తెలంగాణ రాష్ట్ర సమితి

తెలంగాణ రాష్ట్ర సమితి
తెలంగాణ రాష్ట్ర సమితి
నాయకుడు	కె.చంద్రశేఖరరావు
స్థాపన తేదీ	2001 ఏప్రిల్ 27
ప్రధాన కార్యాలయం	బంజారా హిల్స్, హైదరాబాదు
పార్టీ పత్రిక	నమస్తే తెలంగాణా
రాజకీయ విధానం	తెలంగాణా వాదం
శాసనసభ	88 / 119
లోక్‌సభ	9 / 545
రాజ్యసభ	6 / 245
ఎన్నికల చిహ్నం
	కారు
Party flag
	పార్టీ చిహ్నం
Website
	http://www.trspartyonline.org/

తెలంగాణ రాష్ట్ర సమితి (తెరాస) ప్రత్యేక తెలంగాణ రాష్ట్ర స్థాపనే ఏకైక లక్ష్యంగా ఏర్పడింది. 2001 ఏప్రిల్ 27న కల్వకుంట్ల చంద్రశేఖరరావు (కేసీఆర్) అప్పటి ఆంధ్రప్రదేశ్ శాసనసభ ఉపసభాపతి పదవికి, శాసనసభా సభ్యత్వానికి, తెలుగుదేశం పార్టీ ప్రాథమిక సభ్యత్వానికి రాజీనామా చేసి వి. ప్రకాశ్ వంటి కొందరు నాయకులతో కలిసి తెరాసను ఏర్పాటు చేశాడు. ఆలె నరేంద్ర, సత్యనారాయణరెడ్డి, లాంటి కొందరు నాయకులు తెరాసను విడిచి వెళ్ళారు. నిజాం మనుమరాలు సలీమా బాషా (అస్మత్‌ బాషా కుమార్తె), ఆమె కుమార్తె రఫత్‌షా ఆజంపురాలు తెలంగాణకు మద్దతు ప్రకటించారు. పాతబస్తీలోని ముస్లిం వర్గాలు తెలంగాణకు వ్యతిరేకం కాదని అన్నారు.

2001 ఏప్రిల్‌ 27న కొండా లక్ష్మణ్ బాపూజీ నివాసం జలదృశ్యంలో టీఆర్ఎస్ పార్టీ పురుడు పోసుకుంది. సుదర్శన్‌ రావు, నాయిని నర్సింహారెడ్డి, హన్మంతరావు, గాదె ఇన్నయ్య , ప్రకాశ్‌, నిమ్మ నర్సిం హారెడ్డి, నారాయణరెడ్డి, గొట్టె భూపతి, మందాడి సత్యనారాయణరెడ్డి, హరీశ్‌ రావు తదితరులు ఆనాటి కార్యక్రమంలో పాల్గొ న్నా రు. సుమారు ఏడాదికిపైగా జలదృశ్యం లోనే టీఆర్‌ ఎస్‌ పార్టీ కార్యకలాపాలు సాగాయి. ఆ తరువాత తెలంగాణ రాష్ట్ర రాజకీయంలో ఈ పార్టీ ముఖ్యపాత్ర పోషించింది.

2001 మే 17న కరీంనగర్‌ ఎస్‌ ఆర్‌ ఆర్‌ కాలేజీ గ్రౌండ్‌లో నిర్వహించిన బహిరంగ సభ ఉమ్మడి ఏపీ రాజకీయాల్లో పెను మార్పులకు బీజం వేసింది. జేఎంఎం చీఫ్‌, అప్పటి జార్ఖండ్‌ సీఎం శిబూ సోరెన్‌ ఈ మీటింగ్‌కు చీఫ్‌ గెస్ట్‌‌గా హాజరయ్యారు. కొన్ని ఘటనల^[1] తరువాత తెలంగాణ రాష్ట్ర సమితి కార్యకలాపాలు నందినగర్, హైదరాబాద్ లోని కేసీఆర్‌ నివాసానికి మారాయి. ఆరు నెలల తర్వాత ఎమ్మెల్యే కాలనీలోని మాజీ మంత్రి వేదంతరావు ఇంటికి పార్టీ కార్యాలయాన్ని మార్చారు. 2004లో వైఎస్‌ ప్రభుత్వం బంజారాహిల్స్‌‌ రోడ్ నంబర్ 12లో ప్రస్తుతం తెలంగాణ భవన్ ఉన్న స్థలాన్ని టీఆర్‌ఎస్‌కు కేటాయించింది. ప్రస్తుతం క్యాంటీన్‌ నిర్మిస్తున్న స్థలంలో రేకుల షెడ్డు వేసి టీఆర్ఎస్ పార్టీ ఆఫీసు నిర్మాణాన్ని ప్రారంభించారు. 2006లో తెలంగాణ భవన్‌ను ప్రారంభించారు. ప్రస్తుతం ఈ పార్టీకి 60లక్షల మంది కార్యకర్తలు ఉన్నారు.^[2]^[3]

