రెంటాల

వికీపీడియా నుండి
Jump to navigation Jump to search
రెంటాల
—  రెవిన్యూ గ్రామం  —
రెంటాల is located in Andhra Pradesh
రెంటాల
రెంటాల
అక్షాంశ రేఖాంశాలు: Coordinates: 16°31′49″N 79°33′52″E / 16.530282°N 79.564558°E / 16.530282; 79.564558
రాష్ట్రం ఆంధ్ర ప్రదేశ్
జిల్లా గుంటూరు
మండలం రెంటచింతల
ప్రభుత్వము
 - సర్పంచి
జనాభా (2011)
 - మొత్తం 4,939
 - పురుషుల సంఖ్య 2,477
 - స్త్రీల సంఖ్య 2,462
 - గృహాల సంఖ్య 1,324
పిన్ కోడ్ 522421
ఎస్.టి.డి కోడ్ 08642

రెంటాల, గుంటూరు జిల్లా, రెంటచింతల మండలానికి చెందిన గ్రామం. ఇది మండల కేంద్రమైన రెంటచింతల నుండి 4 కి. మీ. దూరం లోను, సమీప పట్టణమైన మాచర్ల నుండి 22 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1324 ఇళ్లతో, 4939 జనాభాతో 1590 హెక్టార్లలో విస్తరించి ఉంది. గ్రామంలో మగవారి సంఖ్య 2477, ఆడవారి సంఖ్య 2462. షెడ్యూల్డ్ కులాల సంఖ్య 805 కాగా షెడ్యూల్డ్ తెగల సంఖ్య 264. గ్రామం యొక్క జనగణన లొకేషన్ కోడ్ 589838[1]. పిన్ కోడ్: 522 421., ఎస్.ట్.డి.కోడ్ = 08642.

గ్రామ చరిత్ర[మార్చు]

రెంటాల గ్రామం రెంటచింతల మండలంలో ఒక ముఖ్య గ్రామము. ఈ గ్రామం పురాతన గ్రామము. పల్నాటి యుద్ధ సమయంలో మాచర్ల నుండి గురజాల వెళ్ళే రోడ్డు మార్గం ఈ గ్రామం ద్వారా వెళ్ళేదట.

గ్రామ భౌగోళికం[మార్చు]

ఈ గ్రామం మండల కేంద్రం రెంటచింతలకు 3 కిలో మీటర్ల దూరంలో ఉంటుంది.

సమీప గ్రామాలు[మార్చు]

మాడుగుల (గురజాల మండలం) 4 కి.మీ, మంచికల్లు 5 కి.మీ, రెంటచింతల 5 కి.మీ, పోలేపల్లి 6 కి.మీ, గోలి 6 కి.మీ.

సమీప మండలాలు[మార్చు]

తూర్పున గురజాల మండలం, దక్షణాన దుర్గి మండలం, పశ్చిమాన మాచెర్ల మండలం, తూర్పున దాచేపల్లి మండలం.

సమీప పట్టణాలు[మార్చు]

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు 4 ఉన్నాయి. సమీప బాలబడి, మాధ్యమిక పాఠశాల రెంటచింతల లో ఉన్నాయి. సమీప జూనియర్ కళాశాల రెంటచింతలలోను, ప్రభుత్వ ఆర్ట్స్, సైన్స్, డిగ్రీ కళాశాల, ఇంజనీరింగ్ కళాశాల‌లు మాచర్లలోనూ ఉన్నాయి. సమీప వైద్య కళాశాల గుంటూరు లోను, మేనేజిమెంటు కళాశాల, పాలీటెక్నిక్‌లు మాచర్లలోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం మాచర్లలోను, దివ్యాంగుల ప్రత్యేక పాఠశాల గుంటూరులోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

గ్రామంలో ఉన్న 1 ప్రాథమిక ఆరోగ్య ఉప కేంద్రంలో డాక్టర్లు లేరు. ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉంది.పశు వైద్యశాల గ్రామం నుండి 5 కి.మీ. లోపు దూరంలో ఉంది.సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి.అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో 3 ప్రభుత్వేతర వైద్య సౌకర్యాలున్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.కాలువ/వాగు/నది ద్వారా గ్రామానికి నీటిపారుదల వసతి ఉంది. చెరువు నీటి సౌకర్యం ఉంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది.సామాజిక మరుగుదొడ్డి సౌకర్యం లేదు.ఇంటింటికీ తిరిగి వ్యర్థాలను సేకరించే వ్యవస్థ లేదు.సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

సబ్ పోస్టాఫీసు సౌకర్యం ఉంది.పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామానికి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి.ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్గ్రామానికి 5 కి.మీ. లోపు దూరంలో ఉన్నాయి. సమీప గ్రామాల నుండి ఆటో సౌకర్యం ఉంది.వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రభుత్వ రవాణా సంస్థ బస్సులు, రైల్వే స్టేషన్ మొదలైన సౌకర్యాలు గ్రామానికి 5 కి.మీ. లోపు దూరంలో ఉన్నాయి. ప్రైవేటు బస్సులు గ్రామానికి 5 నుండి 10 కి.మీ. దూరంలో ఉంది. జిల్లా రహదారి గ్రామం నుండి 5 కి.మీ. దూరంలోపు ఉంది.జాతీయ రహదారి, రాష్ట్ర రహదారి , ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి.గ్రామంలో తారు రోడ్లు, కంకర రోడ్లు, కచ్చారోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు , వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. వారం వారం సంత గ్రామం నుండి 5 కి.మీ. లోపు దూరంలో ఉంది. ఏటీఎమ్, సహకార బ్యాంకు గ్రామం నుండి 10 కి.మీ.కి పైబడిన దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు , ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 కి.మీ. లోపు దూరంలో ఉంది. గ్రంథాలయం, పబ్లిక్ రీడింగ్ రూం గ్రామం నుండి 5 కి.మీ.లోపు దూరంలో ఉన్నాయి. సినిమా హాలు గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా చేస్తున్నారు రోజుకు 7 గంటల పాటు వ్యవసాయానికి, 7 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

రెంటాలలో భూ వినియోగం కింది విధంగా ఉంది. (హెక్టార్లలో):

  • అడవి: 22
  • వ్యవసాయేతర వినియోగంలో ఉన్న భూమి: 20
  • నికరంగా విత్తిన భూ క్షేత్రం: 1547
  • నీటి సౌకర్యం లేని భూ క్షేత్రం: 176
  • నీటి వనరుల నుండి నీటి పారుదల లభిస్తున్న భూక్షేత్రం: 1371

నీటిపారుదల సౌకర్యాలు[మార్చు]

రెంటాలలో వ్యవసాయానికి నీటి సరఫరా కింది వనరుల ద్వారా జరుగుతోంది

  • కాలువలు: 1096 హెక్టార్లు
  • బావులు/బోరు బావులు: 275 హెక్టార్లు

మంచికల్లు గ్రామం వద్ద, 1.5 టి.ఎం.సి.లు నీటిని నిలువ చేసేటందుకు, బుగ్గవాగు జలాశయం ఉంది. ఇక్కడి నుండి లీకేజీ నీటితో రెంటాల, మంచికల్లు వాసులు మాగాణి భూములు సాగుచేస్తున్నారు. [8]

తయారీ[మార్చు]

రెంటాలలో ఈ కింది వస్తువులు ఉత్పత్తి అవుతున్నాయి (అవరోహణ క్రమంలో):

గ్రామంలో ప్రధాన పంటలు[మార్చు]

వరి, ప్రత్తి, మిరప

గ్రామంలో విద్యా సౌకర్యాలు[మార్చు]

మండల పరిషత్తు ప్రాధమికోన్నత పాఠశాల[మార్చు]

ఈ గ్రామములో 1931 లో ప్రాధమిక పాఠశాలను 25 సెంట్ల స్థలంలో, 10 మంది విద్యార్ధులతో, ప్రారంభించినారు. ఈ పాఠశాలలో ప్రస్తుతం 10 మంది ఉపాధ్యాయులుండగా 200 మంది విద్యార్ధులు విద్యనభ్యసించుచున్నారు. ఉపాధ్యాయుల అంకితభావం, గ్రామస్థుల ప్రోత్సాహంతో విద్యాశాఖ వారు ఈ పాఠశాలను ఉన్నత పాఠశాలగా స్థాయిపెంచినారు. [11] రెంటాలలో నూతనంగా అనుమతి లభించిన ఉన్నత పాఠశాలలో 9వ తరగతి భవనాన్ని, 2017,జూన్-21న ప్రారంభించినారు. [12]

గ్రామ పంచాయతీ[మార్చు]

