
• కాపురం చేసే కళ కాళ్ళ పారాణి దగ్గరే తెలుస్తుంది
• కార్చిచ్చుకు గాడ్పు తోడైనట్లు
• కాలు కాలిన పిల్లిలా
• కాలం కలిసి రాకపోతే కర్రే పామవుతుంది
• కాలం కలిసి వస్తే ఏట్లో వేసినా ఎదురు వస్తుంది
• కాళ్లకు రాచుకుంటే కళ్లకు చలువ
• కాసుకు గతిలేదుకానీ... నూటికి ఫరవాలేదన్నట్లు
• కాసే చెట్టుకే రాళ్ల దెబ్బలు
• 'కురూపీ, కురూపీ ఎందుకు పుట్టేవే?' అంటే 'స్వరూపాలెంచటానికి పుట్టే' అందిట.
• కుంచెడు గింజల కూలికి పోతే.. తూమెడు గింజలు దూడమేసినట్లు
• కుండలో కూడు కుండలోనుండవలె, పిల్లలు చూడ గుండులవలెనుండవలె
• కుక్క కాటుకి చెప్పు దెబ్బ
• కుక్క కి చెప్పు తీపి తెలుసు కానీ ...చెరకు తీపి తెలుస్తుందా
• కుక్క తోక పట్టి గోదారి దాటాలనుకొన్నట్లు
• కుక్కతోక వంకరన్నట్లు...!
• కుప్ప తగులపెట్టి.. పేలాలు ఏరుకుతిన్నట్లు...
• కూటికి లేకున్నా కాటుక మాననట్లు
• కూడూ గుడ్డా అడక్కపోతే బిడ్డను సాకినట్లు సాకుతా అన్నాడట
• కూనను పెంచితే గుండై కరవ వచ్చినట్లు
• కూర్చుని తింటే, కొండలైనా తరిగిపోతాయి
• కూసే గాడిద వచ్చి మేసే గాడిదని చెడగొట్టినట్లు
• కొండ నాలుకకు మందు వేస్తే ఉన్న నాలుక ఊడినట్టు
• కొండముచ్చు పెండ్లికి కోతి పేరంటాలు
• కొడితె కొట్టాడులే కానీ కొత్తకోక తెచ్చాడులే అందిట
• కొత్త బిచ్చగాడు పొద్దు ఎరగడు
• కొత్త పెళ్ళి కొడుకు పొద్దు ఎరగడు
• కొత్తల్లుడిని మేపినట్లు మేపుతున్నారు
• కొన్నది వంకాయ కొసరింది గుమ్మడి కాయ అన్నట్లు..
• కోటి విద్యలు కూటి కోసమే
• కోడలికి బుధ్ధి చెప్పి అత్త తెడ్డి నాకింది
• కోడిగుడ్డు మీద ఈకలు పీకే రకం
• కోల ఆడితేనే కోతి ఆడుతుందన్నట్లు
• కోస్తే తెగదు కొడితే పగలదు
• క్రింద పడ్డా నాదే పైచేయి అన్నాడంట

గ

• గంగిగోవు పాలు గరిటడైన చాలు
• గంజి తాగేవానికి మీసాలు ఎగబట్టేవాడొకడన్నట్టు
• గంతకు తగ్గ బొంత
• గతి లేనమ్మకు గంజే పానకము
• గాజుల బేరం భోజనానికి సరి
• గాడిద కేమి తెలుసు గంధం చెక్కల వాసన
• గాడిద సంగీతానికి ఒంటె ఆశ్చర్యపోతే, ఒంటె అందానికి గాడిద మూర్చపోయిందట
• గారాబం గజ్జెలకేడిస్తే, వీపు గుద్దులకేడ్చిందంట
• గాలిలో దీపం పెట్టి దేవుడా నీదే భారం అన్నాట్ట
• గుండ్లు తేలి... బెండ్లు మునిగాయంటున్నాడట
• గుంపులో గోవిందా
• గుడ్డి కన్నా మెల్ల నయము కదా
• గుడ్డు వచ్చి పిల్లను వెక్కిరించినట్టు
• గుడ్డోడికి కుంటోడి సాయం
• గుడ్డెద్దు చేలో పడినట్లు
• గుమ్మడి కాయ దొంగ ఎవరంటే భుజాలు తడుముకున్నట్టు
• గురివింద గింజ తన నలుపెరగదంట
• గుర్రం కరుస్తుందని గాడిద వెనకాల దాక్కున్నాడట
• గుర్రం గుడ్డిదైనా దాణాకు తక్కువ లేదు
• గుర్రపు పిల్లకు గుగ్గిళ్ళు తినటం నేర్పాలా?
• గుర్రానికి మేతేస్తే ఆవు పాలిస్తుందా
• గూటిలో కప్ప పీకితే రాదు
• గోటితో పోయేదానికి గొడ్డలెందుకు
• గోడకేసిన సున్నం
• గోతి కాడ నక్కలా
• గోరంత ఆలస్యం కొండొంత నష్టం
• గోరుచుట్టు మీద రోకటిపోటు

