ఫోటోగ్రఫి

ఫోటోగ్రఫి వేదిక

ఫోటోగ్రఫీ (Photography) అనునది కాంతి లేదా ఇతర విద్యుదయస్కాంత వికిరణాలను భద్రపరచటం తో బాటు రసాయనిక చర్యల తో కాంతి సూక్ష్మాలని గుర్తించే ఫోటోగ్రాఫిక్ ఫిల్మ్ వలన గానీ /ఎలక్ట్రానిక్ ప్రక్రియతో ఇమేజ్ సెంసర్ (చిత్రాలని గుర్తించే పరికరము) వలన గానీ మన్నికైన చిత్రాలని సృష్టించే/ముద్రించే ఒక కళ/శాస్త్రము/అభ్యాసము. సాధారణంగా ఒక వస్తువు పై ప్రసరించే కాంతిని గాని, లేదా ఒక వస్తువు నుండి వెలువడుతున్న కాంతిని గానీ ఒక కటకం (lens)తో దృష్టి (ఫోకస్) ని కేంద్రీకరించి, కెమెరా లో ఉండే ఒక కాంతిని గుర్తించే ఉపరితలం పై నిర్దిష్ట సమయం వరకూ ప్రసరింపజేయటం తో ఆ వస్తువుల ప్రతిరూపాన్ని సృష్టించటం జరుగుతుంది. దీని ఫలితంగా ఎలెక్ట్రానిక్ ఇమేజ్ సెంసర్ లోని ప్రతి ఒక్క పిక్సెల్ పై విద్యుఛ్ఛక్తి యొక్క ఎలెక్ట్రానిక్ చర్య జరిగి తర్వాత ప్రదర్శితమగుటకు, మార్పులు చేసుకొనుటకు డిజిటల్ ఇమేజ్ ఫైల్ గా భద్రపరచబడుతుంది.

ఫలితంగా ఒక ఫోటోగ్రఫిక్ మిశ్రమములో నమోదైన ఒక నిగూఢ గుప్త చిత్రం తర్వాత రసాయనిక చర్యలతో నిర్దిష్ట ఫోటోగ్రఫిక్ పదార్థం యొక్క ప్రయోజనాన్ని బట్టి/అవలంబించే పద్ధతిని బట్టి కంటికి కనబడు నెగటివ్ గా గాని, పాజిటివ్ గా గాని అభివృద్ధి చెందుతుంది. సాంప్రదాయికంగా, ఫిలిం పై ఉండే నెగటివ్, ఎన్లార్జర్ పద్ధతి ద్వారా గాని/కాంటాక్ట్ ప్రింటింగ్ పద్ధతి ద్వారా గానీ కాగితం పైకి పాజిటివ్ గా ముద్రితం (print) అవుతుంది.

వ్యాపారంలో, శాస్త్రీయ రంగంలో, తయారీ రంగంలో, వినోద రంగంలో, ప్రసార మాధ్యమాలలో ఈ కళ ఉపయోగాలు చాలా ఎక్కువ.

లార్జ్ ఫార్మాట్ కెమెరా యొక్క లెంస్ మరియు మౌంటింగ్

ఆఖరి రసాయనిక ప్రక్రియ తర్వాత ఒక ఫోటోగ్రఫిక్ ప్రింటు

వ్యుత్పత్తి

1834 లో బ్రెజిల్ లోని కెంపినాస్ లో హెర్క్యూల్స్ ఫ్లారెంస్ అనే ఒక ఫ్రెంచి చిత్రకారుడు మరియు ఆవిష్కర్త ఒకానొక పద్ధతిని వివరించేందుకు తన డైరీలో ఈ పదాన్ని "photographie" గా రాసుకొన్నాడు. మార్చి 14, 1839 లో లండన్ రాయల్ సొసైటీ లో సర్ జాన్ హర్షల్ ఈ పదాన్ని ప్రపంచానికి పరిచయం చేసిన దాఖలాలు ఉన్నాయి. అయితే అదే సంవత్సరం ఫిబ్రవరి 25 న Vossische Zeitung అనే జర్మను వార్తాపత్రికలో జొహాన్ వాన్ మేడ్లర్ అనే బెర్లిన్ ఖగోళ శాస్త్రవేత్త ఈ పదాన్ని వాడాడు.

గ్రీకు లో ఫోటోస్ (φωτός), అనగా కాంతి. గ్రాఫీ (γραφή) అనగా చిత్రలేఖనం. ఫోటోగ్రఫీ అనగా, గ్రీకులో కాంతిని చిత్రీకరించటం అని అర్థం.

పుట్టుక మరియు చరిత్ర

చరిత్ర

ఫోటోగ్రఫీ(ఛాయాచిత్రకళ) విభిన్న సాంకేతిక ఆవిష్కారాల కలయికల ఫలితం. ఫోటోగ్రాఫ్ ల తయారీకి చాలా కాలం ముందే చైనీసు తత్త్వవేత్త మో డీ, గ్రీకు గణిత శాస్త్రవేత్తలు అరిస్టాటిల్ మరియు యూక్లిడ్ 4వ మరియు 5వ శతాబ్దాల లో నే పిన్ హోల్ కెమెరాల గురించి ప్రస్తావించారు. 6వ దశాబ్దంలో బైజాంటీన్ గణిత శాస్త్రవేత్త ఆంథెమియస్ ఆఫ్ ట్రాల్లెస్ తన ప్రయోగాలలో ఒక చీకటి డబ్బా (camera obscura)ని ఉపయోగించాడు. ఇబ్న్ అల్-హెథం (అల్ హసన్) కూడా చీకటి డబ్బాలని, పిన్ హోల్ కెమెరాలని అధ్యయనం చేశాడు. ఆల్బర్ట్ మ్యాగ్నస్ సిల్వర్ నైట్రేట్ ని కనుగొనగా, జార్జెస్ ఫ్యాబ్రీషియస్ సిల్వర్ క్లోరైడ్ ని కనుగొన్నాడు.

1568 లో డేనియల్ బార్బారో డయాఫ్రం ని వివరించగా, 1694 లో కాంతి వలన కొన్ని రసాయనాలు ఎలా నల్లబడేవో విల్హెం హోంబర్గ్ వివరించాడు. 1760 లో టిఫేన్ డీలా రోష్ అనే రచయిత "గిఫాంటీ" అనే తన కల్పిత పుస్తకంలో ఫోటోగ్రఫీ ఎలా ఉండవచ్చునో వివరించాడు. సూర్యకాంతి కొన్ని సిల్వర్ లవణాల రంగుల్లో మార్పు కలిగిస్తుందని స్వీడిష్ రసాయనిక శాస్త్రవేత్త విల్ హూమ్‍ షీలే కనుగొన్నాడు. హైడ్రోజన్ బెలూన్ నిర్మాత ప్రొఫెసర్ చార్లెస్ స్థూల ఆకారాల్ని మాత్రమే సూచించే చిత్రపటాలను తీయటానికి ప్రయత్నించాడు. రాజ కుటుంబాలలో తరతరాలుగా ఉంటున్న పూర్వీకుల పటాల సరికొత్త కాపీలను అప్పుడప్పుడు ఇలా తయారుచేయటం జరుగుతూనే ఉండేది.

ఇలాంటి ప్రయత్నాలు 18 వ శతాబ్దంలోనే ప్రారంభమైనవి. 1802 లో వెడ్జ్ వుడ్ చేసిన ఓ ప్రయోగం చాలా ప్రాముఖ్యత సంతరించుకుంది. రసాయనిక పదార్థం పూసిన ఓ కాగితంపై కొన్ని ఆకులు పరిచాడు దీనిపై సూర్యకాంతి పడినపుడు, ఆకులు లేని భాగం నల్లబడటం, ఆకుల కింది భాగం బూడిద రంగుగా మాఅరి కాడలు, ఈనెలు తెల్లబడటం కనిపించింది.

నెపోలియన్ సైన్యానికి చెందిన నీవ్స్ అనే మాజీ అధికారి రసాయనిక పదార్థాలపై కాంతి ప్రభావాన్ని గురించి 1811 లో అనేక ప్రయోగాలు చేశాడు. తాను ఆశించిన లక్ష్యాన్ని చేరుకోలేక పోయినప్పటికీ, సాంకేతిక శాస్త్ర చరిత్రలో తనదైన ఓ విశిష్ట స్థానాన్ని అయడు సంపాదించుకున్నాడు. ఫోటోగ్రఫీ అనే పదాన్ని సృష్టించడం, కెమేరా అబ్స్ క్యూరా అనే సాధనంతో చిత్రపటాల్ని తీయటానికి ప్రయత్నించటం అతనికి ఖ్యాతిని తెచ్చిపెట్టాయి.

