చుక్కా రామయ్య

వికీపీడియా నుండి
Jump to navigation Jump to search
చుక్కా రామయ్య
Chukka ramayya.jpg
చుక్కా రామయ్య
జననం చుక్కా రామయ్య
(1925-11-20) 1925 నవంబరు 20 (వయస్సు: 93  సంవత్సరాలు)[1]
వరంగల్ జిల్లా, గూడూరు గ్రామం
నివాసం హైదరాబాదు
ఇతర పేర్లు ఐ.ఐ.టి రామయ్య
వృత్తి ఐఐటీ శిక్షకులు, సామాజిక ఉద్యమకారుడు, మాజీ శాసన మండలి సభ్యులు
మతం హిందూ మతము
జీవిత భాగస్వామి లక్ష్మీబాయి
తల్లిదండ్రులు
  • అనంత రామయ్య (తండ్రి)
  • నరసమ్మ, (తల్లి)

చుక్కా రామయ్య తెలంగాణకు చెందిన ప్రముఖ విద్యావేత్త, సామాజిక ఉద్యమకారుడు, శాసనండలి సభ్యుడు.[2][3] వరంగల్ జిల్లా, గూడూరు గ్రామంలో జన్మించిన ఈయన ఐఐటీ శిక్షణా కేంద్రం స్థాపించడం కోసం హైదరాబాదుకు వచ్చాడు. ఐఐటీ శిక్షణలో మంచి పేరు సంపాదించి ఐఐటీ రామయ్య అని పేరు తెచ్చుకున్నాడు. హైదరాబాదులోని నల్లకుంటలో ఈ శిక్షణా కేంద్రం ఉంది.

బాల్యం, విద్య, ఉద్యోగం[మార్చు]

ఈయన 1925, నవంబర్ 20 న జనగామ జిల్లా, పాలకుర్తి మండలం గూడూరు గ్రామంలో జన్మించాడు. తల్లిదండ్రుల పేర్లు నరసమ్మ, అనంత రామయ్య. తండ్రి పౌరోహిత్యం చేసేవాడు. రామయ్యకు ఇద్దరు చెల్లెళ్ళు మరియు ఒక తమ్ముడు. రామయ్య పద్నాలుగేళ్ళ వయసులో ఉండగా తండ్రి మరణించాడు. రామయ్య తన స్వస్థలమైన గూడూరులో మూడవ తరగతి వరకూ చదివాడు. డిగ్రీ, మరియు ఎం.ఎస్.సి హైదరాబాద్ ఉస్మానియా యూనివర్సిటీలో పూర్తిచేసాడు. హైదరాబాదు సంస్థానంలో భూస్వామ్య వ్యవస్థకు వ్యతిరేకంగా పోరాడాడు. నిజాముకు, రజాకార్లకు వ్యతిరేకంగా పోరాడి జైలుకు వెళ్ళాడు. అస్పృశ్యతా వ్యతిరేక ఉద్యమంలో పాల్గొన్నందుకు వాళ్ళ కుటుంబాన్ని మిగతా బ్రాహ్మణులు వెలివేశారు.

వరంగల్ జిల్లా జనగాంలో ఉపాధ్యాయుడిగా చేరి తెలంగాణ లోని అనేక పాఠశాలల్లో పనిచేసాడు. 1983 లో నాగార్జున సాగర్ లోని రెసిడెన్షియల్ కళాశాల ప్రిన్సిపాల్ గా పదవీ విరమణ చేసాడు. ఉద్యోగంలో ఉండగా ఉపాధ్యాయ సంఘాల్లో చురుగ్గా ఉండేవాడు.

ఐఐటీ రామయ్య[మార్చు]

నాగార్జున పాఠశాలలో ప్రిన్సిపల్ గా పని చేస్తున్న ఆయన ప్రభుత్వ నిబంధనల ప్రకారం 58 ఏళ్ళకు పదవీ విరమణ చేయవలసి ఉండగా కొత్త వారికి అవకాశం ఇవ్వాలనే ఉద్దేశ్యంతో 1983 లో ముందస్తు పదవీ విరమణ చేశాడు. దాంతో ఆయనకు ప్రభుత్వంచే ఆమోదించబడిన పింఛను, ఇతర ఫలాలు రాలేదు. దీనివలన ఆయన జీవనభృతికి మార్గములు చూసుకొనవలసి వచ్చింది.

నిర్మల్ జిల్లా, బాసర లోని సరస్వతి ఆలయానికి వెళ్ళి భవిష్యత్తు ఆలోచిస్తూ ఒక వారం పాటు ఉన్నాడు. తిరిగి ప్రయివేటుగా ఉపాధ్యాయ వృత్తినే కొనసాగించాలని అక్కడే నిర్ణయం తీసుకున్నాడు. విరమణానంతరం సాధించిన తన విజయాలను ఆయన బాసర సరస్వతీదేవి ఆలయానికి ఆపాదిస్తాడు.