ఘ

• ఘడియ తీరిక లేదు గవ్వ ఆదాయం లేదు

చ

• చంకలో మేక పిల్లని పెట్టుకుని ఊరంతా వెదికినట్టు
• చక్కనమ్మ చిక్కినా అందమే
• చక్కని చెంబు, చారల చారల చెంబు, ముంచితే మునగని ముత్యాల చెంబు
• చచ్చినోడి పెళ్ళికి వచ్చిందే కట్నం
• చదవేస్తే ఉన్న మతి పోయినట్లు
• చదువు రాక ముందు కాకరకాయ... చదువు వచ్చాక కీకరకాయ
• చదువుకున్నోడికన్నా చాకలోడు మేలు
• చద్దన్నం తిన్నమ్మ మొగుడి ఆకలెరుగదు
• చనిపోయిన వారి కళ్ళు చారెడు
• చల్లకొచ్చి ముంత దాచినట్లు
• చాదస్తపు మొగుడు చెబితే వినడు కొడితే ఏడుస్తాడు
• చాప క్రింది నీరులా
• చారలపాపడికి దూదంటి కుచ్చు
• చావుతప్పి కన్నులొట్ట పోయినట్లు
• చింత చచ్చినా పులుపు చావనట్టు
• చిత్తం చెప్పులమీద దృష్టేమో శివుడిమీద
• చిత్తశుద్ది లేని శివపూజలేల
• చిన్నపామునైనా పెద్ద కర్రతో కొట్టాలి
• చీదితే ఊడిపోయే ముక్కు తుమ్మితే ఉంటుందా!
• చూసి రమ్మంటే కాల్చి వచ్చినట్టు
• [[చెట్టు మీద పిట్టవాలె పిట్టవాలితే పట్టుకొంటే పట్టుకొంటే గిచ్చుపెట్టే గిచ్చుపెడితే విడిచిపెడితి]]
• చెట్టుపేరు చెప్పుకుని కాయలు అమ్మడం
• చెడపకురా చెడేవు
• చెప్పేవాడికి వినేవాడు లోకువ
• చెప్పేవి శ్రీరంగనీతులు, దూరేవి దొమ్మరి గుడిసెలు
• చెముడా అంటే మొగుడా అన్నట్టు
• చెవిటోడి ముందు శంఖం ఊదినట్లు
• చెవిలో జోరీగ
• చేతకాక మంగళవారమన్నాడంట
• ఆడలేక మద్దెల ఓడన్నాడంట
• చేతులు కాలాక ఆకులు పట్టుకున్నట్టు
• చేనుకు గట్టు వూరికి కట్టు ఉండాలి
• చెరువు గట్టుకు వెళ్ళి గట్టుమీద అలిగినట్టు...
• చెరువు మీద అలిగి....స్నానం చేయనట్లు
• చుట్టుగుడిసంత సుఖము, బోడిగుండంత భోగమూ లేదన్నారు

ఛ

• ఛారాన కోడికి బారాన మసాల.