ఈ కెమేరాని లియొనార్డో డావిన్సీ తన డైరీలో వర్ణించి రాశాడు. దీని మూల సిద్ధాంతం అంతకు మునుపే ప్రాచుర్యంలో ఉండాలి. లోపల నల్లరంగు పూసిన ఓ పెట్టెకి సూదిమొనలాంటి రంధ్రం చేస్తే, వెలుపల ఉండే వస్తువు యొక్క ప్రతిబింబం తలక్రిందులుగా, చిన్నదిగా లోపల యేర్పడుతుంది. రంధ్రంలో కటకాన్ని అమర్చితే ప్రతిబింబం నిటారుగానూ, మరీ స్పష్టంగానూ ఉంటుందనీ జర్మన్ మతాధికారి జాన్ కనుగొన్నాదు. 1569 లో జి.డి.పోర్టా అనే ఇటలీ భౌతిక శాస్త్రవేత్త మొదటి పెద్ద కెమేరా అబ్స్ క్యూరాని నిర్మించాడు. దీనినమూనా ని ఇప్పటికీ ఎడింబ్రా మ్యూజియంలో చూడవచ్చు.

చిత్రాలని పునరుత్పత్తి చేసే ప్రక్రియ (కెమెరాతో కాకుండా) ప్రముఖ కుమ్మరి కుటుంబానికి చెందిన థామస్ వెడ్జ్ వుడ్ సిల్వర్ రసాయనాలని ఉపయోగించి లెదర్ పై పెయింటింగుల కాపీలని సృష్టించటంతో మొదలైనది. (నాన్ ఎక్స్పోజ్డ్ సిల్వర్ రసాయనాలని కడగి చిత్రాలని స్థిరీకరించే ప్రక్రియ తెలియక పోవటంతో) అవి మన్నేవి కావు. వెలుతురులోకి తేగానే ఇవి పూర్తిగా నలుపైపోయేవి, అందుచేత ఈ చిత్రాలని చూడటం కోసం, డార్క్ రూం లో భద్రప్రరచవలసి వచ్చేది.

ఆధునిక చిత్రకారులు కెమెరా అబ్స్క్యూరాని ఉపయోగించే వారు, కానీ పశ్చిమ దేశాల్లో ఉపయోగించే రంగులకంటే ఈ చిత్రాల రంగులు చాలా ఎక్కువగా ఉండేవి. ల్యాటిన్ లో కెమెరా అబ్స్క్యూరా అనగా చీకటి గది అని అర్థం. ఒక డబ్బా కి చేసిన రంధ్రం గుండా వెలుతురు ప్రవేశించి ఒక కాగితం పై చిత్రాన్ని సృష్టిస్తుంది.

మొదటి కెమెరాల ఫోటోగ్రఫి

19వ శతాబ్దంలోని పారంభ సంవత్సరాలలో కెమెరాని కనుగొనటంతో కనుగొనబడిన ఫోటోగ్రఫీ అప్పటి సాంప్రదాయిక మాధ్యమాలైన చిత్రకళ, శిల్పకళ కంటే ఎక్కువ వివరాలని బంధించేగలిగేది. వాడుకలోకి తీసుకురాగల ఒక పద్ధతిగా 1820 లలో రసాయనిక ఫోటోగ్రఫీతో మొదలైనది. ఫ్రెంచి ఆవిష్కర్త నిసేఫోర్ నీప్సె 1822లో మొట్టమొదటి శాశ్వత చిత్రాన్ని ముద్రించిననూ, తర్వాత దానిని డూప్లికేట్ చేసే ప్రక్రియలో అది చెడిపోయినది. 1825 లో నీప్సే మరల సఫలీకృతుడైనాడు. తన కెమెరా అబ్స్క్యూరా తో మొట్టమొదటి శాశ్వత ఫోటోగ్రాఫ్ వ్యూ ఫ్రం ద విండో ఎట్ లే గ్రాస్ (View from the Window at Le Gras) 1826లో సృష్తించారు.

తన ఫోటోలు ఎక్స్పోజరుకై 8 గంటల సమయం తీసుకోవటం వలన వేరో ప్రక్రియ కోసం కృషి చేసాడు. 1816 లో జోహాన్ హెంరిచ్ షూల్జె సిల్వర్ మరియు సుద్దల కలయిక కాంతికి బహిర్గతం అయితే నల్లబడుతుంది అని కనుగొన్నడని తెలుసుకొని నీప్సె లూయీస్ డాగురె తో కలసి సిల్వర్ కాంపౌండ్ ల పై ప్రయోగాలు మొదలు పెట్టారు. నీప్సె 1833 లో మరణించిననూ డాగురె తన ప్రయోగాలని కొనసాగించి 1837లో డాగురెయోటైప్ ని కనుగొన్నాడు. 1838 లో ప్యారిస్ నగరంలోని ఒక వీధిలో ఒక వ్యక్తి తన బూట్లని పాలిష్ చెయ్యించుకోవటానికి కొన్ని నిముషాలు ఆగటం తో డాగురె అతనిని చిత్రీకరించాడు. తన ఫార్ములాని ప్రపంచానికి ఫ్రాంసు దేశం ఇచ్చే కానుకగా ప్రకటించినచో అతనికి పెంషన్ చెల్లించే ఒప్పందానికి ఒగ్గి 1839 న ఆ ప్రకారమే చేశాడు.

అయితే 1832 నాటికి హెర్కుల్స్ ఫ్లారెంస్ బ్రెజిల్ లో ఇంచుమించి ఇదే ప్రక్రియని అవలంబించి దీనిని ఫోటోగ్రఫీ గా వ్యవహరించగా, అప్పటికే ఇంగ్లీషు ఆవిష్కర్త విలియం హెంరీ ఫాక్స్ టాల్బట్ అప్పటికే సిల్వర్ ప్రక్రియ చిత్రాన్ని శాశ్వతీకరించటానికి మరొక ప్రక్రియని కనుగొన్నా, దానిని రహస్యంగా ఉంచాడు. డాగ్యురె ప్రక్రియని తెలుసుకొన్న తర్వాత దానినే మరింత అభివృద్ధి చేసి పోర్ట్రెయిట్ లని జనాదరణ పొందేలా చేశాఅడు. 1840 కి నెగిటివ్ లని రూపొందించే క్యాలోటైప్ ప్రక్రియని కనుగొన్నాడు. 1835 లో ల్యాకోక్ అబ్బే లోని ఓరియల్ కిటికీ ఇప్పటివరకూ తెలిసిన అతి పురాతమైన నెగటివ్ గా గుర్తించబడినది.

ఆధునిక పద్ధతుల పై జాన్ హర్షల్ చాలా కృషి చేశాడు. ఇప్పుడు బ్లూ-ప్రింట్ గా వ్యవహరించబడే సయానోటైప్ పద్ధతిని కనుగొన్నాడు. ఫోటోగ్రఫీ, నెగిటివ్, పాజిటివ్ పదాలని మొట్టమొదటిసారిగా ఉపయోగించాడు. 1819 లో సోడియం థయోసల్ఫేట్ సిల్వర్ హాలైడ్ లని కరిగించే ద్రావణి గా గుర్తించి, 1839 లో ఇది ఫోటోల స్థిరీకరించి మన్నగలిగేలా చేస్తుందని టాల్బట్ మరియు డాగురె లకి సమాచారమందించాడు. 1839 లో మొదటి గ్లాస్ నెగటివ్ ని తయారు చేశాడు.

మార్చి 1851 లో ఫ్రెడరిక్ స్కాట్ ఆర్చర్ ద కెమిస్ట్ అనే పత్రికలో వెట్ ప్లేట్ కొల్లాడియన్ (wet plate collodion) ప్రక్రియని ప్రచురించాడు. 1852, 1860 లలో డ్రై ప్లేట్ లు కనుగొనేవరకు ఈ ప్రక్రియని చాలా విరివి గా ఉపయోగించేవారు. కొలాడియన్ ప్రక్రియ మూడు ఉపసమితులు కలిగి ఉంటుంది; ఆంబ్రోటైప్ (గాజు పై పాజిటివ్ చిత్రం), ఫెర్రోటైప్ లేదా టిన్ టైపు (లోహం పై పాజిటివి చిత్రం) మరియు ఆల్బుమెన్ లేదా సాల్ట్ పేపర్ పై నెగటివ్ చిత్రం.

19వ శతాబ్దంలో ఫోటోగ్రఫిక్ గ్లాస్ ప్లేట్ లపైన, ముద్రణ లో చాలా అభివృద్ధి జరిగినది. 1884 జార్జ్ ఈస్ట్మన్ ఫోటోగ్రఫిక్ ప్లేట్ ల స్థానే ఫిలిం ని ఉపయోగించే సాంకేతికతని కనుగొన్నాడు.

1908 లో గాబ్రియల్ లిప్మన్ వ్యతీకరణ పద్ధతి ద్వారా ఫోటోలలో రంగులను పునరుత్పత్తి చేయగల లిప్మన్ ప్లేట్ ను కనుగొన్నందుకు గాను, భౌతిక శాస్త్రంలో అతడికి నోబుల్ బహుకరింపబడినది.

