విళుపురం

వికీపీడియా నుండి
ఇక్కడికి గెంతు: మార్గసూచీ, వెతుకు
  ?విళుపురం
తమిళనాడు • భారతదేశం
అక్షాంశరేఖాంశాలు: 11°56′31″N 79°29′56″E / 11.942°N 79.499°E / 11.942; 79.499
కాలాంశం భాప్రాకా (గ్రీ.కా+5:30)
జిల్లా(లు) విల్లుపురం జిల్లా
జనాభా 95 (2001 నాటికి)

విళుపురం/విల్లుపురం' (Viluppuram, Villupuram and Vizhupuram) తమిళనాడు రాష్ట్రంలోని 30 జిల్లాలలో ఒకటి మరియు జిల్లా కేంద్ర పట్టణం. ఈ జిల్లా సెప్టెంబరు 30, 1993 సంవత్సరంలో దక్షిణ ఆర్కాట్ (South Arcot) జిల్లా నుండి ఏర్పరచబడింది.

ఆరంభకాల చరిత్ర[మార్చు]

జింగీకోట (రాజా దేశింగ్)

మొదటి 4 శతాబ్ధాల కాలం ఈ భూభాగం చోళ రాజైన కరికాచోళ పాలకుల ఆధీనంలో ఉంది. అప్పుడు అత్యంత శక్తివంతంగా స్వతంత్రంగా ఉంటూ వచ్చింది. సింహ విష్ణు పాల్లవుల చేతిలో చోళులు ఓటమి పాలైన తరువాత ఈ భూభాగం పల్లవుల ఆధీనంలోకి వచ్చింది. విజయాలయ చోళుడు ఈ భూభాగాన్ని తిరిగి స్వాధీనపరచుకున్నాడు. అతిగొప్పదైన చోళసామ్రాజ్యానికి ఈ విజయం నాంది అయింది.

చోళులు తమపూర్వ వైభవాన్ని తిరిగి స్వాధీనపరచుకున్నా 1252 మొదటి జాతవర్మ దుందరపాండ్యన్ తలెత్తిన తరువాత ఈ భూభాగం మీద చోళుల అధికారంలోకి వచ్చింది. 50 సంవత్సరాల తరువాత ఈ భూభాగం మీద పాండ్యుల అధికారం ముగింపుకు వచ్చింది. తరువాత 1334 నుండి 1378 వరకు ముస్లిముల అధికారం కొనసాగింది. 1378 నుండి ఈ భూభాగం విజయనగరం పాలకులు సామంతులైన నాయకాల ఆధీనంలోకి మారింది.

1677లో శివాజీ జింగీ ప్రాంతాన్ని గోల్కొండ సైన్యం సహాయంతో స్వాధీనపరచుకున్నాడు. తతువాత ముగలాయి పాలకుల ఆధీనంలోకి మారింది. ముగల్ సామ్రాజ్య కాలంలోనే దక్షిణ ఆర్కాడులో ఆంగ్లేయులు మరియు ఫ్రెంచి నివాసాలు ఆరంభం అయ్యాయి. ఆగ్ల మరియు ఫ్రెంచి వారి మద్య సాగిన పోరులో ఈ ప్రాంతం మొత్తం యుద్ధరంగంగా మారింది. యుద్ధానంతరం ఈ భూభాగం అంతా ఆంగ్లేయుల ఆధీనంలోకి మారింది. 1947లో భారతదృశానికి స్వాతంత్ర్యం వచ్చే వరకు ఈ భూభాగం ఆంగ్లేయుల ఆధీనంలోనే ఉంది.

ఆర్ధికం[మార్చు]

2008లో పంచాయితీరాజ్ శాఖ 640 దేశీయ జిల్లాఅలో పేద జిల్లాలుగా గుర్తించబడిన 250 జిల్లాలలో విళుపురం ఒకటిగా గుర్తించింది.[1] తమిళనాడు లోని 6 వెనూబడిన జిల్లాలలో ఒకటిగా ప్రభుత్వరంగానికి చెందిన " బ్యాక్‌గ్రౌండ్ రీజంస్ గ్రాంట్ ఫండ్ ప్రోగ్రాం " ద్వారా నిధులు అందుకుంటుంది.[1]

విభాగాలు[మార్చు]

విళులుపురం జిల్లోలా 9 తాలూకాలు ఉన్నాయి.