జ

• జగమెరిగిన బ్రాహ్మణునికి జంధ్యమేల
• జరిగినమ్మ జల్లెడతోనైనా నీళ్ళు తెస్తుంది
• జన్మకో శివరాత్రి అన్నట్లు
• జమ్మి ఆకుతో విస్తరి కుట్టినట్లు
• జిహ్వకో రుచి,పుర్రెకో బుద్ధి
• జీలకర్రలో కర్రా లేదు, నేతిబీరలో నెయ్యీ లేదు
• జుట్టున్నమ్మ ఏ కొప్పు పెట్టినా అందమే
• జోగి జోగి రాసుకుంటే బూడిద రాలినట్లు
• జోడు లేని బ్రతుకు తాడులేని బొంగరం
• జలుబుకు మందు తింటే వారంరోజులు తినకపోతే ఏడురోజులు ఉంటుందన్నట్లు
• జుట్టు అంటూ ఉంటే ఏ జడైనా వేసుకొవచ్చు

డ

• డబ్బివ్వని వాడు ముందు పడవెక్కుతాడు
• డబ్బు కోసం గడ్డి తినే రకం
• డబ్బుకు లోకం దాసోహం
• డోలు వచ్చి మద్దెలతో మొరపెట్టుకున్నట్టు
• డౌలు డస్తు పగలు పస్తు

ఢ

• ఢిల్లీకి రాజైనా తల్లికి కొడుకే
• డబ్బు ఇవ్వని వాడు ముందు పడవ ఎక్కినట్టు
• డబ్బు లేని వానికి బోగముది తల్లి వరస
• డొంకలో షరాఫు ఉన్నాడు, నాణెము చూపుకో వచ్చును

త

• తంగేడు పూచినట్లు
• తంటల మారి గుఱ్ఱముకు తాటిపట్టె గొరపం
• తండ్రి త్రవ్విన నుయ్యి అని అందులో పడి చావవచ్చునా
• తంబళ అనుమానము
• తంబళి తన లొటలొటే గాని, యెదటి లొటలొట యెరగడు
• తక్కువ నోములు నోచి ఎక్కువ ఫలము రమ్మంటే వచ్చునా
• తగినట్టే కూర్చెరా తాకట్లమారి బ్రహ్మ
• తగిలిన కాలే తగులుతుంది
• తగు దాసరికీ మెడ పూసలకూ, అమ్మకన్న కాన్పుకూ అయ్య ఇచ్చిన మనుముకూ
• తడక లేని ఇంట్లో కుక్క దూరినట్లు
• తడిగుడ్డలతో గొంతుక తెగకోస్తాడు
• తడిశిగాని గుడిశె కట్టడు, తాకిగానీ మొగ్గడు
• తడిశిన కుక్కి బిగిశినట్టు
• తడిశి ముప్పందుం మోశినట్టు
• తణుకుకు పోయి మాచవరం వెళ్ళినట్లు
• తద్దినము కొని తెచ్చుకొన్నట్టు
• తనకంపు తనకింపు, పరులకంపు తనకు వొకిలింపు
• తన కలిమి ఇంద్రబోగము, తనలేమి లోకదారిద్ర్యము
• తన కాళ్లకు బంధాలు తానే తెచ్చుకొన్నట్టు
• తనకు అని తవ్వెడు తవుడు వుంటే, ఆకటి వేళకు ఆరగించవచ్చును
• తనకు కానిది గూడులంజ

---

• తగువెలా వస్తుంది జంగందేవరా అంటే బిచ్చం పెట్టవే బొచ్చుముండ అన్నాడుట
• తడి గుడ్డతో గొంతుకు కొయ్యడం
• తండ్రికి తిండి లేక తవుడు తింటుంటే కొడుకొచ్చి కోవాబిళ్ళ కావాలన్నాడట
• తంతే బూరెల బుట్టలో పడ్డట్టు
• తనది కాకపోతే కాశీదాకా దేకమన్నాడట
• తమలపాకుతో నీవొకటిస్తే తలుపు చెక్కతో నేనొకటిస్తా
• తమ్ముడు తమ్ముడే పేకాట పేకాటే
• తల లేదు కానీ చేతులున్నాయి... కాళ్లు లేవు కానీ కాయం ఉంది?
• తల ప్రాణం తోకకి వచ్చినట్లు
• తలనుంచి పొగలు చిమ్ముచుండు భూతము కాదు, కనులెర్రగనుండు రాకాసి కాదు, పాకిపోవుచుండు పాముకాదు
• తల్లి కడుపు చూస్తుంది, పెళ్ళాం జేబు చూస్తుంది
• తా వలచినది రంభ, తా మునిగింది గంగ
• తా(ను) పట్టిన కుందేటికి మూడే కాళ్లు
• తానొకటి తలిస్తే దైవమొకటి తలిచాడట
• తాంబూలాలిచ్చేశాను, ఇక తన్నుకు చావండి
• తాజెడ్డ కోతి వనమెల్లా చెరిచింది
• తాటాకు చప్పుళ్ళకు కుందేళ్ళు బెదరవు
• తాడిచెట్టెందుకెక్కావంటే, దూడ గడ్డికోసమన్నాడంట
• తాడిచెట్టు కింద మజ్జిగ తాగినా కల్లు అంటారు
• తాడిని తన్నే వాడుంటే వాడి తలను తన్నే వాడుంటాడు
• తాతకు దగ్గులు నేర్పినట్టు
• తాదూర సందు లేదు, మెడకో డోలు
• తానా అంటే తందానా అన్నట్లు
• తామరాకు మీద నీటిబొట్టులా
• తాను దూర సందు లేదు తలకో కిరీటమట
• తిని కూర్ఛుంటే కొండలైనా కరుగుతాయి
• తింటే గారెలే తినాలి,వింటే భారతమే వినాలి
• తిండికి తిమ్మరాజు, పనికి పోతరాజు
• తిక్కల వాళ్లు తిరుణాళ్లకెళ్తే ఎక్కనూ దిగనూ సరిపోయిందట
• తిట్టను పోరా గాడిదా అన్నట్టు
• తిట్టే నోరు, తిరిగే కాలు , చేసే చెయ్యి ఊరకుండవు
• తిన మరిగిన కోడి దిబ్బ ఎక్కి కూసిందట
• తినగ తినగ వేము తియ్యగనుండు
• తినబోతూ రుచులు అడిగినట్లు
• తిన్నింటి వాసాలు లెక్కేయటం
• తిమింగలాలకు ఏ చేప అయితే ఏమిటి?
• తీగ లాగితే డొంకంతా కదిలినట్లు
• తుంటి మీద కొడితే పళ్ళు రాలాయి
• తూట్లు పూడ్చి... తూములు తెరిచినట్లు...
• తెలిసే వరకూ బ్రహ్మవిద్య తెలిశాక కూసువిద్య
• తేలు కుట్టిన దొంగలా
• తొండ ముదిరి ఊసరవెల్లి అయినట్టు
• తోక తెగిన కోతిలా
• తోక ముడుచుట
• తోచీ తోయనమ్మ తోటికోడలు పుట్టింటికి వెళ్ళినట్టు

ద

• దండం దశగుణం భవేత్
• దంచినమ్మకు బొక్కిందే దక్కుదల
• దయగల మొగుడు తలుపు దగ్గరకు వేసి కొట్టాడట
• దరిద్రుడి పెళ్ళికి వడగళ్ళ వాన
• దానం చేయని చెయ్యి... కాయలు కాయని చెట్టు...
• దాసుని తప్పు దండంతో సరి
• దిక్కులేనివారికి దేవుడే దిక్కు
• దిగితేనేగాని లోతు తెలియదు
• దిన దిన గండం, నూరేళ్ళు ఆయుష్షు
• దీపం ఉన్నప్పుడే ఇల్లు చక్కదిద్దుకోవాలి
• దున్నపోతు ఈనిందంటే, దూడని కట్టెయ్యమన్నాడట
• దున్నపోతు మీద రాళ్ళవాన పడ్డట్టు
• దున్నపోతు మీద వానకురిసినట్లు
• దురాశ దుఃఖానికి చేటు
• దూరపుకొ౦డలు నునుపు
• దెయ్యాలు వేదాలు వల్లించినట్లు
• దేవుడు వరం ఇచ్చినా పూజారి వరం ఇవ్వడు
• దొంగలు పడిన ఆరునెల్లకు కుక్కలు మొరిగినట్లు
• దొంగోడి చేతికి తాళాలు ఇచ్చినట్లు
• దొరికితే దొంగలు లేకుంటే దొరలు

