అక్షాంశ రేఖాంశాలు: 15°33′25.200″N 80°2′6.000″E / 15.55700000°N 80.03500000°E / 15.55700000; 80.03500000

లింగంగుంట (మద్దిపాడు)

వికీపీడియా నుండి
Jump to navigation Jump to search
లింగంగుంట (మద్దిపాడు)
పటం
లింగంగుంట (మద్దిపాడు) is located in ఆంధ్రప్రదేశ్
లింగంగుంట (మద్దిపాడు)
లింగంగుంట (మద్దిపాడు)
అక్షాంశ రేఖాంశాలు: 15°33′25.200″N 80°2′6.000″E / 15.55700000°N 80.03500000°E / 15.55700000; 80.03500000
దేశంభారతదేశం
రాష్ట్రంఆంధ్రప్రదేశ్
జిల్లాప్రకాశం
మండలంమద్దిపాడు
విస్తీర్ణం8.69 కి.మీ2 (3.36 చ. మై)
జనాభా
 (2011)[1]
2,831
 • జనసాంద్రత330/కి.మీ2 (840/చ. మై.)
అదనపు జనాభాగణాంకాలు
 • పురుషులు1,411
 • స్త్రీలు1,420
 • లింగ నిష్పత్తి1,006
 • నివాసాలు786
ప్రాంతపు కోడ్+91 ( Edit this at Wikidata )
పిన్‌కోడ్523211
2011 జనగణన కోడ్591067


లింగంగుంట ప్రకాశం జిల్లా, మద్దిపాడు మండలంలోని గ్రామం. ఇది మండల కేంద్రమైన మద్దిపాడు నుండి 12 కి. మీ. దూరం లోను, సమీప పట్టణమైన ఒంగోలు నుండి 2 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 786 ఇళ్లతో, 2831 జనాభాతో 869 హెక్టార్లలో విస్తరించి ఉంది. గ్రామంలో మగవారి సంఖ్య 1411, ఆడవారి సంఖ్య 1420. షెడ్యూల్డ్ కులాల సంఖ్య 853 కాగా షెడ్యూల్డ్ తెగల సంఖ్య 213. గ్రామ జనగణన లొకేషన్ కోడ్ 591067[2].పిన్ కోడ్: 523211.

సమీప గ్రామాలు

[మార్చు]

ఏడుగుండ్లపాడు 3 కి.మీ, పెదకొత్తపల్లి 5 కి.మీ, దొడ్డవరప్పాడు 4 కి.మీ, పేర్నమెట్ట 4 కి.మీ, మండువవారిపాలెం 1.5 కి.మీ.

గ్రామ పంచాయతీ

[మార్చు]

2013 జూలైలో ఈ గ్రామ పంచాయతీకి జరిగిన ఎన్నికలలో మన్నం ఈశ్వరమ్మ, సర్పంచిగా ఎన్నికైనారు.

దర్శనీయప్రదేశాలు/దేవాలయాలు

[మార్చు]
  • శ్రీ అభయాంజనేయస్వామి ఆలయం
  • శ్రీ పోలేరమ్మ తల్లి ఆలయం
  • ఏకశిలా విగ్రహం - ఈ గ్రామంలో 2017,మార్చి-18వతేదీ శనివారంనాడు, అభయాంజనేయస్వామి యువజనసంఘం ఆధ్వర్యంలో, గ్రామం నడిబొడ్డులో, వేదపండితుల మంత్రోచ్ఛారణలు, అగ్నిహోమాల నడుమ, ఏకశిలా విగ్రహ ప్రతిష్ఠా మహోత్సవం వైభవంగా నిర్వహించారు. ఈ సందర్భంగా ప్రత్యేకపూజలు నిర్వహించారు. ఈ ఏకశిల ఏర్పాటుకు ముందు గ్రామస్థులు నవధాన్యాలు వేసి మొక్కులు తీర్చుకున్నారు. ఈ కార్యక్రమాని వీక్షించేటందుకు చుట్టుప్రక్కల గ్రామాలనుండి భక్తులు అధికసంఖ్యలో తరలివచ్చారు. ఈ సందర్భంగా గ్రామస్థుల ఆహ్వానం మేరకు సుదూరప్రాంతాల నుండి విచ్చేసిన బంధుమిత్రులతో, గ్రామంలో పండుగ వాతావరణం నెలకొన్నది. [5]

జన్మించిన ప్రముఖులు

[మార్చు]

మన్నం గోపీచంద్ - లింగంగుంట గ్రామానికి చెందిన శ్రీ మన్నం నరసింహారావు వృత్తిరీత్యా అర్.ఎం.పి.వైద్యులు. వీరి సతీమణి శ్రీమతి వెంకటసుబ్బమ్మ. ఈ దంపతులు ఒంగోలు పట్టణంలో స్థిరపడినారు. వీరి కుమారుడు శ్రీ మన్నం గోపీచంద్ గుంటూరు వైద్యకళాశాలలో వైద్యవిద్యనభ్యసించి, ఆపైన, వెస్ట్ ఇండీస్ లో ఉన్నత చదువులు చదివినారు. ఆ పిమ్మట లండన్ ఎడింబర్గులో గుండె వైద్య నిపుణుడిగా పట్టా పుచ్చుకొని హైదరాబాదు విచ్చేసి, ఇప్పటి వరకు కొన్నివేల గుండె శస్త్ర చికిత్సలు నిర్వహించి తాను చదివిన చదువుకు సార్థకత చేకూర్చారు. శ్రీ గోపీచంద్ సతీమణి గూడా వైద్యవృత్తిలోనే ఉన్నారు. వీరు ఇంకనూ అనేక సేవాకార్యక్రమాలను నిర్వహించుచున్నారు. వీరి సేవలను గుర్తించిన భారత ప్రభుత్వం, వీరిని, దేశ అత్యుత్తమ పురస్కారాలలో ఒకటైన పద్మశ్రీ పురస్కారానికి ఎంపికచేసింది. [4]

గణాంకాలు

[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 2,636. ఇందులో పురుషుల సంఖ్య 1,328, మహిళల సంఖ్య 1,308, గ్రామంలో నివాస గృహాలు 648 ఉన్నాయి. గ్రామ విస్తీర్ణం 869 హెక్టారులు.