  • విళుపురం.
  • కళ్ళకురుచ్చి.
  • శకంరపురం.
  • చిన్నసేలం.
  • ఉళుందూర్ పేట్టై.
  • దిండివనం.
  • తిరుకోయిలూర్.
  • వనూర్.
  • జింగీ.

భౌగోళికం[మార్చు]

విళుపురం జిల్లా వైశాల్యం 2,717 చదరపు కిలోమీటర్లు.

గణాంకాలు[మార్చు]

... జనసంఖ్య .. .. ... తిరువారూర్ ..వ స్థానంలో ఉంది. . .... ... తిరువారు...... ..

2011లో గణాంకాలను అనుసరించి విళుపురం జాసంఖ్య 3,463,284, [2] ఇది దాదాపు పనామా దేశానికి సమానం roughly equal to the nation of Panama [3] అలాగే అమెరికాలోని జనసంఖ్యకు సమానం కనెక్టికట్ రాష్ట్ర జనసంఖ్యకు సమానం.[4] 640 భారతదేశ జిల్లాలలో విళుపురం 93వ స్థానంలో ఉంది.[2] జిల్లా జనసాంద్రత చదరపు కిల్లోమీటరుకు 482. [2]2001-2011 గణాంకాలను అనుసరించి కుటుంబనియంత్రణ శాతం 16.99%. [2] రు స్త్రీ పురుష నిష్పత్తి 985:1000. [2] అలాగే అక్షరాస్యత శాతం 72.08%..[2]2001 గణాంకాలను అనుసరించి విళుపురం జనసంఖ్య 2,960,373. [5] 2011 తిరువారూరు నగరీకరణ శాతం 14.42%. అలాగే అక్షరాస్యత శాతం 64.68%..

విళుపురం జిల్లాలో యాత్రాప్రదేశాలు[మార్చు]

ఒళిందియం పట్టు[మార్చు]

తిరుఙాన సంబందర్ పాడిన దేవరం పాటలలో ఈ ఆలయం ప్రశంశించబడింది. యముని దూరంగా పంపిన వాడు, మన్మధుని జయించిన వాడు, భక్తుల వద్ద భిక్షను స్వీకరించిన వాడు, కొంరై పూలు ధరించిన వాడు, బ్రహ్మకపాల మాల ధరించిన వాడు మరియు శ్మశానభస్నధారుడు అయిన శివుడు ఇక్కడ నివసిస్తున్నాడని వర్ణిచబడింది. ఒళిందియపట్టు దేవారాంలో వర్ణించబడినవి తొండైనాడులో ఉన్నవి అయిన 31వ శివాలయం అని విశ్వసించబడుతుంది.

ఈ ఆలయంలో మే-జూన్ మాసాలలో వైకాశి 10వ రోజు బ్రహ్మోత్సవం, ఫిబ్రవరి- మార్చి మాసాలలో శివరాత్రి, నవంబరు-డిసెంబరు మాసాలలో తిరుకార్తికై ఉత్సవాలు జరుగుతుంటాయి.

  • ఆలయప్రత్యేకత

శివుడు స్వయంభువుగా వెలిసిన క్షేత్రం.

ఆలయచరిత్ర[మార్చు]

