మాల్గాడి శుభ

శుభ
నివాస ప్రాంతం	చెన్నై
వృత్తి	భారతీయ చలనచిత్ర నేపథ్య గాయని
క్రియాశీలక సంవత్సరాలు	1992 నుండి ప్రస్తుతం
మతం	హిందూ మతం

మాల్గాడి శుభగా ప్రసిద్ధి చెందిన మాల్గుడి శుభ ఒక పాప్ గాయని, భారతీయ సినిమా నేపథ్య గాయని. 2000లో విడుదలైన చిక్‌పక్ చిక్‌భం అనే ప్రైవేటు ఆల్బమ్‌లో ఈమె పాడిన "మాల్గాడి ఎక్కి గోల్కొండ చూడ వచ్చినా" పాట బంపర్ హిట్ కావడంతో ఈమె పేరు మాల్గాడి శుభగా స్థిరపడి పోయింది.

విశేషాలు

తమిళనాడు రాష్ట్రం తిరువయ్యూరుకు చెందిన శుభ ముంబాయిలో పెరిగింది. ఈమె అక్కడ కర్ణాటక సంగీతాన్ని, పాశ్చాత్య సంగీతాన్ని అభ్యసించింది. ఢిల్లీ లోని హోటల్ అశోకాలో పాటలు పాడటం ద్వారా పాప్ గాయనిగా తన వృత్తిని ప్రారంభించింది. ఉషా ఉతుప్ను తన మానసిక గురువుగా భావించే ఈమె తరువాత తన మకాంను కోల్‌కాతాకు మార్చింది. అక్కడ గిటారిస్ట్ కార్ల్‌టన్ కిట్టో వద్ద జాజ్ సంగీతాన్ని నేర్చుకుంది. ఆ తరువాత 1990లో చెన్నైలో స్థిరపడింది. దక్షిణ భారత నటి ప్రియమణి ఈవిడ మేనకోడలు.

గాయనిగా

ఈమె సెట్ మీ ఫ్రీ, చిక్ పక్ చిక్ భం, సునేరె నాచేరె, ఆటం కొండాట్టం మొదలైన ప్రైవేటు ఆల్బమ్‌లు చేసింది. తెలంగాణ యాసలో రాజ్ కోటి సంగీతంలో వెలువడిన చిక్ పక్ చిక్ బం ఆల్బం పదహారు లక్షల క్యాసెట్లు అమ్ముడు పోయాయి. ఈమె ఇంకా భక్తి గీతాలు, నర్సరీ రైమ్స్ పాడింది. ఈమె తెలుగు, తమిళ, కన్నడ, మలయాళ, హిందీ భాషల చలనచిత్రాలలో 3000కు పైగా పాటలు పాడింది.

తెలుగు సినిమా పాటల జాబితా

ఈమె పాడిన తెలుగు సినిమా పాటల పాక్షిక జాబితా:

సంవత్సరం	సినిమా పేరు	పాట	సంగీతం	సాహిత్యం	సహ గాయకులు
1992	అలెగ్జాండర్	వల వేసి పట్టేది వాడే గురి చూసి కొట్టేది వాడే	రాజ్ కోటి	భువనచంద్ర
1992	అలెగ్జాండర్	హేపీ హేపీ హేపీ హేపీ తేరా పాపి	రాజ్ కోటి	భువనచంద్ర
1993	అక్కాచెల్లెళ్లు	కొక్కోకోలా కొక్కో కోలా నీకోడి నా డిస్కో కోలా	శ్రీ	వేటూరి	మనో
1993	జెంటిల్ మేన్	ముదినేపల్లి మడిచేలో ముద్దుగుమ్మా	ఎ.ఆర్.రెహమాన్	రాజశ్రీ	సాహుల్ హమీద్, స్వర్ణలత
1993	రక్షణ	నీకు నాకు ఉన్న లింకు ఈడనో చెప్పలేను ఆడనో చెప్పలేను	ఎం.ఎం.కీరవాణి	సిరివెన్నెల సీతారామశాస్త్రి
1994	గోవిందా గోవిందా	అమ్మ బ్రహ్మ దేవుడో కొంప ముంచినావురో...	రాజ్ కోటి	సిరివెన్నెల సీతారామశాస్త్రి	ఎస్.పి. బాలసుబ్రహ్మణ్యం, కె.ఎస్.చిత్ర
1996	అప్పాజి	మమ్ము సాప్ప మమ్ము సాప్ప	ఎం.ఎం.కీరవాణి	వెన్నెలకంటి	ఎస్.పి.బాలసుబ్రహ్మణ్యం
1996	ఏంటి..? ఎప్పుడు..? ఎక్కడ..?	ఇప్పసారా తాగి ఈడు	తేజ	భారతీబాబు
1997	గోకులంలో సీత	తళక్ తళక్ అని తళకుల తార	కోటి	వేటూరి	చిత్ర
1997	గోకులంలో సీత	హే పాప దిల్ దేదే పాప	కోటి	వేటూరి	మనో
1997	చిన్నబ్బాయి	వసంతుడికి ఎలా తెలిసెనంట వనకన్య మనసులోని మాట	ఇళయరాజా	సిరివెన్నెల సీతారామశాస్త్రి	ఎస్.పి.బాలసుబ్రహ్మణ్యం, చిత్ర
1998	పెళ్ళి కానుక	సువ్వీ సువ్వీ సువ్వాలా మువ్వా గోపాల	ఎం.ఎం.కీరవాణి	సిరివెన్నెల సీతారామశాస్త్రి	ఎస్.పి.బాలసుబ్రహ్మణ్యం, చిత్ర
1999	హలో ప్రేమిస్తావా	క్యాంపన్‌లో ర్యాగింగ్	వి.మనోహర్	భారతీబాబు	బృందం
2010	కొమరం పులి	పిచ్చి కుచ్చి	ఎ.ఆర్.రెహమాన్	చంద్రబోస్	ఉదిత్ నారాయణ్, మధుశ్రీ
2012	జులాయి	పకడో... ఓ... పకడో... ఓ... పకడో పకడో పకడో పకడో	దేవిశ్రీ ప్రసాద్	రామజోగయ్య శాస్త్రి	దేవీశ్రీ ప్రసాద్
2013	అత్తారింటికి దారేది	ఓరి దేవుడో దేవుడో ఏం పిల్లగాడే	దేవిశ్రీ ప్రసాద్	రామజోగయ్య శాస్త్రి	డేవిడ్ సిమోన్ బృందం

బయటిలింకులు

• ఇంటర్నెట్ మూవీ డేటాబేసు లో మాల్గాడి శుభ పేజీ