శర్వానంద్
శర్వానంద్ | |
|---|---|
 | |
| జననం | 1984 మార్చి 6[1] |
| ఇతర పేర్లు | ఆనంద |
| విద్య | బి.కామ్ |
| విద్యాసంస్థ | వెస్లీ కళాశాల, సికిందరాబాదు |
| ఎత్తు | 6'1 ft |
| జీవిత భాగస్వామి | రక్షితా రెడ్డి |
| తల్లిదండ్రులు |
|
| వెబ్‌సైటు | శర్వానంద్.కామ్ |
శర్వానంద్ తెలుగు చలనచిత్ర నటుడు.[2] గమ్యం, ప్రస్థానం చిత్రాలలోని నటనకు విమర్శకుల ప్రశంసలు పొందాడు. ఇతడు తమిళంలో కూడా నటించాడు.
బాల్యము
[మార్చు]విజయవాడలోని వీరి తాతగారింట్లో జన్మించాడు. పెరిగింది మాత్రం హైదరాబాద్‌లో. బేగంపేట్‌లోని హైదరాబాద్ పబ్లిక్ స్కూల్లో విద్యాభ్యాసం చేశాడు. అప్పుడు రాణా దగ్గుబాటి, రాంచరణ్ తేజ ఇతని క్లాస్‌మేట్స్‌గా ఉండేవాళ్లు. చాలా ఏళ్లు కలిసి చదువుకున్నా వీరి మధ్య ఎప్పుడూ సినిమాల ప్రస్తావన వచ్చేదికాదు. అప్పుడు ఎవరికీ వాటి గురించి అంత అవగాహన లేదు . ఇతనికి చదువు పట్ల ధ్యాస లేకుండేది. ఎప్పుడూ ఏదో ఒక కళా రంగంలోకి వెళ్లాలనుకునేవాడు. సబ్జెక్టుల కంటే సినిమా ఆలోచనలే ఎక్కువ. అందుకే స్కూల్లో డ్రామా, డాన్స్ పోటీల జాబితాలో ఇతని పేరే ముందుండేది. పరీక్షల ఫలితాల జాబితాలో చివరి స్థానంలో ఇతని పేరు ఉండేది. స్కూల్‌కి పంపిస్తే చాలా సార్లు కారులో నుంచీ, ఆటోలో నుంచీ దూకేసేవాడు. కానీ ఇతన్ని పెద్దలు బలవంతంగా స్కూల్లో దింపేసి వచ్చేవాళ్ళు. కానీ ఇతను అక్కణ్నుంచి ఎలాగోలా తప్పించుకుని సినిమాకు వెళ్ళేవాడు. పక్కనే ఉన్న ఆనంద్ థియేటర్‌లో క్రమం తప్పకుండా సినిమాలు చూసేవాడు.
విద్యాభ్యాసము
[మార్చు]నాన్న ప్రసాదరావు వ్యాపారవేత్త. అమ్మ వసుంధరాదేవి గృహిణి. అన్నయ్య కల్యాణ్, అక్క రాధిక.. ఇతనికి చదువుకొని ఉద్యోగం చేయడం కన్నా సినిమాలపైన ఎక్కువ ఇష్టముండేది. అందుకే ఇంటర్ పూర్తయ్యాక సినిమాల్లోకి వెళ్లాలనుందని ఇంట్లో చెప్పాడు. పదిహేడేళ్ల కుర్రాడు అలా మాట్లాడితే వేరే ఎవరైనా చాలా తేలిగ్గా తీసుకుంటారు. పిచ్చి ఆలోచనలు మానేసి చదువుకోమంటారు. అందరిలా వీళ్ళ అమ్మా, నాన్నా ఎప్పుడూ వాళ్ల ఆలోచనలు పిల్లలపై రుద్దలేదు. వీరి ఆలోచన ఏంటనీ అడగలేదు. చేసేది కరెక్ట్ అని పిల్లలకు అనిపిస్తే చాలు, ధైర్యంగా ముందుకెళ్లమనేవాళ్లు. సినిమాల విషయంలోనూ వాళ్లు అలానే అంటారన్న ధైర్యంతో విషయం చెప్పాడు. కానీ కనీసం డిగ్రీ అయినా పూర్తి చేయాలని వీళ్ళ అమ్మ ఒకేఒక్క షరతు పెట్టింది. ఒకే చెప్పి సికింద్రాబాద్ వెస్లీ కాలేజీలో బీకాంలో చేరిపోయాడు.