వామదేవుడు తాను పొందిన శాపం నుండి విమోచనం కొరకు పవిత్ర శివాలయాలను దర్శిస్తూ విళుపురంలోని ఆలయాన్ని సందర్శించాడు. ఆయన ఇక్కడకు వచ్చి ఇక్కడి రావిచెట్టు కింద కూర్చోగానే మనసు ప్రశాంతి చెందింది. అప్పుడాయన ఈశ్వరుడు రావిచెట్టుకింద ఉన్నాడని భావించాడు. వామదేవుని మనసు తెలుసుకుని ఈశ్వరుడు ఇక్కడ వామదేవుడిగా స్వయంభువు మూర్తిగా వెలిసాడు. వామదేవుడు వెంటనే పక్కన ఉన్న జలధారలలో స్నానం చేసి అక్కడే ఆ శివలింగాన్ని ప్రతిష్ఠించి ఆరాధించసాగాడు. తమిళంలో రావి చెట్టును అరశమరం అంటారు కనుక ఈశ్వరుడికి " అరశలీశ్వరుడు" అని ఈ ప్రదేశానికి " అరసిలి " అని నామకరణం చేసాడు. తరువాత కొన్ని రోజుల తరువాత ఆ ప్రదేశంలోని శివలింగం అదృశ్యం అయింది. ఆ ప్రదేశం చాళుక్య రాజులలో ఒకడైన " సత్యదేవన్" ఆధీనంలో ఉంటూ వచ్చింది. సత్యదేవన్ గొప్పశివభక్తుడు. ఆయనకు పిల్లలు లేరు. ఆయన ఒక వనం ఏర్పాటుచేసి అందులో శివలింగం ప్రతిష్ఠించి ఆరాధించసాగాడు. ఒకరోజు సేవకుడు తోటలోని చెట్లకు పూలులేకపోవడం గమనించాడు రాజుకు నివేదించాడు. రాజు అది అంత ముఖ్యమైన విషయంగా భావించలేదు. మరునాడు కూడా సేవకుడు ఆ విషయం విన్నవించాడు. పూల దొంగను పట్టుకోవడానికి రాజు తోటలో చాటుగా ఉండి చూడసాగాడు. ఒక జింక తోటలో ప్రవేశించి పూలను ఆనందంగా తినసాగింది. రాజు శివపూజకు ఉపయోగించే పూలను ఒక జంతువు తినడం సహించలేక జింక మీద బాణం ఎక్కుపెట్టాడు. జింక తప్పించుకుని పోయింది. బాణం రావిచెట్టుకు గుచ్చుకుంది. చెట్టు నుండి రక్తం స్రవించసాగింది. రాజు దెబ్బతిన్న జింకను చూడడానికి దగ్గరకు వెళ్ళిన తరుణంలో అక్కడ రాజుకు జింకకు బదులు బాణం దెబ్బ వలన చెట్టుకు ఏర్పడిన తొర్రలో శివలింగం కనిపించింది. ఆదే వామదేవుడి ప్రతిష్ఠించి ఆరాధించిన తరూవాత మాయమైన శివలింగం. రాజు రక్తంస్రవిస్తున్న శివలింగం ముందు మోకరిల్లి క్షమించమని వేడుకున్నాడు. అప్పుడు శువుడు ప్రతక్షమై జింక రూపంలో వచ్చినది తానే అని చెప్పి రాజుకు పుత్రసంతానం కలగాలని ఆశీర్వదించాడు. రాజు అక్కడ శివునికి ఆలయం కట్టించి ఆరాధించసాగాడు.

ఈ ఆలయంలో రుద్రాక్షపందిరి కింద ఉన్న స్వయంభూ శివలింగం భక్తులను ఆశీర్వదిస్తూ ఉంది. శివలింగం మీద బాణం గుర్తు ఇప్పటికీ కనిపిస్తూ ఉంది. పూజలు చేసే సాయంలో శివుని గాయానికి బాధ కలగకుండా కట్టు కట్టి పూజలు నిర్వహిస్తారు. సంబందర్ ఇక్కడ కొంతకాలం నివసిచాడు. ఆయన ఆసమయంలో 108 పతిగంలను వ్రాసాడు. మాత పెరియనాయకికి ఇక్కడ దక్షుణాభి ముఖంగా ప్రత్యేక ఆలయం ఉంది.[6]

చండమంగళం[మార్చు]

ఇక్కడ " అబాత సహేశ్వరరాలయం " గ్రామప్రవేశం లోనే ఉంది. ఈ ఆలయం రాజా కోపెరుంసింగన్ కడవరాయన్ కోటలో ఒక భగంగా ఉంది. ఇది చాలా సంవత్సరాల ముందే ధ్వంసం చేయబడింది. ప్రస్తుతం ఈ ఆలయం కేంద్రప్రభుత్వ ఆధీనంలో అభివృద్ధిచేయబడుతుంది. ఈ ఆలయం జాతీయరహదారి 45లో పక్కన గెడిలం నదీ సమీపంలో ఉంది.

తిరుకోయిలూరు[మార్చు]

ఈ ఊరిలో విష్ణుమూర్తి త్రివిక్రమస్వామి & వేదవల్లి తాయారు (వామనావతారం) పేర్లతో పూజలందుకుంటున్నాడు. ఈ ఆలయం ఊరి మద్య భాగంలో ఉంది. ఈ ఆలయం 108 దివ్యదేశాలలో ఒకటి. ఊరికి తూర్పుదిక్కున తెన్‌పెన్నై నదీతీరంలో ఈశ్వరాలయం ఉంది. ఈ ఆలయసమీపంలో కపిలర్ కున్రు అనే చిన్న కొండ ఉంది. అష్టవీరాటనాలలో తిరుకోవిలూరు ఒకటి. ఇక్కడ శ్రీ రఘుథామతీర్ధర్ మూల బృందావనం (క్రీ.శ 1595) మరియు శ్రీ సత్యప్రమోద తీర్ధ మూల బృందావనం (క్రీ.శ1997) ఉన్నాయి. తిరుకోయిలూరులో మధ్వాచార్య వణ్శవళికి చెందిన " ఉత్తరాది మఠం " ఉంది. అంతే కాక ప్రఖ్యాత జ్యోతిర్లింగ మఠాలలో ఒకటైన " శ్రీ గణానంద తపోవనం " తిరుకోయిలూరులో తిరువణ్ణామలై రహదారకి సమీపంలో ఉంది. శ్రీ గణానంద స్వామిగళ్ చేత స్థాపించబడిన ఈ మఠానికి స్వామి ఆశిర్వాదం అందుకోవడానికి భక్తులు వస్తూ ఉంటారు.

మేల్‌మలయనూరు[మార్చు]

మేల్‌మరువనూరులో ఉన్న " అంకాళపరమేశ్వరి" అమ్మవారిని దర్శించడానికి భక్తులు అమావాస్యరోజు ప్రత్యేకంగా వస్తుంటారు.

అన్నియూర్[మార్చు]

అన్నియూర్ శివుడు మరియు విష్ణువు ఆలయాలకు ప్రసిద్ధి. రెండు ఆలయాలు ఊరికి మద్యభాగంలో ఉన్నాయి. శివాలయంలో ఉన్న శనీశ్వరవిగ్రహం ముఖ్యమైనవాటిలో ఒకటి.

తిరువమదూర్[మార్చు]

తిరువమదూర్ ఆలయం ప్రత్యేకంగా శివాలయానికి ప్రసిద్ధిచెందినది. ఈ ఆలయంలో శివుడు మరియు పార్వతి ఒకరికి ఒకరు ఎదురుగా ఉంటారు. అందువలన ఈ ఆలయం ప్రేమికులను ఒకటి చేస్తుందని విశ్వసిస్తున్నారు.

మైలం[మార్చు]

చెన్నై విళుపురం జాతీయ రహదారి మరియు రైల్వే స్టేషను సమీపంలో ఉన్న మైలం గ్రామంలో ఉన్న కొండమీద ప్రఖ్యాతమైన " మురుగన్ " ఆలయం ఉంది. ఈ ఆలయంలో ప్రతిష్ఠితమై ఉన్న మురుగన్ మనసుకు శాంతి కలిగిస్తాడని ప్రజలు విశ్వసిస్తున్నారు. ఇక్కడ వివాహం జరిపించడం ఒక ప్రత్యేకత. ఇక్కడ అత్యధికంగా వివాహాలు జరుగుతూ ఉంటాయి. ఈ గ్రామం తెన్‌పెయర్ గ్రామం ఉంది.

తెంపెయర్[మార్చు]

తెంపేర్ గ్రామం సమీపంలో విక్రవంది నది ప్రవహిస్తుంది. ఈ ఊరిలో ఉన్న కాళియమ్మన్ ఆలయం చాలా ప్రసిద్ధిచెందింది.

కండచ్చిపురం[మార్చు]

కండచ్చిపురంలో శ్రీరామ ప్రతిష్ఠితమైన ఇసుకలింగం కలిగిన ఆలయం ఉంది. శ్రీరాముడు అరణ్యవాసం చేసే సమయంలో ఇసుకతో పార్ధివ లింగం చేసి శివారధన కొనసాగించాడు. ఈ అరణ్యం రామాయణంలో వర్ణించబడింది.