2022 అక్టోబరు 5న నిర్వహించిన తెలంగాణ రాష్ట్ర సమితి సర్వసభ్య సమావేశంలో పార్టీ పేరును భారత్ రాష్ట్ర సమితిగా మారుస్తూ తీర్మానించారు.^[4]^[5] 2022 డిసెంబరు 22న తెలంగాణ శాస‌న‌స‌భ‌, తెలంగాణ శాసనమండ‌లిలో తెలంగాణ రాష్ట్ర సమితి (టీఆర్ఎస్‌) ను భారత్ రాష్ట్ర సమితి (బీఆర్ఎస్‌) గా మారుస్తూ బులెటిన్ జారీ చేసింది. టీఆర్ఎస్ఎల్పీ ఇక నుంచి బీఆర్ఎస్ఎల్పీగా కార్య‌క‌లాపాలు నిర్వ‌హిస్తుంది.^[6]

ప్రత్యేక రాష్ట్ర ఉద్యమం

పార్టీకి సైద్ధాంతిక భూమిక కల్పించడం దగ్గర్నుంచి కార్యాచరణను నిర్దేశించడం వరకు, తెలంగాణ సమాజాన్ని, దేశ రాజకీయ వ్యవస్థ స్వభావాన్ని లోతుగా అధ్యయనం చేసి, అర్థం చేసుకుని, తెలంగాణ ఉద్యమ వ్యూహానికి రూపకల్పన చేశారు. స్ట్రీట్ ఫైట్‌ స్థానంలో స్టేట్ ఫైట్ ఉండాలని, అందుకు వాహకంగా ‌తెలంగాణ రాష్ట్ర సమితి (టీఆర్ఎస్‌ ) ని తీర్చిదిద్దారు. అప్పుటి తెలంగాణ రాజకీయ పరిస్థితుల్లో అదొక సాహసోపేతమైన సూత్రీకరణ. తెలంగాణ రాష్ట్ర సమితి 2004 ఎన్నికల్లో కాంగ్రెస్‌‌తో పొత్తు, నాటి కాంగ్రెస్‌ అధినేత్రి సోనియాతో కరీంనగర్‌లో ప్రత్యేక తెలంగాణ ఇస్తామని ప్రకటింపజేయడం, రాష్ట్రపతి ప్రసంగంలో తెలంగాణ అంశాన్ని చేర్చడం . యూపీఏ కామన్ మినిమమ్ ప్రోగ్రాంలో తెలంగాణ అంశం చేర్చడంలో టీఆర్ఎస్ విజయం సాధించింది. తెలంగాణకు అనుకూలంగా దాదాపు 36 పార్టీలు లేఖ ఇవ్వడంలో టీఆర్ఎస్ పార్టీ కృషి చేసింది.కేసీఆర్ చచ్చుడో తెలంగాణ వచ్చుడో’ అంటూ కేసీఆర్ ఆమరణ నిరహార దీక్షకు దిగారు.అతని దీక్షతో తెలంగాణలో ఉద్యమం ఉధృతం అయింది. దీంతో దిగివచ్చిన యూపీఏ2 ప్రభుత్వం తెలంగాణ ఏర్పాటు దిశగా ప్రక్రియ ప్రారంభిస్తామంటూ 2009 డిసెంబరు 9న ఒక ప్రకటన చేసింది. కానీ, కోస్తాంధ్ర, రాయలసీమ ప్రాంతాల నుంచి నిరసనలు వెల్లువెత్తడంతో డిసెంబరు 23న ఆ నిర్ణయాన్ని వెనక్కి తీసుకుంది.తెలంగాణ ఏర్పాటుపై అందరి అభిప్రాయాలను సేకరించేందుకు శ్రీకృష్ణ కమిటీని ఏర్పాటు చేసింది. ఈ దశలో టీఆర్ఎస్ మిగిలిన పార్టీలతో కలిసి తెలంగాణ పొలిటికల్ జాయింట్ యాక్షన్ కమిటీగా ఏర్పడింది. పొలిటికల్ జేఏసీ ప్రత్యేక తెలంగాణ కోసం కేంద్రంపై ఒత్తిడిని తీవ్రం చేసింది.^[7] 2010 డిసెంబరు 16న వరంగల్‌లో టీఆర్‌ఎస్‌ తలపెట్టిన మహా గర్జనకు 20 లక్షల మంది హాజరయ్యారు. శ్రీకృష్ణ కమిటీ నివేదిక సమర్పణ తరర్వాత 2011 జనవరి నుంచి టీఆర్‌ఎస్‌ అనేక ఆందోళన కార్యక్రమాలు చేపట్టింది. మొత్తం మీద రాష్ట్ర స్థాపనే ధ్యేయంగా పార్టీని స్థాపించిన ఉద్యమ నేత కేసీఆర్‌ రెండు సార్లు అధికారంలోకి వచ్చి ముఖ్యమంత్రిగా ప్రమాణ స్వీకారం చేశారు. తెలంగాణలోని సంఘాలు, విద్యార్థులు, రాజకీయ నేతల సహాయంతో ఉధృతంగా ఉద్యమం చేసి, ప్రత్యేక రాష్ట్రాన్ని సాధించిన టీఆర్ఎస్, ఈ క్రమంలో ఎన్నో ఆటుపోట్లను చవిచూసింది. తెలంగాణ రాష్ట్ర ఏర్పాటు తర్వాత పూర్తిస్థాయి రాజకీయ పార్టీగా మారింది.