నిశ్చితార్థం & పెళ్లి
[మార్చు]శర్వానంద్ కు యూఎస్‌లో సాఫ్ట్‌వేర్ ఇంజినీర్‌గా పని చేస్తున్న రక్షితా రెడ్డితో 2023 జనవరి 26న హైదరాబాద్‌లోని ఓ హోటల్‌లో నిశ్చితార్థం జరిగింది.[3] రక్షిత రెడ్డి టీడీపీ నేత, మాజీ మంత్రి బొజ్జల గోపాలకృష్ణారెడ్డి మనవరాలు.[4] శర్వానంద్, రక్షితారెడ్డి వివాహం రాజస్థాన్, జైపూర్‌లోని లీలా ప్యాలెస్‌లో 2023 జూన్ 03న జరిగింది.[5]
నట జీవితము
[మార్చు]మొదటి అవకాశము
[మార్చు]ప్రతిరోజూ జూబ్లీహిల్స్‌లో బ్యాడ్మింటన్ సాధన చేసేవాడు. ప్రముఖ నటుడు ఆర్యన్ రాజేష్ కూడా అక్కడికే వచ్చేవాడు. అతడితో మాట్లాడినప్పుడు ముంబైలోని కిషోర్ నమిత్ కపూర్ నట శిక్షణాలయం గురించి చెప్పాడు. వెంటనే వెళ్లి అందులో చేరిపోయాడు. నాలుగు నెలల శిక్షణ తరవాత హైదరాబాద్‌కి వచ్చాడు. ఎలాగైనా నటుణ్ని అవ్వాలన్న ఆశ ఉంది కానీ అదెలాగో మాత్రం తెలీలేదు. పరిశ్రమలో పెద్దగా ఎవరితోనూ పరిచయం లేదు. దీంతో సొంతంగానే ప్రయత్నాలు మొదలుపెట్టాడు. ఇతని యాక్టింగ్ స్కూల్ పట్టా పెట్టుకొని నిర్మాణ సంస్థల ఆఫీసుల చుట్టూ తిరిగాడు. ఒక్కోచోట ఒక్కో మాట. అవకాశం మాత్రం ఎప్పుడూ రాలేదు. ఒకటీ, రెండ్రోజులు కాదు... ఏకంగా రెండేళ్లు అదే పని. ఎన్నో ఆడిషన్లూ, ఎందరో నిర్మాతలూ. ఫలితం మాత్రం లేదు. ఎందుకిలా జరుగుతోందీ, నా నటనలోనే ఏదైనా లోపం ఉందా అనుకునేవాడు. అప్పుడే తెలిసిన వాళ్లు వైజాగ్‌లోని సత్యానంద్ యాక్టింగ్ స్కూల్ గురించి చెప్పారు. అక్కడ శిక్షణ తీసుకుంటే అదృష్టం కలిసొస్తుందేమో అని వైజాగ్ బయల్దేరాడు. ఈసారి పరిస్థితి మారింది. ఓ నిర్మాతా, దర్శకుడూ నటుల కోసం వెతుకుతూ స్కూల్‌కు వచ్చారు. అక్కడ ఆడిషన్ తరవాత ఇతడిని ఎంపికచేసుకున్నారు. అలా పందొమ్మిదేళ్లకే హీరోగా అవకాశమొచ్చింది. కానీ ఏం లాభం... 'ఐదో తారీఖు' ఎలా వచ్చిందో అలానే పోయింది. పరిస్థితి మళ్లీ మొదటికే వచ్చింది.
