Coordinates: 15°00′02″N 79°21′21″E / 15.000435°N 79.355758°E / 15.000435; 79.355758

గువ్వాది (వరికుంటపాడు)

వికీపీడియా నుండి
Jump to navigation Jump to search
గువ్వాది
—  రెవెన్యూ గ్రామం  —
గువ్వాది is located in Andhra Pradesh
గువ్వాది
గువ్వాది
ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు: 15°00′02″N 79°21′21″E / 15.000435°N 79.355758°E / 15.000435; 79.355758
రాష్ట్రం ఆంధ్రప్రదేశ్
జిల్లా శ్రీ పొట్టి శ్రీరాములు నెల్లూరు
మండలం వరికుంటపాడు
ప్రభుత్వం
 - సర్పంచి
జనాభా (2011)
 - మొత్తం 3,294
 - పురుషులు 1,694
 - స్త్రీలు 1,600
 - గృహాల సంఖ్య 759
పిన్ కోడ్
ఎస్.టి.డి కోడ్

గువ్వాది ఆంధ్ర ప్రదేశ్ రాష్ట్రం, శ్రీ పొట్టి శ్రీరాములు నెల్లూరు జిల్లా, వరికుంటపాడు మండలం లోని గ్రామం.ఇది మండల కేంద్రమైన వరికుంటపాడు నుండి 25 కి. మీ. దూరం లోను, సమీప పట్టణమైన కావలి నుండి 42 కి. మీ. దూరంలోనూ ఉంది.2011 భారత జనగణన గణాంకాల ప్రకారం ఈ గ్రామం 759 ఇళ్లతో, 3294 జనాభాతో 3271 హెక్టార్లలో విస్తరించి ఉంది. గ్రామంలో మగవారి సంఖ్య 1694, ఆడవారి సంఖ్య 1600. షెడ్యూల్డ్ కులాల సంఖ్య 682 కాగా షెడ్యూల్డ్ తెగల సంఖ్య 71. గ్రామ జనగణన లొకేషన్ కోడ్ 591662[1]..ఆంధ్ర ప్రదేశ్ రాష్ట్ర రోడ్డు రవాణా సంస్థ వారి బస్సులలో గ్రామానికి చేరుకోవచ్చును. కొంత మంది చదువుకొని విదేశాలలో ఉద్యోగాలు చేస్తున్నప్పటికీ చాలా మంది వ్యవసాయం మీద ఆధారపడి జీవిస్తున్నారు.

సమీప గ్రామాలు[మార్చు]

వరికుంటపాడు 8 కి.మీ, తోటలచెరువుపల్లె 9 కి.మీ, జడదేవి 9 కి.మీ, గన్నేపల్లె 9 కి.మీ, కొండయపాలెం 9 కి.మీ,ఇస్కపల్లి 4 కి.మీ

గ్రామ పంచాయతీ[మార్చు]

ఈ గ్రామంలో పంచాయతి కార్యాలయం ఉంది. దీనిని 25 సంవత్సరాల క్రితం నిర్మించారు.

మౌలిక సదుపాయాలు[మార్చు]

  • ఈ ఊరిలో మహిళా మండలి కార్యాలయం నిర్మింపబడి ఉంది.దీనిలో ప్రస్తుతం ఒక గదిని గ్రంథాలయంగా ఉపయోగిస్తున్నారు.
  • ఈ ఊరిలో ఇంకా విజయ పాలసేకరణ కేంద్రం ఉంది. గ్రామంలో ప్రజలు ఇక్కడ తమ పాలును పోస్తారు.
  • ఊరిలో ఒక ఆయుర్వేద వైద్యశాల కీ.శే. మైనంపాటి వెంకటయ్య నిర్మించి ఇచ్చారు.
  • దీనిలో ఒక గదిని తపాలా కార్యాలయంగా ఉపయోగిస్తున్నారు.

