ద్రోణ పర్వము

వికీపీడియా నుండి
Jump to navigation Jump to search

ద్రోణ పర్వము (సంస్కృతం: द्रोण पर्व), భారతీయ ఇతిహాసమైన మహాభారత గ్రంథంలోని 18 పుస్తకాలలో ఏడవ పుస్తకం. ఈ పుస్తకంలో 8 ఉప పుస్తకాలు, 204 అధ్యాయాలు ఉన్నాయి.[1][2] ద్రోణ పర్వ యొక్క క్లిష్టమైన ఎడిషన్‌లో 8 ఉప పుస్తకాలు, 173 అధ్యాయాలు ఉన్నాయి[3][4] ఆంధ్ర మహాభారతంలో ఈ భాగాన్ని తిక్కన అనువదించాడు. ద్రోణాచార్యుని నాయకత్వంలో జరిగిన కురుక్షేత్ర సంగ్రామం ఈ పర్వం కథాంశం.

మహాభారత యుద్ధంలో భీష్ముడు గాయాలతో నేలకొరిగిన తరువాత 11వ రోజు కురుక్షేత్ర యుద్ధంలో భీష్ముని స్థానంలో ద్రోణాచార్యుడిని సైన్యాధ్యక్షునిగా దుర్యోధనుడు నియమించడం, ఆ తరువాత నాలురు రోజుల యుద్ధం గూర్చి వర్ణించబడింది. [2]

గడిచిన ప్రతి రోజుతో పోల్చితే యుద్ధం మరింత క్రూరంగా ఎలా మారిందో, ఇరుపక్షాల వైపు ప్రియమైనవారు చంపబడటంతో, యుద్ధ నియమాలను ఇరుపక్షాలు ఎలా విస్మరించడం ప్రారంభించారో, యుద్ధం రాత్రి వరకు ఎలా విస్తరించిందో, మిలియన్ల కొద్దీ సైనికులు, ప్రధాన పాత్రలు - అభిమన్యుడు, జయద్రత, ద్రోణ, ఘటోత్కచుడు - యుద్ధంలో ఎలా మరణించారో ఈ పర్వంలో వివరించబడింది.[5]

సంస్కృత మహాభారతం[మార్చు]

మహా భారతంలోని మొత్తం 100 ఉపపర్వాలలో 8 ఉప పర్వాలు ద్రోణ పర్వంలో ఉన్నాయి. కాని తెలుగు మహా భారతంలో ఉప పర్వాల నియమాన్ని పాటించలేదు.

సంస్కృత మూలంలో ఉన్న ఉపపర్వాలు:

  1. ద్రోణాభిషేకం
  2. సంశప్తకుల వధ
  3. పద్మవ్యూహం - అభిమన్యుని మరణం
  4. ప్రతిజ్ఞా పర్వం
  5. జయద్రథ వధ
  6. ఘటోత్కచుని మరణం
  7. ద్రోణ వధ
  8. నారాయణాస్త్ర ప్రయోగం

మూలాలు[మార్చు]

  1. Ganguli, K.M. (1883-1896) "Drona Parva" in The Mahabharata of Krishna-Dwaipayana Vyasa (12 Volumes). Calcutta
  2. 2.0 2.1 Dutt, M.N. (1897) The Mahabharata (Volume 7): Drona Parva. Calcutta: Elysium Press
  3. van Buitenen, J.A.B. (1973) The Mahabharata: Book 1: The Book of the Beginning. Chicago, IL: University of Chicago Press, p 477
  4. Debroy, B. (2010) The Mahabharata, Volume 1. Gurgaon: Penguin Books India, pp xxiii - xxvi
  5. Williams, M. (1868) Indian Epic Poetry. London: Williams & Norgate, pp 116–117

బయటి లింకులు[మార్చు]