ప్రణయ్‌రాజ్ వంగరి

వికీపీడియా నుండి
Jump to navigation Jump to search
ప్రణయ్‌రాజ్ వంగరి
Telugu Wikipedian Pranayraj.jpg
ప్రణయ్‌రాజ్ చిత్రం
జననంరాజు వంగరి
మార్చి 25, 1985
మోత్కూర్, యాదాద్రి - భువనగిరి జిల్లా, తెలంగాణ
నివాసంహైదరాబాదు
చదువుఎం.ఫిల్ (రంగస్థల కళలు)
విద్యాసంస్థలుతెలుగు విశ్వవిద్యాలయం, హైదరాబాద్
క్రియాశీలక సంవత్సరాలుమార్చి 8, 2013
యజమానిప్రాజెక్ట్ అసిస్టెంట్, థియేటర్ ఔట్రీచ్ యూనిట్ (టి.ఓ.యు)
ప్రసిద్ధులునాటకరంగ పరిశోధకుడు, తెలుగు వికీపీడియా నిర్వాహకుడు.
మతంహిందూ
జీవిత భాగస్వామినాగరాణి బేతి
తల్లిదండ్రులు
  • జానయ్య (తండ్రి)
  • కళమ్మ (తల్లి)
బంధువులుకవిత (అక్క), ఏలూరి మత్స్యగిరి (బావ), మనోజ్, ఉత్తేజ్ (అల్లుళ్లు)

ప్రణయ్‌రాజ్ వంగరి తెలుగు నాటక రంగ పరిశోధకుడు.[1] మరియు తెలుగు వికీపీడియా నిర్వాహకుడు. ఆయన వినూత్న నాటకాలతో జనం దృష్టిని ఆకర్షించే ప్రయత్నం చేస్తోన్న "పాప్ కార్న్ థియేటర్"కు ప్రధాన కార్యదర్శి.[2][3] 'వికీవత్సరం' అనే కాన్సెప్ట్ తో వరుసగా 365రోజులు - 365 వ్యాసాలు రాసి, ప్రపంచం మొత్తంలో ఈ ఘనత సాధించిన మొదటి వికీపీడియన్ గా చరిత్ర సృష్టించాడు.[4][5][6][7][8] ఆ ఛాలెంజ్ ను అలాగే కొనసాగిస్తూ 2019, జూన్ 4న 1000 రోజులు - 1000 వ్యాసాలు పూర్తిచేశాడు.

జననం[మార్చు]

ప్రణయ్ 1985, మార్చి 25యాదాద్రి జిల్లా, మోత్కూర్ లో చేనేత కార్మికులైన వంగరి జానయ్య, కళమ్మ దంపతులకు జన్మించాడు.

విద్యాభ్యాసం[మార్చు]

మోత్కూర్ లోని స్థానిక ఉన్నత పాఠశాల్లో పదివరకు, ప్రభుత్వ జూనియర్ కళాశాలలో ఇంటర్, భువనగిరి లోని ఎస్.ఎల్.ఎన్.ఎస్ కళాశాలలో డిగ్రి పూర్తి చేసాడు. చిన్నతనం నుండి కళారంగంపై ఆసక్తి ఉండటంతో హైదరాబాద్ వెళ్ళి పొట్టి శ్రీరాములు తెలుగు విశ్వవిద్యాలయంలో నాటకరంగం (థియేటర్ ఆర్ట్స్) లో పీ.జీ. పూర్తిచేసి, తెలుగులో ప్రపంచ నాటక సాహిత్య అనువాదాలు - ఒక పరిశీలన అనే అంశంపై ఎం.ఫిల్ (థియేటర్ ఆర్ట్స్) చేస్తున్నాడు. ప్రస్తుతం హైదరాబాదు విశ్వవిద్యాలయము వారి థియేటర్ ఔట్రీచ్ యూనిట్ (టి.ఓ.యు)లో ప్రాజెక్ట్ అసిస్టెంట్ గా పనిచేస్తున్నాడు. తెలుగు వికీపీడియా నిర్వాహకునిగా తన సేవలనందిస్తున్నాడు.