విద్యా సౌకర్యాలు[మార్చు]

ఈ ఊరిలో ఒక అంగన ‌వాడి కార్యాలయము ఉంది. ఇక్కడ 3 నుండి 5 సంవత్సరముల లోపు పిల్లలకు విద్యా బోధన చేస్తారు.గ్రామంలో ప్రభుత్వ ప్రాథమిక పాఠశాలలు నాలుగు, ప్రభుత్వ ప్రాథమికోన్నత పాఠశాల ఒకటి ఉన్నాయి. ఒక ప్రభుత్వ అనియత విద్యా కేంద్రం ఉంది.ఊరిలో ప్రభుత్వ ప్రాథమిక పాఠశాల ఉంది. దీనికి 2 భవనాలు నిర్మింపబడి ఉన్నాయి. ఈ పాఠశాలలో 1 నుండి 7వ తరగతి వరకు భోదిస్తారు. కాలనీలో ఉన్న మరో పాఠశాల 1 నుండి 5 వ తరగతి వరకు భోదిస్తారు. 8వ తరగతి నుండి సమీప గ్రామమైన (వరికుంటపాడు) లో చదువుకొని వస్తారు. పై చదువులకు వేరే ప్రాంతాలకు వెళ్తారు.బాల బడి, మాధ్యమిక పాఠశాల‌లు పామూరులో ఉన్నాయి. సమీప జూనియర్ కళాశాల పామూరులోను, ప్రభుత్వ ఆర్ట్స్/సైన్స్ డిగ్రీ కళాశాల, ఇంజనీరింగ్ కళాశాల‌లు ఉదయగిరిలోనూ ఉన్నాయి. సమీప వైద్య కళాశాల నెల్లూరులోను, మేనేజిమెంటు కళాశాల, పాలీటెక్నిక్‌లు కావలిలోనూ ఉన్నాయి. సమీప వృత్తి విద్యా శిక్షణ పాఠశాల, దివ్యాంగుల ప్రత్యేక పాఠశాల నెల్లూరులో ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. సమీప ప్రాథమిక ఆరోగ్య ఉప కేంద్రం గ్రామం నుండి 5 కి.మీ. లోపు దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, పశు వైద్యశాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో ఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరు బావుల ద్వారా కూడా ఏడాది పొడుగునా నీరు అందుతుంది. గ్రామానికి మంచినీరు పక్కనే ఉన్న గండి పాళెం జలాశయం నుండి రక్షిత మంచినీటి సరఫరా జరుగుతుంది. ఈ నీరు ప్రతి వీధికి సరఫరా జరుగుతుంది. మిగిలిన అవసరాలకు గ్రామములోనే ఒక బోరు నుండి, అదే కుళాయిలకు మిగిలిన సమయంలో విద్యుత్ పంపు ద్వారా సరఫరా చేయబడును.

పారిశుధ్యం[మార్చు]

గ్రామంలో మురుగు నీటి పారుదల వ్యవస్థ లేదు. మురుగు నీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయో గ్యాస్ ఉత్పాదక వ్యవస్థ లేదు.

సమాచార, రవాణా సౌకర్యాలు[మార్చు]

గువ్వాదిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలి గ్రాఫ్ ఆఫీసు గ్రామం నుండి 10 కి.మీ.కి పై బడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె/సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పై బడిన దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పై బడిన దూరంలో ఉన్నాయి. జిల్లా రహదారి గ్రామం గుండా పోతోంది. రాష్ట్ర రహదారి, ప్రధాన జిల్లా రహదారి గ్రామం నుండి 5 నుండి 10 కి.మీ. దూరంలో ఉన్నాయి. జాతీయ రహదారి గ్రామం నుండి 10 కి.మీ.కి పై బడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టి రోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏ.టీ.ఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 10 కి.మీ.కి పై బడిన దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పై బడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

గువ్వాదిలో భూ వినియోగం కింది విధంగా ఉంది:

  • అడవి: 1008 హెక్టార్లు
  • వ్యవసాయేతర వినియోగంలో ఉన్న భూమి: 534 హెక్టార్లు
  • వ్యవసాయం సాగని, బంజరు భూమి: 535 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 287 హెక్టార్లు
  • తోటలు మొదలైనవి సాగవుతున్న భూమి: 6 హెక్టార్లు
  • వ్యవసాయం చేయదగ్గ బంజరు భూమి: 251 హెక్టార్లు
  • నికరంగా విత్తిన భూమి: 647 హెక్టార్లు
  • నీటి సౌకర్యం లేని భూమి: 190 హెక్టార్లు
  • వివిధ వనరుల నుండి సాగునీరు లభిస్తున్న భూమి: 456 హెక్టార్లు

నీటిపారుదల సౌకర్యాలు[మార్చు]

గువ్వాదిలో వ్యవసాయానికి నీటి సరఫరా కింది వనరుల ద్వారా జరుగుతోంది. పంటపొలాలకు మాగాణి చెరువుకింద నీటి ద్వారా పండిస్తారు. చెరువులో నీరు లేనప్పుడు గండిపాళెం జలాశయం నుండి నీరు సరఫరా చేయబడుతుంది. కొంత భూమి బోరు బావుల ద్వారా సాగు చేయబడుతుంది.

