తిమ్మసముద్రం (నాగులుప్పలపాడు)

తిమ్మసముద్రం
—  రెవిన్యూ గ్రామం  —
తిమ్మసముద్రం
అక్షాంశరేఖాంశాలు: 15.6331°N 80.1486°E / 15.6331; 80.1486
రాష్ట్రం	ఆంధ్ర ప్రదేశ్
జిల్లా	ప్రకాశం జిల్లా
మండలం	నాగులుప్పలపాడు
ప్రభుత్వము
- సర్పంచి	శ్రీ కరణం రమేశ్
జనాభా (2011)
- మొత్తం	5,993
- పురుషుల సంఖ్య	3,041
- స్త్రీల సంఖ్య	2,952
- గృహాల సంఖ్య	1,127
పిన్ కోడ్	523185
ఎస్.టి.డి కోడ్	08594

తిమ్మసముద్రం, ప్రకాశం జిల్లా, నాగులుప్పలపాడు మండలానికి చెందిన గ్రామము.. పిన్ కోడ్: 523185. ఎస్.టి.డి.కోడ్: 08594.

గ్రామంలోని దర్శనీయ ప్రదేశములు/దేవాలయాలు

శ్రీ అభయాంజనేయస్వామివారి ఆలయం:- ఈ ఆలయ తృతీయ ప్రతిష్ఠా మహోత్సవాలు, 2015,మే నెల 4వతేదీ, వైశాఖ పౌర్ణమి, సోమవారం నాడు భక్తిశ్రద్ధలతో నిర్వహించారు. అనంతరం మహిళలు భజన కార్యక్రమం నిర్వహించారు. తరలి వచ్చిన భక్తులకు అన్నసంతర్పణ కార్యక్రమం నిర్వహించారు. [4]

తిమ్మసముద్రంలో శ్రీ గోరంట్ల సంస్కృత విద్యాపీఠము ఉంది.

గ్రామములోని ప్రముఖులు (నాడు/నేడు)

సినీ నటి వాసంతి, కరణం బలరాం స్వగ్రామం.

శ్రీ కె.సి.హెచ్.పున్నయ్య చౌదరి (కరణం చెంచు పున్నయ్య చౌదరి):- ఈ గ్రామంలో జనించిన వీరు ఇంకొల్లులో స్థిరపడినారు.వీరు, భారతదేశ బ్యాడ్మింటన్ సంఘం (బాయ్) కార్యదర్శి (టోర్నీలు) గానూ, ఆంధ్రప్రదేశ్ బ్యాడ్మింటన్ సంఘం (ఏ.పి.బి.ఏ) సి.ఈ.వో గానూ, పనిచేయుచున్న వీరు, 50 సంవత్సరాలనుండి, బ్యాడ్మింటన్ క్రీడకు సేవలందించుచున్నారు. వీరిని 2016లో బ్రెజిల్ దేశంలోని రియో-డి.జెనీరియో నగరంలో జరుగు ఒలింపిక్స్ క్రీడా పోటీలకు నామినేట్ చేసినట్లు బాయ్ ప్రకటించింది. వీరు 1983లో భారత్ నుండి తొలి అంతర్జాతీయ అంపైరుగా విధులు నిర్వహించారు. [5]

గ్రామ విశేషాలు

1. ఈ గ్రామంలో దాతల సహకారంతో 300 మొక్కల పంపిణీ చేపట్టినారు. ఒక్కో ట్రీ-గార్డు 500 రూపాయల చొప్పున ఒకటిన్నర లక్షల రూపాయలతో మొక్కల పెంపకానికి శ్రీకారం చుట్టినారు. ఈ ఏర్పాటు వలన గ్రామంలో పర్యావరణ పరిరక్షణకు అనుకూలంగా ఉంటుందని గ్రామస్థుల అభిలాష. [3]
2. ఈ గ్రామంలో స్థలదాత శ్రీ కరణం బ్రహ్మయ్యచౌదరి తోడ్పాటుతో, బి.సి.సంక్షేమ సంఘం ఆధ్వర్యంలో నూతనంగా బి.సి.విద్యార్థుల వసతిగృహం నిర్మించారు. గ్రామంలో 2014,నవంబరు-8న నిర్వహించు జన్మభూమి కార్యక్రమంలో దీనిని ప్రారంభించనున్నారు. [3]

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 6,991. ఇందులో పురుషుల సంఖ్య 3,599, మహిళల సంఖ్య 3,392, గ్రామంలో నివాస గృహాలు 1,683 ఉన్నాయి. గ్రామ విస్తీర్ణం 1,587 హెక్టారులు.

జనాభా (2011) - మొత్తం 5,993 - పురుషుల సంఖ్య 3,041 - స్త్రీల సంఖ్య 2,952 - గృహాల సంఖ్య 1,127

సమీప గ్రామాలు

వినోదరాయునిపాలెం 3 కి.మీ, మాచవరం 4 కి.మీ, దేవరంపాడు 4 కి.మీ, కనపర్తి 4 కి.మీ, అమ్మనబ్రోలు 6 కి.మీ.

సమీప పట్టణాలు

నాగులుప్పలపాడు 9.8 కి.మీ, చినగంజాం 12 కి.మీ, మద్దిపాడు 17.2 కి.మీ, ఒంగోలు 17.7 కి.మీ.

సమీప మండలాలు

ఉత్తరాన చినగంజాము మండలం, పశ్చిమాన మద్దిపాడు మండలం, దక్షణాన కొత్తపట్నం మండలం, పశ్చిమాన ఒంగోలు మండలం.

వెలుపలి లంకెలు

• గ్రామం గణాంకాల వివరణకు ఇక్కడ చూడండి.[1]

[2] ఈనాడు ప్రకాశం/సంతనూతలపాడు; జనవరి-5,2014;1వపేజీ. [3] ఈనాడు ప్రకాశం/సంతనూతలపాడు; 2014,నవంబరు-8; 1వపేజీ. [4] ఈనాడు ప్రకాశం/సంతనూతలపాడు; 2015,మే నెల-5వతేదీ; 3వపేజీ. [5] ఈనాడు ప్రకాశం; 2016,ఆగస్టు-3; 1,11 పేజీలు.