ఇడమకల్లు

ఇడమకల్లు
రెవిన్యూ గ్రామం
ఇడమకల్లు
నిర్దేశాంకాలు: 15°16′52″N 78°59′28″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	ప్రకాశం జిల్లా, మార్కాపురం రెవిన్యూ డివిజన్
మండలం	కొమరోలు మండలం
విస్తీర్ణం
• మొత్తం	2,532 హె. (6,257 ఎ.)
జనాభా (2011)
• మొత్తం	2,837
• సాంద్రత	110/కి.మీ2 (290/చ. మై.)
ప్రాంతీయ ఫోన్ కోడ్	+91 (08405 )
పిన్(PIN)	523373

ఇడమకల్లు, ప్రకాశం జిల్లా, కొమరోలు మండలానికి చెందిన గ్రామం..పిన్ కోడ్ నం. 523 369., ఎస్.టి.డి. కోడ్ = 08405.

గ్రామ భౌగోళికం

సమీప గ్రామాలు

సూరావారిపల్లె 3.5 కి.మీ, పుల్లారెడ్డిపల్లె 4.6 కి.మీ, నల్లగుంట్ల 5.9 కి.మీ, రెడ్డిచెర్ల 7 కి.మీ, గాడికోట 7.9 కి.మీ.

సమీప పట్టణాలు

కొమరోలు=3.9 కి.మీ, గిద్దలూరు=13.8 కి.మీ, రాచెర్ల=21.1 కి.మీ, బెస్తవారిపేట=34.3 కి.మీ.

గ్రామానికి రవాణా సౌకర్యాలు

ఇడమకల్లు గ్రామ సమీపంలో, ఇడమకల్లు - రెడ్డిచెర్ల, ప్రధాన రహదారిపై రు. 45 లక్షల వ్యయంతో ఒక వారధి నిర్మాణం జరుగుచున్నది. ఈ వారిధి పూర్తి అయినచో, నరసింహునిపల్లె, ఇడమకల్లు, లింగారెడ్డిపల్లె గ్రామాలకు, వర్షాకలంలో, రవాణా సౌకర్యం బాగా మెరుగవుతుంది.

[4]

గ్రామంలో విద్యా సౌకర్యాలు

మండల పరిషత్తు ప్రాథమికోన్నత పాఠశాల.

గ్రామానికి సాగునీటి సౌకర్యం

1. కాలినర్సికుంట:- కొమరోలు మండలంలో తాటిచెర్ల - మైదుకూరు మార్గంలో, ఇడమకల్లు గ్రామ పరిధిలో, "కాలినర్సికుంట" అను ఒక కుంట ఉంది. 2010 లో ఈ కుంటలో గురుస్వామిరెడ్డి అను ఒక క్షేత్ర సహాయకుడు, ఉపాధిహామీ పథకం క్రింద, ఆరు లక్షల రూపాయలతో, పూడిక తీయించారు. ఈ పనుల వలన ఈ కుంటలో ఇప్పుడు నీరుచేరుచున్నది. పూర్తిస్థాయిలో నీరుచేరితే, రైతులు మెట్టపంటలకు స్వస్తి చెప్పి, వరిసాగు చేయగలరు. ఈ కుంటలోని నీటితో, ఇడమకల్లు గ్రామంతోపాటు, అయ్యవారిపల్లె, కత్తులవానిపల్లె గ్రామాల పశువులకు దాహార్తి గూడా తీరుచున్నది. [5]
2. రావి చెరువు.
3. కృష్ణంరాజు చెరువు.

గ్రామ పంచాయతీ

2013, జూలైలో ఈ గ్రామ పంచాయతీకి నిర్వహించిన ఎన్నికలలో శ్రీమతి మూర్కా రాజేశ్వరి సర్పంచిగా ఎన్నికైనారు. [7]

గ్రామంలోని దర్శనీయ ప్రదేశములు/దేవాలయాలు

శ్రీ ఆంజనేయస్వామివారి ఆలయం:- ఈ ఆలయంలో 2014, మార్చి-18, మంగళవారం నాడు, నవగ్రహ, సుబ్రహ్మణ్యస్వామివార్ల విగ్రహ ప్రతిష్ఠా మహోత్సవం వైభవంగా జరిగింది. రుద్ర, చండీ. వాస్తుహోమంతో వంటి పూజా కార్యక్రమాలు నిర్వహించారు. అనంతరం భక్తులకు అన్నదానం నిర్వహించారు. [3]

గ్రామంలో ప్రధాన పంటలు

వరి, అపరాలు, కాయగూరలు

గ్రామంలో ప్రధాన వృత్తులు

వ్యవసాయం, వ్యవసాయాధారిత వృత్తులు

గ్రామ విశేషాలు

శ్రీ సలిజాముల వెంకటేశ్వర్:- ఈ గ్రామానికి చెందిన వెంకటేశ్వర్, ఎం.బి.బి.ఎస్ చదివి, అనంతరం సివిల్స్ పరీక్షలు వ్రాసినారు. 2016, మే-10న ప్రకటించిన ఫలితాలలో వీరికి 216వ ర్యాంక్ వచ్చింది. వీరి తల్లి శ్రీమతి కాశమ్మ మాజీ జడ్.పి.టి.సి సభ్యురాలు. తండ్రి శ్రీ వెంకటయ్య, గ్రామ మాజీ సర్పంచ్ . [6]

గణాంకాలు

జనాభా (2011) - మొత్తం 2,837 - పురుషుల సంఖ్య 1,375 - స్త్రీల సంఖ్య 1,462 - గృహాల సంఖ్య 779;

2001 వ.సంవత్సరం జనాభా లెక్కల ప్రకారం గ్రామ జనాభా 2,928. ఇందులో పురుషుల సంఖ్య 1,452, మహిళల సంఖ్య 1,476, గ్రామంలో నివాసగృహాలు 718 ఉన్నాయి. గ్రామ విస్తీర్ణం 2,532 హెక్టారులు.

• గ్రామం గణాంకాల వివరణకు ఇక్కడ చూడండి.[1]

వెలుపలి లంకెలు

[2] ఈనాడు ప్రకాశం; 2013, ఆగస్టు-2; 4వపేజీ. [3] ఈనాడు ప్రకాశం; 2014, మార్చి-19; 5వపేజీ. [4] ఈనాడు ప్రకాశం; 2014, డిసెంబరు-25; 4వపేజీ. [5] ఈనాడు ప్రకాశం; 2015, మే-7; 4వపేజీ. [6] ఈనాడు ప్రకాశం; 2016, మే-11; 2వపేజీ. [7] ఈనాడు ప్రకాశం; 2017, జూన్-23; 4వపేజీ.