బ్లాక్-అండ్-వైట్

తొలినాళ్ళలో ఫోటోగ్రఫీ మొత్తం మోనోక్రోం (అనగా బ్లాక్ అండ్ వైట్) లోనే ఉండేది. తర్వాతి కాలంలో కలర్ ఫిలిం లభించిననూ ఖర్చు తక్కువ కావటం మరియు బ్లాక్ అండ్ వైట్ ఇచ్చే సాంప్రదాయిక రూపం వలన దశాబ్దాల తరబడి బ్లాక్ అండ్ వైట్ దే పై చేయిగా ఉండేది. కొన్ని మోనోక్రోం ఫోటోలు, కేవలం నలుపు తెలుపు ల మిశ్రమాలనే కాకుండా ఇతర వర్ణాలని కూడా కనబర్ఛేవి అనే విషయం గమనార్హం. సెపియా ఎరుపు వర్ణం, సయానోటైప్ నీలి వర్ణం కనబర్చేవి. ఇవి ఇప్పటి మొబైల్ ఫోన్ లు/కెమెరాలలో కూడా లభ్యం. నూట యాభై ఏళ్ళ క్రితం ఉపయోగించబడే ఆల్బమెన్ పద్ధతి బ్రౌన్ వర్ణం కనబర్చేది.త

స్థిరత్వం ఎక్కువపాళ్ళలో ఉన్నందువలన కొందరు ఫోటోగ్రాఫర్ లు ఇప్పటికీ మోనోక్రోం వైపే మొగ్గు చూపుతారు. సాంకేతిక అంశాలు, సౌలభ్యమే కాకుండా, కొన్ని ఫోటోలు మోనోక్రోం లో ఉంటేనే నప్పుతాయి కూడా. అందుకే కలర్ డిజిటల్ ఫోటోలు అయిననూ, కొంత సాంకేతికతో వాటిని బ్లాక్ అండ్ వైట్ చిత్రాలుగానే అభివృద్ధి చేస్తారు. కొందరు తయారీదారులు మోనోక్రోం లో మాత్రమే షూట్ చేసే డిజిటల్ కెమెరాలని తయారు చేస్తారు.

కలర్

19 వ శతాబ్దం మధ్యలో కలర్ ఫోటోగ్రఫీ పై పరిశోధనలు జరిగాయి. తొలినాళ్ళలో కలర్ పై ఈ ప్రయోగాలకు చాలా ఎక్కువ నిడివి గల (గంటలు, ఒక్కోసారి రోజుల తరబడి) ఎక్స్పోజర్ లు అవసరమయ్యేవి. పైగా తర్వాత ఈ కలర్ ఫోటోలు తెల్లని కాంతికి బహిర్గతం అయ్యిన తర్వాత ఆ రంగు వెలసిపోకుండా అట్టే దీర్ఘకాలం మన్నేలా ఉంచెలేకపోయాయి.

1855లో స్కాటిష్ భౌతిక శాస్త్రవేత్త జేంస్ క్లర్క్ మ్యాక్స్ వెల్ కనుగొన్న మూడు రంగుల వేర్పాటు సిద్ధాంతం (త్రీ-కలర్-సెపరేషన్ ప్రింసిపల్) ని ఉపయోగించి 1861 లో మొట్టమొదటి శాశ్వత కలర్ ఫోటోని తీశారు. ఒకే వస్తువు యొక్క మూడు వేర్వేరు బ్లాక్ అండ్ వైట్ ఫోటో లని ఎరుపు, ఆకుపచ్చ మరియు నీలం రంగు ఫిల్టర్ ల ద్వారా తీయడంతో వీటిని ఉపయోగించి కలర్ ఫోటోగ్రాఫ్ పునఃసృష్టికి దోహదపడే మూడు ప్రాథమిక ఛానెల్ లు ఏర్పడతాయి.

చిత్రాల యొక్క పారదర్శక ప్రింటులను అదే విధమైన ఫిల్టర్ ల ద్వారా ప్రొజెక్షన్ స్క్రీన్ పై ఒక దాని పై ఒకటి వేయడంతో వాటి పై రంగు పునరుత్పత్తి అయ్యేది. దీనినే అడిటివ్ మెథడ్ (సంకలిత పద్ధతి) ఆఫ్ కలర్ రీప్రొడక్షన్ అని అంటారు. కాగితం పై చిత్రం యొక్క కార్బన్ కాపీలని కాంప్లిమెంటరీ కలర్ లలో ఒకదాని పై మరొకటి ముద్రించటం 1860లో లూయీస్ డుకోస్ డు హారోన్ అనే ఫ్రెంచి ఫోటోగ్రఫర్ కనుగొన్నాడు. దీనినే సబ్ట్రాక్టివ్ మెథడ్ (వ్యవకలన పద్ధతి) ఆఫ్ కలర్ రీప్రొడక్షన్ అని అంటారు.

రష్యన్ ఫోటోగ్రఫర్ సెర్గేయ్ మిఖాయిలొవిఖ్ ప్రోకుడిన్ - గోర్స్కి ఈ పద్ధతిని విరివి గా ఉపయోగించాడు. దీనితో బాటు మూడు కలర్ ఫిల్టర్డ్ చిత్రాలని ఒకదాని తర్వాత ఒకటి అబ్లాంగ్ ప్లేట్ యొక్క వేర్వేరు ప్రదేశాలపై బహిర్గతం చేసే ఒక ప్రత్యేకమైన కెమెరాని వినియోగించి కలర్ ఫోటోలని సృష్టించే ప్రయత్నం చేశాడు. కానీ నిలకడ లేని వస్తువుల వలన ఫోటోలు ముద్రించిన తర్వాత సరిగా వచ్చేవి కావు.

తొలుత లభ్యమయ్యే ఫోటోగ్రాఫిక్ ఉపకరణాలలో ఫోటో సెంసిటివిటీ లో ఉన్న పరిమితుల (నీలం ని సరిగానే గుర్తించగలగటం, ఆకుపచ్చని పూర్తిగా గుర్తించలేకపోవటం, ఎరుపుని అసలు గుర్తించలేకపోవటం) వలన కలర్ ఫోటోగ్రఫీ ముందుకు సాగటం లో అడ్డంకులు ఏర్పడ్డాయి. 1873 లో జర్మను ఫోటోకెమిస్ట్ హెర్మన్ వోగెల్ ఆకుపచ్చ, పసుపుపచ్చ మరియు ఎరుపు రంగులని గుర్తించగలిగే డై సెంసిటైజేషన్ అనే ప్రక్రియను కనుగొన్నాడు. ఫోటోగ్రఫిక్ మిశ్రమాలలో, కలర్ సెంసిటైజర్ లలో వచ్చిన పురోగతి దీర్ఘ కాలిక ఎక్స్పోజర్ అవసరాన్ని తగ్గించి కలర్ ఫోటోగ్రఫీని క్రమంగా వాణిజ్య రంగం వైపు మరల్చింది.

1907 లో లూమియర్ సోదరులచే కనుగొనబడ్డ ఆటోక్రోం అనే కలర్ ఫోటోగ్రఫీ ప్రక్రియ వాణిజ్యపరంగా విజయవంతమైనది. ఈ ప్లేట్లలో రంగులు అద్దిన బంగాళాదుంపల గంజితో చేసిన గింజలని మొజాయిక్ కలర్ ఫిల్టర్ గా ఉపయోగించటం వలన, మూడు రంగులలోని వివిధ భాగాలని సూక్ష్మ చిత్ర కణాలుగా ఒకదాని ప్రక్కన ఇంకొకటిగా బంధించేలా చేసేది. రివర్సల్ ప్రాసెస్ అనే చర్యని ఆటోక్రోం ప్లేట్లపై జరిపిన తర్వాత పాజిటివ్ ట్రాంస్పరెంసీ ఉత్పత్తి అయ్యి ఈ గింజలు ప్రతియొక్క కణాన్ని సరియైన రంగుతో, ఏకీకరించిన చిన్న చిన్న బిందువులుగా కంటికి కనబడి సబ్జెక్టు యొక్క రంగును సంకలిత పద్ధతి ద్వారా సంశ్లేషించేవి. 1890 నుండి 1950 వరకు సంకలిత పద్ధతిలో అమ్మకాలు జరిగిన అనేక రకాలైన స్క్రీన్ ప్లేట్లు మరియు ఫిలిం ల లో ఆటోక్రోం ప్లేట్లు ఒక రకం.

1935 లో కోడాక్ మొట్టమొదటి కలర్ ఫిలిం (ఇంటెగ్రల్ ట్రైప్యాక్ లేదా మోనోప్యాక్) ని కోడాక్రోం పేరు తో పరిచయం చేసింది. కలర్ లోని మూడు వివిధ భాగాలని పలు పొరల మిశ్రమం ద్వారా పంపి చిత్రాన్ని బంధించేది. మొదటి పొర వర్ణ విశ్లేషణము లోని ఎరుపు ఆధిక్యతని, మిగిలిన రెండు పొరలు ఆకుపచ్చ, నీలం లని మాత్రం బంధించేవి. ఫలితంగా ప్రత్యేకమైన ఏ ఫిలిం ప్రాసెసింగ్ అవసరం లేకుండానే మూడు బ్లాక్-అండ్-వైట్ చిత్రాలు ఒక దాని పై ఒకటి పడేవి. అయితే వీటిని పరిపూర్ణం చేసే సయాన్, మజెంటా మరియు పసుపుపచ్చ వర్ణ చిత్రాలు, ఈ పొరల్లో కలర్ కప్లర్ లని చేర్చే క్లిష్టమైన ప్రాసెసింగ్ విధానాలతో సృష్టించబడేవి.

