దేవరాజ్
దేవరాజ్ | |
|---|---|
 | |
| జననం | 1953 సెప్టెంబరు 20 బానసవాడి, బెంగళూరు |
| వృత్తి | నటుడు |
| క్రియాశీల సంవత్సరాలు | 1986–ప్రస్తుతం |
| జీవిత భాగస్వామి | చంద్రలేఖ[1] |
| పిల్లలు | ప్రజ్వల్ దేవరాజ్ ప్రణాం దేవరాజ్ |
| తల్లిదండ్రులు |
|
దేవరాజ్ (జ. 1953 సెప్టెంబరు 20) ఒక దక్షిణ భారతీయ సినీ, నాటక రంగ కళాకారుడు. ఎక్కువగా కన్నడ సినిమాల్లో కథానాయకుడిగా, ప్రతినాయకుడిగా, సహాయనటుడిగా విభిన్నమైన పాత్రలు పోషించాడు. తమిళ, తెలుగు చిత్రాల్లో కూడా నటించాడు.
జీవిత విశేషాలు[మార్చు]
దేవరాజ్ 1953 సెప్టెంబరు 20[2] న బెంగుళూరులోని లింగరాజపురం అనే ప్రాంతంలో రామచంద్రప్ప, కృష్ణమ్మ దంపతులకు జన్మించాడు. ఇతని 3 నెలల వయసులో ఇతని తండ్రి మలేరియాతో మరణించాడు. ఆర్థిక కారణాల దృష్ట్యా ఇతడు 1976లో హెచ్.ఎం.టి. వాచ్ ఫ్యాక్టరీలో పనికి కుదిరాడు. అక్కడ 9 సంవత్సరాలు పనిచేశాడు. అక్కడ ఇతని సహోద్యోగి గోవిందరాజ్ సలహామేరకు ఇతడు నాటకాలలో నటించడం ప్రారంభించాడు. మొదట ఇతడు ఆర్.నాగేష్ డ్రామా కంపెనీలో, తర్వాత బి.జయశ్రీ నాటకకంపెనీ స్పందనలో ఆ తర్వాత శంకర్ నాగ్ నాటక కంపెనీ సంకేత్‌లో పనిచేశాడు.[3] సినిమాలలో త్రిశూల అనే సినిమాతో అడుగుపెట్టాడు.
కుటుంబం[మార్చు]
ఇతడు 1986లో సినీనటి చంద్రలేఖను వివాహం చేసుకున్నాడు. వివాహం తరువాత చంద్రలేఖ సినిమాలలో నటించడం మానివేసింది. వీరికి ప్రజ్వల్, ప్రణామ్‌ అనే ఇద్దరు పిల్లలు ఉన్నారు. ఈ ఇద్దరూ సినిమా రంగంలో చురుకుగా ఉన్నారు. ఇప్పటికే ప్రజ్వల్ సినిమాలలో హీరోగా తన సామర్థ్యాన్ని నిరూపించుకున్నాడు.[4]
సినిమారంగం[మార్చు]
దేవరాజ్ తొలిసారి సహాయనటుడిగా త్రిశూల అనే కన్నడ సినిమాలో నటించాడు. అయితే ఆ సినిమా విడుదలకాలేదు. ఇతడు 27 మావళ్ళిసర్కిల్ ఇతడు నటించి విడుదలైన తొలి సినిమా. అది మొదలు ఇతడు అనేక కన్నడ సినిమాలలో సహాయపాత్రలలో నటించాడు. 1990లో హత్యాకాండ అనే సినిమాలో నాయకపాత్రను పోషించాడు. ఇతడు కన్నడ, తెలుగు, తమిళ భాషలలో 200పైగా చలనచితాలలో నటించాడు.
తెలుగు సినిమాలు[మార్చు]
ఇతడు నటించిన కొన్ని తెలుగు చలనచిత్రాలు:
మూలాలు[మార్చు]
- ↑ Nina C George. "Long-lasting love". Deccanherald. Archived from the original on 26 ఆగస్టు 2014. Retrieved 12 June 2012.
- ↑ Devaraj. Weekend with Ramesh Season 2 - Episode 7 - January 16, 2016 - Full Episode. Zee Kannada. ozee.com. Event occurs at 3:38. Archived from the original on 28 జూన్ 2017. Retrieved 13 June 2017.
- ↑ "Friday Review Bangalore : Hero, villain, two in one". The Hindu. 23 June 2006. Archived from the original on 23 February 2014. Retrieved 12 June 2012.
- ↑ Sharadhaa, A (7 October 2014). "Devraj Brothers Share Screen Space". Archived from the original on 16 December 2014. Retrieved 3 November 2011.
బయటిలింకులు[మార్చు]
- ఇంటర్నెట్ మూవీ డేటాబేసు లో దేవరాజ్ పేజీ