నందినీ రెడ్డి
| బి.వి.నందినీ రెడ్డి | |
|---|---|
 సినివారంలో నందినీరెడ్డి | |
| జననం | మార్చి 4, 1980 హైదరాబాదు, తెలంగాణ, భారతదేశం |
| వృత్తి | సినిమా దర్శకత్వం |
| క్రియాశీలక సంవత్సరాలు | 2011 నుండి ప్రస్తుతం |
నందినీ రెడ్డి (జననం: 4,మార్చి 1980) ఒక భారతీయ చలనచిత్ర దర్శకురాలు.[1] ఈమె అలా మొదలైంది అనే సినిమాతో తన దర్శకవృత్తిని ప్రారంభించింది.[2]
ప్రారంభ జీవితం[మార్చు]
నందినీ రెడ్డి హైదరాబాదులో జన్మించింది. ఈమె తండ్రి భరత్ వి.రెడ్డి బెంగళూరులో ఛార్టర్డ్ అకౌంటెంటుగా స్థిరపడ్డాడు. వీరి కుటుంబం చిత్తూరు జిల్లా నుండి వచ్చింది. ఈమె తల్లి రూపారెడ్డి వరంగల్లు జిల్లాకు చెందిన ఆడపడుచు. నందినీ రెడ్డి సోదరుడు ఉత్తమ్‌రెడ్డి హైదరాబాదులో రాయలసీమ రుచులు పేరుతో రెస్టారెంట్లను నడుపుతున్నాడు. ఈమె తన ప్రాథమికవిద్యను సికిందరాబాదులోని సెయింట్ ఆన్స్ హైస్కూలు లోను, డిగ్రీని కోటీలోని ఉమెన్స్ కాలేజీలోను పూర్తిచేసింది. తరువాత న్యూఢిల్లీలోని జవహర్ లాల్ నెహ్రూ యూనివర్సిటీ నుండి అంతర్జాతీయ రాజకీయాలలో పోస్టుగ్రాడ్యుయేట్ డిగ్రీని పొందింది. ఈమె విద్యార్థి దశలోనే నాటకాలలోను, వకృత్వంలోను, క్రికెట్ క్రీడలోను క్రియాశీలకంగా ఉండేది. ఈమె "అదుర్స్" అనే టి.వి.టాలెంట్ షోలో న్యాయనిర్ణేతగా వ్యవహరించింది.
వృత్తి[మార్చు]
ఈమె ఒక మిత్రుని ద్వారా గుణ్ణం గంగరాజుకు పరిచయమయ్యింది. అతనివద్ద దర్శక విభాగంలో లిటిల్ సోల్జర్స్ సినిమాకు పనిచేసింది. లిటిల్ సోల్జర్స్ తరువాత ఛాయాగ్రాహకుడు ఎల్లోర్ రసూల్ ద్వారా కృష్ణవంశీ కి పరిచయం చేయబడింది. కానీ కృష్ణవంశీ ఆమెను తన టీంలో చేర్చుకోలేదు. ఒక సంవత్సరం ఖాళీగా ఉన్న తర్వాత ఈమెకు కన్నడ చిత్రం "శాంతి శాంతి శాంతి"లో పనిచేయడానికి అవకాశం లభించింది. రమ్యకృష్ణ ఒత్తిడి చేయడంతో కృష్ణవంశీ ఈమెను తన తరువాతి సినిమా చంద్రలేఖలో తీసుకున్నాడు. ఆ తరువాత ఈమె కృష్ణవంశీ టీములో ముఖ్యవ్యక్తిగా మారిపోయి చంద్రలేఖ నుండి శక్తి (అంతఃపురం సినిమాకు హిందీ రీమేక్) వరకు దర్శకత్వశాఖలో పనిచేసింది. పిమ్మట కృష్ణవంశీ ఈమెను దగ్గుబాటి సురేష్‌బాబు కు పరిచయం చేయడంతో సురేష్ ప్రొడక్షన్స్ లో మూడు సంవత్సరాలు పనిచేసింది. ఈమె సురేష్ ప్రొడక్షన్స్ సినిమా ఒక దానికి దర్శకురాలిగా పనిచేయవలసి ఉంది కానీ కారణాంతరాలవల్ల అది కార్యరూపం దాల్చలేదు.
ఫిల్మోగ్రఫీ[మార్చు]
| సంవత్సరం | సినిమా | నటీనటులు | వివరాలు |
|---|---|---|---|
| 2011 | అలా మొదలైంది | నాని, నిత్యా మీనన్, స్నేహా ఉల్లాల్,కృతి కర్బంద, రోహిణి,ఉప్పలపాటి నారాయణరావు, ఆశిష్ విద్యార్థి, తాగుబోతు రమేశ్ | ఉత్తమ నూతన దర్శకురాలిగా నంది పురస్కారం ఉత్తమ దర్శకుడు ఫిలిం ఫేర్ అవార్డు - తెలుగుకు నామినేషన్ |
| 2013 | జబర్‌దస్త్ | సిద్ధార్థ్, సమంత, నిత్యా మీనన్ | |
| 2016 | కళ్యాణ వైభోగమే | నాగశౌర్య,మాళవికా నాయర్, రాశి, తాగుబోతు రమేష్, గీతా సింగ్ |
అవార్డులు[మార్చు]
- 2010 అలా మొదలైంది సినిమాకు నంది ఉత్తమ నూతన దర్శకునికి నంది పురస్కారం[3]
- 2011 అలా మొదలైంది సినిమాకు హైదరాబాద్ టైమ్స్ ఫిలిం అవార్డ్స్ - ఉత్తమ స్క్రీన్ ప్లే[4]
మూలాలు[మార్చు]
- ↑ "Tollywood gives kiss a miss - The Times of India". Timesofindia.indiatimes.com. 2003-09-15. Retrieved 2012-10-29.
- ↑ M. L. Narasimham (2010-07-22). "Arts / Cinema : Charm of romantic comedies". The Hindu. Retrieved 2012-10-29.
- ↑ "Nandi awards 2010 announced - Telugu cinema news". Idlebrain.com. 2011-08-05. Retrieved 2012-10-29.
- ↑ "The Hyderabad Times Film Awards 2011". Articles.timesofindia.indiatimes.com. Retrieved 24 June 2012.
బయటిలింకులు[మార్చు]
- ఇంటర్నెట్ మూవీ డేటాబేసు లో నందినీ రెడ్డి పేజీ