ఇదే విధంగా అగ్ఫా యొక్క అగ్ఫా కలర్ న్యూ 1936 లో రూపొందించబడినది. అయితే ఫిలిం తయారీ సమయంలోనే పొరల మిశ్రమంలో కలర్ కప్లర్ లని చొప్పించడంతో ఫోటోలకి రంగులు అద్దే ప్రకియ మరింత సులభం అయినది. ప్రస్తుతం లభించే కలర్ ఫిలింలు ఇప్పటికీ అగ్ఫా పలు పొరల నియమావళిని ఇంచు మించుగా అనుసరించి ఉత్పత్తి అవుతున్నాయి.

ఒక ప్రత్యేకమైన కెమెరా లో ఎక్స్పోజరు తర్వాత ఒకటి లేదా రెండు నిముషాల వ్యవధి లోనే పూర్తి స్థాయి కలర్ ప్రింటుని ఇచ్చే ఇంస్టంట్ కలర్ ఫిలిం ని 1963 లో పోలరాయిడ్ కనుగొన్నది.

కలర్ ఫోటోగ్రఫీ చిత్రాలను నేరుగా స్లైడ్ ప్రొజెక్టరు లో ఉపయోగించే పాజిటివ్ ట్రాంస్పరెంసీలుగా గానీ లేదా పెద్దవిగా విస్తరించి పాజిటివ్ లు గా ప్రత్యేక లేపనం గల కాగితం పై అచ్చు వేయబడే కలర్ నెగిటివ్ లు గా గానీ రూపొందిస్తారు. స్వయంచాలిత ఫోటో ప్రింటింగ్ పరికరాల అందుబాటుతో ఇది వరకు ఉన్న నాన్-డిజిటల్ ఫోటోగ్రఫి లో రెండవ పద్ధతిని ఎక్కువగా అవలంబించేవారు..

డిజిటల్ ఫోటోగ్రఫీ

1981 లో సోనీ మావికా అనే కెమెరా ఛార్జీ కపుల్డ్ డివైస్ ఫర్ ఇమేజింగ్ అనే పరకరం ఉపయోగించి కెమెరా లో మున్ముందు ఫిలిం వాడే అవసరం లేకుండా చేశారు. చిత్రాలని డిస్కులో భద్రపరచగా వాటి ప్రదర్శనకై ఒక మానిటర్ ఉన్న ఈ కెమెరా పూర్త్ స్థాయిలో డిజిటల్ కాదు. 1991 లో కొడక్ విడుదల చేసిన DCS 100 మొట్ట మొదటి వాణిజ్య పరంగా అందుబాటులోకి వచ్చిన డిజిటల్ సింగిల్ లెంస్ రిఫ్లెక్స్ కెమెరా. దీని అధిక ధర వలన ఫోటో జర్నలిజానికి, ప్రొఫెషనల్ ఫోటోగ్రఫీకి ఇది దగ్గర కాలేకున్ననూ వాణిజ్య పర డిజిటల్ ఫోటోగ్రఫీ కి నాంది మాత్రం పలికినది.

ఫిలిం పై రసాయినిక మార్పుగా కాకుండా డిజిటల్ ఇమేజింగ్ చిత్రాన్ని రికార్డు చేసే సమయంలో ఎలక్ట్రానిక్ ఇమేజ్ సెంసర్ సహాయం తో ఎలెక్ట్రానిక్ డాటా యొక్క సమూహంగా గుర్తిస్తుంది. ఫిలిం, ఫోటోగ్రఫిక్ పేపర్ ఉపయోగించవలసిన అవసరం ఉండటంతో కెమికల్ ఫోటోగ్రఫీ లో ఫోటోలకి మార్పులు చేయడం అసాధ్యం. కానీ డిజిటల్ ఫోటోగ్రఫీ లో ఫోటోలను ఇష్ట ప్రకారం మార్చుకొనవచ్చును. డిజిటల్ ఫోటోగ్రఫీ మరియు కెమికల్ ఫోటోగ్రఫీ కి ఇదే పెద్ద తేడా. డిజిటల్ ఫోటోగ్రఫీ లో ఉన్న ఈ సౌలభ్యం ఫోటో తీసిన తర్వాత కూడా, ఒక స్థాయి వరకూ దానిని మార్చటమే కాకుండా వాటిని ప్రసార మాధ్యమాలకి చేరవేయటం సులభతరం చేస్తుంది.

ఉపయోగాలు

ప్రారంభ దశ నుండి ఫోటోగ్రఫి పలు శాస్త్రవేత్తల, కళాకారుల ఆసక్తిని చూరగొన్నది. 1887 లో ఎడ్వార్డ్ మైబ్రిడ్జ్ వంటి శాస్త్రవేత్తలు ఫోటోగ్రఫిని మనుషుల మరియు జంతువుల చలనాలని రికార్డు చేయటానికి, అభ్యసించటానికి ఉపయోగించారు. కళాకారులు కూడా అంతే ఆసక్తితో వాస్తవాలను ఫోటో-మెకానికల్ కోణం లో నుండే కాకుండా పిక్టోరియలిస్టు మూవ్ మెంట్ వంట్ వాటి ఇతర మార్గాలని అంవేషించే ప్రయత్నాలు చేశారు.

రక్షణ, పోలీసు మరియు భద్రతా బలగాలు ఫోటోగ్రఫిని పర్యవేక్షణకి,. గుర్తింపుకి మరియు డాటాని భద్రపరచటానికి ఉపయోగిస్తారు. ఔత్సాహికులు ఫోటోగ్రఫిని జ్నాపకాలని, మరపురాని ఘడియలని భద్రపరచుకొనటానికి, కథలు చెప్పటానికి, సందేశాలు పంపటానికి వినోద సాధనంగా ఉపయోగిస్తారు. మానవ నేత్రం గుర్తించలేని అత్యంత వేగమైన ప్రక్రియలని చిత్రీకరించటానికి హై స్పేడ్ ఫోటోగ్రఫీని ఉపయోగిస్తారు.

సాంకేతిక ఆంశాలు

కెమెరా ఫోటోలను ఏర్పరచే పరికరం. కాగా, ఫోటోగ్రఫిక్ ఫిలిం లేదా సిలికాన్ ఎలెక్ట్రానికి ఇమేజ్ సెంసర్ ఫోటోలను గుర్తించే మాధ్యమం. రికార్డు చేసే మధ్యమం, ఫోటోగ్రఫిక్ ఫిలిం లేదా డిజిటల్ ఎలెక్ట్రానిక్ లేదా మ్యాగ్నెటిక్ మెమరీ కావచ్చును.

ఫోటోగ్రఫర్లు కాంతిని గుర్తించే (ఫిలిం వంటి) పరికరాన్ని కెమెరా యొక్క లెంసుని నియంత్రించి కావలసినంత కాంతికి బహిర్గతం చేసినప్పుడు ఏర్పడే (ఫిలిం పైన అయితే) నిగూఢమైన చిత్రం లేదా (డిజిటల్ కెమెరా అయితే) RAW file తగిన మార్పులు చేయబడి కంటికి కనబడే చిత్రంగా రూపాంతరం చెందుతుంది. Charge-coupled device (CCD) లేదా complementary metal-oxide-semiconductor (CMOS) సాంకేతికతలను ఉపయోగించే డిజిటల్ కెమెరాల మెమరీ కార్డులలో భద్రపరచబడ్డ చిత్రాలను తర్వాత పేపర్/ఫిలిం పై ముద్రించవచ్చును.

కెమెరా (లేక కెమెరా అబ్స్క్యూరా) మిగతా వెలుగును సాధ్యమయినంత తొలగించి కేవలం చిత్రం ఏర్పడే కాంతిని బంధించే ఒక చీకటి గది లేక పెట్టె. ఇవి వివిధ పరిమాణాలలో లభ్యం. ఒక కాలంలో కెమెరా ఒక చీకటి గది లో ఉంటే ఫోటో తీయవలసిన వస్తువు వెలుతురు ఉన్న పక్క గదిలో ఉండవలసి వచ్చేది. ప్రాసెస్ కెమెరాలుగా పిలువబడే వీటిలో సాధారణంగా పెద్ద ఫిలిం నెగిటివ్ లు ఉపయోగించవలసి వచ్చేది.

కెమెరా చిన్నదయ్యే కొద్దీ చిత్రం ప్రకాశవంతంగా వస్తుంది అనే నియమము ఫోటోగ్రఫి పుట్టినప్పటి నుండి జగద్విదితము. అందుకే గూఢచారులు టై పిన్ లో, లగేజ్ లో ఒక భాగంలో లేదా జేబు లో వేసుకొనే గడియారానికి నిగూఢ కెమెరాలని అమర్చుకొని అద్భుతమైన ఫోటోలు తీసేవారు. వీటిని టికా కెమెరాలు అంటారు.