మలి అవకాశాలు
[మార్చు]మొదట్లో యాక్టింగ్ స్కూల్ సర్టిఫికెట్ ఒకటే ఉండేది. కానీ ఈసారి ఒక సినిమా అనుభవం కూడా దొరికింది. ఆ విషయాన్నే నిర్మాతలకు చెప్పేవాడు. కానీ ఆ సినిమా గురించి ఎవరికీ పెద్దగా తెలీకపోవడంతో అవకాశాలు రాలేదు. ఆ సమయంలోనే 'గౌరీ' సినిమా ప్రారంభోత్సవానికి వెళ్ళినపుడు అక్కడ ఇతడిని గమనించిన దర్శకుడు రమణ, ఆ సినిమాలోనే హీరో స్నేహితుడిగా అవకాశమిచ్చారు. మొదటి సినిమాలో హీరో. రెండో సినిమాలో హీరో స్నేహితుడు. ఇది చేస్తే మళ్లీ ఎప్పటికి హీరో అవుతానో అనుకున్నాడు. కానీ చిత్ర పరిశ్రమలో కొనసాగాలంటే ఆ పాత్రకు ఒప్పుకోక తప్పని పరిస్థితి. అందుకే భవిష్యత్తు గురించి పక్కనబెట్టి నటించాడు. వెంటనే స్రవంతి రవికిషోర్ 'యువసేన' సినిమాలో నలుగురు హీరోల్లో ఒక పాత్ర ఇచ్చారు. అది హిట్టవడంతో మంచి పేరొచ్చింది కానీ సోలోగా అవకాశం రాలేదు. అప్పుడే 'శంకర్ దాదా ఎంబీబీఎస్'లో మరో పాత్ర. ఆ తరవాత 'సంక్రాంతి', 'లక్ష్మి' సినిమాల్లో వెంకటేష్ తమ్ముడిగా చేశాడు. 'రాజు మహారాజు'లో మోహన్‌బాబుతో కలిసి నటించాడు. పెద్ద హీరోల సినిమాలు చూసేవాళ్లు ఎక్కువ. వాళ్లతో నటించడం వల్ల ఇతడిని గుర్తుపట్టే వాళ్ల సంఖ్యా పెరిగింది. దీంతో మంచి పాత్రలు వెతుక్కుంటూ వచ్చాయి. హీరోగా ఇతని రీఎంట్రీకి పునాదులు వేసింది ఆ పాత్రలే. మధ్యలో ఓసారి చిరంజీవితో కలిసి 'థమ్స్ అప్' ప్రకటనలోనూ చేశాడు.
విజయ ప్రస్థానము
[మార్చు]'సంక్రాంతి' తరవాత 'వెన్నెల' సినిమాలో హీరోగా అవకాశం వచ్చింది. ఓ రకమైన సైకో పాత్ర అది. ఇతడు అన్ని రకాల పాత్రలూ చేయగలనని నిర్మాతలకు నమ్మకం కలిగించిన సినిమా అది. ఆ తరవాత వచ్చిన 'అమ్మ చెప్పింది'లో మానసికంగా ఎదగని కుర్రాడి పాత్ర. ఇతడు చేసిన వాటిల్లో చాలా కఠినమైంది అదే అని ఇతని అభిప్రాయము. 'గమ్యం'తో ఇతని నట జీవితము పూర్తిగా మారిపోయింది. నిజానికి ఆ సినిమా పూర్తవగానే కొన్నాళ్లు అమెరికా వెళ్లిపోయాడు. ఎందుకో సినీ జీవితము అనుకున్న విధంగా ముందుకెళ్లట్లేదేమో అనిపించింది. సినిమాలకు దూరమవ్వాలన్న ఆలోచనా వచ్చింది. కానీ గమ్యం ఇచ్చిన విజయంతో ఒత్తిడీ, నిరాశా అన్నీ ఎగిరిపోయాయి. ఆ తరవాత వెంటనే ప్రస్థానం. అదీ రొటీన్‌కు చాలా భిన్నమైన పాత్ర. ఇతని కంటే ఎక్కువ తెరమీద పాత్రే కనిపించాలి. ఆ చిత్రం కూడా విజయం సాధించడంతో నటుడిగా బాగా పేరు వచ్చింది . 'గమ్యం' తమిళ రీమేక్‌లోనూ నటించాడు. అక్కడా మంచి పేరుతో పాటు అవకాశాలొచ్చాయి. వాటిలో జర్నీ కథ బాగా నచ్చింది. నిజానికి అందులో చేసిన పాత్ర కోసం వేరే వ్యక్తిని అనుకున్నారు. నిర్మాత మురుగదాస్ ఇతనికి ముందే తెలుసు. అలాంటి కథలో నటించడమంటే ఇతనికి ఆసక్తి ఉందని చెప్పాడు. తరవాత ఏవో కారణాల వల్ల ఆ హీరో తప్పుకోవడంతో ఆ పాత్ర ఇతను పోషించాడు.తెలుగు, తమిళము రెండు భాషల్లోనూ అది విజయవంతమైనది.2014 లో వచ్చిన రన్ రాజా రన్ చిత్రంతో శర్వానంద్ ఒక స్టార్ గా ఎదిగాడు. మళ్ళీ మళ్ళీ ఇది రాని రోజు(2015) తో మళ్ళీ తన నటన తో మంచి మార్కులు సంపాదించాడు.2016 లో వచ్చిన ఎక్స్ప్రెస్ రాజా చిత్రం లో మాస్ కారెక్టర్ చేసి యూత్ లో మoచి ఫాలోయింగ్ సంపాదించుకున్నాడు.2017 లో శతమానం భవతి సినిమా తో మరొక భారీ విజయాన్ని సొంతం చేసుకున్నాడు.2017 వేసవి లో వచ్చిన రాధ సినిమా నిరాశ పరిచినా తన నటన తో ఆకట్టుకున్నాడు..అలాగే ఇప్పుడు మారుతి దర్శకత్వం లో మహానుభావుడు చిత్రం లో నటిస్తున్నాడు.