తొలినాళ్ళలో[మార్చు]

2006లో హైదరాబాద్ లో అడుగుపెట్టిన ప్రణయ్ హబ్సిగూడా లోని హెరిటేజ్ ఫ్రెష్ సూపర్ మార్కెట్ లో ఉద్యోగం చేసాడు. 2009లో సినిమా ఎడిటింగ్ నేర్చుకొని, కొన్ని షార్ట్ ఫిలిమ్స్ కి ఎడిటింగ్ చేసాడు.

రంగస్థల ప్రస్థానం[మార్చు]

2009లో తెలుగు విశ్వవిద్యాలయం రంగస్థల కళాలశాఖ లోని ఎం.పి.ఏ.లో చేరడం ద్వారా తెలుగు నాటకరంగంలోకి అడుగుపెట్టాడు.

నటించినవి - దర్శకత్వం చేసినవి[మార్చు]

  • నాటికలు: మాయ, ఆంటీగని, డింభకరాజ్యం, పిపీలకం, కల్పితం... కాని నిజం, సంభవామి పదేపదే, శ్రీకృష్ణదేవరాయలు, లయ, ఒహోం ఒహోం భీం, చీమకుట్టిన నాటకం, నేనేడుస్తున్న మీరు నవ్వుకోండి, అంతిమ సంస్కారం, రచ్చబండ (నాటిక).
  • నాటకాలు: యజ్ఞం, అంబేద్కర్ రాజగృహ ప్రవేశం, ఆకాశదేవర.
  • దర్శకత్వం: టాక్స్ ఫ్రీ

యువజనోత్సవాలు[మార్చు]

  • 2009లో శాస్త్రా విశ్వవిద్యాలయం, మైసూర్ లో జరిగిన దక్షిణ భారత యువజనోత్సవాలలో పాల్గొన్నాడు.
  • 2010లో తంజావూర్ విశ్వవిద్యాలయం, తంజావూరు లో జరిగిన దక్షిణ భారత యువజనోత్సవాలలో పాల్గొన్న ప్రణయ్ బృందం, మూఖాభినయ పోటీలో మొదటి బహుమతిని... 2011లో తిరుపతి లోని శ్రీవెంకటేశ్వర విశ్వవిద్యాలయంలో జరిగిన అఖిల భారత యువజనోత్సవాలలో రెండవ బహుమతిని సాధించింది.

థియేటర్ ఔట్రీచ్ యూనిట్[మార్చు]

యువ నాటకరంగాన్ని ప్రోత్సహించడంకోసం 2012లో హైదరాబాద్ విశ్వవిద్యాలయం లోని రంగస్థల కళాలశాఖ ఆధ్వర్యంలో డా. పెద్ది రామారావు సమన్వయకర్తగా ఏర్పాటుచేసిన థియేటర్ ఔట్రీచ్ యూనిట్ (టి.ఓ.యు) లో ప్రాజెక్ట్ అసిస్టెంట్ గా చేరాడు. అలా ప్రణయ్ కు తెలుగు రాష్ట్రాల్లోని వివిధ నాటకసంస్థలతో, నాటక ప్రముఖులతో పరిచయం ఏర్పడింది. టి.ఓ.యు. నిర్వహించిన వివిధ నాటకోత్సవాలకు, నాటకరంగ శిక్షణా కార్యక్రమాలకు నిర్వహకుడిగా పనిచేసాడు.

ఇటలీలో వికీపీడియా సృష్టికర్త జిమ్మీ వేల్స్ ను కలిసిన ప్రణయ్

పాప్‌కార్న్ థియేటర్ స్థాపన[మార్చు]

2014, ఫిబ్రవరి 17-23 వరకు న్యూఢిల్లీ లో జరిగిన టిఫ్లి అంతర్జాతీయ చిన్నారుల నాటకోత్సవంలో పాల్గొన్న ప్రణయ్, తెలుగు నాటకరంగంలో కృషి చేస్తున్న యువతలో కొంతమంది మిత్రులతో కలిసి 2014, మార్చి 20న హైదరాబాద్ అబీడ్స్ లోని గోల్డెన్ త్రెషోల్డ్ లో అమ్మ చెప్పిన కథ అనే నాటిక ప్రదర్శనతో పాప్‌కార్న్ థియేటర్ ను ప్రారంభించాడు. పాప్‌కార్న్ థియేటర్ ద్వారా చిన్నారులను, యువతను నాటకరంగంవైపు ఆకర్షించే ప్రయత్నం చేస్తున్నాడు.[9]