తెలంగాణ బిల్లుకు ఆమోదం

తెలంగాణ రాష్ట్ర ఉద్యమంలో భాగంగా 2013 అక్టోబరులో తెలంగాణ బిల్లుకు కేంద్ర కేబినెట్‌ ఆమోదం తెలిపింది. 2014 ఫిబ్రవరి 18న లోక్‌సభ, 20న రాజ్యసభ ఆమోదం తెలిపింది. మరో వైపు 2014 ఏప్రిల్‌లో సాధారణ ఎన్నికలు జరుగగా, మే 16న ఫలితాలు వచ్చాయి. తెలంగాణలోని 119 అసెంబ్లీ స్థానాలకు గాను టీఆర్‌ఎస్‌ 63, 11లోక్‌సభ స్థానాలను గెలుపొందింది. దీంతో తెలంగాణలో జూన్‌ 2న రాష్ట్ర ఆవిర్భావంతో పాటు రాష్ట్ర తొలి ముఖ్యమంత్రిగా కేసీఆర్‌ ప్రమాణ స్వీకారం చేశారు. 2018 డిసెంబరులో తెలంగాణ అసెంబ్లీకి జరిగిన ఎన్నికల్లో టీఆర్‌ఎస్‌ 88 స్థానాల్లో గెలుపొంది రెండో సారి అధికారంలోకి రావడంతో కేసీఆర్‌ ముఖ్యమంత్రిగా ప్రమాణ స్వీకారం చేశాడు.

ప్లీనరీలు

తెలంగాణ రాష్ట్ర సమితి పార్టీ 20వ ఆవిర్భావ వేడుకలు హైదరాబాద్‌ హెచ్‌ఐసీసీలో అక్టోబరు 25న టీఆర్‌ఎస్‌ ప్లీనరీ నిర్వహించారు.^[8]^[9]
తెలంగాణ రాష్ట్ర సమితి పార్టీ 21వ ఆవిర్భావ వేడుకల్లో భాగంగా హైదరాబాద్‌ హెచ్‌ఐసీసీలో ఏప్రిల్ 27న టీఆర్‌ఎస్‌ ప్లీనరీ నిర్వహించారు.

