తెలంగాణ వాగ్గేయ వైభవం (పుస్తకం)

తెలంగాణ వాగ్గేయ వైభవం
కృతికర్త:	సంకలనం
సంపాదకులు:	మామిడి హరికృష్ణ
దేశం:	భారత దేశము
భాష:	తెలుగు
విభాగం (కళా ప్రక్రియ):	జీవితచరిత్ర
ప్రచురణ:	సంచాలకులు, తెలంగాణ రాష్ట్ర భాషా సాంస్కృతిక శాఖ
విడుదల:	డిసెంబరు 16, 2018
పేజీలు:	78
ఐ.ఎస్.బి.ఎన్(ISBN):	978-81-936345-5-4

2021 ఫిబ్రవరి 7న హైదరాబాదులోని రవీంద్రభారతిలో నిర్వహించిన తెలంగాణ వాగ్గేయ వైభవం కార్యక్రమానికి ముస్తాబైన వేదిక

తెలంగాణ వాగ్గేయ వైభవం తెలంగాణ రాష్ట్రానికి చెందిన సంకీర్తనాచార్యుల పరిచయ పుస్తకం. మామిడి హరికృష్ణ సంపాదకత్వంలో తెలంగాణ రాష్ట్ర భాషా సాంస్కృతిక శాఖ ఈ పుస్తకాన్ని ప్రచురించింది.

రూపకల్పన

తెలంగాణ వాగ్గేయకారులను, వారి రచనలను సమీకరించి వారు రాసిన కీర్తనలను భజనరూపంలో గానం చేస్తున్న భజన కళాకారులతో తెలంగాణ వాగ్గేయకార వైభవం పేరిట ఐదుసార్లు సదస్సులను నిర్వహించింది.

1. తెలంగాణ వాగ్గేయకార వైభవం-1: 2016, ఏప్రిల్ 25 నుండి జూన్ 1 వరకు రవీంద్రభారతిలోని సమావేశ మందిరంలో ఉమ్మడి మెదక్, రంగారెడ్డి, హైదరాబాద్, మహబూబ్ నగర్ మొదలైన జిల్లాలకు చెందిన 124 భజన, సంకీర్తన బృందాల వారికి జిల్లాస్థాయి పోటీలు నిర్వహించబడ్డాయి. ఇందులో 1195 మంది (1049 పురుషులు, 99 మంది మహిళలు, 46 మంది బాలబాలికలు) పాల్గొని భజనలు ఆలాపించారు.
2. తెలంగాణ వాగ్గేయకార వైభవం-2: 2016, అక్టోబరు 16 నుండి 21 వరకు రవీంద్రభారతిలోని సమావేశ మందిరంలో ఉమ్మడి కరీంనగర్, ఆదిలాబాద్, నిజామాబాద్ మొదలైన జిల్లాలలోని 88 భజన, సంకీర్తన బృందాల వారికి జిల్లాస్థాయి పోటీలు నిర్వహించబడ్డాయి. ఇందులో 1069 భజన కళాకారులు పాల్గొన్నారు.
3. తెలంగాణ వాగ్గేయకార వైభవం-3: 2017, ఫిబ్రవరి 19 నుండి 24 వరకు రవీంద్రభారతిలోని సమావేశ మందిరంలో ఉమ్మడి వరంగల్, ఖమ్మం, నల్గొండ మొదలైన జిల్లాలలోని 70 భజన, సంకీర్తన బృందాల వారికి జిల్లాస్థాయి పోటీలు నిర్వహించబడ్డాయి. ఇందులో 768 మంది భజన సంకీర్తన కళాకారులు పాల్గొన్నారు.
4. తెలంగాణ వాగ్గేయకార వైభవం-4: 2017 ఏప్రిల్ 23, 24 తేదీలలో రవీంద్రభారతిలోని సమావేశ మందిరంలో గతంలో జిల్లాస్థాయి పోటీల్లో విజేతలైన పూర్వ పది జిల్లాలలోని సుమారు 100 భజన, సంకీర్తన బృందాల వారితో రాష్ట్రస్థాయి పోటీలు నిర్వహించబడ్డాయి. ఇందులో మొత్తం 1600 సంకీర్తన, భజన కళాకారులు పాల్గొన్నారు.
5. తెలంగాణ వాగ్గేయకార వైభవం-5: 2017 అక్టోబరు 20, 21 తేదీలలో రవీంద్రభారతిలోని సమావేశ మందిరంలో 24 గంటలపాటు 36 బృందాలకు చెందిన 511 మంది సంకీర్తన, భజన కళాకారులు పాల్గొన్నారు.