ఇతర నాటకసంస్థలు[మార్చు]

1. దక్కన్ థియేటర్ స్కాలర్స్ అసోసియేషన్ సభ్యులుగా ఉంటూ, తెలంగాణలో రంగస్థల విద్యను చదివినవారికి ప్రభుత్వ కళాశాలల్లో, పాఠశాలల్లో ఆధ్యాపకులుగా నియామకంకోసం ప్రయత్నిస్తున్నాడు. 2. తెలంగాణ రంగస్థల సమాఖ్యకు కోశాధికారిగా ఉంటూ తెలంగాణ నాటకరంగ చరిత్రను వెలికితీస్తూ, తెలంగాణలో యువ నాటకరంగ అభివృద్ధికి కృషి చేస్తున్నాడు.

టీవీరంగ ప్రస్థానం[మార్చు]

2010లో జెమినీ టీవీలో వచ్చిన "దేవత", 2015లో దూరదర్శన్ లో వచ్చిన "చంటిగాడు స్వయంవరం" ధారావాహికలకు సహా దర్శకుడిగా పనిచేసాడు.

చలనచిత్ర రంగం[మార్చు]

2015లో వచ్చిన "ఎ-ఫైర్" చిత్రానికి ప్రచారకర్తగా, 2017లో వచ్చిన "అవంతిక" చిత్రానికి సహా దర్శకుడిగా పనిచేసాడు.

తెలుగు వికీపీడియా పదకొండవ వార్షికోత్సవంలో జ్యోతి ప్రజ్వలన చేస్తున్న ప్రణయ్

తెలుగు వికీపీడియాలో సేవలు[మార్చు]

ఆయన తెలుగు భాషాభివృద్ధి చేయాలనే తలంపుతో తెలుగు వికీపీడియాలో మార్చి 8, 2013న చేరాడు. వికీపీడియాలో అనేక నాటకరంగ ప్రముఖులు, తెలుగు ప్రముఖుల వ్యాసాలతో పాటు అనేక విశేష వ్యాసాలను రాసి విజ్ఞాన సర్వస్వాన్ని భాషాభిమానుల చేరువకు చేరుస్తున్నాడు.