ఎన్నికలు

2014 ఎన్నికలు

తెలంగాణ ఏర్పాటు బిల్లు ఆమోదం పొందిన తరువాత జరిగిన 2014 శాసనసభ ఎన్నికలో అత్యధిక స్థానాలు (119 సీట్లలో 63 స్థానాలు) గెలుపొంది కే.సి.ఆర్ ముఖ్యమంత్రిగా తెలంగాణాలో తొలి ప్రభుత్వం ఏర్పాటు చేసింది.^[10]^[11]

శాసనసభ ఎన్నికల ఫలితాలు

సంవత్సరం	ఎన్నికలు	గెలిచిన స్థానాలు	పోటీ చేసిన స్థానాలు	ధరావతు కోల్పోయిన స్థానాలు
2004	శాసనసభ	26 / 294	54	17^[12]
2008	శాసనసభ (ఉపఎన్నిక)	7	16	2^[13]
2009	శాసనసభ	10 / 294	45	13^[14]
2010	శాసనసభ (ఉపఎన్నిక)	11	11	0
2011	శాసనసభ (ఉపఎన్నిక)	1	1	0
2012	శాసనసభ (ఉపఎన్నిక)	4	5	0
2012	శాసనసభ (ఉపఎన్నిక)	1	1	0
2014	శాసనసభ	63 / 119	119	0^[14]
2019	శాసనసభ	88 / 119	119	0^[14]

లోక్‌సభ ఫలితాలు

2001లో ఆవిర్భవించిన తెలంగాణ రాష్ట్ర సమితి పార్టీ 2004 లో లోక్ సభ ఎన్నికల్లో కాంగ్రెస్ పార్టీతో జత కట్టి ఎన్నికల బరిలో దిగింది.ఆరు ఎంపీ స్థానాల్లో పోటి చేసి ఐదు చోట్ల విజయం సాధించింది. ఆనాడు కరీంనగర్ లోక్ సభ నియోజకవర్గంలో గెలిచిన చంద్రశేఖర్ రావు ఆ అర్వాత ఎంపీ పదవికి రాజీనామా చేశాడు.అదే స్థానంలో 2006, 2008 ఉప ఎన్నికలు రాగా రెండుసార్లు ఆయన విజయం సాధించాడు.

2009 లోక్ సభ ఎన్నికల్లో మహాకూటమి పోత్తులో భాగంగా తెరాస 9 స్థానాల్లో పోటి చేసి రెండు మాత్రమే గెలిచింది. 2014 లో రాష్ట్ర ఆవిర్భావం తర్వాత 17 లోక్ సభ స్థానాల్లోను పోటి చేసి11 చోట్ల మాత్రమే గెలిచింది. ఆనాడు కేసీఆర్ ఎమ్మెల్యేగా ఎన్నిక కావడంతో మెదక్ ఎంపీ స్థానానికి జరిగిన ఉప ఎన్నికల్లోనూ తెరాస పార్టీయే విజయం సాధించింది. 2014 లో వరంగల్ లోక్ సభ సభ్యునిగా గెలిచిన కడియం శ్రీహరి రాజీనామా చేయడంతో 2015 లో జరిగిన ఉప ఎన్నికలోనూ తెరాస పార్టీ గెలిచింది. 2019 లోక్ సభ ఎన్నికల్లో 17 స్థానాల్లో పోటీ చేసి 9 స్థానాల్లో విజయం సాధించింది.