కెమెరా నియంత్రణ (కంట్రోల్) లు

కంట్రోల్	వివరణ
ఫోకస్	కెమెరాతో చూడగలిగిన వస్తువు యొక్క స్థితి, లేదా స్పష్టమైన ఫోటో వచ్చేందుకు ఆప్టికల్ పరికరం సరి చేయటం. ఇన్ ఫోకస్, ఔట్ అఫ్ ఫోకస్
అపెర్చర్	f-number గా కొలవబడే లెంస్ సర్దుబాటు. లెంస్ ద్వారా ఎంత కాంతిని అనుమతించాలో ఇది నిర్ణయిస్తుంది. అపెర్చర్ depth of field (లోతు), వివర్తణ లని నిర్ణయిస్తోంది. f-number పెరిగే కొద్దీ లెంస్ ఓపెనింగ్ తక్కువగా, కాంతి తక్కువగా, depth of field ఎక్కువగా మరియు diffraction blur ఎక్కువగా ఉంటుంది. ఫోకల్ లెంత్ ని f-number తో భాగిస్తే, సమర్థవంతమైన అపెర్చరు (నాభ్యంతరం) యొక్క వ్యాసం వస్తుంది.
షట్టర్ స్పీడ్	షట్టర్ యొక్క వేగాన్ని నియంత్రించటం వలన షట్టర్ స్పీడ్ ఒక ఎక్స్ పోజరుకు ఇమేజింగ్ మీడియం ని కాంతికి బహిర్గతం చేసే నిడివిని నియంత్రిస్తుంది. దీనిని సెకండ్ల భిన్నాలుగా లేదా మెకానికల్ షట్టర్ ల కోణాలుగా సూచిస్తారు. షట్టర్ స్పీడ్ ఎక్కువ వేగం (అంటే తక్కువ నిడివి) కలిగి ఉంటే, కదిలే కెమెరా/సబ్జెక్టు వలన ఇమేజ్ ప్లేన్ పైకి ప్రసరించే కాంతిని, ఇమేజ్ బ్లరింగ్ ని తగ్గిస్తాయి.
వైట్ బ్యాలెంస్	డిజిటల్ కెమెరాలలో, రంగు తీవ్రతని వెలుతురు ఉన్న పరిస్థితులను బట్టి (given set of lighting conditions) వస్తువు పై కంటికి కనిపించే తెల్లని కాంతి ఎలా ఉందో ఎలెక్ట్రానిక్ రూపంలో ఇమేజింగ్ చిప్ పైన కూడా అదే విధంగా, సహజంగా ఉండేటట్లు వైట్ బ్యాలెంస్ నియంత్రిస్తుంది. ముందు తరం ఫిలిం ఆధారిత కెమెరాలలో అయితే ఫిలిం యొక్క సరైన ఎంపిక, లేదా కలర్ ని సరిచేసే ఫిల్టర్ లని వాడి దీనిని నియంత్రించటం సాధ్యపడేది. సహజమైన రంగు కోసమే కాకుండా, రంగులు కోరుకున్న విధంగా సరైన్ వర్ణంలో కనిపించటానికి కూడా ఫోటోగ్రఫర్లు వైట్ బ్యాలెంస్ ని ఉపయోగిస్తారు.
మీటరింగ్	వెలుతురులో ఉన్న ముఖ్యాంశాలు, నీడలు ఫోటోగ్రఫర్ యొక్క కోరిక మేరకు వచ్చేలా నియంత్రించబడే ఎక్స్పోజరు యొక్క కొలత. చాలా ఆధునిక కెమెరాలలో ఎక్స్పోజరు స్వయంచాలకంగా మీటరు అయ్యేలా మరియు సరిగ్గా అమరేలా ఉంటుంది. మునుపటి తరం కెమెరాలలో ప్రత్యేక లైట్ మీటరింగ్ పరికరాల పై, లేదా ఫోటోగ్రఫరుకు సరి అయిన మీటరు సెట్టింగ్ అమరిక పై ఉన్న నైపుణ్యం పై ఆధార పడి ఉండేది. వాడబడే అపెర్చర్ మరియు షట్టర్ స్పీడ్ లలోనికి కాంతి యొక్క సరియైన మోతాదును పంపటానికి, ఫిలిం యొక్క సెంసిటివిటీ కి అనుగుణంగా, లేదా కాంతి యొక్క సెంసరు కి అనుగుణంగా మీటరు ని సరి చేయవలసి ఉంటుంది. ఇది "ఫిలిం స్పీడు" లేదా ఐ ఎస్ ఓ సెంసిటివిటీ ని గాని మీటరు పై సెట్ చేయటంతో సాధ్య పడుతుంది.
ISO స్పీడ్	సాంప్రదాయికమైన కెమెరాలలో ఉన్న ఫిలిం లకి ఎంత వేగం ఉండాలో నిర్ధారించటం. ఆధునిక డిజిటల్ కెమెరాలు కాంతి నుండే ఈ స్పీడును సంపాదించి వాటిని సాంఖ్యిక అవుట్ పుట్ గా మార్చి ఆటోమేటిక్ ఎక్స్పోజరు వ్యవస్థ ని నియంత్రిస్తాయి. ISO number పెరిగే కొద్దీ కాంతికి ఫిలిం సెంసిటివిటీ పెరుగుతుంది. ISO number తరిగే కొద్దీ కాంతికి ఫిలిం సెంసిటివిటీ తగ్గుతుంది. సరియైన ISO స్పీడ్, అపెర్చర్ మరియు షట్టర్ స్పీడ్ ల కలయిక ఫోటో మరీ మసకగా కాకుండా, మరీ కాంతివంతంగా కాకుండా సరియైన ఎక్స్ పోజర్ కి గురి అయి, మీటరు పై మధ్యస్తంగా ఉండి చక్కని ఫోటో వచ్చేందుకు దోహద పడతాయి.
ఆటో ఫోకస్ పాయింట్	కొన్ని కెమెరాలలో ఇమేజింగ్ ఫ్రేం లోని ఒక బిందువుని కేంద్రీకరించటంతో ఆటో-ఫోకస్ వ్యవస్థ ఫోకస్ చేయటానికి ప్రయత్నిస్తుంది. చాలా సింగిల్-లెంస్ రిఫ్లెక్స్ కెమెరాలు (SLR) వ్యూ ఫైండర్ లో ఒక దాని కన్నా ఎక్కువ ఆటో-ఫోకస్ పాయింట్ లని గుర్తించగలవు.

ఇవే కాకుండా ఇమేజింగ్ పరికరం లోనే లభ్యమయ్యే కొన్ని ఇతర అంశాలు కూడా ఒక ఫోటో కావలసిన విధంగా లేక అందంగా రావటానికి కారణాలవుతాయి. అవి

• ఫోకల్ లెంత్ మరియు లెంస్ రకాలు (నార్మల్, లాంగ్ ఫోకస్, వైడ్ యాంగిల్, టెలిఫోటో, మ్యాక్రో, ఫిష్ ఐ లేదా జూం)
• సబ్జెక్ట్, కాంతిని రికార్డు చేసే పరికరం మధ్య, లెంస్ కి ముందు/వెనుక ఉపయోగించే ఫోటోగ్రఫిక్ ఫిల్టర్ లు
• మాధ్యమం లోని సహజమైన సెంసిటివిటీ మరియు రంగులు/తరంగ దైర్ఘ్యం
• కాంతిని రికార్డు చేసే పరికరం యొక్క స్వభావం, ఉదాహరణకి పిక్సెళ్ళలో, (సిల్వర్ హాలైడ్ అయితే) గ్రెయింస్ లో కొలవబడే రిజొల్యూషన్ (స్పష్టత)

ఎక్స్పోజరు మరియు రెండరింగ్

కెమెరా కంట్రోళ్ళు అవినాభావ సంబంధం గలవి. ఎక్స్పోజర్ యొక్క నిడివి, లెంస్ యొక్క అపెర్చర్, మరియు ఉపయోగించబడే లెంస్ యొక్క ఫోకల్ లెంత్ (జూం ని బట్టి అపెర్చర్ లో మార్పు ఉంటుంది) తో బాటు ఫిలిం ప్లేన్ పైకి చేరే మొత్తం కాంతి మారుతుంది. వీటిలో ఏ కంట్రోల్ మారిననూ దాని ప్రభావం ఎక్స్పోజరు పై ఉంటుంది. చాలా కెమెరాలలో ఈ కంట్రోళ్ళని ఆటోమేటిక్ గా నియంత్రించేలా సౌలభ్యం. ఈ సౌలభ్యం అప్పుడప్పుడూ మాత్రమే ఫోటోలు తీసేవారికి చాలా ఉపయోగపడుతుంది.

ఎక్స్పోజరు యొక్క నిడివిని షట్టరు లేని కెమెరాలలో సైతం షట్టర్ స్పీడ్ గా వ్యవహరిస్తారు. ఇది సెకను యొక్క భిన్నాలలో కొలవబడుతుంది. సాధారణంగా కదలిక లేని (still-life) సబ్జెక్టులకి ఒకటి నుండి కావలసినన్ని సెకనుల వరకు, రాత్రి దృశ్యాలకి గంటలు తరబడి ఎక్స్పోజరు నిడివి అవసరమవుతాయి. ఈ రెండూ సాధ్యాలే.