ధ

• ధర్మో రక్షతి రక్షితః
• ధైర్యే సాహసే లక్ష్మి

న

• నక్క పుట్టి నాలుగు వారాలు కాలేదు ఇంత పెద్ద గాలివాన తన జీవితంలో చూడలేదన్నదట
• నడమంత్రపు సిరి నరము మీద పుండులాంటిది
• నడిచే కాలు, వాగే నోరు ఊరకుండవు!
• నలుగురితో నారాయణా
• నల్లటి కుక్కకు నాలుగు చెవులు
• నల్ల బ్రాహ్మణుణ్ణి ఎర్ర కోవిటిని నమ్మకూడందట
• నవ్విన నాపచేనే పండుతుంది
• నాగస్వరానికి లొంగని తాచు
• నాడా దొరికిందని, గుర్రాన్ని కొన్నట్లు
• నిండా మునిగిన వానికి చలేంటి
• నిండు కుండ తొణకదు
• నిఙ౦ నిప్పులా౦టిది
• నిజం నిలకడమీద తెలుస్తుంది
• నిత్య కళ్యాణం, పచ్చ తోరణం
• నిప్పంటించగానే తాడెత్తు లేస్తుంది
• నిప్పు ముట్టనిదే చేయి కాలదు
• నిప్పులేనిదే పొగరాదు
• నివురు గప్పిన నిప్పులా
• నీ కాపురం కూల్చకుంటే నే రంకుమొగుణ్ణే కాదన్నాడట
• నీటిలో రాతలు రాసినట్లు
• నీ వేలు నా నోట్లో, నా వేలు నీ కంట్లో
• నీతిలేని పొరుగు నిప్పుతో సమానం
• నీపప్పూ నా పొట్టూ కలిపి వూదుకు తిందామన్నట్లు
• నువ్వు దంచు.. నేను భుజాలెగరేస్తాను
• నూరు చిలుకల ఒకటే ముక్కు
• నూరు గొడ్లను తిన్న రాబందు ఒక్క గాలివానకు చస్తుంది
• నెత్తిన నోరుంటేనే పెత్తనం సాగుతుంది
• నెమలికంటికి నీరు కారితే వేటగాడికి ముద్దా అన్నట్లు
• నెయ్యిగార పెడతాడంట, పియ్యిగార కొడతాడంట
• నేతి బీరకాయలో నెయ్యి ఉండనట్టు
• నేతిబీరలో నేతి చందంలా
• నేల విడిచి సాము చేసినట్లు
• నోటికి అదుపు ఇంటికి పొదుపు అవసరం అన్నట్లు
• నోరు మంచిదయితే ఊరు మంచిదవుతుంది