సంవత్సరం	ఎన్నికలు	గెలిచిన స్థానాలు	పోటీ చేసిన స్థానాలు	ధరావతు కోల్పోయిన స్థానాలు
2004	లోక్‌సభ	5 / 42	22^[15]	17
2008	లోక్‌సభ (ఉపఎన్నిక)	2	4	0
2009	లోక్‌సభ	2 / 42	9	1 ^[16]
2014	లోక్‌సభ	11 / 17	17	0 ^[16]
2019	లోక్‌సభ	9 / 17	17	0 ^[16]

ఇవికూడా చూడండి

తెలంగాణ జాగరణ సేన

మూలాలు

↑ "TRS @ 19 : నేడు పార్టీ ఆవిర్భావ దినోత్సవం | V6 Velugu". the original నుండి 2019-05-30 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2020-04-27.
↑ "టీఆర్ఎస్ కార్యకర్తలు ఇండ్లపైనే జెండాలు ఎగరవేయాలి: కేటీఆర్". ntnews. 2020-04-26. ఒరిజినల్ పేజీని చూసిన తేదీ: 2020-04-27.
↑ Sakshi (27 April 2021). "TRS Foundation Day: ఉద్యమ పార్టీగా ప్రస్థానం." ఒరిజినల్ నుండి 27 ఏప్రిల్ 2021 న ఆర్కైవు చెయ్యబడింది. ఒరిజినల్ పేజీని చూసిన తేదీ: 27 April 2021.
↑ Namasthe Telangana (5 October 2022). "టీఆర్ఎస్.. ఇక భార‌త్ రాష్ట్ర స‌మితి". the original నుండి 5 October 2022 న ఆర్కైవు చెయ్యబడింది. ఒరిజినల్ పేజీని చూసిన తేదీ: 5 October 2022.
↑ "BRS: భారత్‌ రాష్ట్ర సమితి". EENADU. 2022-10-05. the original నుండి 2022-10-05 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2022-10-05.
↑ ABN (2022-12-22). "BRS: టీఆర్‌ఎస్‌ఎల్పీ పేరు బీఆర్‌ఎస్‌ఎల్పీగా మార్పు". Andhrajyothy Telugu News. the original నుండి 2022-12-22 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2022-12-24.
↑ కాసం, ప్రవీణ్ (2018-12-11). "టీఆర్ఎస్ ప్రస్థానం: పోరు నుంచి పాలన వరకు కారు జోరు". BBC News తెలుగు. ఒరిజినల్ పేజీని చూసిన తేదీ: 2020-04-27.
↑ Deccan Chronicle (22 October 2021). "Grand arrangements in place for TRS plenary on Oct 25" (in ఇంగ్లీష్). the original నుండి 28 April 2022 న ఆర్కైవు చెయ్యబడింది. ఒరిజినల్ పేజీని చూసిన తేదీ: 28 April 2022.
↑ Eenadu (25 October 2021). "ఇరవయ్యేళ్ల గులాబీ". the original నుండి 28 April 2022 న ఆర్కైవు చెయ్యబడింది. ఒరిజినల్ పేజీని చూసిన తేదీ: 28 April 2022.
↑ "TRS to form first government in Telangana". Rediff.com. ఒరిజినల్ పేజీని చూసిన తేదీ: 16 January 2015.
↑ "Yoga camp concludes". The Hindu. 12 April 2018.
↑ http://eci.nic.in/eci_main/StatisticalReports/SE_2004/StatisticalReports_AP_2004.pdf
↑ Front Page : TRS receives a setback in by-polls Archived 2011-11-15 at the Wayback Machine. The Hindu (2008-06-02). Retrieved on 2013-07-28.
1 2 3 http://eci.nic.in/eci_main/StatisticalReports/AE2009/Statistical_Report_AP2009.pdf
↑ "ఆర్కైవ్ నకలు" (PDF). the original (PDF) నుండి 2014-07-18 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2014-06-01.
1 2 3 http://eci.nic.in/eci_main/archiveofge2009/Stats/VOLI/13_PerformanceOfStateParty.pdf

https://archive.org/details/@brs_ysreddy/lists/6/telangana-charitra-kcr-interview-with-v.-prakash-journalist-

[1] "TRS @ 19 : నేడు పార్టీ ఆవిర్భావ దినోత్సవం | V6 Velugu". the original నుండి 2019-05-30 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2020-04-27.

[2] "టీఆర్ఎస్ కార్యకర్తలు ఇండ్లపైనే జెండాలు ఎగరవేయాలి: కేటీఆర్". ntnews. 2020-04-26. ఒరిజినల్ పేజీని చూసిన తేదీ: 2020-04-27.

