గూడూరు (నెల్లూరు)

వికీపీడియా నుండి
(Gudur నుండి దారిమార్పు చెందింది)
Jump to navigation Jump to search

గూడూరు, ఆంధ్ర ప్రదేశ్ రాష్ట్రములోని శ్రీ పొట్టి శ్రీరాములు నెల్లూరు జిల్లాలోని పట్టణం. గూడూరు పట్టణం శ్రీ పొట్టి శ్రీరాములు నెల్లూరు జిల్లాలో వాణిజ్యపరంగా కూడా ప్రముఖమైనది. ఇక్కడ వ్యాపారంలో నిమ్మకాయలు, అభ్రకం (మైకా) ప్రధానమైనవి. గూడూరు పట్టణం రాష్ట్రంలోని అతిముఖ్యమైన రైల్వేజంక్షన్ లలో ఒకటి. గూడూరు పట్టణ జనాభా సుమారు 1,10,000.

చరిత్ర'[మార్చు]

ఈ పట్టణం చోళరాజుల కాలం నుండే ఉన్నట్లు తెలుస్తుంది. ఈ పట్టణంలోని అళగనాథ స్వామి వారి దేవాలయము చోళుల కాలంలో నిర్మింపబడినట్లు చెప్తారు. తదుపరి కాలంలో ఈ ఆలయం చుట్టుప్రక్కల ఊరు అభివృద్ధి చెందినదట. శాతవాహనులు, పల్లవులు, తెలుగు చోళులు, కాకతీయులు, విజయనగర రాజులు, గోల్కొండ నవాబులు మరియు వెంకటగిరి సంస్థానాధీశుల ఏలుబడిలో ఈ ప్రాంతం ఉండేది.

వాణిజ్యం[మార్చు]

నిమ్మకాయలు[మార్చు]

నిమ్మకాయలు ఇక్కడ ప్రధానమైన ఉత్పత్తి. గూడూరు చుట్టుప్రక్కల నిమ్మకాయల పంట విస్తారంగా సాగులో ఉంది. ఇక్కడి నుండి నిమ్మకాయలు రాష్ట్రంలోని పలు ప్రాంతాలకు ఎగుమతి చేయబడతాయి.

అభ్రకం(మైకా)[మార్చు]

కొంతకాలం కింద వరకూ ఇక్కడి మైకా గనులు కూడా వ్యాపారంలో ప్రముఖ పాత్ర వహించాయి. భారతదేశంలోనే రెండవ అతిపెద్ద మైకా గనులు గూడూరు పరిసర ప్రాంతాలలో ఉన్నాయి. ఇక్కడి మైకా గనులు 1,000 చ.అ. విస్తీర్ణంలో ఉన్నాయి. ఇక్కడ ముస్కోవైట్, క్వార్ట్జ్, ఫెల్డ్ స్పార్, వెర్మిక్యులైట్ రకముల మైకా లభిస్తుంది.

రొయ్యల సాగు[మార్చు]

గూడూరు పరిసర ప్రాంతాలలో రొయ్యల సాగు ఒక ప్రధాన ఆదాయ వనరు. ఇక్కడి రొయ్యలు వివిధ దేశాలకు ఎగుమతి చేయబడతాయి.

రవాణా సౌకర్యాలు[మార్చు]

రహదారి మార్గము[మార్చు]

గూడూరు పట్టణం చెన్నై - కోల్ కతా జాతీయ రహదారి (NH-5) మీద చెన్నై - నెల్లూరు నగరాల మధ్య ఉంది. ప్రస్తుతం ఈ రహదారి నాలుగు మార్గాలతో ఉంది. 2011 కల్లా ఇది ఆరు మార్గాలుగా విస్తరింపబడుతుంది. తిరుపతి, తిరుమల, విజయవాడ, చెన్నై, హైదరాబాదు, బెంగళూరు .. మొదలగు ప్రదేశములకు ఆంధ్రప్రదేశ్ రాష్ట్ర రోడ్డు రవాణా సంస్థ బస్సులు విరివిగా ఉన్నాయి.

రైలు మార్గము[మార్చు]

గూడూరు రైలు సముదాయము

గూడూరు జంక్షన్ చెన్నై - విజయవాడ మరియు తిరుపతి-విజయవాడ రైలు మార్గములో ప్రధాన కూడలి. ఈ స్టేషను నుండే చెన్నై, తిరుపతి లకు రైలు మార్గాలు వేరుపడతాయి. తిరుపతికి నేరుగా రైలు దొరకనప్పుడు చెన్నై మార్గంలో రైలు ఎక్కి గూడూరులో దిగితే స్టేషను బయటే తిరుపతి, తిరుమల లకు నేరుగా బస్సులు ఉంటాయి. ఇక్కడ నుండి తిరుపతి, విజయవాడ, చెన్నై, హైదరాబాదు, విశాఖపట్టణం, బెంగళూరు, న్యూఢిల్లి, హౌరా, తిరువనంతపురం, కన్యాకుమారి .. మొదలగు ప్రదేశములకు నిత్యం రైళ్ళ రాకపోకలు ఉన్నాయి.

శాసనసభ నియోజకవర్గం[మార్చు]

ప్రముఖులు[మార్చు]

ఆలయములు[మార్చు]

  • శ్రీ వరసిద్ధి వినాయక ఆలయం
  • శ్రీ అళగనాధ స్వామి ఆలయం
  • శ్రీ ప్రసన్న వేంకటేశ్వర ఆలయం
  • శ్రీ కృష్ణ ధర్మరాజ స్వామి ఆలయం
  • శ్రీ కోదండరామాలయం
  • శ్రీ చెన్నకేశవ స్వామి ఆలయం
  • శ్రీ మూలస్థానేశ్వర ఆలయం
  • శ్రీ వాసవీ కన్యకాపరమేశ్వరి ఆలయం
  • శ్రీ షిర్డి సాయిబాబా ఆలయం
  • జైన దేవాలయం
  • శ్రీ తాళ్ళమ్మ తల్లి ఆలయం (గూడూరు పుర దేవత)
  • శ్రీ రాజరాజేశ్వరి ఆలయం

విద్యాలయాలు[మార్చు]

గూడూరు పట్టణంలో అనేక ప్రైవేట్ పాఠశాలలు మరియు కళాశాలలు ఉన్నాయి. నాలుగు ప్రైవేట్ డిగ్రీ కళాశాలలు ఉన్నాయి.అవి. శ్రీ కరుణామయి ఢిగ్రీ కళాశాల, శ్రీ స్వర్ణాంధ్రభారతి ఢిగ్రీ కళాశాల, ఎస్.వి.ఆర్ట్స్ ఢిగ్రీ కళాశాల, విద్యాలయ ఢిగ్రీ కళాశాల.

పట్టణంలో రెండు ఇంజనీరింగ్ కళాశాలలు ఉన్నాయి. నారాయణ ఇంజనీరింగ్ కళాశాల, ఆదిశంకర ఇంజనీరింగ్ కళాశాల. ఇవి కాకుండా అనేక ప్రైవేట్ మరియు ప్రభుత్వ ఇంటర్ కళాశాలలు, పాఠశాలలు ఉన్నాయి.

మండలంలోని పట్టణాలు[మార్చు]

కోడ్స్[మార్చు]

  • పిన్ కోడ్: 524101
  • ఎస్.టీ.డీ.కోడ్: 08624
  • వాహనం రిజిస్ట్రేషన్ కోడ్: