Coordinates: 15°57′30″N 80°57′27″E / 15.958300°N 80.957453°E / 15.958300; 80.957453

భావదేవరపల్లి

వికీపీడియా నుండి
Jump to navigation Jump to search
భావదేవరపల్లి
—  రెవెన్యూ గ్రామం  —
భావదేవరపల్లి is located in Andhra Pradesh
భావదేవరపల్లి
భావదేవరపల్లి
ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు: 15°57′30″N 80°57′27″E / 15.958300°N 80.957453°E / 15.958300; 80.957453
రాష్ట్రం ఆంధ్రప్రదేశ్
జిల్లా కృష్ణా
మండలం నాగాయలంక
ప్రభుత్వం
 - సర్పంచి
జనాభా (2011)
 - మొత్తం 3,061
 - పురుషులు 1,649
 - స్త్రీలు 1,412
 - గృహాల సంఖ్య 919
పిన్ కోడ్ 521 120
ఎస్.టి.డి కోడ్ 08671

భావదేవరపల్లి, కృష్ణా జిల్లా, నాగాయలంక మండలానికి చెందిన గ్రామం.ఇది మండల కేంద్రమైన నాగాయలంక నుండి 2 కి. మీ. దూరం లోను, సమీప పట్టణమైన మచిలీపట్నం నుండి 47 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 919 ఇళ్లతో, 3061 జనాభాతో 2428 హెక్టార్లలో విస్తరించి ఉంది. గ్రామంలో మగవారి సంఖ్య 1649, ఆడవారి సంఖ్య 1412. షెడ్యూల్డ్ కులాల సంఖ్య 175 కాగా షెడ్యూల్డ్ తెగల సంఖ్య 83. గ్రామ జనగణన లొకేషన్ కోడ్ 589780[1]

గ్రామం పేరు వెనుక చరిత్ర

[మార్చు]

ఈ గ్రామం అత్యంత పురాతన కాలానికి చెందిన గ్రామం. చాళుక్య రాజుల కాలం నుంచి ఈ గ్రామం చరిత్రలో ఉంది. భావనారాయణ స్వామి స్వయంభువై వెలసినందువలన ఈ గ్రామానికి భావదేవరపల్లి అనే పేరు స్థిరపడింది.

విద్యా సౌకర్యాలు

[మార్చు]

గ్రామంలో ప్రభుత్వ ప్రాథమిక పాఠశాలలు మూడు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.సమీప బాలబడి నాగాయలంకలో ఉంది.సమీప జూనియర్ కళాశాల నంగేగడ్డలోను, ప్రభుత్వ ఆర్ట్స్ / సైన్స్ డిగ్రీ కళాశాల నాగాయలంకలోనూ ఉన్నాయి. సమీప వైద్య కళాశాల విజయవాడలోను, మేనేజిమెంటు కళాశాల, పాలీటెక్నిక్‌లు మచిలీపట్నంలోనూ ఉన్నాయి. సమీప వృత్తి విద్యా శిక్షణ పాఠశాల చల్లపల్లిలోను, అనియత విద్యా కేంద్రం మచిలీపట్నంలోను, దివ్యాంగుల ప్రత్యేక పాఠశాల విజయవాడ లోనూ ఉన్నాయి.

మండలి వెంకటకృష్ణారావు మత్స్య పాలిటెక్నిక్ కళాశాల

[మార్చు]
  1. ఈ కళాశాల దేశంలోనే మొట్టమొదటి మత్స్య పాలిటెక్నిక్ కళాశాలగా గుర్తింపు పొందినది. ఈ కళాశాల విద్యార్థులు రైతులకు సాంకేతిక సేవలనందించుచూ, ఆక్వా పరిశ్రమ అభివృద్ధిలో పాలుపంచుకుంటున్నారు. విద్యార్థులతోపాటు రైతులకు గూడా ఈ సాంకేతిక పరిఙానం అందించుటకు నాబార్డ్, శ్రీ వేంకటేశ్వర వెటర్నరీ విశ్వవిద్యాలయం గూడా సహకారం అందించుచున్నారు. [6]
  2. రైతు శిక్షణా కేంద్రం:- ఈ కళాశాల ఆవరణలో 81 లక్షల రూపాయల వ్యయంతో నిర్మించనున్న ఈ కేంద్రం, విశ్రాంతి భవనాల సముదాయానికి 2015, డిసెంబరు-20వ తేదీనాడు శంకుస్థాపన నిర్వహించారు. [6]

జిల్లా పరిషత్తు ఉన్నతపాఠశాల

[మార్చు]

