అమృతవర్షిణి
అమృతవర్షిణి | |
|---|---|
 | |
| జననం | 1984 అక్టోబరు 8 |
| జాతీయత | భారతీయురాలు |
| వృత్తి | నటి |
| జీవిత భాగస్వామి | సోమిశెట్టి మధుసూదన చక్రపాణి |
| పిల్లలు | జాహ్నవి |
| తల్లిదండ్రులు | బుర్రా విజయదుర్గ |
అమృతవర్షిణి, ప్రముఖ రంగస్థల, టివీ, సినిమా నటీమణి. 2016 నంది నాటకోత్సవం లో యాది నాటికలోని నటనకుగానూ ఉత్తమ నటిగా నంది బహుమతిని అందుకుంది.[1] 2022లో వచ్చిన అలిపిరికి అల్లంత దూరంలో అనే సినిమాతో సినిమారంగంలోకి ప్రవేశించింది.[2]
జననం - విద్యాభ్యాసం
[మార్చు]అమృతవర్షిణి 1984, అక్టోబరు 8న ఆంధ్రప్రదేశ్ రాష్ట్రం, కృష్ణా జిల్లా లోని విజయవాడలో జన్మించింది. ఈమె అర్థశాస్త్రంలో ఎం.ఎ. చదివి,మానవ వనరుల శాస్త్రంలో ఎం.బి.ఏ.,[1] హిందీ లాంగ్వేజ్‌ పండిట్‌ (హెచ్‌పిటి) పూర్తిచేసి, ప్రస్తుతం నాగార్జున విశ్వవిద్యాలయంలో ఎంఎ థియేటర్‌ ఆర్ట్స్‌ రెండో ఏడాది చదువుతున్నది.
కుటుంబ నేపథ్యం
[మార్చు]అమృతవర్షిణి తల్లి బుర్రా విజయదుర్గ ప్రముఖ రంగస్థల నటి. విజయదుర్గ గతంలో చంద్రమతి, చింతామణి వంటి నాటకాల్లో నటించింది. రేడియో ఆర్టిస్ట్‌గానూ పనిచేసింది. అమృత వర్షిణి తాత ములుగు వీరభద్రరావు ప్రముఖ రంగస్థల నటుడు. ఆయన స్ఫూర్తితో అమృత నాటకరంగంలోకి ప్రవేశించింది. రామాంజనేయయుద్ధంలో రాముడు, కురుక్షేత్రంలో కృష్ణుడు, కార్యవర్థి బాలనాగమ్మ, చింతామణిలో బిళ్వమంగళుడు, భవానీశంకరుడు, భక్త కన్నప్పలో కైలాస్‌నాథాశాస్త్రిగా వీరభద్రరావు నటించాడు.[3]
రంగస్థల ప్రస్థానం
[మార్చు]2014 ఆగస్టులో 'కలహాల కాపురం' నాటికతో రంగస్థలంపై అడుగు పెట్టింది. ఇప్పటివరకు 700 నాటక, నాటికల ప్రదర్శనలలో పాల్గొంది. పలు సాంఘిక, పౌరాణిక, జానపద నాటికలు, నాటకాల్లో తన నటనా ప్రతిభకు ఉభయ తెలుగు రాష్ట్రాల్లో ఎంతో పేరుప్రఖ్యాతులు వచ్చాయి. అనేక పరిషత్తులలో ఉత్తమ నటిగా బహుమతులు, సత్కారాలు అందుకుంది. విజయవాడ ఆకాశవాణి కేంద్రంలో బి గ్రేడ్ కళాకారిణిగా గుర్తింపు పొందింది.[1]
అమృత వర్షిణి పౌరాణికం ‘పాదుక’లో కైక, ‘యయాతి’లో దేవయాని, భక్తకన్నప్పలో ‘నీలా’, హరిశ్చంద్రలో ‘చంద్రమతి’, బాలనాగమ్మలో ‘బాలనాగమ్మ’, ఝాన్సీ లక్ష్మీభాయిలో ‘ఝాన్సీ’, మాధవరంలో ‘గుండమ్మ’గా నటించింది. యాదిలో యాదమ్మ, గోమాలక్ష్మిలో వెంకటలక్ష్మి, బృందావనంలో సంధ్య, కొత్తలో అక్షయ పాత్రలలో గుర్తింపు పొందింది.