  • కాలువలు: 410 హెక్టార్లు
  • బావులు/బోరు బావులు: 46 హెక్టార్లు

గ్రామ వ్యవసాయ విషయాలు[మార్చు]

ఈ గ్రామంలో దాదాపుగా 90% మంది వ్యవసాయం మీద ఆధారపడి జీవిస్తున్నారు. ముఖ్యంగా వరి ఎక్కువగా పండిస్తారు. తర్వాత పొద్దుతిరుగుడు, బత్తాయి తోటలు, పశువుల మేత కోసం జొన్న వంటి పంటలు పండిస్తారు. మామిడి తోటలు కూడా ఉన్నాయి. కొద్ది మంది చెరకు, రాగులు, సజ్జలు వంటి పంటలు పండిస్తారు. గ్రామంలో దాదాపుగా అన్ని కుటుంబాలకూ గేదెలు ఉన్నాయి. అందరు పాడి సంపద మీద ఆధారపడి జీవిస్తున్నారు.

ఉత్పత్తి[మార్చు]

గువ్వాదిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, మినుము, పెసర

గ్రామములోని దర్శనీయ ప్రదేశములు/దేవాలయములు[మార్చు]

శ్రీ రామాలయం[మార్చు]

గ్రామము మధ్యలో ఉన్న ఈ ఆలయంలో, ప్రతి రోజు పూజలు జరుగుతాయి. ప్రతి సంవత్సరం శ్రీరామనవమి నాడు, శ్రీ సీతారాముల కళ్యాణం అంగరంగ వైభవంగా నిర్వహించెదరు.

శ్రీ చెన్నకేశవ స్వామివారి ఆలయం[మార్చు]

శ్రీ గంగమ్మ తల్లి ఆలయం[మార్చు]

శ్రీ అంకాలమ్మ తల్లి ఆలయం[మార్చు]

శ్రీ పోలేరమ్మ తల్లి ఆలయం[మార్చు]

ఈ ఆలయాలు మూడూ ఊరు చివరి చెరువు దగ్గర ఉన్నాయి. ఈ ఆలయాలలో ప్రతి సంవత్సరం ఉత్సవాలు నిర్వహించెదరు. జంతు బలులు సాధారణం. ప్రతి ఏటా పంటలు బాగా పండాలని పొంగళ్ళు పెడతారు.

గువ్వాడి గ్రామ పరిధిలోని దేవలాల వాగు సమీపంలోని పిల్లా పేరు వాగు ఒడ్డున, శ్రీదేవీ భూదేవీ సమేత శ్రీ వేంకటేశ్వరస్వామివారి విగ్రహం లభ్యమైనది. ఈ సందర్భంగా గ్రామస్థులు, భక్తులు, విగ్రహానికి, పూజలు, అభిషేకం, అర్చన చేసారు.

ముఖ్యమైన పండుగలు[మార్చు]

ఆంధ్ర ప్రదేశ్ అంతటి లాగానే ఈ ఊరిలో కూడా సంక్రాంతి, వినాయక చవితి, ఉగాది, దీపావళి మొదలైన పండుగలు బాగా జరుపుకుంటారు. ఏటా జరుగు శ్రీ రామ నవమికి, సమీప గ్రామాల నుండి చాలామంది భక్తులు వస్తారు. అన్నదానం జరుగుతుంది. ఆ రోజు సీతా రాముల కళ్యాణము జరుగుతుంది. రాత్రికి ఊరేగింపు జరుగును. ఔత్సాహికులైన యువకులు చెక్క భజన ముందు రోజు రాత్రికి చేస్తారు. గ్రామంలో కొంతమంది నాటకాలు కూడా నేర్చుకొని ప్రదర్శిస్తారు. ప్రత్యేకంగా వినాయకచవితి పండుగ 5 రోజులపాటు జరుగుతుంది. చివరి రోజు ఉట్టి మహోత్సవము జరుగుతుంది.

మూలాలు[మార్చు]

  1. "Office of the Registrar General & Census Commissioner, India - Village amenities of 2011".

వెలుపలి లింకులు[మార్చు]