ఈ పాఠశాలలో, అండర్-17 విభాగంలో, ఎ.హరిత, బి.శిరీష, బి.కళ్యాణి అను విద్యార్థినులు మరియూ అండర్-14 విభాగంలో, డి.జ్యోతి, వి.నందిని, టి.సౌమ్య, చి.హెచ్.దిలీప్ అను విద్యార్థులు, రాష్ట్రస్థాయి ఖో-ఖో పోటీలకు ఎంపికైనారు. వీరు 2014, సెప్టెంబరు-27,28,29 తేదీలలో విశాఖపట్నంలో నిర్వహించే రాష్ట్రస్థాయి పోటీలలో కృష్ణా జిల్లా జట్టుకి ప్రాతినిధ్యం వహించెదరు. [3]ఈ పాఠశాల స్వర్ణోత్సవాలు, 2016, జనవరి-14వతేదీనాడు అత్యంత వైభవంగా నిర్వహించారు. [7]

వైద్య సౌకర్యం

[మార్చు]

ప్రభుత్వ వైద్య సౌకర్యం

[మార్చు]

భావదేవరపల్లిలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు.

సమీప ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

[మార్చు]

గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు ఉన్నారు.

తాగు నీరు

[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం

[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

[మార్చు]

భావదేవరపల్లిలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 కి.మీ. లోపు దూరంలో ఉన్నాయి. లాండ్ లైన్ టెలిఫోన్, మొబైల్ ఫోన్ మొదలైన సౌకర్యాలు ఉన్నాయి. పబ్లిక్ ఫోన్ ఆఫీసు, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి.

జాతీయ రహదారి, జిల్లా రహదారి గ్రామం గుండా పోతున్నాయి. ప్రధాన జిల్లా రహదారి గ్రామం నుండి 5 కి.మీ. లోపు దూరంలో ఉంది. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.అవనిగడ్డ, నాగాయలంక నుంచి బస్సు సౌకర్యం, ఆటోల సౌకర్యం ఉంది.నాగాయలంక, అవనిగడ్డ నుండి రోడ్డురవాణా సౌకర్యం కలదు రైల్వేస్టేషన్: గుంటూరు 71 కి.మీ.దూరంలో ఉంది.

మార్కెటింగు, బ్యాంకింగు

[మార్చు]

గ్రామంలో వాణిజ్య బ్యాంకు, సహకార బ్యాంకు ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.

ఆరోగ్యం, పోషణ, వినోద సౌకర్యాలు

[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 కి.మీ. లోపు దూరంలో ఉంది. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 5 కి.మీ.లోపు దూరంలో ఉన్నాయి.

విద్యుత్తు

[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 9 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

ప్రముఖులు

[మార్చు]
మండలి వెంకట కృష్ణారావు - అవనిగడ్డ శాసనసభ నియోజకవర్గం నుంచి 1972 లో ఏకగ్రీవంగా ఎన్నికైన శాసన సభ్యుడు, గాంధేయవాది. మాజీ రాష్ట్రమంత్రి
మండలి బుద్ధ ప్రసాద్ - ప్రముఖ రాజకీయ నాయకుడు.
  • మండలి బుద్ధ ప్రసాద్ - ప్రముఖ రాజకీయ నాయకుడు. ఆంధ్రప్రదేశ్ రాష్ట్ర ప్రభుత్వంలో మాజీ మంత్రి, తెలుగు భాషాభిమాని. ఆంధ్రప్రదేశ్ రాజకీయాలలో తనకంటూ ఒక ప్రత్యేక ముద్ర వేసుకున్న నాయకుడు.తెలుగు భాషా, సంస్కృతులపై ఆసక్తి గల వ్యక్తిగా సుపరిచితులు.
  • మండలి జనార్ధనరావు మండలి వెంకటకృష్ణారావుగారి సోదరులు. వీరు దాదాపు 30 సంవత్సరాలు సర్పంచిగానూ, 20 సంవత్సరాలు పి.యే.సి.ఎస్ అధ్యక్షులుగానూ సేవలందించారు. గ్రామాభివృద్ధికోసం విశేషంగా కృషిచేసారు. వీరు అనారోగ్యంతో, విజయవాడలోని ఒక ఆసుపత్రిలో చికిత్స పొందుచూ, 2017, జూలై-5న తుదిశ్వాస విడిచారు. [12]
  • మండలి ఉదయభాస్కర్
  • ముమ్మారెడ్ది సాంబశివరావు
దీవి గోపాలాచార్యులు -వైద్య శాస్త్రవేత్త, హిందూ సంప్రదాయ వైద్య పరిశోధకులు, ఆయుర్వేద పండితులు,
  • దీవి గోపాలాచార్యులు - (అక్టోబరు 10, 1872 - సెప్టెంబరు 29, 1920) వైద్య శాస్త్రవేత్త, హిందూ సంప్రదాయ వైద్య పరిశోధకులు, ఆయుర్వేద పండితులు, అఖిల భారత ఆయుర్వేద విద్యాపీఠానికి పూర్వాధ్యక్షులు. 1917లో అతను అఖిల భారతాయుర్వేద విద్యాపీఠానికి అధ్యక్షత వహించి దేశవ్యాప్తంగా ఆయుర్వేద అభివృద్ధికి కృషిచేశారు. వైద్యరత్న, ఆయుర్వేద మార్తాండ భిషఙ్మణి బిరుదు పొంది ప్రఖ్యాతిచెందారు.[2]