ఈయన కుమార్తె ఐఐటీకి ఎంపికైంది. అడ్మిషన్లు జరుగుతున్నప్పుడు అక్కడ ఎంపికైన వారిలో తెలుగువారు చాలా తక్కువగా ఉంటున్నారని గ్రహించిన రామయ్య తనే తెలుగు విద్యార్థులకు శిక్షణ ఇవ్వాలని నిర్ణయించుకున్నాడు. హైదరాబాదు, నల్లకుంటలో స్థిరపడి, ఐ.ఐ.టి జె.ఇ.ఇ ప్రవేశ పరీక్షకు సిద్ధమవుతున్న విద్యార్థులకు గణితము బోధించడం మొదలుపెట్టాడు. మొదటి బృందంలో ఎనిమిది మందిలో ఎవరూ ఎంపిక కాలేదు. అయినా ఆయన నిరాశ పడక ఆ విద్యార్థులు ప్రవేశపరీక్షలో చక్కటి విజయాలను సాధించడంతో ఆయన చాలా ప్రఖ్యాతి పొందాడు. చుక్కా రామయ్య విద్యా సంస్థ బాగా వృద్ధి చెందింది. ఈ సంస్థ నుండి వేలాదిగా విద్యార్థులు ఐ.ఐ.టిలలో ప్రవేశించారు. రామయ్య ఇన్స్టిట్యూట్ లో చేరేందుకు ఒక ప్రవేశ పరీక్ష నిర్వహించడం మొదలుపెట్టారు. ఆ పరీక్ష కోసం శికణ ఇచ్చేందుకు ప్రత్యేకంగా సంస్థలు కూడా స్థాపింబడ్డాయి. ఐఐటీ ప్రవేశ పరీక్షలో తన సంస్థ సాధించిన విజయాల కారణంగా చుక్కా రామయ్య, ఐఐటి రామయ్యగా ప్రసిద్ధి చెందాడు.

భారత ప్రభుత్వం ఉమ్మడి ఆంధ్ర ప్రదేశ్ కు ఐఐటిని మంజూరు చేసినపుడు చుక్కా రామయ్య దాన్ని బాసరలో స్థాపించాలని కోరి దానికై తీవ్ర ప్రయత్నం చేసాడు. అయితే వివిధ సౌకర్యాల రీత్యా ప్రభుత్వం దాన్ని హైదరాబాదులో నెలకొల్పింది.

ఇతర వ్యాపకాలు[మార్చు]

విద్యా విషయకంగా రామయ్య అనేక పుస్తకాలను రచించాడు. 2007 లో ఆంధ్ర ప్రదేశ్ శాసనమండలి సభ్యునిగా ఎన్నికయ్యాడు. ప్రత్యేక తెలంగాణ రాష్ట్ర ఏర్పాటును సమర్ధిస్తూ ఉద్యమించాడు.

రచనలు[మార్చు]

  • చిన్న పాఠం
  • దేశదేశాల్లో విద్య
  • బడిపంతుళ్ళకు రాజకీయాలా?
  • చదువుల తోవ
  • చదువులో సగం
  • చిట్టి చేతులు (వ్యాస సంపుటి)
  • దర్యాప్తు
  • ఈ మట్టి రుణం తీర్చుకుంటా
  • నడక
  • జ్ఞాన లోగిళ్ళు
  • ఇంటి భాష (వ్యాస సంపుటి)

  • మరో పాఠం
  • సకల
  • లెక్కలతో నా ప్రయోగాలు
  • మన చదువులు
  • ప్రాథమికం
  • లాఠీ ఛార్జ్
  • ప్రపంచీకరణ - విద్య
  • రామయ్య జ్ఞాపకాలు
  • సమత్వం ప్రతిభ
  • సంక్షేమ విద్య
  • సంవాదం
  • తరగతి

సూచికలు[మార్చు]

  1. Sanchari, Pal (23 November 2017). "Chukka Ramaiah, The Man Who Made IIT Exam Accessible to Hundreds of Students". The Better India. Retrieved 29 June 2018. 
  2. Bhandaram, Vishnupriya (5 April 2012). "Social activism and algebra". The Hindu. Retrieved 29 June 2018. 
  3. "మా కుటుంబాన్ని వెలివేశారు". eenadu.net. ఈనాడు. 28 June 2018. Archived from the original on 28 June 2018. Retrieved 28 June 2018. 

యితర లింకులు[మార్చు]