విద్యా సౌకర్యాలు

[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు మూడు, ప్రైవేటు ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల ఒంగోలులోను, ఇంజనీరింగ్ కళాశాల ఏడుగుండ్లపాడులోనూ ఉన్నాయి. సమీప వైద్య కళాశాల గుంటూరులోను, పాలీటెక్నిక్‌ ఒంగోలులోను, మేనేజిమెంటు కళాశాల దొడ్డవరప్పాడులోనూ ఉన్నాయి. సమీప వృత్తి విద్యా శిక్షణ పాఠశాల మద్దిపాడులోను, అనియత విద్యా కేంద్రం, దివ్యాంగుల ప్రత్యేక పాఠశాల‌లు ఒంగోలులోనూ ఉన్నాయి.

వైద్య సౌకర్యం

[మార్చు]

ప్రభుత్వ వైద్య సౌకర్యం

[మార్చు]

లింగంగుంటలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు.సమీప మాతా శిశు సంరక్షణ కేంద్రం, టి. బి వైద్యశాల గ్రామం నుండి 5 కి.మీ. లోపు దూరంలో ఉన్నాయి. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల, సంచార వైద్య శాల, కుటుంబ సంక్షేమ కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. సమీప సామాజిక ఆరోగ్య కేంద్రం గ్రామం నుండి 10 కి.మీ. కంటే ఎక్కువ దూరంలో ఉంది. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

[మార్చు]

గ్రామంలోఒక ప్రైవేటు వైద్య సౌకర్యం ఉంది. ఎమ్బీబీయెస్ కాకుండా ఇతర డిగ్రీలు చదివిన డాక్టరు ఒకరు ఉన్నారు.

తాగు నీరు

[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. కాలువ/వాగు/నది ద్వారా, చెరువు ద్వారా కూడా గ్రామానికి తాగునీరు లభిస్తుంది.

మౌలిక వసతులు

[మార్చు]
  • అంగనవాడీ కేంద్రం.
  • ది సెంట్రల్స్ రైతు సేవా సహకార సంఘం లిమిటెడ్ (సెంట్రల్ బ్యాంక్ ఆఫ్ ఇండియా వారి ఆధ్వర్యంలో) నం.జె.618., ఫోన్ నం. 08592/247337.
  • త్రాగునీటి సౌకర్యం:- ఈ గ్రామంలో, అసిస్ట్, జి.పి.ఐ. స్వచ్ఛంద సేవా సంస్థల సహకారంతో నూతనంగా నిర్మించిన శుద్ధజల కేంద్రాన్ని, 2015,మార్చి-19వ తేదీనాడు ప్రారంభించారు.

పారిశుధ్యం

[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

[మార్చు]

లింగంగుంటలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

జిల్లా రహదారి గ్రామం గుండా పోతోంది. జాతీయ రహదారి, ప్రధాన జిల్లా రహదారి గ్రామం నుండి 5 కి.మీ. లోపు దూరంలో ఉన్నాయి. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

[మార్చు]

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు గ్రామం నుండి 5 కి.మీ. లోపు దూరంలో ఉంది. ఏటీఎమ్ గ్రామం నుండి 5 నుండి 10 కి.మీ. దూరంలో ఉంది. రోజువారీ మార్కెట్, వారం వారం సంత గ్రామం నుండి 5 నుండి 10 కి.మీ. దూరంలో ఉన్నాయి. సహకార బ్యాంకు గ్రామం నుండి 10 కి.మీ.కి పైబడిన దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు

[మార్చు]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 కి.మీ. లోపు దూరంలో ఉంది. గ్రంథాలయం గ్రామం నుండి 5 కి.మీ.లోపు దూరంలో ఉంది. సినిమా హాలు, పబ్లిక్ రీడింగ్ రూం గ్రామం నుండి 5 నుండి 10 కి.మీ. దూరంలో ఉన్నాయి. సమీకృత బాలల అభివృద్ధి పథకం గ్రామం నుండి 10 కి.మీ.కి పైబడిన దూరంలో ఉంది.

విద్యుత్తు

[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 18 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

[మార్చు]

లింగంగుంటలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 90 హెక్టార్లు
  • నికరంగా విత్తిన భూమి: 778 హెక్టార్లు
  • నీటి సౌకర్యం లేని భూమి: 778 హెక్టార్లు

ఉత్పత్తి

[మార్చు]

లింగంగుంటలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

[మార్చు]

పొగాకు, శనగ

మూలాలు

[మార్చు]
  1. 1.0 1.1 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
  2. "Office of the Registrar General & Census Commissioner, India - Village amenities of 2011".

వెలుపలి లింకులు

[మార్చు]