[TRS_Foundation_Day:_ఉద్యమ_పార్టీగా_ప్రస్థానం..-3] Sakshi (27 April 2021). "TRS Foundation Day: ఉద్యమ పార్టీగా ప్రస్థానం." ఒరిజినల్ నుండి 27 ఏప్రిల్ 2021 న ఆర్కైవు చెయ్యబడింది. ఒరిజినల్ పేజీని చూసిన తేదీ: 27 April 2021.

[టీఆర్ఎస్.._ఇక_భార‌త్_రాష్ట్ర_స‌మితి-4] Namasthe Telangana (5 October 2022). "టీఆర్ఎస్.. ఇక భార‌త్ రాష్ట్ర స‌మితి". the original నుండి 5 October 2022 న ఆర్కైవు చెయ్యబడింది. ఒరిజినల్ పేజీని చూసిన తేదీ: 5 October 2022.

[:0-5] "BRS: భారత్‌ రాష్ట్ర సమితి". EENADU. 2022-10-05. the original నుండి 2022-10-05 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2022-10-05.

[6] ABN (2022-12-22). "BRS: టీఆర్‌ఎస్‌ఎల్పీ పేరు బీఆర్‌ఎస్‌ఎల్పీగా మార్పు". Andhrajyothy Telugu News. the original నుండి 2022-12-22 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2022-12-24.

[7] కాసం, ప్రవీణ్ (2018-12-11). "టీఆర్ఎస్ ప్రస్థానం: పోరు నుంచి పాలన వరకు కారు జోరు". BBC News తెలుగు. ఒరిజినల్ పేజీని చూసిన తేదీ: 2020-04-27.

[Grand_arrangements_in_place_for_TRS_plenary_on_Oct_25-8] Deccan Chronicle (22 October 2021). "Grand arrangements in place for TRS plenary on Oct 25" (in ఇంగ్లీష్). the original నుండి 28 April 2022 న ఆర్కైవు చెయ్యబడింది. ఒరిజినల్ పేజీని చూసిన తేదీ: 28 April 2022.

[ఇరవయ్యేళ్ల_గులాబీ-9] Eenadu (25 October 2021). "ఇరవయ్యేళ్ల గులాబీ". the original నుండి 28 April 2022 న ఆర్కైవు చెయ్యబడింది. ఒరిజినల్ పేజీని చూసిన తేదీ: 28 April 2022.

[10] "TRS to form first government in Telangana". Rediff.com. ఒరిజినల్ పేజీని చూసిన తేదీ: 16 January 2015.

[11] "Yoga camp concludes". The Hindu. 12 April 2018.

[12] ttp://eci.nic.in/eci_main/StatisticalReports/SE_2004/StatisticalReports_AP_2004.pdf

[13] Front Page : TRS receives a setback in by-polls Archived 2011-11-15 at the Wayback Machine. The Hindu (2008-06-02). Retrieved on 2013-07-28.

[eci.nic.in-14] 1 2 3 http://eci.nic.in/eci_main/StatisticalReports/AE2009/Statistical_Report_AP2009.pdf

[15] "ఆర్కైవ్ నకలు" (PDF). the original (PDF) నుండి 2014-07-18 న ఆర్కైవు చెయ్యబడింది. ఒరిజినల్ పేజీని చూసిన తేదీ: 2014-06-01.

[ReferenceA-16] 1 2 3 http://eci.nic.in/eci_main/archiveofge2009/Stats/VOLI/13_PerformanceOfStateParty.pdf

