కూకట్‌పల్లి (బాలానగర్)

వికీపీడియా నుండి
Jump to navigation Jump to search

కూకట్‌పల్లి,తెలంగాణ రాష్ట్రం, మేడ్చల్ జిల్లా, బాలానగర్ మండలానికి చెందిన నగర ప్రాంతము.[1]

కూకట్ పల్లి బోర్డు

ఇది ప్రస్తుతం హైదరాబాదు నగరంలో ఒక భాగంగా ఉంది. గనుక గ్రామం అనడం సబబు కాదు. ఇది హైదరాబాదుకు పశ్చిమోత్తరంగా ఉంది.

నూతన మండల కేంద్రంగా గుర్తింపు[మార్చు]

లోగడ కూకట్‌పల్లి  గ్రామం లోగడ రంగారెడ్డి జిల్లా, రాజేంద్రనగర్ రెవెన్యూ డివిజను పరిధిలోని మల్కాజ్‌గిరి మండల పరిధిలో ఉంది.2014 లో తెలంగాణా ప్రత్యేక రాష్ట్రంగా ఏర్పడిన తరువాత మొదటిసారిగా 2016 లో ప్రభుత్వం నూతన జిల్లాలు, రెవెన్యూ డివిజన్లు, మండలాల పునర్య్వస్థీకరణలో భాగంగా కూకట్‌పల్లి పట్టణ ప్రాంతాన్ని (1+05) ఆరు పట్టణ ప్రాంతాలతో నూతన మండల కేంధ్రంగా మేడ్చల్ జిల్లా,మల్కాజ్‌గిరి రెవెన్యూ డివిజను పరిధిలో చేర్చుతూ ది.11.10.2016 నుండి అమలులోకి తెస్తూ ప్రభుత్వం ఉత్తర్వు జారీచేసింది.[2]

కూకట్‌పల్లి అభివృద్ది[మార్చు]

కె.పి.హెచ్.బి. కాలనీ షాపింగ్ ఏరియా

1990 దశకంనుండి బాగా జనావాసాలు పెరగడం వలన, చుట్టుప్రక్కల ప్రాంతాలు కూడా వాణిజ్యకేంద్రాలుగా అభివృద్ధి చెందడం వలన ప్రస్తుతం కూకట్‍పల్లి అత్యధిక జనసాంద్రత ఉన్న ప్రదేశాలలో ఒకటి అయ్యింది.1980 దశకంలో తెలంగాణ హౌసింగ్ బోర్డు వారు నిర్మించిన పెద్ద రెసిడెన్షియల్ టౌన్‌షిప్[1] తో మొదలుకొని ఈ ప్రాంతం చాలా వేగంగా అభివృద్ధి చెందింది. పెద్ద పెద్ద అపార్టుమెంటులు, మధ్య తరగతి ఇళ్ళు, రద్దీగా ఉండే వాణిజ్య సెంటర్, విజయవాడ వైపు ప్రయాణానికి మొదలయ్యే బస్సులు కూకట్‌పల్లిలో ప్రముఖంగా కనిపించే అంశాలు.

జనన గణాంకాలు[మార్చు]

వాణిజ్య ప్రదేశం[మార్చు]

కె.పి.హెచ్.బి. కాలనీ ఆరంభంలో మెయిన్ రోడ్ మీద ఉన్న షాపింగ్ ప్రాంతంలో అనేక షోరూములు, ఇతర కమర్షియల్ కాంప్లెక్సులు ఉన్నాయి. పెద్ద పెద్ద బట్టల దుకాణాలు ఇక్కడి ప్రత్యేకత. అనేక బ్యాంకులు, రెస్టారెంట్లు కూడా ఉన్నాయి. సమీపంలోనే ఒక రైతు బజారు ఉంది. దగ్గరలోని మూసాపేటలో "మెట్రో" అనే మెగామార్కెట్ ఉంది. అపోలో, రెమిడీ, ప్రసాద్, ప్రైమ్, టాడ్లా వంటి ఆసుపత్రులున్నాయి.