2021, ఫిబ్రవరి 7న హైదరాబాదులోని రవీంద్రభారతిలో జరిగిన తెలంగాణ వాగ్గేయ వైభవం కార్యక్రమంలో తెలంగాణ వాగ్గేయ వైభవం పుస్తకం ఆవిష్కరణ

భజన సంకీర్తనా ప్రక్రియలోని శాస్త్రీయతను చర్చించేందుకు 2017 డిసెంబరు 11,12 తేదిలలో నిర్వహించిన రెండు రోజుల సదస్సులో మొత్తం 16 మంది వక్తలు పాల్గొని తమ పరిశీలనలను, పరిశోధనలను సమర్పించారు. ఆ సదస్సులో వచ్చిన పరిశోధన పత్రాలలోని వాగ్గేయకారులను, వారి కీర్తనలను పొందుపరుస్తూ, వారి కృషిని గ్రంథస్థం చేయాలన్న ఉద్దేశ్యంతో తెలంగాణా వాగ్గేయ వైభవం పుస్తకం ప్రచురించబడింది.

సంకలనం

1. జమాల్‌పురి శివప్రసాద్
2. సుధారాణి

సలహామండలి

1. డా. కసిరెడి వెంకటరెడ్డి
2. డా. టి. గౌరి శంకర్
3. జె.బి. వెంకటరెడ్డి

విడుదల

2018, డిసెంబరు 16న రవీంద్రభారతిలోని సమావేశ మందిరంలో తెలంగాణ రాష్ట్ర ప్రభుత్వ సలహాదారుడు డా. కె.వి. రమణాచారి ఈ పుస్తకాన్ని ఆవిష్కరించాడు. ఈ కార్యక్రమంలో సంచాలకుడు మామిడి హరికృష్ణ, ఆచార్య టి. గౌరీశంకర్, పుల్లారెడ్డి సంస్థల అధినేత రాఘవరెడ్డి, ఆచార్య డా. బి. జయరాములు పాల్గొన్నారు.

వాగ్గేయ క్రమం

1. భక్త రామదాసు (1620–1680)
2. తూము లక్ష్మీనరసింహదాసు (1790–1834)
3. రాకమచర్ల వేంకటదాసు (1808–1859)
4. మన్నెంకొండ హనుమద్దాసు (1814–1874)
5. దున్న ఇద్దాసు (1811–1919)
6. వేపూరు హనుమద్దాసు (1852–1947)
7. ఉప్పరిపల్లి కృష్ణదాసు (1866–1952)
8. అబ్దుల్ ఆజీం దఢాఖ (1869–1965)
9. షర్రాఫ్ అమృతదాసు (1897–1959)
10. దాయపంతులపల్లి చెన్నదాసు (1904–1964)
11. వెలివర్తి రామదాసు (1905–1941)
12. ఖ్వాజా అహ్మదుద్దీన్ (1905–1970)
13. పొన్నలూరి హనుమద్దాసు (1911–1986)
14. గొల్లపల్లి వెంకటదాసు (1916–1992)
15. యోగి పరమేశ్వరదాసు (1919–1994)
16. మామిడిపల్లి సాంబకవి (1920–1980)
17. ఉదారి నాగదాసు (1930–1976)
18. చింతల్‌గట్టు మురళీదాసు (1930–2003)
19. పెద్దరాం పోశయ్యదాసు (1983)
20. పసుల కొండదాసు
21. దాసానుదాసు గంగాదాసు