ఫోకల్ రేషియో నుండి తీసుకొనబడ్డ అపెర్చర్ ఎఫ్-నంబర్ (f-number) లేదా ఎఫ్-స్టాప్ (f-stop) గా వ్యవహరిస్తారు. ఇది ఫోకల్ లెంత్ మరియు అపెర్చర్ వ్యాసం యొక్క నిష్పత్తి లో ఉంటుంది. కాంతి ఎక్కువ దూరం ప్రయాణించటం వలన పొడవాటి లెంసులు వాటి గుండా తక్కువ కాంతిని ప్రసరింపజేయగా అపెర్చరు యొక్క వ్యాసం అంతే ఉన్న పొట్టి లెంసుల (ఫోకల్ లెంత్ తక్కువగా ఉన్నవి) తో తీసే ఫోటోలు (ఎక్కువ కాంతిని ప్రసరింపజేస్తాయి గనుక) ఎక్కువ వెలుతురుతో ఉంటాయి.

ఎఫ్-నంబర్ తక్కువ అయ్యేకొద్దీ అపెర్చర్ పెద్దది అవుతూ ఉంటుంది. లెంసుల యొక్క అపెర్చరులని కొలిచే ప్రస్తుత ఎఫ్-నంబర్ ల వ్యవస్థ కి అంతర్జాతీయ ప్రామాణికాలను నిర్దేశించాయి. దీనికి ముందు రూపొందించిన కెమెరాలలో ఎఫ్-నంబర్ల శ్రేణులు వేరేగా ఉండేవి.

ఎఫ్-నంబర్ $\sqrt 2$ కి తగ్గిస్తే అపెర్చర్ వ్యాసం కూడా అదే కొలతలో పెరుగుతుంది మరియు వైశాల్యం ద్విగుణీకృతం అవుతుంది. ఒక సాధారణ లెంసు పైన ఉండే ఎఫ్-స్టాప్ లు 2.8, 4, 5.6, 8, 11, 16, 22, 32. ఈ ఎఫ్-స్టాప్ నంబర్లు సగమయ్యే కొద్దీ ఫిలిం పైకి ప్రసరించే కాంతి ద్విగుణీకృతమవుతూ ఉంటుంది. నంబరు ద్విగుణీకృతం అయ్యే కొద్దీ కాంతి సగం తగ్గుతూ ఉంటుంది.

కెమెరాలోని షట్టర్ స్పీడ్, అపెర్చర్, ఫిలిం స్పీడ్ (షట్టర్ స్పీడ్) ల వివిధ కలయికలతో చిత్రాన్ని బంధించవచ్చు. ఒకదానికి ఒకటి అవినాభావసంబంధమున్న అపెర్చరు మరియు షట్టర్ స్పీడ్ వేర్వేరు సెట్టింగులని ఉపయోగించి వివిధ పరిస్థితులలో ఉన్న సెంసర్ స్పీడ్, లైటింగ్, కెమెరా లేదా సబ్జెక్టుల కదలిక మరియు డెప్త్ ఆఫ్ ఫీల్డ్ లతో ఫోటోలని తీయవచ్చును. స్పీడ్ తక్కువగా ఉన్న ఫిలిం గ్రెయిన్ లని, ఎలెక్ట్రానిక్ సెంసర్ పైన తక్కువ స్పీడ్ సెట్టింగ్ నాయిస్ ని తగ్గిస్తుంది. ఎక్కువ వేగం గల షట్టర్ స్పీడ్ మోషన్ బ్లర్ ని తగ్గిస్తుంది, లేదా తక్కువ అపెర్చరుని ఉపయోగించి డెప్త్ ఆఫ్ ఫీల్డ్ ని పెంచుతుంది.

ఉదాహరణకి తక్కువ కాంతికి ఎక్కువ అపెర్చర్ ని ఎక్కువ కాంతికి తక్కువ అపెర్చర్ ని ఉపయోగించవలసి ఉంటుంది. సబ్జెక్టు కదులుతూ ఉన్నది అయితే షట్టర్ స్పీడు ఎక్కువ అవసరం కావచ్చు. తక్కువ షట్టర్ స్పీడ్ ఉన్నప్పుడు ట్రైపాడ్ అవసరం కావచ్చు. 8 ms లో f/8 (అనగా సెకను లోని 1/125 వ భాగము) మరియు 4 ms లో f/5.6 (అనగా సెకను లోని 1/250 వ భాగము) సమానమైన కాంతిని అనుమతిస్తాయి. కానీ అంతిమ ఫలితం ఈ రెండు కలయికల్లోని ఎంపిక బట్టి ఉంటుంది. లెంసు యొక్క అపెర్చరు మరియు ఫోకల్ లెంత్ డెప్త్ ఆఫ్ ఫీల్డ్ ని నిర్దేశిస్తాయి. డెప్త్ ఆఫ్ ఫీల్డ్ అనగా లెంసు దృష్టిలో పడే దూరాల శ్రేణి. అపెర్చరు ఎక్కువగా ఉన్న లెంసు యొక్క డెప్త్ ఆఫ్ ఫీల్డ్ తక్కువగా ఉంటుంది. అనగా ఇమేజీ ప్లేన్ లోని కొంత భాగమే స్పష్టమైన్ ఫోకస్ కలిగి ఉంటుంది. వ్యక్తుల ఫోటోలు తీయటానికి, మ్యాక్రో ఫోటోగ్రఫీ లో నేపథ్యం నుండి సబ్జెక్టులని వేరు చేయటానికి ఈ మెళకువ బాగా ఉపయోగపడుతుంది.

తక్కువ అపెర్చరు గల లెంసు ఇమేజీ ప్లేన్ లోని ఎక్కువ భాగాన్ని ఫోకస్ లోనికి తీసుకు వస్తుంది. Landscape (దూరంగా ఉండే ప్రకృతి అందాలు) లేదా జన సమూహాలని తీయటానికి ఈ మెళకువ ఉపయోగపడుతుంది. కానీ చిన్న అపెర్చరులలోని వివర్తన కారణంగా చిత్రాలలోని స్పష్టత బాగా తగ్గే అవకాశం ఉన్నది. సాధారణంగా అత్యధిక స్పష్టత లెంసు పరిమితుల యొక్క మధ్యమ విలువ వద్ద సాధ్యపడుతుంది. (ఉదా: అపెర్చరు విలువలు f/2.8 నుండి f/16 వరకు పరిమితులు ఉండే లెంసుకి అత్యధిక స్పష్టత f/8 వద్ద ఉంటుంది. లెంసుల లో పెరిగే సాంకేతికత ఎక్కువ అపెర్చర్లతో కూడా స్పష్టమైన చిత్రాలని బంధించే లా తీర్చిదిద్దుతోంది.

ఇమేజి ని బంధించటం దానిని రూపొందించటం లోని భాగం మాత్రమే. ఉపయోగించే వస్తువు ఏదయినా సరే నిగూఢమైన చిత్రాన్ని కంటికి కనబడేలా చెయ్యటానికి కొన్ని పద్ధతులని అవలంబించాలి. స్లయిడ్ ఫిలిం అయితే ప్రొజెక్షన్ చేయవలసి ఉంటుంది. ప్రింటు ఫిలిం అయితే నెగటివ్ ని ఫోటోగ్రఫిక్ పేపరు పై ముద్రించవలసి ఉంటుంది. డిజిటల్ ఫోటోలు అయితే ఇమేజ్ సర్వర్ ల లో అప్ లోడ్ చెయ్యటం గానీ టెలివిజన్/కంప్యూటర్/డిజిటల్ ఫోటోఫ్రేం పై గానీ చూడాలి. ఏ రకమైన ఫిలిం అయిననూ కాగితం లేదా ఫోటోగ్రఫిక్ కాగితం వంటి సాంప్రదాయిక మాధ్యమాలపై ముద్రించవచ్చును.

ఇమేజీ కంటికి కనబడేలా చేసే ముందే వివిధ నియంత్రణలని ఉపయోగించి దానిని మార్చవచ్చును. ఈ నియంత్రణలు చాలా వరకు ఇమేజీ బంధించటం లో ఉపయోగించినవే అయిననూ కొన్ని మాత్రం రెండరింగ్ ప్రక్రియ కి ప్రత్యేకమైనవి. చాలా ముద్రణా నియంత్రణలు డిజిటల్ భావనలకి సమానమైననూ కొన్ని మాత్రం వేరే ప్రభావాలని ప్రదర్శిస్తాయి. ఇతర ముద్రణా మార్పులు:

• ఫిలిం ను కడిగే సమయంలో ఉపయోగించే రసాయనాలు
• ముద్రణా ఎక్స్పోజరు యొక్క నిడివి - ఇది షట్టరు స్పీడుతో సరి సమానం
• ముద్రణా అపెర్చరు - అపెర్చరుతో సమానమైననూ డెప్త్ ఆఫ్ ఫీల్డ్ పై ఎటువంటి ప్రభావం చూపదు
• కాంట్రాస్ట్ - ఇతర ఆబ్జెక్టులనుండి కావలసిన ఆబ్జెక్టులని వేరు చేసి చూపటానికి దిద్దే మెరుగులు
• డాడ్జింగ్ - కొన్ని ముద్రణా ప్రదేశాల ఎక్స్పోజరు తగ్గిస్తుంది
• బర్నింగ్ ఇన్ - కొన్ని ముద్రణా ప్రదేశాల ఎక్స్పోజరు ని పెంచుతుంది
• పేపర్ టెక్స్చర్ - గ్లాసీ, మ్యాట్టె
• పేపర్ రకం - రెజిన్ కోటెడ్, ఫైబర్ బేస్డ్
• పేపర్ సైజు
• ఎక్స్పోజరు షేపు
• టోనర్లు

ఇతర ఫోటోగ్రఫీ మెలకువలు

స్టీరియోస్కోపిక్ (3-D)

ఒకే ఆబ్జెక్టు యొక్క రెండు వేర్వేరు ఇమేజీలు ఒక దాని ప్రక్కన మరొకటి ఉన్న లెన్సుల తో బంధించటం వలన లోతు యొక్క భ్రాంతి కలుగుతుంది. దీనివలన చూసేవారికి అది వాస్తవానుభూతిని కలిగిస్తుంది. దీనినే 3-D ఫోటోగ్రఫి అంటారు. ఫిలిం లని ఉపయోగించి, లేదా డిజిటల్ ప్రక్రియని ఉపయోగించి ఈ విధంగా మోనోక్రోం, కలర్ ఫోటోలని 3-D చెయ్యవచ్చును.

ఫుల్ స్పెక్ట్రం, అల్ట్రా వయొలెట్, మరియు ఇన్ఫ్రా రెడ్

1960వ సంవత్సరం నాటి నుండే అల్ట్రా వయొలెట్ మరియు ఇన్ఫ్రా రెడ్ ఫిలిం లభ్యమవటంతో వివిధ రంగాలలోని ఫోటోగ్రఫీ లో వీటి ఉపయోగం ప్రారంభమైనది. డిజిటల్ ఫోటోగ్రఫీ లో వచ్చిన కొత్త సాంకేతిక విప్లవాలు ఫుల్ స్పెక్ట్రం ఫోటోగ్రఫికి కొత్త ద్వారాలు తీశాయి. అల్ట్రా వయొలెట్, ఇన్ఫ్రా రెడ్ మరియు కంటికి కనిపించే కాంతుల సరైన ఫిల్టర్ ల ఎంపికతో కొత్త ఫోటోగ్రఫి కళాత్మకని సంతరించుకొన్నది. ఫుల్ స్పెక్ట్రం ఫోటోగ్రఫి కళలు, జియాలజీ, నేర పరిశోధన మరియు చట్టం అమలు చేయటానికి వాడుతారు.

ఫిలిం ఫోటోగ్రఫి యొక్క భవితవ్యం

డిజిటల్ పాయింట్ అండ్ షూట్ కెమెరాలు వీడియో మరియు ఆడియో రికార్డింగు సౌలభ్యంతో రావటం మూలాన ఫిలిం కెమెరాలను వినియోగదారునికి దూరం చేశాయి. 2004 లో కొడక్, 2006 లో నికాన్, 2006 లో కెనాన్ తమ ఫిలిం ఫోటో కెమెరాలను రూపొందించటం ఆపివేశాయి.

2007 లో కొడక్ చే నిర్వహించబడ్డ ఒక సర్వేలో ఫోటోగ్రఫీ అప్పటికే డిజిటల్ మయమైనదనీ, అయిననూ 75 శాతం శాస్త్రీయ ఫోటోగ్రఫర్ లు ఫిలిం ని వాడటమే కొనసాగిస్తారనీ, అతి కొద్ది మందే డిజిటల్ వైపు వెళతారని తేల్చింది.

ఫోటోగ్రఫీ అభివృద్ది మూల కారకులు

మొట్ట మొదటి ఫోటో	మొదటి మనుష్యులు వున్న ఫోటో	కెమెరా అబ్స్క్యురా	మొదటి రంగుల ఫోటో
ఫ్రెంచ్ పరిశోధకుడు నేసెఫార్ నిప్సే 1886 లో తీసిన చాయా చిత్రం ప్రపంచములోనే మొట్టమొదటిగా గుర్తింపబడింది.	లూయిస్ జాక్వాస్ మాండే డాగుఎర్రే Louis-Jacques-Mandé Daguerre అనే ఫ్రెంచ్ పరిశోధకుడు 1838-39 సంవత్సరాల మధ్య మొదటి మనుష్యులు వున్న ఒక వీధి చిత్రాన్ని తీసాడు.ఫొటోని పెద్దదిగా చేసి పరిశీలిస్తే చిత్రంలో ఎడమ వైపు క్రింద ఒక మనిషి తన బూట్లకి పాలిష్ పెట్టించ్చుకుంటున్నది గమనించవచ్చు.		జేమ్స్ క్లార్క్ మాక్స్ వెల్ అనే పరిశోధకుడు 1861 లో ప్రపంచంలో మొట్ట మొట్టమొదటి పూర్తి రంగుల చాయా చిత్రాన్ని తీసాడు.
మొట్టమొదట ఛాయాచిత్రాన్ని(ఫోటోగ్రాప్)1826లో నేసెఫార్ నీప్సే (Nicéphore Niépce) అనే ఫ్రెంచ్ పరిశోధకుడు పెవటెర్ (pewter)అనే పల్లెరం మీద చిత్రీకరించాడు.పెట్రోలియం ఉప ఉత్పత్తి అయిన బిటుమేన్ మరియు జుడియా అని పిలువబడే రసాయనం ల మిశ్రమాన్ని పెవటెర్ అనే మెరుగు పెట్టిన పళ్లెం మీద పూసి ఈ ఘనకార్యాన్ని సాధించగాలిగాడు.	లూయిస్ జాక్వాస్ మాండే డాగుఎర్రే Louis-Jacques-Mandé Daguerre	Ibn al-Haytham (Alhazen) was a polymath who was a pioneer of modern optics and the scientific method.	జేమ్స్ క్లార్క్ మాక్స్ వెల్ (13 జూన్, 1831 – 5 నవంబర్, 1879) స్కాట్లాండు లో జన్మించిన ఒక భౌతిక/గణిత శాస్త్రజ్ఞుడు.1861 లో మొదటి సారి కలర్ ఫొటోగ్రాఫ్ తీసిన ఖ్యాతి కూడా ఆతనికే దక్కింది.

చాయచిత్రీకరణ గురించి

చరిత్రకు సాక్షిగా,విజ్ఞాన,వినోద మరియు ఎన్నో రంగాలలో ఫోటోగ్రఫీ ని విసృతంగా ఉపయోగిస్తున్నారు.మానవుల జీవితాలలో ఫోటోగ్రఫీ ప్రభావానికి కొన్ని సచిత్ర ఉదాహరణలు.

• 

  ఉరుములు మెరుపుల ఆకాశాన్ని చిత్రీకరించిన ఒక ప్రకృతి చిత్రం

• 

  జలపాతాన్ని చిత్రీకరించడం

• 

  హమ్మింగ్ పక్షి

• 
• 

  ఫోటో జర్నలిజం కి ఒక ప్రఖ్యాతి గాంచిన తల్లి బిడ్డల చిత్రం

• 

  పనోరమ ఛాయా చిత్రీకరణ

• 

  ఆకాశం నుండి చిత్రీకరించిన ఒక కోట (రాజ ప్రసాదం)

• 

  అంతరిక్షం లోని ఉపగ్రహం నుండి అత్యాధునిక కెమెరాతో భూగ్రహం చిత్రీకరణ

• 
• 

  టెలిస్కొప్ తొ అంతరిక్షాన్ని చిత్రీకరించడం

• 

  నిచ్చలన (still life) చిత్రాలు

• 

  నీటిలోపల(under water photography) చిత్రీకరణ

• 

  నగ్నత్వ (Nude photography) చిత్రీకరణ

• 

  నేర పరిశోధన(ఫోరెన్సిక్)చిత్రీకరణ

• 

  మొదటి తరం ఎక్స్ రే చిత్రం

• 

  సూక్ష్మమయిన (Macro) వాటిని చిత్రీకరించడం

• 

  కీటకాల చిత్రీకరణ

• 

  సిల్హౌట్టి విధానం

• 

  చిన్న పిల్లల చిత్రీకరణ

• 
• 

  కట్టడాల(manument) చిత్రీకరణ

• 

  చదరంగం క్రీదాకారుడి చిత్రం(విశ్వనాదన్ ఆనంద్)sports photography

• 

  కివి ఫలాల చిత్రం

• 

  of a thin section of a limestone with ooids. The largest is approximately 1.2 mm in diameter.

• 

  రాత్రి(night)వేళలో టపాసుల,తారజువ్వల చిత్రీకరణ

• 
• 

  SSLV at Mach 2.46 and 66,000 feet (20,000 m). The surface of the vehicle is colored by the pressure coefficient, and the gray contours represent the density of the surrounding air, as calculated using the OVERFLOW codes.

