దిండిగల్

వికీపీడియా నుండి
Jump to navigation Jump to search
Dindigul

Thindukkal
Dindigul viewed from Dindigul Fort
Dindigul viewed from Dindigul Fort
Dindigul is located in Tamil Nadu
Dindigul
Dindigul
Location in Tamil Nadu, India
నిర్దేశాంకాలు: 10°21′N 77°57′E / 10.35°N 77.95°E / 10.35; 77.95Coordinates: 10°21′N 77°57′E / 10.35°N 77.95°E / 10.35; 77.95
Country India
StateTamil Nadu
DistrictDindigul
ప్రభుత్వం
 • ప్రభుత్వ రకంMunicipal Corporation
 • నిర్వహణDindigul City Municipal Corporation
 • CollectorDr. S. Visakan IAS
 • Commissioner of City CorporationThiru. S. Sivasubramanian, B.Sc, BL.,
 • MayorTmt. J. Ilamathi
 • Deputy MayorThiru. S. Rajappa
విస్తీర్ణం
 • మొత్తం46.9 km2 (18.1 sq mi)
సముద్రమట్టం నుండి ఎత్తు
268 మీ (879 అ.)
జనాభా వివరాలు
(2011)
 • మొత్తం2,07,327
 • ర్యాంకు12
పిలువబడువిధం (ఏక)Dindigulite
Languages
 • OfficialTamil
కాలమానంUTC+05:30 (IST)
పిన్‌కోడ్
624001
Telephone code+91-451
భారత వాహన రిజిస్ట్రేషన్ ప్లేట్లుTN-57/TN-94
జాలస్థలిDindigul Municipal Corporation

దిండిగల్, భారతీయ రాష్ట్రాలలోని, తమిళనాడుకు చెందిన ఒక నగరం.ఇది వస్త్ర పరిశ్రమకు పేరొందిన నగరం [1] దిండిగల్ జిల్లాకు ఇది పరిపాలనా కేంద్రం. దిండిగల్ రాష్ట్ర రాజధానికి చెన్నై నుండి నైరుతిలో 420 కి.మీ. (260 మై.) దూరంలో ఉంది. తిరుచిరాపల్లికి 100 కి.మీ (62మైళ్లు) దూరంగా, మధురై నుండి 66 కి.మీ (41 మైళ్లు) దూరంగా, వస్త్ర పరిశ్రమకు పేరొందిన కరూర్ నుండి 72 కిలోమీటర్ల దూరంలో ఉంది. దిండిగల్ నగరం తాళాలు తయారీకి, బిర్యానీ వంటకు ప్రసిద్ధి చెందింది. దిండిగల్ జిల్లాలో పళని, ఆడంచత్రమ్, వేదసందుర్, నీలకోట్టై, కొడైకెనాల్, నథమ్,అతూర్ మొదలైన ప్రాంతాలు ఉన్నాయి. దిండిగల్ పురపాలకసంఘానికి పరిపాలనా కేంద్రం. దిండిగల్ పురపాలక స్థాయి నుండి, నగరపాలక సంస్థగా ఉన్నత స్థాయికి మార్చుతూ 2014 ఫిబ్రవరి 19 నుండి అమలుకు తీసుకునివస్తూ ఉత్తర్వులు జారీచేసింది.

దిండిగల్ ఒక పురాతన నివాస ప్రాంతంగా అని నమ్ముతారు. దీనిని వివిధ కాలాలలో చేరాస్, ప్రారంభ పాండ్యులు, చోళులు, పల్లవ రాజవంశీకులు, మరలా తిరిగి పాండ్యులు, మదురై సుల్తానేట్, డిండిగుల్ సుల్తానేట్స్, విజయనగర సామ్రాజ్యకులు, మదురై నాయక్ రాజవంశీకులు, చందా సాహిబ్, కర్ణాటక రాజ్య, బ్రిటిష్ పాలనలలో పాలనసాగింది. డిండిగుల్ అనేక చారిత్రక స్మారక కట్టడాలను కలిగి ఉంది, అత్యంత ప్రముఖ దిండిగల్ కోట ఈనగర ప్రాంతంలో ఉండటం విశేషం. దిండిగల్ నగరంలో భద్రత కలిగించే తాళాల తయారీ, తోలు పరిశ్రమ, వస్త్ర, జౌళి పరిశ్రమ, వ్యవసాయ, వ్యవసాయ యంత్రాలు తయారీ పరిశ్రమలు ఉన్నాయి.దిండిగల్ నగరం, తమిళనాడులోని ఇతర ప్రాంతాలతో రహదారి, రైలు మార్గాల ద్వారా బాగా అనుసంధానం ఉంది.[2] ఇది తమిళవాడులో రాష్ట్రంలో 12 వ అతిపెద్ద పట్టణ సముదాయం.

భౌగోళికం[మార్చు]

దిండిగల్ 10°21′N 77°57′E / 10.35°N 77.95°E / 10.35; 77.95[3] వద్ద ఉంది. ఇది సముద్రమట్టానికి 265 మీ (869 అడుగులు) సగటు ఎత్తులో ఉంది. ఈ పట్టణం దిండిగల్ జిల్లాలో, చెన్నై నుండి 420 కిమీ (260 మైళ్ళు) తిరుచిరాపల్లికి నైరుతి దిశలో 100 కిమీ (62 మైళ్ళు) దూరంలో ఉంది. సిరుమలై కొండల దిగువన దిండిగల్ ఉంది. స్థలాకృతి సాదాగా, కొండగా ఉంటుంది, వైవిధ్యం ఫలితంగా వాతావరణ మార్పులకు దారి తీస్తుంది. పట్టణంలో, చుట్టుపక్కల గుర్తించదగిన ఖనిజ వనరులు అందుబాటులో లేవు. వేసవి కాలం మార్చి నుండి జూలై వరకు ఉంటుంది, డిసెంబరు నుండి జనవరి వరకు శీతాకాలం ఉంటుంది.

వేసవిలో ఉష్ణోగ్రత 26 °C (79 °F) నుండి కనిష్టంగా, 20 °C (68 °F) వరకు గరిష్టంగా శీతాకాలంలో దిండిగల్ సంవత్సరానికి సగటున 812 mమీ. (32.0 అం.) వర్షపాతం పొందుతుంది.నైరుతి రుతుపవనాలు, జూన్‌లో ప్రారంభమై ఆగస్టు వరకు కొనసాగుతాయి, తక్కువ వర్షపాతం నమోదవుతుంది.అక్టోబరు, నవంబరు, డిసెంబరు నెలల్లో ఈశాన్య రుతుపవనాల సమయంలో అత్యధిక వర్షపాతం పొందుతుంది.[4]ఇది 14.01 కి.మీ2 (5.41 చ. మై.) విస్తరించి ఉంది.

దిండిగల్ వాతావరణ పరిస్థితులు తోటల పెంపకానికి, వివిధ రకాల పుష్పాల సాగుకు అనుకూలమైనవి.పువ్వులు కాకుండా, దిండిగల్ నారింజ, పైనాపిల్, జామ, ఉల్లిపాయలు వంటి కూరగాయలు, పొగాకు, యూకలిప్టస్, కాఫీ వంటి ఇతర ఆహారేతర పంటలను ఉత్పత్తి చేయడానికి ప్రసిద్ధి చెందింది.[5]

చరిత్ర[మార్చు]

కోటలోని ఆలయ చిత్రం

దిండిగల్ చరిత్ర నగరం సమీపంలోని ఒక చిన్న రాతి కొండపై ఉన్న దిండిగల్ కోట చుట్టూ కేంద్రీకృతమై ఉంది. దిండిగల్ ప్రాచీన తమిళకం లోని మూవెందార్లు, పాండ్యులు, చేరులు, చోళుల సరిహద్దులో ఉంది. చేరా రాజు ధర్మబాలన్ అభిరామి పద్మగిరినాథర్ ఆలయాలను నిర్మించాడని నమ్ముతారు.ప్రాచీన తమిళ గ్రంథం, సిలప్పతికారం ఈ నగరాన్ని పాండ్య రాజ్యానికి ఉత్తర సరిహద్దుగా నమోదు చేసింది. దీని రాజధాని మదురై. చరిత్రకారుడు స్ట్రాబో సా.శ. 20 తన రచనలో నగరం గురించి ప్రస్తావించాడు. ఆ కాలపు గొప్ప చరిత్రకారుడు పిల్నీ తన రచనలలో పాండ్య రాజు గురించి వివరించాడు. [6] సా.శ.1 వ శతాబ్దం లో, చోళ రాజు కరికల్ చోళన్ పాండ్య రాజ్యాన్ని స్వాధీనం చేసుకున్నాడు. దిండిగల్ చోళ పాలనలోకి వచ్చింది.