  • 2014లో విజయవాడ లో జరిగిన దశాబ్ది ఉత్సవాలకు (Wiki 10th Anniversary), 2015లో జరిగిన పదకొండో వార్షికోత్సవాలకు (Wiki 11th Anniversary) ప్రధాన కార్యదర్శిగా విధులు నిర్వహించాడు.[10][11]
  • 2016 జూన్ లో ఇటలీలో జరిగిన వికీమేనియా-2016 లో తెలుగు వికీపీడియా తరపున పాల్గొన్నాడు.
  • 2016 ఆగస్టులో చండీగఢ్ లో జరిగిన వికీమీడియా ఇండియా కాన్ఫిరెన్స్ -2016లో తెలుగు వికీపీడియా తరపున పాల్గొని, పంజాబ్ ఎడిటథాన్ పోటీలో తెలుగు వికీపీడియా విజయం సాధించడంలో సహచరులతో పాటు విశేష కృషిచేసాడు.
  • తెలుగు వికీపీడియాలో వ్యాసాలు రాస్తూనే వికీపీడియా శిక్షణా శిబిరాలు, సమావేశాలు నిర్వహిస్తున్నాడు.
  • తెలుగు వికీపీడియా గురించి అందరికి తెలిసేలా వివిధ మాధ్యమాల ద్వారా ప్రచారం కల్పిస్తున్నాడు. ప్రణయ్ కృషిని గుర్తించిన వికీమీడియా పౌండేషన్ వారు ప్రతి ఏటా నిర్వహించే వికీపీడియా అంతర్జాతీయ సదస్సులో భాగంగా 2016లో ఇటలీలో నిర్వహించిన "వికీమేనియా 2016"కు ఆహ్వానించారు.[12]
  • ప్రపంచవ్యాప్తంగా వివిధ భాషల వికీపీడియాలో జరుగుతున్న 100 రోజులు -100 వికీవ్యాసాలు అనే ఛాలెంజ్‌ను ప్రణయ్ పూర్తిచేసాడు. సెప్టెంబరు 8, 2016 నుండి డిసెంబరు 16, 2016 మధ్యకాలంలో 100 వికీ వ్యాసాలు పూర్తిచేసాడు.[13][14]
  • వికీపీడియాలో వ్యాసాలు రాస్తున్న ప్రణయ్ 'వికీవత్సరం' అనే కాన్సెప్ట్ తో 365రోజులు - 365 వ్యాసాలు రాసి, ప్రపంచం మొత్తంలో ఈ ఘనత సాధించిన మొదటి వికీపీడియన్ గా చరిత్ర సృష్టించాడు.[15] 2016, సెప్టెంబర్ 8న తెలుగు వికీపీడియాలో ప్రతిరోజు ఒక వ్యాసం చొప్పున రాస్తూ 2017, సెప్టెంబర్ 7న 'వికీవత్సరం' పూర్తిచేశాడు. ఈ సందర్భంగా భారత ఉపరాష్ట్రపతి వెంకయ్య నాయుడు ప్రణయ్ కు తన ట్విట్టర్ అకౌంట్ ద్వారా అభినందనలు తెలిపాడు.[16] రాష్ట్ర మంత్రి కేటీఆర్ కూడా తన ట్విట్టర్, ఫేస్ బుక్ అభినందనలు తెలిపడమేకాకుండా ప్రగతి భవన్ లోని తన ఛాంబర్ లో సత్కరించాడు.[17]
  • 2019, జూన్ 4న 1000 రోజులు - 1000 వ్యాసాలు పూర్తిచేశాడు.[18][19]

పురస్కారాలు[మార్చు]

  1. లోకలైజేషన్ (స్థానికీకరణ) అవార్డు - 2018: 2018 తెలంగాణ అవతరణ దినోత్సవ వేడుకల్లో భాగంగా జూన్ 1న తెలంగాణ ప్రభుత్వ సమాచార, సాంకేతిక (ఐటీ) శాఖ నిర్వహించిన వార్షిక నివేదిక కార్యక్రమంలో రాష్ట్ర ఐటీశాఖ మంత్రి కల్వకుంట్ల తారక రామారావు చేతలమీదుగా లోకలైజేషన్ (స్థానికీకరణ) విభాగంలో తొలి అవార్డును ప్రణయ్ అందుకున్నాడు.[20]
  2. తెలంగాణ ఉగాది పురస్కారం - 2017 (తెలంగాణ కళాపరిషత్, ఖమ్మం. 19.03.2017) - తెలుగు వికీపీడియా కృషి[21]
  3. తెలంగాణ ప్రతిభా పురస్కారం - 2017 (నటరాజ్ డ్యాన్స్ అకాడమీ, హైదరాబాద్, 28.07.2017) - తెలుగు వికీపీడియా కృషి[22][23]
  4. తెలంగాణ జాతీయ పురస్కారం - 2017 (తెలంగాణ కళాపరిషత్, ఖమ్మం వారి తెలంగాణ దసరా వేడుకలు-2017. 24.09.2017) - తెలుగు వికీపీడియా కృషి[24][25][26]

మూలాలు[మార్చు]