2001 లో ఈ గ్రామ పంచాయతీకి జరిగిన ఎన్నికలలో, ఈ ఊరివారైన శ్రీ బూదాటి దేవదానం, సర్పంచిగా ఎన్నికలలో సర్పంచిగా పోటీచేసి, గెలుపొంది, 2006 వరకూ పనిచేశారు. 2001 లో జరిగిన ఎన్నికలకు ఒక ఎకరం పొలం, రు. 70,000 రూపాయలకు విక్రయించారు. ఇంకా రు. 3 లక్షలు అప్పు తెచ్చారు. ఐదేళ్ళు పనిచేసినా, పంచాయతీకి పైసా ఆదాయం రాలేదు. గ్రామంలో ఇంటిపన్ను చెల్లించేవారే లేరు. వీధిదీపాలు, మురుగు కాల్వలు శుభ్రం చేయదానికి బ్లీచింగు పొడి కొనుగోలు చేయదానికీ ప్రభుత్వం మంజూరు చేసిన నిధులే వెచ్చించారు. ఐదేళ్ళలో, ఒక నెల మాత్రం, గౌరవవేతనం తీసుకున్నారు. 2007 లో ప్రభుత్వ సాయంతో, స్వంత ఇల్లు ఏర్పరచుకున్నారు. పదవి పోయినా అప్పులు తీరలేదు. [3] 2013,జూలైలో ఈ గ్రామ పంచాయతీకి నిర్వహించిన ఎన్నికలలో శ్రీ సుంకయ్య సర్పంచిగా ఎన్నికైనారు. [12]

గ్రామంలోని దర్శనీయ ప్రదేశములు/దేవాలయాలు[మార్చు]

  1. శ్రీదేవీ భూదేవీ సమేత చెన్నకేశవ స్వామివారి ఆలయం:- ఈ ఆలయం పల్నాటి యుద్ధం కాలం నాటిది. ఈ ఆలయంలో, ఆనాటి రాజులు విడిది చేసేవారట. ఈ దేవాలయంలో కుడి ప్రక్కన గల మందిరాన్ని విడిదిగా ఉపయోగించేవారు. ఈ దేవాలయంలో గల నీటి బావి ఇప్పటికీ వాడుకలో ఉంది.ఈ ఆలయానికి 182 ఎకరాల మాన్యంభూమి ఉంది. దీని విలువ రు. 200 కోట్లకు పైమాటే. ఈ దేవాలయంలో ప్రతి సంవత్సరం, చైత్ర శుద్ధ పౌర్ణమి నాడు, స్వామివారి కల్యాణం, కన్నుల పండువగా నిర్వహించెదరు. భక్తులు స్వామివారికి ఉదయం నుండియే, అభిషేకాలు చేయించెదరు. మద్యాహ్నం స్వామివారి కళ్యాణాన్ని వేదపండితులు ఘనంగా నిర్వహించెదరు. రాత్రికి భక్తుల దర్శనార్ధం, స్వామివార్లను ప్రత్యేకంగా అలంకరించిన వాహనంలో ఊరేగించెదరు. ఈ ఆలయంలో ధనుర్మాసం ఉత్సవాలు ప్రతి సంవత్సరం వైభవంగా నిర్వహించెదరు. [4], [5]&[6]
  2. శ్రీ ఆంజనేయస్వామివారి ఆలయం:- ఈ ఆలయ వార్షికోత్సవం ప్రతి సంవత్సరం జూన్ మాసంలో నిర్వహించెదరు. ఈ సందర్భంగా గ్రామములో ఎడ్ల బలప్రదర్శన పోటీలు నిర్వహించి, గెలుపొందిన ఎడ్ల యజమానులకు బహుమతులు అందజేసెదరు. [7]
  3. శ్రీ చౌడేశ్వరీ అమ్మవారి ఆలయం:- ఈ ఆలయంలోని అమ్మవారివార్షిక కొలుపులు, 2016, మే-12 గురువారం మరియు 13వ తేదీ శుక్రవారం నాడు, వైభవంగా నిర్వహించారు. భక్తులు అధికసంఖ్యలో పాల్గొని అమ్మవారికి బోనాలు సమర్పించారు. భక్తులకు ఈ రెండు రోజులూ అన్నసమారాధన నిర్వహించారు. [9]

ప్రముఖులు[మార్చు]

గణాంకాలు[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 4,555.[2] ఇందులో పురుషుల సంఖ్య 2,319, స్త్రీల సంఖ్య 2,236, గ్రామంలో నివాస గృహాలు 1,150 ఉన్నాయి.గ్రామ విస్తీర్ణము 1,590 హెక్టారులు.

జనాభా (2011) - మొత్తం 4,939 - పురుషుల సంఖ్య 2,477 - స్త్రీల సంఖ్య 2,462- గృహాల సంఖ్య 1,324.
  • [1] గ్రామ గణాంకాల వివరాల కొరకు ఇక్కడ చూడండి

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. భారత ప్రభుత్వం నిర్వహించిన 2011 గణాంకాల జాలగూడు


"https://te.wikipedia.org/w/index.php?title=రెంటాల&oldid=2719083" నుండి వెలికితీశారు