ప

• పంచపాండవులెందరంటే మంచం కోళ్ళలాగ ముగ్గురు అని రెండు వేళ్ళు చూపినట్లు
• పండగ నాడు కూడా పాత మొగుడేనా?
• పండిత పుత్ర పరమ శుంఠ
• పండితపుత్రుడు... కానీ పండితుడే...
• పందికేంతెలుసు పన్నీరు వాసన
• పక్కలో బల్లెం
• పచ్చకామెర్లోడికి లోకమంతా పచ్చగా కనిపిస్తుంది
• పని లేని మంగలి పిలిచి తల గొరిగినట్లు
• పని లేని మంగలి పిల్లి తల గొరిగినట్లు
• పనిగల మేస్త్రి పందిరి వేస్తె కుక్క తోక తగిలి కూలిపొయింది
• పప్పు దాటినాక నందైతేనేమి పందైతేనేమి
• పరుగెత్తి పాలుతాగే కంటే,నిలబడి నీళ్ళు తాగటం మేలు
• పరువం మీద వున్నపుడు పంది కూదా అందంగా ఉంటుంది
• పల్లాన పండింది; మెరకన ఎండింది; వాడికుప్ప కాలింది; వాడి అప్పుతీరింది. అయితే ఎవరు వాడు?
• పళ్లూడగొట్టుకోడానికి ఏ రాయైతేనేమి?
• పావలా కోడికి ముప్పావలా దిష్టి
• పాడిందే పాడరా పాచిపళ్ళ దాసుడా!
• పాపమని పాత చీర ఇస్తే ఇంటి వెనక్కు వెళ్ళి మూరేసుకుందట
• పాలు, నీళ్ళలా కలిసిపోయారు
• పిండి కొద్దీ రొట్టె
• పిచ్చి కుదిరితే కానీ పెళ్ళి కాదు, పెళ్లి అయితే గానీ పిచ్చి కుదరదు
• పిచ్చి తగ్గింది నీకంటే, తలకు రోకలి చుట్టమన్నాడట
• పిచ్చి పలురకాలు వెర్రి వేయి రకాలు
• పిచ్చెమ్మ తెలివి వెర్రెమ్మ మెచ్చుకోవాలి
• పిచ్చోడి చేతిలో రాయి
• పిచ్చోడికి పింగే లోకం
• పిల్లకాకికేం తెలుసు ఉండేలు దెబ్బ
• పిల్లికి బిచ్చం పెట్టనివాడు
• పుండుకు పుల్ల మొగుడు
• పుట్టుకతో వచ్చిన బుద్ది, పుడకలతో గానీ పోదు
• పుడుతూ పుత్రులు పెరుగుతూ శత్రువులు
• పుణ్యం కొద్దీ పురుషుడు, దానం కొద్దీ బిడ్డలు
• పుర్రెకో బుద్ధి జిహ్వకో రుచి
• పులిని చూసి నక్క వాతలు పెట్టుకున్నట్లు
• పుల్లయ్య వేమారం(వేమవరం) వెళ్ళొచ్చినట్లు
• పెదవులతో మాట్లాడుతూ నొసలతో ఎక్కిరించటం
• పెట్టే వాడు మన వాడైతే ఎక్కడ కూర్ఛున్నా ఫర్వాలేదు
• పెనం మీద నుండి పొయ్యిలో పడ్డట్టు
• పెరుగుట విరుగుట కొరకే
• పెళ్ళికి వెళ్తూ పిల్లిని చంకన వేసుకెళ్ళినట్టు
• పేకాట పేకాటే తమ్ముడు తమ్ముడే
• పేనుకి పెత్తనం ఇస్తే తలంతా గొరిగిందంట
• పైన పటారం, లోన లొటారం
• పొట్టోడికి పుట్టెడు బుద్దులు
• పొమ్మనలేక పొగపెట్టినట్లు
• పొయ్యి దగ్గర పోలీసు
• పొరుగింటి పుల్లకూర రుచి

బ

• బతకలేక బడి పంతులని
• బతకలేక బావిలో పడితే కప్పలు కనుగుడ్లు పీకినాయంట
• బతికి పట్నం చూడాలి...చచ్చి స్వర్గం చూడాలి
• బరితెగించిన కోడి బజార్లో గుడ్డెట్టిందట
• బ్రతికుంటే బలుసాకు అమ్ముకుని బతకొచ్చు
• బాగుపడదామని పోతే బండచాకిరి తగులుకొన్నట్లు
• బారు బంగాళాఖాతం, కొంప దివాలా ఖాయం
• బుగ్గ గిల్లి జోల పాడటం
• బెండకాయ ముదిరినా, బ్రహ్మచారి ముదిరినా పనికిరావు
• బెల్లం చుట్టూ ఈగల్లా
• బొంకరా బొంకరా పోలిగా అంటే టంగుటూరి మిరియాలు తాడికాయంత అన్నాడట
• బోడితలకు బొండుమల్లెలు ముడిచినట్లు

• బెదిరించి బెండకాయ పులుసు పోసినట్లు

• భోగం ఇల్లు తగలబడిపోతోందంటే గోచీలు విప్పుకుని పరుగెత్తారంట
• భక్తిలేని పూజ పత్రి చేటు

మ

• మంగలిని చూసి గాడిద కుంటినట్లు
• మంచోడు, మంచోడు అంటే, చంకనెక్కి కూర్చున్నాడు
• మంచోడు, మంచోడు అంటే, మంచమెక్కి ఏదో చేసాడంట
• మంచోళ్ళకు మాటలతోను, మొండోళ్ళకు మొట్టికాయ వేసి చెప్పాలి
• మంత్రాలకు చింతకాయలు రాలుతాయా?
• మందెక్కువైతే, మజ్జిగ పల్చనవుతుంది
• మజ్జిగకి గతిలేనివాడు పెరుగుకి చీటీ రాసేడంట
• మన బంగారం మంచిదైతే ఊళ్ళో వాళ్ళని అనుకోవడం దేనికి?
• మనిషి మర్మం, మాను చేవ బైటికి తెలియవు
• మనిషికో మాట గొడ్డుకో దెబ్బ
• మబ్బుల్లో నీళ్ళు చూసి ముంత వలక బోసుకున్నట్లు
• మా తాతలు నేతులు తాగారు, మా మూతులు వాసన చూడమన్నట్లు
• మా బావ బజారుకెళ్ళి తొడిమెలేని వంకాయ తెచ్చాడు
• మాటకు మా ఇంటికి... కూటికి మీ ఇంటికి అన్నట్లు
• మాటలు కోటలు దాటుతాయి కాని కాళ్ళు గడప దాటనట్లు
• మింగ మెతుకు లేదు మీసాలకి సంపెంగ నూనె
• మింగ లేక మంగళవారం అన్నాడట
• మింగ మెతుకులేదు కాని, మీసాలకు సంపెంగ నూనె
• ముంజేతి కంకణానికి అద్దమేల ?
• మునిగి పోయే వాడికి గడ్డి పూస దొరికినట్లు
• ముందు నుయ్యి వెనుక గొయ్యి
• ముందుంది ముసళ్ళ పండుగ
• ముందొచ్చిన చెవులకన్నా వెనుకొచ్చిన కొమ్ములు వాడి
• ముడ్డి గిల్లి జోల పాడటమంటే ఇదే
• ముద్దొచ్చినప్పుడే, చంకనెక్కాలి
• ముసలితనంలో చింతామణి వేషం వేసినట్లు
• మూరెడు పొంగటం ఎందుకు బారెడు కుంగటం ఎందుకు?
• మూలిగే నక్కపై తాటిపండు పడ్డట్టు
• మొండివాడు రాజు కన్నా బలవంతుడు
• మొక్కయి వంగనిది, మానయ్యాక వంగునా?
• మొగుడు కొట్టినందుకు కాదు బాధ, తోటి కోడలు నవ్వినందుకు
• మొగుడు పోయి తానేడుస్తుంటే మిండమొగుడు రమ్మని రాళ్ళేశాడంట
• మొగుణ్ణి కొట్టి మొగసాల కెక్కినట్టు
• మొదులు లేదు మొగుడా అంటే పెసర పప్పు లేదే పెళ్ళామా అన్నట్లు
• మొరటోడికి మల్లెపూలు ఇస్తే మడిచి యాడనో పెట్టుకున్నాడంట
• మొరిగే కుక్క కరవదు
• మోకాలుకీ బోడి గుండుకు ముడి వేసినట్టు
• మోసేవాడికి తెలుస్తుంది కావిడి బరువు
• మౌనం అర్ధాంగీకారం
• మొదటి దానికి మొగుడు లేడు కాని, కడదానికి కళ్యాణము అన్నట్లు

ర

• రాజ్యాలు పోయినా కిరీటాలు వదల్లేదని
• రాజు తలచుకొంటే దెబ్బలకు కొదవా?
• రాజుని చూసిన కంటితో మొగుడిని చూస్తే, మొత్తబుద్ది అవుతుంది
• రాజుల సొమ్ము రాళ్ళ పాలు,దొరల సొమ్ము దొంగల పాలు
• రాత రాళ్ళేలమని ఉంటే... రాజ్యాలెలా ఏలుతారు...?
• రామాయణమంతా విని రాముడికి సీత ఏమౌతుందని అడిగినట్టు
• రామేశ్వరం వెళ్ళినా శనీశ్వరం వదలనట్టు
• రెక్కాడితే గానీ డొక్కాడదు
• రెంటికీ చెడిన రేవడి చందాన
• రెడ్డొచ్చె మొదలాడు
• రొట్టె విరిగి నేతిలో పడ్డట్లు
• రోగి కోరింది అదే, వైద్యుడు ఇచ్చింది అదే
• రోజులు మంచివని పగటి పూటే దొంగతనానికి బయలుదేరాడట
• రోట్లో తల పెట్టి రోకటి పోటుకు వెరువ దీరునా?
• రోలు వెళ్ళి మద్దెలతో మొరపెట్టుకున్నట్టు
• రౌతు మెత్తనయితే గుర్రం మూడు కాళ్ళ మీద పరిగెత్తినట్టు
• రౌతు కొద్ది గుర్రం