  1. ప్రణయ్ రాజ్ కు ఉగాది పురస్కారం
  2. ఆంధ్రజ్యోతి, సాహిత్య వార్తలు (9 April 2017). "కళా..పాప్‌కార్న్." Archived from the original on 30 November 2018. Retrieved 30 November 2018.
  3. గోల్డెన్ త్రెషోల్డ్ లో "దావత్"
  4. ఈనాడు, ఆదివారం అనుబంధం సంచిక (15 October 2017). "రోజుకో వ్యాసం... ఏడాది యజ్ఞం!". Archived from the original on 15 October 2017. Retrieved 17 September 2018.
  5. నమస్తే తెలంగాణ, జిందగీ న్యూస్ (19 September 2017). "వికీ వ్యాసాల ప్రణయ్". Archived from the original on 19 September 2017. Retrieved 4 October 2017.
  6. ఈనాడు, ప్రత్యేక కథనాలు (18 September 2017). "వికీపీడియాలో తెలుగు వెలుగు". Retrieved 4 October 2017.
  7. వికీమీడియా బ్లాగ్, COMMUNITY, PROFILES, WIKIPEDIA. "Pranayraj Vangari has written a new Wikipedia article every day for the last year". blog.wikimedia.org. Retrieved 4 October 2017.
  8. inspiretelangana. "Pranay Raj Vangari: A guy from Hyderabad created World Record in Wikipedia". inspiretelangana.org. Retrieved 4 October 2017.
  9. ఆంధ్రజ్యోతి. "కళా.. పాప్‌కార్న్". Archived from the original on 30 November 2018. Retrieved 29 July 2017.
  10. The Hindu, Andhra Pradesh - Thirupathi (16 February 2015). "More online free content in Telugu Wikipedia soon". A.D. Rangarajan. Archived from the original on 7 May 2019. Retrieved 7 May 2019.
  11. యూత్ స్పెషల్ : అది అతనికో మిషన్
  12. కంప్యూటర్ ఫర్ యు పత్రిక - ఏప్రిల్ 2016 - 37వ పుట
  13. ప్రణయ్ రాజ్ ను సన్మానిస్తున్న హరికృష్ణ
  14. వెబ్ ఆర్కైవ్. "జ్ఞానా భాండాగారం తెలుగు వికీపీడియా". Retrieved 30 August 2017.
  15. వి6 న్యూస్, వార్తలు » రాష్ట్రీయ వార్తలు (September 8, 2017). "వికీపీడియాలో మోత్కూరు వాసి ప్రపంచ రికార్డు". Retrieved 4 October 2017.
  16. ఈనాడు, యాదాద్రి భువనగిరి జిల్లా ఎడిషన్.10.09.2017.
  17. telanganatoday (12 September 2017). "KTR congratulates Telugu Wikipedia Volunteer". Retrieved 4 October 2017.
  18. ఈనాడు, తెలంగాణ (6 June 2019). "వికీపీడియాలో వెయ్యి రోజుల్లో వెయ్యి వ్యాసాలు". Archived from the original on 6 June 2019. Retrieved 13 June 2019.
  19. మన తెలంగాణ, తెలంగాణ (6 June 2019). "వికీపీడియలో రికార్డు సృష్టించిన మోత్కూర్ యువకుడు". Archived from the original on 6 June 2019. Retrieved 13 June 2019.
  20. నమస్తే తెలంగాణ, యాదాద్రి భువనగిరి జిల్లా (2 June 2018). "వికీపీడియా ప్రణయ్‌రాజ్ కు ఐటీశాఖ అవార్డు". Archived from the original on 19 September 2017. Retrieved 4 October 2017.
  21. సాక్షి పత్రిక - యాదాద్రి జిల్లా ఎడిషన్ - 18వ పుట - ప్రణయ్ రాజ్ కు ఉగాది పురస్కారం
  22. సాక్షి. "కళాకారులకు ప్రతిభా పురస్కారాలు". Retrieved 29 July 2017.
  23. ఆంధ్రజ్యోతి. "పలువురికి ప్రతిభా పురస్కారాలు". Retrieved 29 July 2017.
  24. ఈనాడు, యాదాద్రి భువనగిరి జిల్లా ఎడిషన్, (25.09.2017)
  25. సాక్షి, యాదాద్రి భువనగిరి జిల్లా ఎడిషన్, (25.09.2017)
  26. ఆంధ్రజ్యోతి, యాదాద్రి భువనగిరి జిల్లా ఎడిషన్, (25.09.2017)

ఇతర లింకులు[మార్చు]