తిరువక్కరై[మార్చు]

నదీతీరంలో ఉపస్థితమైన ప్రశాంత గ్రామమైన తిరువక్కరైలో రఖ్యాతమైన వక్కరకాళి అమ్మన్ ఆలయం ఉంది. పౌర్ణమి రోజులలో అమ్మవారిని దర్శించడం ప్రత్యేకత సంతరించుకుంది. భక్తులు ఇక్కడున్న ఫాసిల్ పార్కును సందర్శించి శతాబ్ధాల నుండి జీవిస్తూ శిలారూపం సంతరించుకుంటున్న వృక్షాలను చూసి ఆనందిస్తుంటారు. పౌర్ణమి మరియు సోమవారంతో వచ్చే పాడ్యమి రోజులలో భక్తులు ఈ ఆలయాన్ని విశేషంగా దర్శిస్తుంటారు. ప్రత్యేకంగా చంద్రమౌళీశ్వరుని దర్శించడానికి వస్తుంటారు.

ఆలంబాడి పెరుమాళ్ ఆలయం[మార్చు]

ఆలంబాడి పెరుమాళ్ ఆలయానికి కుందుసట్టి పెరుమాళ్ అని మరోపేరు ఉంది. ఈ ఆలయంలో ఉన్న పెరుమాళ్ ఆకారరహితమైన శిలారూపం మాత్రమే ఉంది. అందులో శంఖు, చక్రాలు ఉన్నాయని విశ్వసించబడుతుంది.తిరుమల తిరుపతి వెంకటాచాపతి విగ్రహంలోని భాగమే ఈ శిలారుఇపమని విశ్వసించబడుతుంది. అందువలన ఈ మూర్తిని ఆరాధించడం తిరుమల తిరుపతి వేంకటనాథుని అర్చించడంతో సమానమని భావిస్తున్నారు.

పెరుంబాక్కం[మార్చు]

పెరుంబాక్కం గ్రామం విళుపురానికి 8 కిలోమీటర్లదూరంలో ఉంది. ఇక్కడ శ్రీ యోగ హయవదనర్ మరియు వేదంతదేశికర్ ఆలయం ఉంది. విళుపురం మరియు తిరుకోయిలూర్ రహదారిలో వుళుపురానికి 14 కిలోమీటర్ల దూరంలో ఉన్నమాంబళపట్టు గ్రామంలో శనీశ్వరునికి అతి పెద్ద శిల్పం ఉంది. ఆసియాలోనే ఇది అతిపెద్ద శనీశ్వర విగ్రహంగా విశ్వసిస్తున్నారు.

పూవరసన్ కుప్పం[మార్చు]

విళుపురానికి 17 కిలోమీటర్ల దూరంలో ఉన్న పూవరసన్ కుప్పంలో దక్షిణ భారతదేశంలో ప్రఖ్యాతి చెందిన లక్ష్మీనరసింహన్ ఆలయం ఉంది.

సిరువందాడు,మోక్షకుళం[మార్చు]

సిరుబందాడు అని పిలువబడుతున్న సిరువందాడు విళుపురానికి 15కిలోమీటర్ల దూరంలో ఉంది. ఇది పట్టునేతకు మరియు పట్టుచీరల తయారీకి ఇది ప్రసిద్ధం. రాష్ట్రంలోని పట్టుపరిశ్రమకు ప్రఖ్యాతి చెందిన కాంచీపురం పట్టుపరిశ్రమలో సిరువందాడు ప్రధానపాత్ర వహిస్తుంది. అంతేకాక ఈ గ్రామంలో దక్షిణ భారతదేశంలో ప్రఖ్యాతిచెందిన " లక్ష్నీనారాయణుల " ఆలయం ఉంది. అలాగే ఈ గ్రామంలో మహాశివునికి కూడా ఆలయం ఉంది. గ్రామంలో ఉన్న లక్ష్మీనారాయణుల ఆలయం, శ్రీ అళగేశర్వరాలయం ద్రౌపది అమ్మన్ ఆలయం పర్యాటక ఆకర్షణగా ఉన్నాయి. ఈ ఆలయాలు క్రీ.పూ 11 వ శతాబ్ధానికి చెందినవి. గ్రామానికి చిహ్నంగా శ్రీఅయ్యనారప్పన్ ఆలయానికి ముందు ఒక పెద్ద సరసు నిర్మితమై ఉంది.[7]

తిరువెన్నైనల్లూరు[మార్చు]

విళుపురం తిరుకోయిలూర్ మద్య తిరువెన్నైనల్లూరులో సునదరర్ కాలంనాటి కిరుబపురీశ్వరర్ అనే శివాలయం ఉంది.