రవాణా[మార్చు]

హైదరాబాదు నగరంలో భాగంగా అన్ని ప్రాంతాలకు సిటీ బస్సు సర్వీసులున్నాయి. ఆటోలు కూడా సర్వసామాన్యం. హైవే గాను, నగరం లోపలి రోడ్డుగానూ ఉన్నందున ఇక్కడ ట్రాఫిక్ రద్దీ చాలా ఎక్కువ. ఇది హైదరాబాదును పటాన్ చెరువు, బి.హెచ్.ఇ.ఎల్. కు కలిపే రోడ్డు. ఎ.పి.ఎస్.ఆర్.టి.సి. బస్సులు, మరియు అనేక ప్రైవేటు బస్సులు కె.పి.హెచ్.బి. కాలనీ నుండి విజయవాడవైపు నిత్యం బయలుదేరుతుంటాయి.

హైదరాబాదు ఎమ్.ఎమ్.టి.ఎస్. రైలు స్టాపు కూడా సమీపంలో ఉంది. ప్రస్తుతం హై-టెక్ సిటీకి కూకట్‌పల్లి నుండి ఉన్న రోడ్డు విస్తరణ జరిగింది. క్రొత్త బ్రిడ్జి నిర్మించారు. మలేషియన్ టౌన్‌షిప్ మీదుగా హై-టెక్ సిటీకి ఈ దారి వెళుతుంది.

విద్య[మార్చు]

హైదరాబాదులోని JNTU ముఖ ద్వారము.

నారాయణ, చైతన్య వంటి అనేక జూనియర్ కాలేజీలు ఉన్నాయి. జవహర్‌లాల్ నెహ్రూ సాంకేతిక విద్యాలయం ప్రధాన కాంపస్ ఇక్కడే ఉంది.

కూకట్‌పల్లి ప్రాంతంలో ఉన్న కాలనీలు[మార్చు]

కూకట్‌పల్లిలోని కాలనీలు

గణేష్ నగర్, వివేకానందనగర్, ఎ.ఎస్.రాజు నగర్, ఆల్విన్ కాలనీ, కమలప్రసన్న నగర్, మాధవరాం నగర్, వెంకటరావు నగర్, సుమిత్రానగర్, సంగీతనగర్, ధర్మారెడ్డి కాలనీ, బాగ్ అమీర్, భాగ్యనగర్ కాలనీ, జయనగర్, మాధవీనగర్, హెచ్.ఎమ్.టి. హిల్స్, తులసినగర్, జలవాయు విహార్, హెచ్.ఎమ్.టి. శాతవాహన, కె.పి.హెచ్.బి. కాలనీ, వసంతనగర్, సర్దార్ పటేల్ నగర్, భగత్ సింగ్ నగర్, ప్రగతినగర్, నిజాంపేట్, మయూరినగర్, జగద్గిరిగుట్ట, రామ్ నరేష్ నగర్ (హైదర్ నగర్), విజయనగర్, బాలాజీనగర్.

ఇతర ప్రాంతాలకు దూరాలు[మార్చు]

మండలంలోని రెవెన్యూ గ్రామాలు[మార్చు]

  1. కూకట్‌పల్లి
  2. అల్లపూర్
  3. మూసాపేట
  4. బాగమీర్
  5. హైదర్‌నగర్
  6. షంషీగూడ

ఇవి కూడా చూడండి[మార్చు]

మూలాలు[మార్చు]

  1. http://www.ourtelugunadu.com/wp-content/uploads/2018/02/249.Medchal.-Final.pdf
  2. తెలంగాణ ప్రభుత్వ ఉత్తర్వు సంఖ్య GO Ms No 249 Revenue (DA-CMRF) Department, Dated: 11-10-2016

బయటి లింకులు[మార్చు]