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

v t e భారత రాజకీయ పార్టీలు
జాతీయ పార్టీలు	భారతీయ జనతా పార్టీ భారత జాతీయ కాంగ్రెస్ బహుజన్ సమాజ్ పార్టీ ఆమ్ ఆద్మీ పార్టీ కమ్యూనిస్టు పార్టీ ఆఫ్ ఇండియా (మార్కిస్టు) భారత జాతీయ కాంగ్రెస్ నేషనల్ పీపుల్స్ పార్టీ స్వతంత్ర పార్టీ
రాష్ట్ర పార్టీలు	ఆల్ ఇండియా అన్నా ద్రవిడ మున్నేట్ర కజగం ఆల్ ఇండియా మజ్లిస్ ఎ ఇత్తెహాదుల్ ముస్లిమీన్ కమ్యూనిస్టు పార్టీ ఆఫ్ ఇండియా (సి.పి.ఐ) లోక్ జనశక్తి పార్టీ అఖిల భారత ఎన్ఆర్ కాంగ్రెస్ (ఏఐఎన్ఆర్‌సీ) తృణమూల్ కాంగ్రెస్ ఆల్ ఇండియా యునైటెడ్ డెమోక్రటిక్ ఫ్రంట్ అసోం గణ పరిషత్ శివసేన అప్నా దళ్ భారత్ రాష్ట్ర సమితి బిజూ జనతాదళ్ బోడోలాండ్ పీపుల్స్ ఫ్రంట్ కేరళ కాంగ్రెస్ (ఎం) ఆల్ జార్ఖండ్ స్టూడెంట్స్ యూనియన్ ఇండియన్ నేషనల్ లోక్‌దళ్‌ కమ్యూనిస్ట్ పార్టీ ఆఫ్ ఇండియా (మార్క్సిస్ట్-లెనినిస్ట్) లిబరేషన్ దేశీయ ముర్పోక్కు ద్రవిడ కజగం (డిఎండికె) ద్రవిడ మున్నేట్ర కజగం గోవా ఫార్వర్డ్ పార్టీ ఇండిజినస్ పీపుల్స్ ఫ్రంట్ ఆఫ్ త్రిపుర ఇండియన్ యూనియన్ ముస్లిం లీగ్ హిల్ స్టేట్ పీపుల్స్ డెమోక్రటిక్ పార్టీ జననాయక్ జనతా పార్టీ జమ్మూ కాశ్మీర్ నేషనల్ కాన్ఫరెన్స్ జమ్మూ కాశ్మీర్ నేషనల్ పాంథర్స్ పార్టీ మహారాష్ట్ర నవనిర్మాణ్ సేన జమ్మూ కాశ్మీర్ పీపుల్స్ డెమోక్రటిక్ పార్టీ జనతాదళ్ (సెక్యులర్) జనతాదళ్ (యునైటెడ్) నేషనలిస్ట్ డెమోక్రటిక్ ప్రోగ్రెసివ్ పార్టీ వాయిస్ ఆఫ్ ది పీపుల్ పార్టీ (మేఘాలయ) జార్ఖండ్ ముక్తి మోర్చా లోక్ జనశక్తి పార్టీ (రామ్ విలాస్) తెలుగుదేశం పార్టీ మహారాష్ట్రవాది గోమంతక్ పార్టీ మిజో నేషనల్ ఫ్రంట్ నాగా పీపుల్స్ ఫ్రంట్ నేషనలిస్ట్ కాంగ్రెస్ పార్టీ జనతా కాంగ్రెస్ ఛత్తీస్‌గఢ్ (జె) పీపుల్స్ పార్టీ ఆఫ్ అరుణాచల్ రాష్ట్రీయ జనతా దళ్ రాష్ట్రీయ లోక్ జనశక్తి పార్టీ రాష్ట్రీయ లోక్ తాంత్రిక్ పార్టీ రివల్యూషనరీ సోషలిస్ట్ పార్టీ శిరోమణి అకాలీదళ్ తిప్ర మోత పార్టీ శివసేన (ఉద్ధవ్ బాలాసాహెబ్ థాకరే) సిక్కిం డెమోక్రటిక్ ఫ్రంట్ సిక్కిం క్రాంతికారి మోర్చా యునైటెడ్ డెమోక్రటిక్ పార్టీ యునైటెడ్ పీపుల్స్ పార్టీ లిబరల్ భారతీయ సమ్మిళిత పార్టీ యువజన శ్రామిక రైతు కాంగ్రెస్ పార్టీ జోరమ్ పీపుల్స్ మూవ్‌మెంట్ సమాజ్ వాదీ పార్టీ జార్ఖండ్ లోక్తాంత్రిక్ క్రాంతికారి మోర్చా