ఆరవ శతాబ్దంలో, పల్లవులు దక్షిణ భారతదేశంలోని చాలా భాగంతో పాటు దిండిగల్‌ను స్వాధీనం చేసుకున్నారు. చోళులు దానిని తిరిగి స్వాధీనం చేసుకున్న సా.శ. 8వ శతాబ్దం వరకు పాలించారు.దక్షిణ భారతదేశంలో ఢిల్లీ సుల్తానేట్ దాడుల సమయంలో, దిండిగల్‌పై దాడి జరగలేదు. ఆ శతాబ్దం తరువాత ఈ నగరం విజయనగర సామ్రాజ్యంలో భాగమైంది. మదురై సుల్తానేట్ ఆధీనంలో ఉన్న మధురైని స్వాధీనం చేసుకోవడంలో విజయనగర సైన్యాధ్యక్షుడు కంపన్న ఉడయార్ యుద్ధంలో ముఖ్యమైన పాత్ర పోషించాడు.1559లో నాయకులు శక్తివంతం అయ్యారు. వారి భూభాగం ఉత్తరాన దిండిగల్‌తో సరిహద్దుగా ఏర్పడింది. 1563లో రాజు విశ్వనాథ నాయక్ మరణం తరువాత, ముత్తుక్రిష్ణ నాయక్ సా.శ. 1602 లో ఒక రాజ్యానికి రాజు అయ్యాడు, అతను సా.శ. 1605 లో బలమైన కొండ కోటను నిర్మించాడు.కొండ దిగువన ఒక కోటను నిర్మించాడు. ముత్తువీరప్ప నాయక్, తిరుమల నాయక్, ముత్తుకృష్ణ నాయక్‌ను అనుసరించారు. తిరుమలై నాయక్ ఆధ్వర్యంలో, మదురై నాయకుల పాలనలో దిండిగల్ మరోసారి ప్రాముఖ్యత సంతరించుకుంది. అతని తక్షణ విజయవంతం కాని వారసుల తరువాత, రాణి మంగమ్మల్ సమర్థవంతంగా పరిపాలించిన ప్రాంత పాలకురాలుగా అయ్యింది.[6]

గణాంకాలు[మార్చు]

మతాలవారిగా దిండిగల్ నగర జనాభా (2011)
మతం శాతం (%)
హిందూ
  
69.11%
క్రైస్తవులు
  
16.59%
ఇస్లాం
  
14.17%
సిక్కులు
  
0.02%
బౌద్ధులు
  
0.02%
జైనులు
  
0.01%
ఇతరులు
  
0.1%

2011 భారత జనాభా లెక్కల ప్రకారం, దిండిగల్‌ నగర జనాభా మొత్తం 2,07,327. లింగనిష్పత్తి ప్రతి 1,000 మంది పురుషులకు 1,012 మంది స్త్రీలు ఉన్నారు. ఇది జాతీయ సగటు 929 కంటే చాలా ఎక్కువ. మొత్తం జనాభాలో 19,603 మంది ఆరేళ్లలోపు వారు ఉన్నారు. వారిలో 10,126 మంది పురుషులు, 9,477 మంది మహిళలు ఉన్నారు. [7] నగర పరిధిలోని మొత్తం జనాభాలో షెడ్యూల్డ్ కులాలు వారు 7.58% మంది ఉండగా, షెడ్యూల్డ్ తెగలు వారు 0.07% మంది ఉన్నారు.

