బి. వి. సుబ్బారెడ్డి

వికీపీడియా నుండి
Jump to navigation Jump to search
బి. వి. సుబ్బారెడ్డి
బి. వి. సుబ్బారెడ్డి

బి.వి.సుబ్బారెడ్డి


ఆంధ్రప్రదేశ్ శాసనసభ స్పీకరు
పదవీ కాలము
1962 - 1970
ముందు అయ్యదేవర కాళేశ్వరరావు

వ్యక్తిగత వివరాలు

జననం 1 జూలై 1903
కోయిలకుంట్ల, కర్నూలు జిల్లా
మరణం 7 జూన్ 1974
హైదరాబాద్
రాజకీయ పార్టీ భారత జాతీయ కాంగ్రెస్
జీవిత భాగస్వామి సుబ్బమ్మ
సంతానము ఆరుగురు కుమారులు ఒక కుమార్తె
మతం హిందూ

బొల్లవరపు వెంకట సుబ్బారెడ్డి సంక్షిప్తంగా బి.వి.సుబ్బారెడ్డి (జననం: జూలై 4, 1903 - మరణం: జూన్ 7, 1974) భారత స్వాతంత్ర్య సమరయోధుడు, రాజకీయవేత్త మరియు ఆంధ్రప్రదేశ్ శాసనసభ మూడవ సభాపతి.

ప్రారంభ జీవితం[మార్చు]

ఇతను జూలై 1, 1903న కర్నూలు జిల్లా కోయిలకుంట్లలో జన్మించాడు. ఇతని తండ్రి రామస్వామిరెడ్డి. 1926లో నోబుల్ కళాశాల, మచిలీపట్నం నుండి బి.ఎ.లో పట్టభద్రుడైన తదుపరి ఇతను మద్రాసు విశ్వవిద్యాలయంలో బ్యాచిలర్ ఆఫ్ లా ను అభ్యసించాడు. తరువాత నంద్యాలలో ప్రాక్టిస్ ప్రారంభించి మంచిపేరు సంపాదించాడు.

రాజకీయ జీవితం[మార్చు]

ఇతను 1938 మరియు 1949వ సంవత్సరంలో కర్నూలు జిల్లా బోర్డు అధ్యక్షునిగా పని చేసాడు. దేశ స్వాతంత్ర్య పోరాటంలో పాల్గొని, పలు సార్లు జైలుకు వెళ్ళాడు. ఇతను 1955వ సంవత్సరంలో రెండవ శాసనసభకు, 1962వ సంవత్సరంలో మూడవ శాసనసభకు, 1967వ సంవత్సరంలో నాలుగవ శాసనసభకు, 1972వ సంవత్సరంలో ఐదవ శాసనసభకు వరుసగా ఐదు సార్లు కర్నూలు జిల్లా కోయిలకుంట్ల నియోజకవర్గం నుండి ఎన్నికయ్యాడు. 1962వ, 1972వ సంవత్సరాలలో రెండు సార్లు ఇతను ఏకగ్రీవంగా ఎన్నికయ్యాడు. పి.వి. నరసింహారావు మంత్రివర్గంలో ఇతడు 30 సెప్టెంబర్ 1971 నుండి 20 మార్చి 1972 వరకు ఉప ముఖ్యమంత్రిగా, ప్రణాళిక, ప్రజా పనుల శాఖామాత్యులుగా పని చేసాడు. 1972 ఎన్నికల అనంతరం తిరిగి పి.వి.నరసింహారావు మంత్రివర్గంలో 20 మార్చి 1972 నుండి 30 డిసెంబర్ 1972లో రాజీనామా చేసేవరకు ఉపముఖ్యమంత్రిగా, ప్రణాళిక, రోడ్లు, భవనాలు, ఉద్యానవనాలు, ప్రజా పనుల శాఖలను నిర్వహించాడు. ఇతను జలగం వెంగళరావు మంత్రివర్గంలో 10 డిసెంబర్ 1973 నుండి 8 జూన్ 1974 వరకు ఉపముఖ్యంత్రిగా పని చేసి, ప్రణాళిక, వ్యవసాయ శాఖల అమాత్యులుగా పని చేసాడు. 1965లో సోవియట్ యూనియన్ ను ఇతను అధికారికంగా సందర్శించాడు. 1968వ సంవత్సరంలో బహమాస్ ఐలాండ్ నస్సావ్‌లో జరిగిన కామన్‌వెల్త్ పార్లమెంటరీ సదస్సులో పాల్గొన్నాడు. 1970లో లండన్‌లో జరిగిన కామన్‌వెల్త్ పార్లమెంటరీ అసోసియేషన్ సదస్సులో పాల్గొన్నాడు.

సభాపతిగా[మార్చు]

1963 మార్చి 22న ఇచ్చిన రూలింగులో చట్టసభల కార్యకలాపాలలో పాల్గొనే సభ్యులకు న్యాయస్థానాలతో సహా ఎవరూ ఎటువంటి ఆటంకాలు కల్పించరాదని, శాసనసభసభ్యులు శాసనసభ సమావేశాలకు హాజరు అవటాన్ని అత్యంత ప్రాధాన్యత గల విషయముగా అందరూ పరిగణించాలని ఇతడు చెప్పాడు. శాసనసభ సమావేశ కాలంలో ఎవరైనా సభ్యుడికి శాసనసభలో సమన్లు జారీ చేయడం లేదా స్పీకర్ ద్వారా గానీ శాసనమండలి అధికారుల ద్వారా గానీ అట్టి సమన్లను సభ్యులకు అందజేయవలసిందిగా కోరడం గానీ సభాధిక్కారం కిందకు వస్తుందని రూలింగ్ ఇచ్చాడు ఇతను. [1]

మూలాలు[మార్చు]

  1. 50 వసంతాల ఆంధ్రప్రదేశ్ శాసన సభ. హైదరాబాదు: ఆంధ్రప్రదేశ్ శాసనసభ సచివాలయము. p. 13, 14. Retrieved 30 March 2019.