గుర్తించబడని పార్టీలు	ఆల్ ఇండియా సమతువ మక్కల్ కట్చి ఆల్ ఇండియా ఫార్వర్డ్ బ్లాక్ అమ్మ మక్కల్ మున్నేట్ర కజగం అప్నా దళ్ (కామెరావాడి) ఆజాద్ సమాజ్ పార్టీ (కాన్షి రామ్) బహుజన్ ముక్తి పార్టీ భారీపా బహుజన్ మహాసంఘ్ భారతీయ గిరిజన పార్టీ జార్ఖండ్ పార్టీ కమ్యూనిస్టు మార్క్సిస్ట్ పార్టీ కాంగ్రెస్ (సెక్యులర్) డెమొక్రటిక్ ఆజాద్ పార్టీ డెమోక్రటిక్ సోషలిస్ట్ పార్టీ (ప్రబోధ్ చంద్ర) గోవా వికాస్ పార్టీ గోండ్వానా గణతంత్ర పార్టీ గూర్ఖా జనముక్తి మోర్చా హమ్రో సిక్కిం పార్టీ హిందుస్తానీ అవామ్ మోర్చా ఇండియన్ నేషనల్ లీగ్ జమ్మూ కాశ్మీర్ అప్నీ పార్టీ జమ్మూ కాశ్మీర్ పీపుల్స్ కాన్ఫరెన్స్ జమ్మూ కాశ్మీర్ వర్కర్స్ పార్టీ ఇక్క్‌జుట్ జమ్మూ జన్ అధికార్ పార్టీ (లోక్‌తాంత్రిక్) జననాయక్ జనతా పార్టీ జనసత్తా దళ్ (లోక్‌తంత్రిక్) కర్ణాటక ప్రజ్ఞావంత జనతా పార్టీ కేరళ కాంగ్రెస్ (బాలకృష్ణ పిళ్లై) కేరళ కాంగ్రెస్ (జాకబ్) కేరళ కాంగ్రెస్ (థామస్) లోక్ ఇన్సాఫ్ పార్టీ లోక్‌తాంత్రిక్ జనతా దళ్ మహాన్ దళ్ మరుమలార్చి ద్రవిడ మున్నేట్ర కజగం నిషాద్ పార్టీ మార్క్సిస్ట్ కో-ఆర్డినేషన్ కమిటీ నామ్ తమిళర్ కట్చి నేషనల్ సెక్యులర్ కాన్ఫరెన్స్ నేషనల్ డెవలప్‌మెంట్ ఫ్రంట్ పాట్టాళి మక్కల్ కట్చి పుతియ తమిళగం రైజోర్ దళ్ రాష్ట్రీయ లోక్‌తాంత్రిక్ పార్టీ రిపబ్లికన్ పార్టీ ఆఫ్ ఇండియా (అథవాలే) మక్కల్ నీది మయ్యం రాష్ట్రీయ సమాజ్ పక్ష శివ్ సంగ్రామ్ రివల్యూషనరీ సోషలిస్ట్ పార్టీ ఆఫ్ కేరళ (బోల్షెవిక్) రివల్యూషనరీ సోషలిస్ట్ పార్టీ (లెనినిస్ట్) సుహెల్‌దేవ్ భారతీయ సమాజ్ పార్టీ శిరోమణి అకాలీ దళ్ (డెమోక్రటిక్) స్వాభిమాని పక్ష స్వతంత్ర భారత్ పక్ష్ తమిళ మానిల కాంగ్రెస్ (మూపనార్) తమిళగ వెట్రి కళగం తెలంగాణ జన సమితి యునైటెడ్ గోన్స్ డెమోక్రటిక్ పార్టీ ఉత్తరాఖండ్ క్రాంతి దళ్ వంచిత్ బహుజన్ అఘాడి విదుతలై చిరుతైగల్ కట్చి వికాశీల్ ఇన్సాన్ పార్టీ వెల్ఫేర్ పార్టీ ఆఫ్ ఇండియా ఖున్ హైనియూట్రిప్ నేషనల్ అవేకనింగ్ మూవ్‌మెంట్ సిక్కిం నేషనల్ పీపుల్స్ పార్టీ సమాజ్‌వాది జనతా పార్టీ (రాష్ట్రీయ) సోషలిస్ట్ యూనిటీ సెంటర్ ఆఫ్ ఇండియా (కమ్యూనిస్టు)