ల

• లంఖణం పరమౌషధం
• లేడికి లేచిందే పరుగు
• లేని దాత కంటే ఉన్న లోభి నయం
• లోగుట్టు పెరుమాళ్ళ కెరుక

వ

• వయసొస్తే వంకర కాళ్ళు వాడి అవుతాయి
• వస్తే కొండ పోతే వెంట్రుక
• వడ్డించే వాడు మనవాడైతే వెనక బంతిలో కూర్చున్నా ఫరవాలేదు
• వసుదేవుడంతటివాడు గాడిద కాళ్లు పట్టుకున్నట్లు
• విదియ నాడు కాకపోతే తదియ నాడైనా కనపడక తప్పదు
• వినేవాడు వెధవ అయితె పంది కూడా పురాణం చెపుతుంది
• వీపు విమానం మోత మోగుతుంది
• వేపకాయంత వెర్రి
• వేగం కన్నా ప్ర్రాణం మిన్న
• వేన్నీళ్ళకి చన్నీళ్ళు తోడు
• వాడికి సిగ్గు నరమే లేదు
• విగ్రహపుష్టి నైవేద్యనష్టి
• వియ్యానికైనా కయ్యానికైనా సమ ఉజ్జీ ఉండాలి
• విస్తరి చిన్నది వీరమ్మ చెయ్యి పెద్దది
• వెధవ ముండ యాత్రకు పోతే వెతకను కొందరు, ఏడవను కొందరు
• వంకరటింకర పోతుంది పాము కాదు

శ

• శంఖులో పోస్తేగాని తీర్ధం కాదని
• శుభం పలకరా పెళ్ళికొడకా అంటే పెళ్ళికూతురు ముండ ఎక్కడ చచ్చింది అన్నాడట
• శతకోటి దరిద్రాలకు అనంతకోటి ఉపాయాలు
• శతకోటి లింగాలలో బోడిలింగం
• శాస్త్రం ప్రకారం చేస్తే కుక్క పిల్లలు పుట్టాయంట
• శివుని ఆజ్ఞ లేకుండా చీమైనా కుట్టదు
• శ్వాస ఉండేవరకు ఆశ ఉంటుంది

స

• సంక నాకే వాడిని సంభావన అడిగితే పొర్లించి పొర్లించి ముడ్డి నాకాడట
• సంతులేని ఇల్లు చావడి కొట్టం
• సంతోషమే సగం బలం
• సంతానం కోసం సముద్ర స్నానానికి వెళితే ఉన్నలింగం ఊడిపోయిందట
• సంపదలో మరపులు ఆపదలో అరుపులు
• సంబరాల పెళ్లికొడుకు సప్తాశ్టంలో కూడ వసంతాలన్నడట
• సంసారం చేద్దామని సప్తసముద్రాలలో స్నానం చెయ్యబోతే, ఉప్పు ఎక్కువై వున్నది కాస్తా ఊడింది
• సత్రం భోజనం మఠం నిద్ర అన్నట్లు
• సత్రం భోజనం మఠం నిద్ర
• సన్నాయి నొక్కులే గానీ... సంగీతం లేదన్నట్లు...
• సన్యాసీ సన్యాసీ రాసుకుంటే బూడిద రాలిందంట
• సముద్రమన్నా ఈదవచ్చుగాని సంసారం ఈదటం కష్టం
• సర్వేంద్రియాణాం నయనం ప్రధానం
• సర్వేజనా:సుఖినోభవన్తు అంటే, సర్వే వాళ్ళేనా? మరి మా సంగతేమిటి? అన్నారట మిగతావాళ్ళు
• సాయిబ్బు సంపాదన బూబు కుట్టు కూలికి సరిపోయినట్లు
• సింగడు అద్దంకి వెళ్లినట్టు
• సింగినాదం జీలకర్ర
• సీత కష్టాలు సీతవి, పీత కష్టాలు పీతవి
• సుబ్బి పెళ్ళి ఎంకి చావుకొచ్చింది
• సొమ్మొకడిది సోకొకడిది

హ

• హనుమంతుడి ముందా కుప్పిగంతులు
• హనుమంతుడు... అందగాడు...

క్ష

• క్షణం తీరికలేదు దమ్మిడి ఆదాయం లేదు