నటించినవి
[మార్చు]- నాటకాలు: బ్రతకనివ్వడండి, మదర్ థెరీసా, బృందావనం, ఇంటింటి కథ, లావాలో ఎర్రగులాబి, నేటిగాంధి, మనోనయనం, కలిసుంటాం అంతే,యధాప్రజా తథారాజా మొదలైన సాంఘిక నాటకాలు... భక్త కన్నప్ప, పాండవుద్యోగం, సత్యహరిశ్చంద్ర, ఝాన్సీ లక్ష్మీబాయి, బాలనాగమ్మ, చింతామణి మొదలైన పౌరాణిక నాటకాలు
- నాటికలు: యాది, గోవు మాలచ్చిమి, అక్షయ, మరో దేవాలయం, సౌందర్య భారతం,[4] నిశబ్ద సంకేతం. శిక్ష, బంగారం, భలే వాళ్లే వీళ్లు, అమృతవర్షిణి, యయాతి, కలహాల కాపురం, పెళ్ళి చేసి చూడు, ఆఖరి ఉత్తరం,[5] ఆశ్రయం, నేటి న్యాయం, పల్లె పడుచు, పంజరంలో పక్షులు, ఒక్కమాటేచాలు, సముద్రమంత సంతోషం, అక్క అలుగుడు..చెల్లి సణుగుడు, వామ్మో గుత్తొంకాయ్‌, నాలుగోవ సమస్య, త్రిజుడు, ఊ అంటావా ఉహూ అంటావా, అగ్నిసాక్షి[6]
దర్శకత్వం
[మార్చు]- నాన్నా నేనొచ్చేస్తా[7]
బహుమతులు
[మార్చు]* నంది బహుమతులు:
ఉత్తమ నటి - యాది, నంది నాటక పరిషత్తు - 2016 [8]
* గరుడ బహుమతులు:
- ఉత్తమ నటి - సౌందర్య భారతం, 2015
- ఉత్తమ నటి - యాది, 2016
- ఉత్తమ ద్వితీయ నటి - యయాతి (పౌరాణికం), 2016
* ఇతర బహుమతులు:
- ఉత్తమనటి - అక్షయ (నాటిక), 2015 (పరుచూరి రఘుబాబు స్మారక నాటక పరిషత్తు - 2015)
- ఉత్తమనటి - మరోదేవాలయం (2015), యాది (2016), గోవు మాలచ్చి (2017) (అప్పాజోశ్యుల విష్ణుంభోట్ల కుందాళం కళాపరిషత్తు, చిలకలూరిపేట)
- ఉత్తమనటి - యాది (నాటిక), 2016 (అక్కినేని నాగేశ్వర రావు నాటక కళాపరిషత్ - 2016, హైదరాబాద్)[9]
- ఉత్తమనటి - యాది (నాటిక), 9-11 ఏప్రిల్ 2016 (అభినయ నాటక పరిషత్, పొనుగుపాడు)
- ఉత్తమనటి - యాది (నాటిక), 2016 (ప్రగతి కళామండలి, సత్తెనపల్లి)[10]
- ఉత్తమనటి - యాది (నాటిక), 2016 (శార్వాణి, చైతన్య యువజన సంఘం, బి.గొనపపుట్టుగ, శ్రీకాకుళం జిల్లా)[11]
- ఉత్తమనటి - గోవు మాలచ్చిమి (నాటిక), 2017 (రంగస్థలి, నరసరావుపేట, గుంటూరు జిల్లా)[12]
- ఉత్తమనటి - గోవు మాలచ్చిమి (నాటిక), 2017 (తాడేపల్లిగూడెం ఉగాది నాటక పోటీలు)
- ఉత్తమనటి - గోవు మాలచ్చిమి (నాటిక), 2017 (పొన్నూరు కళాపరిషత్, పొన్నూరు. 18వ ఉభయ తెలుగు రాష్ట్రాల స్థాయి ఆహ్వాన నాటికల పోటీలు)
- ఉత్తమనటి - గోవు మాలచ్చిమి (నాటిక), 2017 (అల్లూరి సీతారామరాజు నాటక కళాపరిషత్, కాకినాడ. 19వ ఉభయ తెలుగు రాష్ట్రాల స్థాయి ఆహ్వాన నాటికల పోటీలు, జూలై 4-6, 2017)
- ప్రత్యేక బహుమతి - నాలుగోవ సమస్య (నాటిక) (అపర్ణ నాటక కళాపరిషత్, తాడిపత్రి, గొల్లప్రోలు మండలం, 2019 ఏప్రిల్ 5)[13]
- ఉత్తమనటి - అనుబంధం (నాటిక), 2019 (అక్కినేని నాగేశ్వర రావు నాటక కళాపరిషత్ - 2019, గుంటూరు)
- ఉత్తమ నటి - నాన్నా నేనొచ్చేస్తా (నాటిక) (2024 జనవరి 16-18, భోగాపురం కళాపరిషత్, భోగాపురం, కాకినాడ జిల్లా)[14]
పురస్కారాలు
[మార్చు]- మహానటి సావిత్రి పురస్కారం (2018, ఏప్రిల్ 18 కళారంజని నాటక అకాడమీ, భీమవరం, పశ్చిమ గోదావరి జిల్లా)
- జమునా రాయులు స్మారక పురస్కారం (2022)
- నటవిదూషీమణి పురస్కారం (2024 భోగాపురం కళాపరిషత్)
టీవిరంగం
[మార్చు]ఈటీవీలో ప్రసారమైన మనసు- మమత సీరియల్‌లో తల్లిపాత్రలోనూ, వసంత కోకిలలో కన్నింగ్‌ క్యారెక్టర్‌లోనూ నటించింది.[3]
సినిమారంగం
[మార్చు]- అలిపిరికి అల్లంత దూరంలో (2022)[15]
సామాజిక సేవ