నటించిన చిత్రాలు
[మార్చు]| సంవత్సరం | సినిమా | పాత్ర | గమనికలు | మూ |
|---|---|---|---|---|
| 2004 | ఐధో తరీఖు | శర్వానంద్ | [6] | |
| గౌరీ | కృష్ణుడు | |||
| శంకర్ దాదా ఎం.బి.బి.ఎస్. | విజయ్ | |||
| యువసేన | అరవింద్ | |||
| 2005 | సంక్రాంతి | వంశీ | ||
| వెన్నెల | రితేష్ | |||
| 2006 | లక్ష్మి | లక్ష్మీ నారాయణ సవతి సోదరుడు | ||
| అమ్మ చెప్పింది | బోస్ | |||
| వీధి | సూర్య | |||
| 2007 | క్లాస్‌మేట్స్‌ | మురళి | ||
| 2008 | గమ్యం | అభిరామ్ | ||
| 2009 | కాధల్న సుమ్మ ఇల్లై | అభిరామ్ | తమిళ చిత్రం గమ్యం యొక్క పాక్షికంగా రీషాట్ వెర్షన్ | |
| నాలై నమధే | రాజు | తమిళ సినిమా | ||
| రాజు మహారాజు | కళ్యాణ్ | |||
| 2010 | అందరి బంధువయ | నందు | ||
| ప్రస్థానం | మిత్ర | |||
| 2011 | ఎంగేయుమ్ ఎప్పోదుమ్ | గౌతమ్ | తమిళ సినిమా
గెలుపొందారు — ఉత్తమ పురుష అరంగేట్రానికి SIIMA అవార్డు – తమిళం |
[7][8] |
| 2012 | నువ్వా నేనా | ఆనంద్ | ||
| కో అంటే కోటి | వంశీ | నిర్మాత కూడా | ||
| 2013 | సత్య 2 | సత్య | ||
| 2014 | రన్ రాజా రన్ | రాజా హరిశ్చంద్ర ప్రసాద్ | నామినేట్ చేయబడింది– ఉత్తమ నటుడిగా ఫిల్మ్‌ఫేర్ అవార్డు - తెలుగు | |
| 2015 | మళ్ళీ మళ్ళీ ఇది రాని రోజు | రాజా రామ్ | గెలుచుకుంది– నంది స్పెషల్ జ్యూరీ అవార్డు | [9] |
| JK ఎనుమ్ నన్బనిన్ వాఙ్కై | జయకుమార్ "జెకె" | తమిళ సినిమా | ||
| 2016 | ఎక్స్ప్రెస్ రాజా | రాజా | ||
| రాజాధి రాజా | జయకుమార్ "జెకె" | JK ఎనుమ్ నాన్‌బానిన్ వాజ్‌కై పాక్షికంగా రీషాట్ వెర్షన్ | ||
| 2017 | శతమానంభవతి | రాజు | ||
| రాధ | ఎస్‌ఐ రాధాకృష్ణ | 25వ సినిమా | [10] | |
| మహానుభావుడు | ఆనంద్ | |||
| 2018 | పడి పడి లేచె మనసు | సూర్య | ||
| 2019 | రణరంగం | దేవా | ||
| 2020 | జాను | కె. రామచంద్ర "రామ్" | ||
| 2021 | శ్రీకారం | కార్తీక్ | ||
| మహా సముద్రం | అర్జున్ | [11] | ||
| 2022 | ఆడవాళ్ళు మీకు జోహార్లు | చిరు | [12] | |
| ఒకే ఒక జీవితం | అధి అలియాస్ కుట్లు | తెలుగు - తమిళ ద్విభాషా చిత్రం | [13] | |
| 2024 | మనమే † | చిత్రీకరణ | [14] |
నిర్మాతగా
[మార్చు]| సంవత్సరం | సినిమా | పాత్ర | గమనికలు |
|---|---|---|---|
| 2012 | కో అంటే కోటి | నిర్మాత | సర్వా ఆర్ట్స్ ప్రొడక్షన్ |
అవార్డులు & నామినేషన్లు
[మార్చు]| సంవత్సరం | అవార్డు | వర్గం | సినిమా | ఫలితం | మూ |
|---|---|---|---|---|---|
| 2012 | 1వ సౌత్ ఇండియన్ ఇంటర్నేషనల్ మూవీ అవార్డ్స్ | ఉత్తమ పురుష అరంగేట్రం - తమిళం | ఎంగేయుమ్ ఎప్పోతుమ్ | గెలిచింది | [15] |
| 2015 | 62వ ఫిల్మ్‌ఫేర్ అవార్డ్స్ సౌత్ | ఉత్తమ నటుడు - తెలుగు | రన్ రాజా రన్ | నామినేట్ చేయబడింది | [16] |
| నంది అవార్డులు | నంది స్పెషల్ జ్యూరీ అవార్డు | మళ్ళీ మళ్ళీ ఇది రాని రోజు | గెలిచింది | [17] |
మూలాలు
[మార్చు]- ↑ "Sharwanand: అందుకే శర్వానంద్ ఆ హిట్‌ మూవీకి 'నో' చెప్పారు.. సెకండ్‌ ఛాన్స్‌లోనూ". EENADU. Retrieved 2024-03-06.