నగర జనాభా మొత్తం సగటు అక్షరాస్యత 81.69%, ఇది జాతీయ సగటు 72.99% కంటే ఎక్కువ. నగర పరిధిలో మొత్తం 53573 గృహాలు ఉన్నాయి.[8] నగర జనాభా మొత్తంలో 77,813 మంది కార్మికులు ఉన్నారు, వీరిలో 387 మంది రైతులు, 366 మంది ప్రధాన వ్యవసాయ కార్మికులు, 5,328 మంది గృహ పరిశ్రమలు, 68,163 మంది ఇతర కార్మికులు, 3,569 సన్నకారు కార్మికులు, 46 సన్నకారు రైతులు, 176 మంది ఉపాంత వ్యవసాయ కార్మికులు, 176 మంది ఉపాంత కార్మికులు, 187 మంది ఇతర కార్మికులు ఉన్నారు.[9]

2011 లెక్కల ప్రకారం, దిండిగల్‌లో మతపరమైన జనాభా 69.11% హిందువులు, 14.17% ముస్లింలు, 16.59% క్రైస్తవులు, 0.02% సిక్కులు, 0.02% బౌద్ధులు, 0.01% జైనులు, 0.1% ఇతర మతాలను అనుసరిస్తున్నారు.[10]

విద్యా సౌకర్యం[మార్చు]

2011 నాటికి, నగరంలో 19 మున్సిపల్ ప్రాథమిక పాఠశాలలు, 23 ఇతర ప్రాథమిక పాఠశాలలు, ఎనిమిది మధ్య పాఠశాలలు, 13 ఉన్నత పాఠశాలలు ఉన్నాయి. మరో పది ప్రైవేట్ పాఠశాలలు ఉన్నాయి. మూడు ఇంజనీరింగ్ కళాశాలలు, మూడు ఆర్ట్స్ , సైన్స్ కళాశాలలు ఉన్నాయి. గాంధీగ్రామ్ గ్రామీణ విశ్వవిద్యాలయం, మదర్ థెరిసా మహిళా విశ్వవిద్యాలయం దిండిగల్‌లో ఉన్న రెండు విశ్వవిద్యాలయాలు.[11]

మూలాలు[మార్చు]

  1. "Dindigul Saree Weaving- Research on Indian Tamil Nadu Handloom". gaatha.org. 2021-07-22. Retrieved 2021-07-28.
  2. "Tamil Nadu News : Dindigul District – A Profile". The Hindu. 2010-02-15. Archived from the original on 2010-02-18. Retrieved 2013-03-03.
  3. "Falling Rain Genomics, Inc – Dindigul". Falling Rain Genomics Inc.
  4. "About city". Dindigul municipality. 2011. Archived from the original on 2009-05-16. Retrieved 2012-12-29.
  5. "Dindigul Saree Weaving- Research on Indian Tamil Nadu Handloom". gaatha.org. 2021-07-22. Retrieved 2021-07-29.
  6. 6.0 6.1 "Historical moments". Dindigul municipality. 2011. Archived from the original on 2009-07-29. Retrieved 2012-12-29.
  7. "Dindigul City Population Census 2011-2023 | Tamil Nadu". www.census2011.co.in. Retrieved 2023-01-13.
  8. "Dindigul Municipality City Population Census 2011-2023 | Tamil Nadu". www.census2011.co.in. Retrieved 2023-01-13.
  9. "Census Info 2011 Final population totals - Dindigul". Office of The Registrar General and Census Commissioner, Ministry of Home Affairs, Government of India. 2013. Retrieved 26 Jan 2014.
  10. "Population By Religious Community - Tamil Nadu" (XLS). Office of The Registrar General and Census Commissioner, Ministry of Home Affairs, Government of India. 2011. Retrieved 13 September 2015.
  11. "Educational Institutions". Dindigul municipality. 2011. Archived from the original on 2013-06-24. Retrieved 2012-12-29.

వెలుపలి లంకెలు[మార్చు]

"https://te.wikipedia.org/w/index.php?title=దిండిగల్&oldid=3804314" నుండి వెలికితీశారు