[మార్చు]కోవిడ్ -19 సమయంలో నాటకరంగ కళాకారులు పడిన కష్టాలను చూసి చలించిన అమృతవర్షిణి, సంవత్సరానికి కనీసం ఒకరు లేదా ఇద్దరు కళాకారులకు సహాయం చేయాలని నిర్ణయించుకుంది. ఆ సంకల్పంతో తన సోదరి లహరి గుడివాడతో కలిసి 2022లో అమృతలహరి థియేటర్‌ ఆర్ట్స్‌ అండ్‌ వెల్ఫేర్‌ ఆర్గనైజేషన్‌ అనే సంస్థను స్థాపించింది. ఆ సంస్థ ద్వారా నాటకాలను ప్రదర్శించడంతోపాటు కొంతమంది మహిళలతో కలిసి ఊరగాయల తయారీ యూనిట్‌ను ప్రారంభించింది. అలా తయారుచేసిన వాటిని నాటక పోటీలు నిర్వహించే ప్రదేశాల్లో స్టాల్ పెట్టి, వాటి అమ్మకం ద్వారా వచ్చిన లాభాలతో నిరుపేద కళాకారులకు ఆర్థిక సాయాన్ని అందిస్తున్నది.[16]
చిత్రమాలిక
[మార్చు]-
యాది (నాటిక)లోని దృశ్యం -
యాది (నాటిక)లోని దృశ్యం
_04.jpg)
_07.jpg)
మూలాలు
[మార్చు]- ↑ 1.0 1.1 1.2 ఈనాడు, తెనాలి (8 March 2017). "విజేతలు".
{{cite journal}}: Cite journal requires|journal=(help) - ↑ "'అలిపిరికి అల్లంత దూరంలో' మూవీ రివ్యూ". Sakshi. 2022-11-18. Archived from the original on 2022-11-18. Retrieved 2022-11-22.
- ↑ 3.0 3.1 యడవెల్లి, శ్రీనివాస్‌ (2024-09-23). "విభన్న పాత్ర‌ల్లో అమృత ప్ర‌తిభ -". Nava Telangana. Archived from the original on 2024-09-24. Retrieved 2024-09-24.
- ↑ ప్రజాశక్తి. "సామాజిక స్పృహతో 'మరో దేవాలయం'". Retrieved 27 March 2017.
- ↑ ఆంధ్రజ్యోతి. "గుంటూరులో అలరించిన 'ఆఖరి ఉత్తరం' నాటకం". Retrieved 11 June 2017.
- ↑ "తెనాలిలో నాటికల పోటీలు; ఉత్తమ ప్రదర్శన 'వృద్ధోపనిషత్‌'". Sakshi. 2022-07-15. Archived from the original on 2022-07-18. Retrieved 2023-06-17.
- ↑ ABN (2023-04-02). "ఆకట్టుకున్న 'నాన్నా...నేనొచ్చేస్తా', 'మనసున మనసై' నాటిక ప్రదర్శనలు". Andhrajyothy Telugu News. Archived from the original on 2023-04-02. Retrieved 2024-01-20.
- ↑ ఆంధ్ర ప్రదేశ్ రాష్ట్ర చలనచిత్ర టీవీ నాటకరంగ అభివృద్ధి సంస్థ. "నంది పురస్కారం 2016". www.apsftvtdc.in. Retrieved 20 July 2017.[permanent dead link]
- ↑ సినీవినోదం. "నారాయణమూర్తి కి అక్కినేని పురస్కారం". www.cinevinodam.com. Archived from the original on 18 November 2016. Retrieved 7 October 2016.
- ↑ ఈనాడు, సత్తెనపల్లి, May 3, 2016
- ↑ డైలీ హంట్. "సమాజానికి జీవనాడి నాటకరంగం". dailyhunt.in. Retrieved 7 October 2016.
- ↑ ఆంధ్రజ్యోతి, హోమ్, సాహిత్య వార్తలు. "ముగిసిన రంగస్థలి నాటిక పోటీలు". Retrieved 27 March 2017.
{{cite news}}: CS1 maint: multiple names: authors list (link) - ↑ ప్రజాశక్తి, జిల్లాలు (5 April 2019). "ముగిసిన రాష్ట్ర స్థాయి నాటక పోటీలు". www.prajasakti.com. Archived from the original on 7 August 2019. Retrieved 7 August 2019.
- ↑ ABN (2024-01-20). "భోగాపురంలో ముగిసిన జాతీయ నాటికల పోటీలు". Andhrajyothy Telugu News. Archived from the original on 2024-01-19. Retrieved 2024-01-20.
- ↑ "'అలిపిరికి అల్లంత దూరంలో' మూవీ రివ్యూ". Sakshi. 2022-11-18. Archived from the original on 2022-11-18. Retrieved 2022-11-22.
- ↑ PRASAD, VRS (2023-07-21). "Artistes extend helping hand to needy among them". www.thehansindia.com (in ఇంగ్లీష్). Archived from the original on 2023-07-22. Retrieved 2023-07-24.
ఇతర లింకులు
[మార్చు]