భూమి వినియోగం

[మార్చు]

భావదేవరపల్లిలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 397 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 2 హెక్టార్లు
  • తోటలు మొదలైనవి సాగవుతున్న భూమి: 1 హెక్టార్లు
  • వ్యవసాయం చేయదగ్గ బంజరు భూమి: 200 హెక్టార్లు
  • సాగులో లేని భూముల్లో బీడు భూములు కానివి: 151 హెక్టార్లు
  • బంజరు భూమి: 134 హెక్టార్లు
  • నికరంగా విత్తిన భూమి: 1540 హెక్టార్లు
  • వివిధ వనరుల నుండి సాగునీరు లభిస్తున్న భూమి: 1825 హెక్టార్లు

నీటిపారుదల సౌకర్యాలు

[మార్చు]

భావదేవరపల్లిలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 1825 హెక్టార్లు

ఉత్పత్తి

[మార్చు]

భావదేవరపల్లిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

[మార్చు]

వరి, మినుము

గ్రామంలో మౌలిక వసతులు

[మార్చు]
  1. పశు వైద్యశాల.
  2. ప్రాథమిక ఆరోగ్య కేంద్రం.
  3. పాలకేంద్రాలు.
  4. రక్షిత మంచినీటి సరఫరా, మినరల్ వాటర్ ప్లాంటు,
  5. సిండికేటు బ్యాంకు శాఖ:- ఈ బ్యాంకు శాఖ, 27-8-2015 నాడు, 34 సంవత్సరాలు పూర్తిచేసుకొని, 35వ సంవత్సరంలోనికి అడుగుపెట్టినది.
  6. అంగనవాడీ కేంద్రం:- ఈ గ్రామంలో, పంచాయతీ కార్యాలయం సమీపంలో, ఆరు లక్షల రూపాయల వ్యయంతో, ఈ కేంద్రానికి ఒక శాశ్వత భవన నిర్మాణం జరుగుచున్నది. [5]

గ్రామానికి వ్యవసాయం, సాగునీటి సౌకర్యం

[మార్చు]

మంచినీటి చెరువు. ఈ గ్రామంలో డెల్టా ఆధునికీకరణ పనులలో భాగంగా, 30 లక్షల రూపాయల వ్యయంతో నిర్మించిన ఒక భవనాన్ని, 2016, ఫిబ్రవరి-9న ప్రారంభించారు. భావదేవరపల్లి నుండి కమ్మనమోలు, పోటుమీద గ్రామాలకు వెళ్ళే పంటకాలువపై లస్కర్ కార్యాలయం, నివాసాలకు అనువుగా ఈ భవనాన్ని నిర్మించారు. [8]

గ్రామ పంచాయతీ

[మార్చు]
  1. పంచాయతీ కార్యాలయం.
  2. 2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి మండలి బేబీ సరోజిని, సర్పంచిగా ఎన్నికైనారు. [2]

దర్శనీయ ప్రదేశాలు/దేవాలయాలు

[మార్చు]

శ్రీ భూనీళా రాజ్య లక్ష్మీ సమేత శ్రీ భావనారాయణ స్వామివారి దేవస్థానం

[మార్చు]

ప్రతి సంవత్సరం వైశాఖ పౌర్ణమికి జరిగే కళ్యాణోత్సవం ఒక ప్రత్యేకత. ధనుర్మాసంలో జరిగే వ్రతము, ముక్కోటి, కనుములకు స్వామివారి ఊరేగింపు, దేవీ నవరాత్రులు, వార్షిక పండుగలు పంతొమ్మిది ఎంతో వైభవంగా జరుగుతాయి. స్వామి వారికి 84 ఎకరాల 38 సెంట్లు మాగాణి భూమి ఉంది. అందులో 9 ఎకరాల 05 సెంట్లు మాగాణి భూమి భజంత్రీలకు ఇనాముగా ఇచ్చారు. మిగిలిన 75 ఎకరాల 33 సెంట్లు స్వామివారి ఆధీనంలోనే ఉంది. దీని ద్వారా సంవత్సరమునకు స్వామివారి ఆదాయం 1015 బస్తాలు.