- ↑ మహమ్మద్, అన్వర్ (20 May 2018). "కేరళ కుట్టీలు ప్రాణం పెట్టేస్తారు". eenadu.net. ఈనాడు. Archived from the original on 21 May 2018. Retrieved 21 May 2018.
- ↑ Mana Telangana (26 January 2023). "శర్వానంద్-రక్షిత రెడ్డి నిశ్చితార్థం..." Archived from the original on 28 January 2023. Retrieved 28 January 2023.
- ↑ V6 Velugu (26 January 2023). "ఘనంగా శర్వానంద్ నిశ్చితార్థం". Archived from the original on 28 January 2023. Retrieved 28 January 2023.
{{cite news}}: CS1 maint: numeric names: authors list (link) - ↑ Eenadu (4 June 2023). "మూడుముళ్లతో ఒక్కటైన శర్వానంద్-రక్షితా రెడ్డి". Archived from the original on 4 June 2023. Retrieved 4 June 2023.
- ↑ "Happy Birthday Sharwanand: Fans pour the Jaanu actor with wishes on Twitter as he turns 35". The Times of India (in ఇంగ్లీష్). Archived from the original on 11 March 2020. Retrieved 2021-08-13.
- ↑ "Award for Engeyum Eppodhum director". Behindwoods. Archived from the original on 7 January 2012. Retrieved 29 December 2011.
- ↑ "Engeyum Eppothum movie gets honored". Supergoodmovies.com. 8 డిసెంబరు 2011. Archived from the original on 17 జనవరి 2012. Retrieved 6 జనవరి 2012.
- ↑ "Nandi Film Awards G.O and Results 2015". APSFTVTDC. Archived from the original on 8 January 2021. Retrieved 2 January 2021.
- ↑ Rajamani, Radhika. "Sharwanand shoots for his 25th film". Rediff (in ఇంగ్లీష్). Archived from the original on 13 August 2021. Retrieved 2021-08-13.
- ↑ "From Sreekaram To Maha Samudram, 4 Upcoming Movies Of Sharwanand". The Times of India. 27 October 2020. Archived from the original on 24 April 2024. Retrieved 31 October 2020.
- ↑ "Title poster of Rashmika-Sharwanand film 'Aadavaallu Meeku Johaarlu' released". The News Minute. 2021-03-09. Archived from the original on 9 March 2021. Retrieved 2021-03-28.
- ↑ "Sharwanand's next titled Oke Oka Jeevitham". Cinema Express (in ఇంగ్లీష్). Archived from the original on 9 November 2021. Retrieved 2021-07-17.
- ↑ "Sharwanand announces next with Sriram Aditya; Pens heartfelt note on completing 20 years". PINKVILLA (in ఇంగ్లీష్). 2023-03-06. Archived from the original on 7 March 2023. Retrieved 2023-03-07.
- ↑ "SIIMA Awards 2012 Winners". South Indian International Movie Awards. Archived from the original on 6 July 2019. Retrieved 18 April 2020.
- ↑ "Winners of 62nd Britannia Filmfare Awards South". Filmfare. 27 June 2015. Archived from the original on 29 January 2016. Retrieved 27 June 2015.
- ↑ "Andhra Pradesh government announces Nandi awards for 2014-2016". The Times of India. 15 November 2017. Archived from the original on 22 December 2017. Retrieved 6 January 2023.