• 

కెమెరాలు వాటి అభివృద్ది

రకరకాలయిన కెమేరాలు

చిత్రీకరణ విధానం మరియు పరికరాలు	మొదటి తరం డబ్బా ఫోటో కెమెరా	రెండోతరం ఫోటో కెమెరా	ఇప్పటి ఆధునిక,డిజిటల్ కెమేరాలు
నిశ్చలన ఛాయా చిత్రీకరణ
చలన చిత్రీకరణ (సినిమా)	cell			ఐ మాక్స్3డి కెమెరా
చలన చిత్రీకరణ (వీడియో)		దస్త్రం:Sony dv handycam.jpg

కెమెరా రకాలు

• Rangefinder camera
• Twin-lens reflex camera
• Single-lens reflex camera
• Digital single-lens reflex camera
• Toy camera
• View camera
• Movie camera
• Video camera

కెమెరా తయారీదారులు

• AgfaPhoto
• Agilux
• Asahiflex

• Bolex

• Canon (company)
• Casio
• Contax

• Eastman Kodak

• Fujica
• Fujifilm

• Hasselblad
• Hewlett-Packard

• Ilford Photo
• Imaging Solutions Group

• Konica Minolta

• Leica Camera

• Linhof
• LOMO
• Lumix

• Mamiya
• Micro Precision Products
• Minox

• Mustek Systems

• Nikon

• Olympus Corporation

• Panasonic
• Pentax
• Polaroid Corporation
• Praktica

• Ricoh
• Rollei

• Samsung Group
• Sigma Corporation
• Sony

• Vivitar

• Yashica

• Zeiss
• Zenit (camera)

ప్రొఫెషనల్ ఫోటోగ్రఫీ

మీడియం ఫార్మాట్ హసల్ బ్లాడ్ కెమెరా

సాంప్రదాయక ఫోటోగ్రఫీ

కావలసిన పరికరాలు,యంత్రాలు,ఉపకరణాలు

• కెమెరా (Camera)
• కటకాలు (Lenses)

• 

  50ఎం ఎం కటకం (లెన్స్)

• 

  85 ఎం ఎం కటకం (లెన్స్)

• 

  18-250 ఎం ఎం జూమ్ కటకం (జూమ్ లెన్స్)

• 

  500 ఎం ఎం టెలి కటకం (టెలి లెన్స్)

35ఎంఎం కెమేరాతో 135ఎంఎం ఫిల్మ్ ఉపయోగించి ఒకే ప్రదేశంనుండి కెమేరాని కదల్చకుండా 28ఎంఎం వైడ్ నుండి 210 ఎంఎం టెలి లెన్సులు ఉపయోగించి తీసిన చాయా చిత్రాలు.

• 

  28 ఎంఎం

• 

  50 ఎంఎం

• 

  70 ఎంఎం

• 

  210 ఎంఎం

• ఫిల్మ్ (Film)

ఫిల్మ్గురించి...

ఫోటోగ్రాఫిక్ ఫిల్మ్(Photographic Film) అంటే వెలుతురికి ప్రభావితమయ్యే సిల్వర్ హాలైడ్ అణువులతో పూతపూయబడిన(emulsion) ఒక ప్లాస్టిక్(పాలియోస్టర్,నైట్రోసెల్యులోజ్ లేదా సెల్యులోజ్)పలుచటి కాగితం లాంటి పొర(షీట్). ఇది రకరకాలయిన కొలతలతో లభిస్తుంది. Original 120, 620 and modern 120 film spools with modern 120 exposed color film 135 film. The film is 35 mm wide. 8mm film

ఫిల్మ్ గురించి మరింత సమాచారం...

• స్టాండ్ (Stand)
• ఫ్లాష్ (Flash)
• దీపాలు (Lights)
• ఫిల్టరులు (Filters)
• ముద్రణ యంత్రం (Printer)
• ముద్రణ కాగితం (Printing paper)
• రసాయనాలు (Chemicals)

ఇతర ఉపకరణాలు

• అల్బం (Photo album)
• గొడుగులు (Umbrella)
• నీరు (Water)
• వెడల్పాటి పాత్రలు (Tray)
• రంగులు (Colors)
• వివిధ రంగులలొ బట్ట (color cloth in different shades)
• వివిధ రంగులలొ కాగితాలు ( paper sheets in different shades)
• క్లిప్పులు (Clips)

డిజిటల్ ఫోటోగ్రఫీ

ఇప్పటి డిజిటల్ కెమేరాలు చిన్న అగ్గిపెట్ట కంటే తక్కువ పరిణామంలో లభిస్తున్నాయి.ఇందులో సరదాగా ఫోటోలు తీసుకునే కంపాక్ట్ కామేరాల మొదలు వృత్తి నిపుణులు వాడే అత్యంత ఆధునికమయిన 35ఎమ్ఎమ్ ఎస్ ఎల్ ఆర్(SLR) నుండి మీడియం ఫార్మాట్(Medium format) కెమేరాల వరకు ఎన్నో రకాల బ్రాండు లతో,ఖరీదుతో లభిస్తున్నాయి. ఈ డిజిటల్ కేమేరాలకి కలిసివుండే మరియు విడిగా వుండే ఫోటో నిక్షిప్త వ్యవస్థ (storage system or device)వుంటుంది. డిజిటల్ కెమేరాతో తీసిన చాయ చిత్రాలని కంప్యూటర్ లోనికి కాని ముద్రణా యంత్రానికి గాని,స్కాన్నర్ కిగాని,ఇతర పరికరములలోనికిగాని దిగుమతి (import)చేసికోవచ్చు. కావలసిన పరికరాలు,యంత్రాలు,ఉపకరణాలు

• డిజిటల్ కెమెరా
• కటకాలు
• స్టాండ్
• ఫ్లాష్
• దీపాలు
• రాస్టేర్ గ్రాఫిక్స్ ఎడిటింగ్ సాఫ్టువేరు
• హార్డువేర్
• సిడి లేక డివిడి
• ముద్రణ యంత్రం
• ముద్రణ కాగితం
• రసాయనాలు

ఇతర ఉపకరణాలు

• అల్బం
• గొడుగులు
• విధ రంగులలొ బట్ట
• విధ రంగులలొ కాగితాలు
• క్లిప్పులు

కొన్ని ఫోటో నిక్షిప్త ఉపకరణాలు

• 

  CompactFlash (CF-I)

• 

  Memory Stick

• 

  Microdrive (CF-II)

• 

  MultiMediaCard (MMC)

• 

  MiniSD Card

• 

  microSD (right)

• 

  Secure Digital card (SD)

• 

  SmartMedia

• 

  USB flash drive

• 

  xD-Picture Card (xD)

• 

  3.5" floppy disks

• 

  Mini CD (left)

చిత్రీకరణ చేసే విధానం

ఒక ఫొటోని తీయటానికి సాంకేతిక వివరాలు(కెమెరా ,ఫిల్మ్,లెన్స్,వెలురురు(లైట్స్)గురించి)ఎక్సుపోజరు(exposure),సృజనాత్మకత అవసరం. షట్టర్(shutter) మరియు అపర్చర్(aperture) ల కలయికతో నిర్దేశించిన వెలుతురుని ఫిల్మ్ మీదకాని ఇమేజి సెన్సార్ (image sensor) మీద కాని నిక్షిప్తం చేసే ప్రక్రియని ఎక్సుపోజరు అంటారు. ఒక చక్కటి ఫోటోకి ఎక్సుపోజరు అత్యంత కీలకం.ఇప్పటి ఆధునిక ఎస్ ఎల్ ఆర్,డిజిటల్ కెమేరాలు ఫోటో తీసే విధానాన్ని అత్యంత సులభం చేసి ప్రజలందరికీ సులువుగా చక్కగా ఫోటోలు తీసుకునే అవకాశం కల్పిస్తున్నాయి.ఎక్సుపోజరు కి ఒక ఉదా:

• ఎడమవైపు బొమ్మ తక్కువ ఎక్సుపోజరు(under exposure) తో తీసింది మధ్య లోఉన్నది సరిఅయిన ఎక్సుపోజరు (correct exposure) కుడివైపు ఎక్కువ ఎక్సుపోజరు(over exposure) తో తీసింది

నేర్చుకోనటం

• దృష్టి కోణం(Angle of view)
• Aperture
• Circle of confusion
• Color temperature
• Composition in visual arts
• Depth of field
• Depth of focus
• Double exposure
• Exposure
• Exposure value
• F-number
• Film format
• Hyperfocal distance
• Perspective distortion
• Photographic printing
• Photographic processes
• Pinhole camera
• Red-eye effect
• Rule of thirds
• Shutter speed
• Science of photography
• Zone System

పోటీలు అవార్డులు

==ప్రపంచప్రసిద్ది గాంచిన ఫోటో గ్రాఫేర్లు వీఈర్ర్రఘవ రెద్ద్య్

ఇవి కూడా చూడండి

• కెమెరా (camera)
• కోడాక్ (Kodak)
• ప్రచురణ (Printing)
• మూవీ కెమెరా movie camera
• డిజిటల్ ఎస్ ఎల్ ఆర్ కెమెరా (Digital SLR camera)
• సినిమాటోగ్రఫీ (Cinematography)
• చలనచిత్రీకరణ (movie making)
• అర్రి (ARRI)
• పానావిజన్ (Panavision)
• అడోబ్ (Adobe)
• అడోబ్ ఫోటోషాప్ (Adobe Photoshop)
• ఇమేజ్ ఎడిటింగ్ (Image editing)
• జింప్ (GIMP)
• రాస్టేర్ గ్రాఫిక్స్ ఎడిటింగ్ సాఫ్టువేరు (Raster graphics editing software)
• యానిమేషన్ (Animation)
• స్టాప్ మోషన్ యానిమేషన్ (Stop motion animation)
• మల్టిమీడియా
• ధ్వని (Audio)
• దృశ్యం (video)