శ్రీ ఉర్వేలమ్మ అమ్మవారి ఆలయం

[మార్చు]

ఈ ఆలయంలోని అమ్మవారు, భావదేవరపల్లి గ్రామస్థుల ఇలవేలుపుగా భక్తుల కొంగుబంగారంగా భాసిల్లుతునది. ఈ ఆలయం శిథిలావస్థకు చేరడంతో, 2015, మే-29వ తేదీ శుక్రవారంనాడు, నూతన ఆలయ నిర్మాణానికి, గ్రామంలోని భోగాది వంశీయులు శంకుస్థాపన నిర్వహించారు. [4]

ఈ ఆలయంలో అమ్మవారి వార్షిక జాతర మహోత్సవం, 2016, ఏప్రిల్-27వతేదీ, బుధవారం నుండి మే-1వతేదీ ఆదివారం వరకు, వైభవంగా నిర్వహించారు. [9]

శ్రీ అంకాలమ్మ తల్లి ఆలయం

[మార్చు]

శ్రీ అంకాలమ్మ తల్లి వార్షిక జాతర మహోత్సవం 2016, మే-9వ తేదీ ఆదివారం ఉదయం వైభవంగా ప్రారంభమైనది. [10]

గ్రామంలో ప్రధాన పంటలు

[మార్చు]

వరి ముఖ్యమైన పంట.

గ్రామంలో ప్రధాన వృత్తులు

[మార్చు]

దాదాపు 90 శాతం మంది ప్రజలు వ్యవసాయం పైనే ఆధారపడి జీవిస్తున్నారు.

గ్రామ విశేషాలు

[మార్చు]

2015-16 ఆర్థిక సంవత్స్రంలో, ఈ గ్రామం నుండి, ఐదు లక్షల రూపాయల ప్రీమియంతోపాటు, 100 పాలసీలు పూర్తికావడంతో, ఈ గ్రామాన్ని జీవత బీమా సంస్థ వారు బీమా గ్రామం గా గుర్తించారు. ఈ సందర్భంగా వారు ఈ గ్రామంలో అభివృద్ధి కార్యక్రమాల నిర్వహణ కోసం గ్రామ పంచాయతీకి 50 వేల రూపాయల నిధులు అందజేసినారు. [11]

గణాంకాలు

[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 3418. ఇందులో పురుషుల సంఖ్య 1788, స్త్రీల సంఖ్య 1630, గ్రామంలో నివాస గృహాలు 895 ఉన్నాయి. గ్రామ విస్తీర్ణం 2428 హెక్టారులు.

మూలాలు

[మార్చు]
  1. "Office of the Registrar General & Census Commissioner, India - Village amenities of 2011".
  2. డి., గోపాలాచార్యులు (1917). అభిభాషణము. చెన్నై.{{cite book}}: CS1 maint: location missing publisher (link)

వెలుపలి లింకులు

[మార్చు]

[2] ఈనాడు కృష్ణా/అవనిగడ్డ; 2014, జూన్-26; 7వపేజీ. [3] ఈనాడు కృష్ణా; 2014, సెప్టెంబరు-20; 6వపేజీ. [4] ఈనాడు కృష్ణా/అవనిగడ్డ; 2015, మే-30; 3వపేజీ. [5] ఈనాడు కృష్ణా/అవనిగడ్డ; 2015, ఆగస్టు-22; 2వపేజీ. [6] ఈనాడు అమరావతి; 2015, డిసెంబరు-21; 39వపేజీ. [7] ఈనాడు అమరావతి; 2016, జనవరి-15; 47వపేజీ. [8] ఈనాడు అమరావతి/అవనిగడ్డ; 2016, ఫిబ్రవరి-10; 2వపేజీ. [9] ఈనాడు అమరావతి/అవనిగడ్డ; 2016, మే-3; 2వపేజీ. [10] ఈనాడు అమరావతి/అవనిగడ్డ; 2016, మే-9; 1వపేజీ. [11] ఈనాడు అమరావతి/అవనిగడ్డ; 2017, ఫిబ్రవరి-18; 1వపేజీ. [12] ఈనాడు అమరావతి/అవనిగడ్డ; 2017, జూలై-6; 1వపేజీ.