కల్పట్టు[మార్చు]

కల్పట్టు గ్రామం యోగశనీశ్వరర్ ఆలయానికి ప్రసిద్ధిచెందింది.

తిమ్మలై[మార్చు]

తిమ్మలై గ్రామం సేలం మరియు చెన్నై జాతీయ రహదారి సమీపంలో ఉంది. తిమ్మలై ప్రజలకు ప్రధానవృత్తి వ్యవసాయం. ఈ ఊరిలో " కుళందై వేల్ మిడిల్ స్కూల్ " అనే పేరుతో మాద్యమిక పాఠశాల ఉంది. గ్రామంలో వ్యవసాయ ఆధారితమైన పెద్ద సరసు సమీపంలో పురాతనమైన శివాలయం ఉంది.

సెంబియన్‌మాదేవి[మార్చు]

ప్రఖ్యాత చోళరాణులలో ఒకరైన సెంబియన్ మాదేవి పేరుతో సెంబియన్ మాదేవి అనే ఊరు సేలం చెన్నై జాతీయ రహదారి సమీపంలో ఉంది. ఈ గ్రామంలో చారిత్రాత్మకమైన అమ్మన్ ఆలయం ఉంది.

మేల్ సిదమూర్ జైన్ మఠం[మార్చు]

కండాచిపురం

మేల్ సిదమూర్ జైన్ మఠం లేక జైన్ కాంచి జైన్ విళుపురం జిల్లా మఠం జింగీ సమీపంలో ఉంది. [8] తమిళనాడులోని జైనమతస్తులకు ఇది ప్రముఖ పుణ్యక్షేత్రంగా భాసిల్లితుంది. [9] ఈ మఠానికి జైన మతభట్టరకుడైన భట్టారక లక్ష్మణ్‌ స్వామీజీ ఆఆధ్వర్యంలో నిర్వహించబడుతుంది.[10]

మూలాలు[మార్చు]

  1. 1.0 1.1 Ministry of Panchayati Raj (September 8, 2009). "A Note on the Backward Regions Grant Fund Programme" (PDF). National Institute of Rural Development. Retrieved September 27, 2011. 
  2. 2.0 2.1 2.2 2.3 2.4 2.5 "District Census 2011". Census2011.co.in. 2011. Retrieved 2011-09-30. 
  3. US Directorate of Intelligence. "Country Comparison:Population". Retrieved 2011-10-01. Panama 3,460,462 July 2011 est.  line feed character in |quote= at position 7 (help)
  4. "2010 Resident Population Data". U. S. Census Bureau. Retrieved 2011-09-30. Connecticut 3,574,097  line feed character in |quote= at position 12 (help)
  5. "Census 2001". Censusindiamaps.net. Retrieved 2011-12-18. 
  6. "Dinamalar". Temple.dinamalar.com. Retrieved 2011-12-18. 
  7. http://www.onefivenine.com/india/villages/Villupuram/Kandamangalam/Siruvanthadu
  8. "> News Updates". Www.Jainheritagecentres.Com. 2009-11-12. Retrieved 2012-05-27. 
  9. "Tourist Information of Vilupuram District Tamilnadu South Indian States India". Southindianstates.com. Retrieved 2012-05-27. 
  10. Facets of Jainology: Selected Research Papers on Jain Society, Religion, and ... - Vilas Adinath Sangave - Google Books. Books.google.com. Retrieved 2012-05-27. 

వెలుపలి లింకులు[మార్చు]

http://www.dakshinaahobilam.info

"https://te.wikipedia.org/w/index.php?title=విళుపురం&oldid=2126283" నుండి వెలికితీశారు