పుల్లెల గోపీచంద్

పుల్లెల గోపీచంద్
వ్యక్తిగత సమాచారం
జననం	(1973-11-16) 16 నవంబరు 1973 నాగండ్ల ప్రకాశం జిల్లా ఆంధ్రప్రదేశ్
ఎత్తు	1.88 మీ. (6 అ. 2 in)
బరువు	74kg
దేశం	భారతదేశం India
వాటం	కుడి చేయి
పురుషుల సింగిల్స్
అత్యున్నత స్థానం	5 (15 మార్చి 2001)
మెడల్ రికార్డు ప్రాతినిధ్యం వహించిన దేశము భారతదేశం Men's badminton All England Championships స్వర్ణము 2001 Birmingham Men's singles Commonwealth Games కాంస్యం 1998 Kuala Lumpur Men's singles
BWF profile

1973 నవంబర్ 16 న ఆంధ్రప్రదేశ్ లోని ప్రకాశం జిల్లా, నాగండ్లలో జన్మించిన పుల్లెల గోపీచంద్ (Pullela Gopichand) భారతదేశపు బ్యాడ్మింటన్ క్రీడాకారుడు. 2001లో చైనాకు చెందిన చెన్‌హాంగ్ ను ఓడించి ఆల్ ఇంగ్లాండ్ బ్యాడ్మింటన్ చాంపియన్‌షిప్ గెల్చి ఈ ఘనతను సాధించిన రెండో భారతీయుడిగా నిల్చాడు. ఇంతకు పూర్వం 1980లో ఈ ఘనతను ప్రకాష్ పడుకోనె సాధించాడు. గోపీచంద్ సాధించిన అపురూప విజయానికి గుర్తింపుగా 1999లో అర్జున పురస్కారము, 2000-01 లో రాజీవ్ గాంధీ ఖేల్ రత్న అవార్డు లభించాయి. కాని ఆ తర్వాత దురదృష్టవశాత్తు తను గాయపడడంతో 2003లో అతని స్థానం 126 కు పడిపోయింది. 2005లో భారత ప్రభుత్వం అతనికి పద్మశ్రీ పురస్కారంతో సత్కరించింది. ప్రస్తుతం గోపీచంద్ పుల్లెల్ల గోపీచంద్ బ్యాడ్మింటన్ అకాడమీని నిర్వహిస్తున్నారు. శిష్యురాలు సైనా నెహ్వాల్ బ్యాడ్మింటన్ రంగములో తన ప్రతిభను చాటుతున్నది.

జులై 29, 2009న భారత ప్రభుత్వం గోపీచంద్ కు "ద్రోణాచార్య పురస్కారము" ప్రకటించింది. 2014లో ఈయనకు ప్రతిష్ఠాత్మక పద్మభూషణ్ అవార్డు లభించింది.

బయటి లింకులు

• BWF Profile
• www.hvk.org